ناوي على برادو فهل يعلق مثل الجكسار

[الشيخ هريدي]

السلاا عليكم ورحمة الله وبركاته
افزعوا لي يالربع كنت ناوي على برادو وبعد ان شاهدت تعليق الدعسه مع الطواله قلت اكيد ان البرادو مايسلم خصوصن ولان كلهن من عايلة لاند كروزر ولا احد يجي ويقول ماهو صحيح تعليق الدعسه وسالفة حادثت الطواله صحيح ميتين بالميه ويمكن تصير تسويات خارج المحكمة لمعرفتي بعايلتهم انه طلب عشرين مليون لتنازل

[Mr.GX-R]

وعليكم السلام ورحمة الله وبركاتة

لم يسمع على تعليق البرادو مثل gxr

وانا اشوف البرادو سيارة ولا ينقص عن اللاند او الباترول

بمعنى انه يستحق الاقتناء والتجربة

واسأل الله لي ولك التوفيق

[الشيخ هريدي]

الله يوفقك ياشيخ
اللي محيرني انه من عايلة لاند كروزر يمكن يجيه بلا ابوه الجكسار

[* ابو باسل *]

اشوف اليوكون والتاهو احسن من البرادو بكثير مكينه عزم وسع من الدخال مواصفات عاليه خاصه مع السعر المبالغ فيه للبرادو.

[الفيصل2009]

الله يوفقك ياشيخ
اللي محيرني انه من عايلة لاند كروزر يمكن يجيه بلا ابوه الجكسار


bO1uyMG_26g

:D:D
جدهم طلع يعلق الظاهر المرض وراثي ومعدي في نفس الوقت

[العد]

والله مايلس منهم ريال... وبكره اذكرك

و انه ليدفع قيمة الشنطة السوداء اللي ركبوها لموتره

واذا انت مقتنع بمشكلة الطوالة انحش عن تويوتا كلها لان الاندكروزر و البرادو والشاص والربع تطلع من مصنع واحد

وانصحك تاخذ نيسان او شفر اصرف

[محطم عنيد]

طال عمرك على ماسمعت وشاهدت وقرأت شف حطيت تحتها خط

إن البرادو مايدخل لأمريكا بسبب عدم توافر شروط ومعايير السلامة الأمريكية وأنه غير متوازن

وزي ماقالوا الإخوان سعره مبالغ فيه جدا جدا جدا

والله يكتب لك الخير في موترن يعزك ولا يعز عليك قل آممين

[الشيخ هريدي]

ابو باسل الله يجزاك بالخير ونصيحتك في محله الواحد يمكن ماتهمه نفسه بس البلا ليا ركبت لك عايله والا خوياك وطار بك200

[الشيخ هريدي]

الفيصل الله يعطيك العافيه انا يوم ولمت الفلوس ابي برادو كل من قابلت يقولون مانركب معك يعني اذا بغيت اسافر او اطلع للبر لحالي مع نفسي يقولون مأحد بايع عمره يركب معك

[الكامن]

والله ياخوك الروح ماهي لعبة وش لك ووش للخطوط المعلقة

ريح راسك وخذ نيسان والا شفر والله ماتسوى عليك كل ماركبت موترك قعدت توسوس

[دورانجو]

مثل ما يقول المثل


يمقن يعلق يمقن لا


واذا صامل وحالف
انصحك قبل تكمل اوراق المبايعه تكون مركب فاصل لطرمبة البنزين
موجود يوتيوب لشاب سعودي مركب فاصل ومسوي تجربه شوفها بالقسم
والله يعطيك خيره ويكفيك شره
وموفق خير

[الشيخ هريدي]

وعليكم السلام ورحمة الله وبركاته

اخوي مادري انت فاتح موضوع تستفسر ولا شان هجمة على التويوتا ;).. اللي يقرا كلامك يتحير ..

بتدفع مبلغ كبير والشك واصل حدك وخايف على اهلك وجاي تشاورنا :eek:

خل التويوتا على جنب وشف لك موتر ثاني ..:good2:

ليه دخنت كتفك انا استفسر وبنفس الوقت حتى لايجي واحد ويقول ماهي صحيح التعليق

وبعدين تويوتا تقرب لك او من جماعتكم كل هادفاع لجل كسرت حديد
رجاء مانبي رأي مندوبين مبيعات

[volcano7]

ليه دخنت كتفك انا استفسر وبنفس الوقت حتى لايجي واحد ويقول ماهي صحيح التعليق

وبعدين تويوتا تقرب لك او من جماعتكم كل هادفاع لجل كسرت حديد
رجاء مانبي رأي مندوبين مبيعات

ولد احترم نفسك :D

[- النشمي -]

اشوف اليوكون والتاهو احسن من البرادو بكثير مكينه عزم وسع من الدخال مواصفات عاليه خاصه مع السعر المبالغ فيه للبرادو.




ابو باسل جاب لك العلم وانا اضيف على الخيارات المطروحه الاكسبديشن والباترول


والله يكتب لك اللي فيه الخير

[ابونبيل]

ممتاز جدا

وخفيف

ويعجبك بالبر

[عبدالعزيز بن احمد]

شف وانا اخوك

نصيحتي خذ لك 2007 جكسار ولا فكسار ارخص واحسن واخف لك دم اسمع النصيحه


والله يكون بالعون

[شامخ ألهيلا]

احس الموضوع يبي يقبسسسسس

دام مايبون يركبون معك علي البرادو

مالك الا باترول او باجيروا
وقالو الشباب خذ لك يوكن

[zzzz1390]

اخوي انا معي برادو قير عايدي ومثبت سرعه افضل شيئ مستحيل يعلق لاني اقدر ادعس كلتش واخلي القير فاضي ويازينه بالطعوس وبالبر وبالمدينه ومريح والله اني ارتحت للسياره بعد مطامر بين الاكسبلور والتاهو وغيرها.