الوالد يشاوركم بالموتر

[كثير السؤال]

السلام عليكم اخواني الكرام

الوالد يشاوركم بموتر والمسأله جد ياجماعة الخير لان بعض الاعضاء يحط مثل المواضيع ذي تقضية وقت او ماشابه

ياجماعة الخير حده 80 ويبي جيب او سياره عائليه به دبل
جديد مايبي مستعمل ومثلكم خابرين 80 الف ماعاد تسوي شي بس عاد الشكوى لله

والوالد نظامه يكرف الموتر عشر سنين قدام يعني مب راعي بيع وشراء مايهمه سعر بعد البيع
وان شاء الله خلال شهر شاري باذن الله لان الموتر اللي معه ماعاد به حيل لزوم يحلته
والله يعطيكم العافيه

[بن نويشر]

أخبر فيه جيوب صناعة صينية مدري هندية وكالتهم على طريق خريص .. رح شفهم يمكن يصلح شي للوالد ..

وفيه توسكان سيارة كورية من هيونداي تجي دبل .. اتوقع بتصير حول هالقيمة .. موفق خير ،،،

[عاشق السيل]

وعليكم السلام ورحمة الله وبركاته ،،

طلبك صعب بالحيل أخوي لأن الثمانين ماتجيب جيب جديد وماودي أقولك خذ من هالرخيصات اللي ماتكمل معه ولا ثلاث سنين !!!!!

لكن إن كان الوالد الله يطول بعمره ماهمه صغر الحجم ممكن يلقى مطلوبه عند هونداي أو سزوكي أو إيسوزو رغم إني أشك تلقى بهالسعر ،،،

الله يوفقكم للي فيه الخير والصلاح .....

[ابوماجد-1]

الله يرزقك بالشي اللي يسر خاطره

وبرايي ياخذ له جيب تويوتا وانت قلت مايبي جديد

اعتقد بتحصل جي اكس ار بس موديل 2000 ونازل يمكن

ونصيحه لاتتوهق بالكوري والصيني انحشششش

خلك على التويوتا او السفاري اذا يبي جيووب

شفر سوبربان او يوكن بيحصل موديل كويس

[ابونبيل]

خله ياخذ جمس يلقى موديل حديث و به دبل

[sgl2002]

٨٠ ياخذ جيب لاند ٩٩ او باترول سلقه بابين ٢٠٠٧

[youssf]

بالفلوسة هاذي تجيب له باذن الله جمس من موديلة 2002الى 2005 نظيف بالراحة لان الحقيق ماشيلة العائلة الا هو بعدين شيك والله يوفقكم .

[باسل نجد]

أخوي سلم لي على الوالد
وقله لايتعدى الباترول حتى لو سياحي يعني ( سلق) على مايقولون والله ان تشكرني وخل عنك الامريكي ومشاكله وخصوصا مستعمل والسيارات الصينية ويليها الكوريه مابها خير سنتين او ثلاث وتبي تغيير
اما التيوتا فما تلاقي وانا اخوك بها القيمه الا السيارات الخردوات اللي خلاص ماعاد تنفع للاستخدام وخصوصا ان والدك الله يحفظه ماغير سيارته الا يبي الفكه من الورش والتصليح فالثمانين ماتجيب تيوتا جيد
وصدقني النيسان هو الحل بتلاقي بالثمانين شي طيب وموتر يكد ومايطلب

[كثير السؤال]

طيب ياجماعة الخير الاكسبلورر به دبل يمكن سعره زين والاكستيرا اظنه رخيص


أخبر فيه جيوب صناعة صينية مدري هندية وكالتهم على طريق خريص .. رح شفهم يمكن يصلح شي للوالد ..

وفيه توسكان سيارة كورية من هيونداي تجي دبل .. اتوقع بتصير حول هالقيمة .. موفق خير ،،،

الله يعطيك العافيه والمواتر ذي اخر الحلول


وعليكم السلام ورحمة الله وبركاته ،،

طلبك صعب بالحيل أخوي لأن الثمانين ماتجيب جيب جديد وماودي أقولك خذ من هالرخيصات اللي ماتكمل معه ولا ثلاث سنين !!!!!

لكن إن كان الوالد الله يطول بعمره ماهمه صغر الحجم ممكن يلقى مطلوبه عند هونداي أو سزوكي أو إيسوزو رغم إني أشك تلقى بهالسعر ،،،

الله يوفقكم للي فيه الخير والصلاح .....


