الياي الاسترالي وتنزيل القير .. باترول

[سوبر مكشات]

السلام عليكم

ركبت ياي 5سم للباترول
وفيه هزه تجي بعد 120
وعند 180 يطلع صوت هدير واضح يجي ويروح كل 2ثانيه وهزة خفيفه مره


فهل انزل القير بتطويل المسامير ثلاث ارباع سم؟

شوركم يا من جرب ؟؟

انا منب راعي سرعه لكن عشان التجربه فقط اسرعت

[owwn]

اذا الموتر ربع لازم تنزل القير
اما الكامل نادر مايطلع فيه مشاكل من الترفيع يمكن يكون من الصليب

[سعد مسعود]

طيب هل تنزيل القير يضر

[التعـ King ـديل]

تنزيل القير يضر وارتفاع السياره 5سم خطير

مالك الا تبدل اليايات او تقص منهم شوي انت شاقله مررره

[خبايا انسان]

تنزيل القير يضر وارتفاع السياره 5سم خطير



مالك الا تبدل اليايات او تقص منهم شوي انت شاقله مررره

ياليت تفيدنا ف ايش يضر تنزيل القير ؟ ؟

لاني انا منزل القير ومن كلامك اخاف له اضرار ؟

[سعد مسعود]

وياليت تبين تدبيل اليايا

لاني مركب استراليات 3 سم وتزل مع التحميل

[sgl2002]

^^^
حط مساعدات شاص وانسى ينزل بس تحمل المطب

طبعا على اليايات حقتك

[التعـ King ـديل]

ياليت تفيدنا ف ايش يضر تنزيل القير ؟ ؟

لاني انا منزل القير ومن كلامك اخاف له اضرار ؟

القير مع الاستخدام يبدى يقر معك ويضر النحاسات مع القر وبعدها توظيب

[RW7..ALBDAWA]

غريبــه والله مع انــي منزل القير صآآرلي فتررهـ مايقآرب 3 سنوآت وهذآ زينـه الموتر مآشي مثل العسسل

تآكد اخوي كنق التعديل من معلووومتـك يمكن تكون غلطآن فيهآ

[خبايا انسان]

القير مع الاستخدام يبدى يقر معك ويضر النحاسات مع القر وبعدها توظيب

طيب وش الحل ؟ ؟ ,, انا مركب ياي استرالي خلفي 4 سانتي ,, ومنزل القير ,, والي لاحظته ان الدبل الثقيل بالطقاق يلقم << واذا لقم بالطقاق يفك << هذا الضرر الوحيد عندي في تنزيل القير

[RW7..ALBDAWA]

طيب وش الحل ؟ ؟ ,, انا مركب ياي استرالي خلفي 4 سانتي ,, ومنزل القير ,, والي لاحظته ان الدبل الثقيل بالطقاق يلقم << واذا لقم بالطقاق يفك << هذا الضرر الوحيد عندي في تنزيل القير

اخوي خبايا انسآن هذي المشكله مآهي من التنزيل

لأني انآ منزل قير موتري وفوق كذأ مدبل وردتين يعني تنزيله قويـه

واعشق الدبل الثقيل وهذآ زينه يلقم لأكن قبل قبل صآرلي نفسس مشكلتك قبل مآنزل القير اول مآشريت موتري كنت لاعشقت الدبل الثقيل احياناُ يكخ تسسمع مثل الكخه واحياناُ يثقل مثل مشكلتك ورحت عند ورشة الموسى مخرج 17 عند عآمل اسسمه ادريس وضبطه لي واخذ علي 150 ريآل طبعاً انا زبون عندهـ من فتره يمكن يصكك بالسسعر لأكن لاجيت عنده اتصل علي 0544474009

[خبايا انسان]

