المساعد الشخصي الرقمي

مشاهدة النسخة كاملة : اللي يعرف شئ عن شعيب محارق يدخل...


هاه..؟
04/04/2006, 04:22 AM
السلام عليكم ورحمة الله وبركاته
ودي أعرف الدرب لمحارق وهل يسوى العنوة؟
المشراق
04/04/2006, 05:24 AM
خوي إن كنت من الرياض او حواليها تراه يسوى العنوة بس ترى مافيه ربيع لأن ما أحد ذكر أنه ربع هذه السنة وكله طلح وبطاحي يحبها قلبك وهو محمي والدخول له مسموح وطريقه هو طريق العيينه إذا جيت مع طريق صلبوخ من الرياض تجيك لوحة العيينة والجبيله ( وهو طريق الحيسية ) تفرق معه وتمشي حتى يجيج ريع سدوس (طلعة في الجبل ) وذلك بعد المزارع والبيوت وقبل ماتطلع أفرق يسار وأمسك اليمين ( الطريق المؤدي لسبع الملاف الذي يطلعك لطريق ضرما )حتى يجيك حاجز المحميه عليه حراسة المجاهدين الشعيب الي على يمناك تدخل مع البوابة الى على اليمين والثانية تودي لسبع الملاف وشعيب الحيسية قبل ماتاصل بشوي هو اللي على اليسار ولك تحياتي 0 أخوك المشراق
المستوي 1
04/04/2006, 09:47 AM
مافيه شيء غبار وبس
عمار السفينه
04/04/2006, 11:23 AM
.. الحين ما يستاهل ..
أبو سهيل
04/04/2006, 12:00 PM
أخوي المشراق :
أظنك توصف شعيب الخمرة وهاه يسأل عن محارق اللي جهة الحننة للتنويه أخي الكريم ...
وكما قال الأخوان مايستاهل العنوة إن كنت تبحث عن ربيع ...
المشراق
04/04/2006, 08:48 PM
أخي ابو سهيل كلامك صحيح وقد لبس علي الموضوع وأقدم اسفي للجميع وجزاك الله كل خير ومشكور على التوضبح والتصحيح بارك الله فيك وسدد مساعيك 0نعم المحارق شمال الحفنة ومثل ماقال الاخوان مايستاهل العنوة 0إلا وقت الدخل 0أخوك المشراق
مسافر1
04/04/2006, 09:04 PM
طريقه وأنت رايح للتنهات وقبل التنهات يجيك طريق الطيري ادخل معه واتجه بنفس الاتجاه حوالى 5ك الشعيب .. يصلح للترمي الآن فقط .. علماً أن ذلك في وقت الطيور .
هاه..؟
05/04/2006, 12:44 AM
الله يجزاكم خير كل باسمه
وأنا ودي أروح لربيع مهب للصيد
وما قصرتوا ياالنشامى
طيف الصمان
05/04/2006, 08:52 AM
هذا خريطة الوصول إلى شعيب محارق اتمنى لك رحلة سعيدة

http://www.mekshat.com/pix/upload/images7/mk13527_1.jpg
هاه..؟
06/04/2006, 12:09 PM
الله يجزاك خيـــــــــــــــرأخوي طيف الصمان
الصراحة ....
توصيف لا يعلى عليه واضح واضح واضح واضح جدا
وجزاك الله خير مرة ثانية