الله يجزاك خير يالذيب لعله نحصل ماقصرت


الله يرزقك بالشي اللي يسر خاطره

وبرايي ياخذ له جيب تويوتا وانت قلت مايبي جديد

اعتقد بتحصل جي اكس ار بس موديل 2000 ونازل يمكن

ونصيحه لاتتوهق بالكوري والصيني انحشششش

خلك على التويوتا او السفاري اذا يبي جيووب

شفر سوبربان او يوكن بيحصل موديل كويس


يالغالي الواحد مايبع موتره المستعمل الا اذا كسره بالبران ولا جاه صدوم المستعمل نهائي مايبيه
وجزاك الله خير


خله ياخذ جمس يلقى موديل حديث و به دبل

يقولون من تالي الامريكي ارخص من الياباني والله يجزاك خير


٨٠ ياخذ جيب لاند ٩٩ او باترول سلقه بابين ٢٠٠٧


يالغالي الواحد مايبع موتره المستعمل الا اذا كسره بالبران ولا جاه صدوم المستعمل نهائي مايبيه
وجزاك الله خير

بالفلوسة هاذي تجيب له باذن الله جمس من موديلة 2002الى 2005 نظيف بالراحة لان الحقيق ماشيلة العائلة الا هو بعدين شيك والله يوفقكم .


يالغالي الواحد مايبع موتره المستعمل الا اذا كسره بالبران ولا جاه صدوم المستعمل نهائي مايبيه
وجزاك الله خير


أخوي سلم لي على الوالد
وقله لايتعدى الباترول حتى لو سياحي يعني ( سلق) على مايقولون والله ان تشكرني وخل عنك الامريكي ومشاكله وخصوصا مستعمل والسيارات الصينية ويليها الكوريه مابها خير سنتين او ثلاث وتبي تغيير
اما التيوتا فما تلاقي وانا اخوك بها القيمه الا السيارات الخردوات اللي خلاص ماعاد تنفع للاستخدام وخصوصا ان والدك الله يحفظه ماغير سيارته الا يبي الفكه من الورش والتصليح فالثمانين ماتجيب تيوتا جيد
وصدقني النيسان هو الحل بتلاقي بالثمانين شي طيب وموتر يكد ومايطلب


المستعمل مره مايبيه الفكه وانا اخوك
والياباني تحمله مب مثل منول لاكن مازال الافضل

[معشوقي الصمان]

الله يرزقك بالشي اللي يسر خاطره



وبرايي ياخذ له جيب تويوتا وانت قلت مايبي جديد


اعتقد بتحصل جي اكس ار بس موديل 2000 ونازل يمكن


ونصيحه لاتتوهق بالكوري والصيني انحشششش


خلك على التويوتا او السفاري اذا يبي جيووب


شفر سوبربان او يوكن بيحصل موديل كويس




كلامك صحيح و عين العقل

[اول]

انسب شي له التقسيط
وما دامه مايبي الا جديد وياباني (سفاري او لاند او باجيرو)
والكاش يتوسع به

[سيف وقلم]

هايلوكس دبل (فيه تماتيك خليجي) بس ما أدري بكم بس الظاهر ما عنك وعن المية ويمكن أزود أو ونيت ايسوزو دبل

[الطرس ممدوح]

انسب شي له التقسيط
وما دامه مايبي الا جديد وياباني (سفاري او لاند او باجيرو)
والكاش يتوسع به

وعليكم السلام ورحمة الله وبركاته
طلبك صعب بالحيل أخوي لأن الثمانين ماتجيب جيب جديد
وكلام اخوي اول صحيح انسب شي له التقسيط

[كثير السؤال]

وعليكم السلام ورحمة الله وبركاته
طلبك صعب بالحيل أخوي لأن الثمانين ماتجيب جيب جديد
وكلام اخوي اول صحيح انسب شي له التقسيط

الوالد مايحب التقسيط يصبر ويجمع ولا يقصد

والله يجزاكم خير جميعا باذن الله يتيسر الامر

[GMC4Ever]

أول شئ الله يحفظ لك الوالد ويجزاك خير على طرحك للموضوع... ولا يحرمك الأجر..

إذا الوالد ما يهمه الموديل ففلوسه إن شاء الله تجيب له لاندكروزر 1997 وتزيد

أنا نصيحتي إذا يبي يكرف الموتر ياخذ لاندكروزر 97 نظيف وإن شاء الله بيخدمه

أهم شئ 1997 وتحت... لأن في نظري واعتقادي أن آخر أساطير سيارات اللاند كروزر هو 1997 والموديلات اللي بعدها جيدة لكن ما هي بقوة ومتانة وجبروت الـ 97.