اخوي خبايا انسآن هذي المشكله مآهي من التنزيل

لأني انآ منزل قير موتري وفوق كذأ مدبل وردتين يعني تنزيله قويـه

واعشق الدبل الثقيل وهذآ زينه يلقم لأكن قبل قبل صآرلي نفسس مشكلتك قبل مآنزل القير اول مآشريت موتري كنت لاعشقت الدبل الثقيل احياناُ يكخ تسسمع مثل الكخه واحياناُ يثقل مثل مشكلتك ورحت عند ورشة الموسى مخرج 17 عند عآمل اسسمه ادريس وضبطه لي واخذ علي 150 ريآل طبعاً انا زبون عندهـ من فتره يمكن يصكك بالسسعر لأكن لاجيت عنده اتصل علي 0544474009

بيض الله وجهك ,, وافي

انا حاليا ما استخدم القير الثقيل الا ناادر جدا جدا ,, بس المشكله هذي ماحصلت الا من بعد تنزيل القير ,, وش سببها ؟ وهل مضره مع الوقت ؟

وبالنسبه لكلام اخونا الي يقول التنزيل مضر << خوفنا والله ياليت يرد علينا ,

وبالنسبه لمشكله الرجال الرعشه كل ثانيتين ,, جربت موتري اليوم على 170 وعندي نفس المشكله ينتفض الموتر , يرتعش, هزاز , كل ثانيتين ويروح كل ثانيتين ويروح ,, اسف ع الاطاله

[][][زلفاوي][][]

وانا اخوك بصراحة انا رافع موتري الباترول ربع من الخلف تقريباً 7 سم ومن الامام 3 سم والكلام هذا من فترة طويلة ولا اشتكيت من حاجة سمعت انها تضر لكن حتى الآن ما شفت شيء ولا اقصد اني اتحرى او اتحين للضرر.. الامر الآخر ان حطيت اغراض بالموتر من هنا تانكي داخلي والعزبة والحطب وخلافه الاحظ ان الصوت يختفي ونصحني اخوي اني انزل القير لو شوي على الاقل اتخلص من الصوت فقط لانه فعلا مزعج ولما قلت له ورشة ما ورشة قال تقدر تسويها بالبيت عن نفسي اذا الله يسر فاني مسويها هاليومين ابصور وابحط موضوع خفيف بذلك وان ما تيسر الامر على الاقل ابين النتيجة..

[سوبر مكشات]

آآبو آآبو

كتبت رد طويل واخر شي امسح

لي رجعه ان شاء الله
وعسى الله يرزقنا المطر عقب هالنفوود االلي جانا أأقصد العج اللي بالرياض

[خبايا انسان]

امين الله يسمع منك ويرزقنا بالمطر ,,, ياليت تفيدوني بمشكلتي

[هويدي]

افضل ما جربت على الربع البالونات حمل اللي تبي وانفخ بس انفقعت علي وحده بسبب تعليقه من جهة الشكمان وفكيتهن

والياي الاسترالي ابو 3 طيب بس العفش واجد واذا عبيت التانكي ينزل فنحديت اركب كعكات 2 سم صار الارتفاع 5 وطلع صوت حره خفيف نزلت القير بوردات بالحوش

المسافه ماكثرت تقريباً 1 سم او 2 ناسي ..:) بس اللي اذكره رحت لمحل مواد بناء وشريت وردات بالكيلو وارخيت الصواميل بحيث ينزل الكرسي شوي ثم افك واحد واعبي وردات وارجعه وهكذا حتى خلصتهن كلهن

مالكم بالطويله والهمق الفاضي ابصورهن واسدحهن هنا

[FAHAD44]

هل اختفى الصوت بعد تعبئة الورد بكل مسمار

[هويدي]

هل اختفى الصوت بعد تعبئة الورد بكل مسمار


مدري اذا السؤال موجه لي :)

ولله الحمد اختفى وهذي الصوره اللي وعدتكم

http://www.mekshat.com/pix/upload05/images238/mk19651_img_0726.jpg

والطريقة بأختصار : نرخي المسامير للنص الين ينزل الكرسي ثم طلعهن واحد واحد وعبه وردات وارجع ركبه وصلى الله وبارك

[RW7..ALBDAWA]

مدري اذا السؤال موجه لي :)


