محتار ما بين مستعمل او جديد من الوكالة ساعدوني ..

[TS81]

السلام عليكم كيف الحال ان شاءلله تمام
هذه اول مرة اسجل في هل المنتدى واتمنى اجد منكم جواب لعل بالي يهدأ وماخاب من استشار
انا ناوي اشتري مستعمل تاهو فل كامل امريكي جمرك واتفقت مع احد الاصدقاء الي يمتلكون لأحد المعارض بالبحث عن موديل نظيف خصوصا اني راح اعطيه مبلغ كاش
المشكلة اني متوتر خصوصا ان السيارة مستخدمة في النهاية فقلت لو اشتري جديد وكالة تاهو ltz يكون افضل وبدفعة اولى لأني ماراح اقدر اقدم على كاش فقلت اقدم اقساط مع دفعة قوية عشان الاقساط ميسرة بس خوفي ايضا من المبالغ وعلى ان السيارة ليست ملكي بل الوكالة

فأيش رأيكم يا شباب هل اقدم جديد وكالة على الزيرو اقساط منتهي بالتمليك ام اقدم على المستعمل نظيف , وايش رأيكم ايش الافضل المستعمل السعودي ام الامريكي

شاكر لكم على وقتكم واتمنى اجد اجابات شافية واقتراحاتكم ..

[Abo gssar]

والله وانا اخوك الجديد مافيه مثله يريحك في كل شي خصوصا ان عليه ضمان هذا في حال انك قدرت عليه
مع اني اشوف المستخدم في حالتك افضل لانك تقدر تبيعه في حال ماجاز لك
لاتنسى الاستخارة والله يوفقك

[الكابتن]

والله وانا اخوك الجديد مافيه مثله يريحك في كل شي خصوصا ان عليه ضمان هذا في حال انك قدرت عليه
مع اني اشوف المستخدم في حالتك افضل لانك تقدر تبيعه في حال ماجاز لك
لاتنسى الاستخارة والله يوفقك:good::good::good:

[ابو رسيل2]

انصحك يالغالي تفر من الاجار المنتهي بالتمليك فرارك من الاسد

والله مشاكله كثيرة وسياراته كل يوم في مشكلة والحوادث 90% منها على سيارات الاجار المنتهي بالتمليك .

الشي الثاني اعطيك معلومة ان هيئة كبار العلماء اجتمعت ثلاث مرات وفي كل مره ما يصدرون بقرار ولكن اخر اجتماع اجمع كل العلماء على تحريمه بشتى طرقه ووسائلة وهذا هو الرابط .
http://www.saaid.net/fatwa/f29.htm

[عين حصنان]

انحششششششششششششش عن الاجار او الاقساااط والله ماترقد الليل من الدين

خذ مستعمل والسعودي اغلى من الامريكي

[TS81]

الله يعطيكم العافية شباب

شكلي بشوف المستعمل , بسر برأيكم السعودي افضل ولا الامريكي وايش تنصحوني لو اطلب نظيف ؟

وشئ آخر مهم , الست تعشيقات صحيح انه جاء في مودلات 2009 لكنه هل كان 6 تعشيقات في الامريكي منذ 2007 و 2008 ولا ايش تنصحوني بأفضل موديل بعده ؟!!

اعتذر عن الاسئلة , هذه اول مرة بشتري مستعمل والمبلغ بصراحة جمعته اكثر من سنة وفي شوي قلق

[TS81]

للرفــــــــــع

[dndon]

هلا بك ياغالي.

بالنسبة للامريكي انظف من السعودي بحكم نوعية القياده عندنا والشوارع واذا تبي بدبل فاحسن لك خذ امريكي لانه هناك يمكن مايستخدمونه الا الضروره بعكس عندنا.

اما قضيه التعشيقات الست ترى مو ذاك الفرق الواضح ولكن ميزة التحكم هي فيها اللي مهمه ، والامريكي مثل السعودي ست تعشيقات من 2009 واربع للموديلات الأقدم.

وأنا أنصحك بالمستخدم الأمريكي النظيف ودور وتركد وتصيد واذا ناسبك شيء حتى لو سعره زايد شوي لايفوتك.
و ارسل لي رقم شاصه أتاكد من وضعه مادام اشتراكي ساري المفعول في الاتو تشك وبعدها لاتنسى فحص الكمبيوتر الشامل.

بالتوفيق.

[ابومعتز99]

انا شريت 2008 تاهو بدبل امريكي قل كامل وبيوصل بعد شهر
اذا لك نظر راسلني عالخاص

[sgl2002]

انا ماعمري فكرت اخذ جديد
لانك لو فكرت تبيع بيخفس سعره


الاحسن رح المعارض ودور على راحتك الين ماتحصل واحد اخو الجديد وبسعر مناسب

[shaheenoo]

الجديد أحسن اذا تقدر عليه
اذا ما تقدر الا على المستعمل روح للسعودي
مشكلة الامريكي الازلية هي التبريد
صدقني اشتريت فكتوريا اخو الجديد وعانيت من حرارته
ما اسافر إلا بالليل
شوف اغلب الشركات تبيع بالاقساط
اذا راتبك زين والباقي منه يمشي امورك لا تحتار وقسط بس انتبه لا تتعدى 3 سنوات الا وانت مخلص ( من تجربه )
استخر والله يوفقك

[أبن مصاول]

لا ..لا.. للإستعمال الأمريكي فالأمريكان الله ياخذهم ما يفكون سيارتهم إلا وهي تافلة العافيه

ولو هي موديل السنه لأنهم إذا بغوا يبيعونها يفرغونها من قطعها الأصليه ويحطون فيها قطع غير أصليه.

وخاصة أسلاك الكهرباء والظفيره وكم سياره أستعمال أمريكي أحترقت أمامنا "أنا لوحدي شهدت ملا يقل عن خمس حالات" ومنها سيارة أخي .

أبعد عن الأمريكي بقدر المستطاع وأحرص على الخليجي والسعودي لأنها تأتي بمواصفات الخليج وخاصة في نظام التبريد وعدادت السرعه و الراديو وغيرها الكثير

[رفيق العرب]

والله يا طويل العمر ان الاقساط المنتهي بالتمليك
حرمه العلماء فكلام اخوي ابو رسيل 2 في محله
تاخد سياره بـ 10,000 ريال حلال
أفضل من سياره اقساك بـ 100,000
تقبلوا بمروري

[بربنجي]

اول شي استخير
ثم استشير
ثم اذا بغيت رايي الشخصي اشتر من الوكالة بشرط تكون اقساط وليس تاجير
عشان الحرام والحلال
نصيحة الحرام ما فيه بركه
الجديد ترتاج نفسيا انه ما تخرب بسرعة بعد توفيق الله
ضمانه على الوكالة والضمان بالله
هذا رايي والله اعلم
حفظك الله ورعاك

[بو شوق]

دور في صالة العوهلي سيارتهم حلوه . بس برضوا تأكد بارسال رقم الشاصي .
واذا أقتنعت في الموتر صلى صلاة أستخارة .
أنا خذيت موتر فورد فكتوريا صحيح فيه صبغ . بس موتر جامد الى من بعته وأموره ممتازه كأنه جديد. طبعا مومعنى كلامي كل سيارتهم ممتازة . شيك وشوف الى عجبك .