تحياتي وتقديري،،،

[هلي ديزل]

طيب مافيه امكانية يزيدها 15 الف!!
فيه الاكستيرا موتر حلو ودبل وقوي وسعره 95 الف

[الشيخ900]

والله ياخوي خله ياخذ سنتافي هونداي يمدحونه ناس كثيرين والي يقلك انحش عن الكوري وخلك على التويوتا اقله صح سيارات تويوتا الي تصبر راحت قبل 10 سنوات اما الحين ماش بس اسعار كل موديل اعلى من الي قبله وفوق كذا سيارات تويوتا ما عاد تتحمل مثل السيارات القديمه واي سياره تأخذها اصفار لو صينيه تمشي معك حول ال 5 سنوات اذا حافظة عليها وفوق ذلك قطع الغيار رخيصه انته شوف جيب سنتافي هونداي وتوكل على الله

[التعـ King ـديل]

اكسبلورر او اكبدشن موديلات 2009 - 2010 بهالاقيام النظيفه

مواتر مريحه لكبار السن وعمليه تخدم سنوات

[ذئب الدهناء]

لاتعدى سفاري 2007/2006 بهاالاقيام على ما اعتقد

[ابووووو سعود]

ددسن دبل 2012 او 2011

[abo mani3]

هيونداي توسان _ سنتافي

كيا سورينتو _ سبورتاج

نيسان اكستيرا

فورد اكسبلورر _ ايدج < الايدج يغلب عليها الطابع الشبابي

JEEP باتريوت < مع واحد من اقاربي له سنه معاه يمدحه

والمواتر واجد والي يقول كوري وما كوري

شفها ماليه الشوارع وانا املك كوري لي سنتين تقريبا ما ازين منه

[أبو هشام راشد]

ما شاء الله تبارك الله
الله يجعلك له من البارين

الاقتراحات منوعة واميل للسفاري ٢٠٠٩ اما الاكسبلورر اشوفه عن تحربة حساس



ويعتمد الاختيار الصحيح على سيارة والدك السابقة وحالة قيادته واستعماله المستقبل

الاكسبلورر خذ ولد في الثبات والسلامة باذن الله وفيه دبل يرضي المستخدم لكن ادخل على رابطة ملاكة وشف مشاكله مع ان السيارة محافظ عليها وجديدة

والله يرزق والدك باللي فيه الخير له ويجزاك خير على طلب النصيحة لوالدك

[turkiq]

سلم على الشايب وقول له ..
ياوالدي ترى ال80 ما تجيب موتر جديد ابد
فكر بالمستخدم . او اجل الموضوع الين ما يرزقنا الله من واسع فضله.

وان وافق على المستعمل فأنصح بالباترول 2006-2007 واجتهد في النظيف
لا تاخذه الا بفحص الوكالة.

والله يوفقنا وياكم للخير

[ابن عكاش]

ددسن غمارتين دبل او هايلكس دبل سلق سياحي اتوقع حول هالقيمه خصوصاً الددسن

[الحصان 1]

الله يرزقك بالشي اللي يسر خاطره

[بو شوق]

فورد أكسبيدشن من الصالات وارد أمريكا

[دورانجو]

الوالد مايحب التقسيط يصبر ويجمع ولا يقصد

والله يجزاكم خير جميعا باذن الله يتيسر الامر


ياشيييييييييييييييييييييييييييييييييخ الله يطول بعمره ويشوف ولد ولدك عريس

والله يرزقه من الخير كله

[.أبوعبدالرحمن]

وعليكم السلام ورحمة الله وبركاته

ما شاء الله تبارك الله ، الله يخليكم له ويخليه لكم

من رأيي بما أن المبلغ صعب تلقى جيب به

تشوف أحد السيارات هذي استاندر ودبل وإن شاء الله تعجب الوالد الله يحفظه من كل شر

اكسبلورر ستاندر فورد
باثفندر ستاندر نيسان
اكستيرا ستاندر نيسان
باجيرو ستاندر ميتسوبيشي
فورنتشر أربعة سلندر استاندر تويوتا
سنتافي هونداي

والله يرزقه بالسيارة إللي ترضيه

مع أنه الفورنتشر هو الأقرب بحكم المبلغ إللي مع الوالد