تحويل قير الفتق من اوتوماتيك الى عادي

[الاشعلي111]

السلام عليكم ورحمة الله
مساكم الله بالخير

احبابي معاي فتق 2003 ضرب معاي القير الاوتوماتيك
قلت ابغيره الى عادي بالقصيم لكن تكفون منه الي يضبط زي الشغلات هذي
وكم التكلفه
تكفووون يالنشاما الموتر نظيف وكاله وماودي افرط به
ارجو الافاده

[راكب الشفر]

وش فتق..؟؟؟

[كم كيلو باقي]

اخونا يقصد فتك

[ابو ماجد vtc]

السلام عليكم
اخوي الاشعلي شوف ايش نوع القير اللي تريد تركيبه
انا سمعت ان القير القديم حق الباترول الـ97م وأقل افضل من اللي بعده يقولون ان ما فيه صوت حنين مثل قير الـ 98 وبرضه اقل صوت حنين من قير الفتك العادي لكن وين بتلقى قير الـ 97م النظيف هذا على حسب سمعي من الناس لكن لعل الشباب يفيدونك ان شاء الله واسأل اصحاب الورشات
والورشات هن ورشة العثمان وورشة عبد العزيز الخضيرهذا اللي اعرف وارجو ان اكون افدتك وارجو ان تتأكد زياده . وشكرا