ولله الحمد اختفى وهذي الصوره اللي وعدتكم


http://www.mekshat.com/pix/upload05/images238/mk19651_img_0726.jpg



والطريقة بأختصار : نرخي المسامير للنص الين ينزل الكرسي ثم طلعهن واحد واحد وعبه وردات وارجع ركبه وصلى الله وبارك



كـــــلأآم ميـه بالميــه

نفس الطريقـه هذي سويتهآ

بيض الله وجهك ومآقصرت يالذيب

[خبايا انسان]

يا اخوان نبي الزبده ؟ ؟

تنزيل القير يضر ولا لا ؟

[التعـ King ـديل]

يا اخوان نبي الزبده ؟ ؟

تنزيل القير يضر ولا لا ؟

يضر مهما لقيت له من حلول

خاصه اذا الرفعه شقل مب رفع عادي :good2:

اعرف واحد من الشباب منزل قير شيروكي والرجال راعي جلد ولمن طق عنده القير قاله راعي الورشه هذي من تنزيله القير لان له مستوى معين ماينزل عنه :)

اخوي هويدي تجربتك على العين والراس بس رفع الباترول اكثر من 2سم مضر

[هويدي]

ووجهك ابيض ياروح البداوه


خوي هويدي تجربتك على العين والراس بس رفع الباترول اكثر من 2سم مض

هلابك ابوخالد خلك بالصوالين وخل السلق لنا :) امزح

اكثر من 3 سم ونت الصادق للسقه فقط ( الباب واحد )

كان معي 2001 ركبتله ياي الرمايه ابوثلاثه وطلع صوت العامود على خفيف
ركبت على 2006 ارتفاع 3 سم ولله الحمد ماطلع اي صوت وارتفاعه مناسب جداً ولله الحمد
بس وقت الشتاء اذا عبيت تانكي المويه وحملت الاغراض وفللت ينزل فأضطريت اركب كعكات 2 سم ونزلت القير بالوردات من سنه تقريباً ولله الحمد ماعانيت من مشاكل مع العلم اني فكيت الكعكات قبل شهرين بسبب ان الموتر يكون قبيح اذا صار فاضي :) مرتفع بزود واي شي يزيد عن حده ينقلب ضده والشروكي ـ مع احترامي لعشاقه ـ مايقارن قيره بالباترول لانه معروف عنه سرعه خراب القير والصليبات وربما يكون خويك منزل القير بزياده ولا الومه الشروكي فيه حره بدون رفع


يا اخوان نبي الزبده ؟ ؟

تنزيل القير يضر ولا لا ؟

في حدود المعقول من 1 سم الى 2 سم بالكثير مايضر بأذن الله

واللي متخوف من تنزيل القير او محتار انصحه بالبوالين حسب تجربتي لها
عب الهوا 35 وحمل اللي تبي
رجعت للديره ونزلت عفشك حط فيها 20 وتندح كنك على كدلك :)

[خبايا انسان]

افاا ياذا العلم :D

طيب وش السواه انا رافع 4 سانتي :(

تكفون غيروا بدلوا تاكدوا :confused:

الرفعه عاجبتني ونفس الشي القير ابيه :( :D

عيدوا حساباتكم ,, ماخبر احد اشتكى من التنزيل ؟؟ اكيد فيه شي ثاني يخرب القير ؟؟ ( موتري ربع 93 )

[سوبر مكشات]

السلام عليكم

طبعا المشكله موجوده بكل السيارات اللي يرفعه اصحابها من وراء
سألت الهبيش من خلال اتصال
قلت له اني رافع الموتر 5 سم ونزل 4 سم
قالي إما إنك تحط ياي قدام فيصير الإرتفاع وراء 2.5 سم لأن هذا الإرتفاع المناسب

أو ترثع بالموتر خياش رمل إليييين ينزل
أو تغير الياي الى ياي اقل ارتفاع

أما تنزيل القير ماحبذه كثيرا لكن قال مافيه مشكله قلت له ابنزل ثلاث ارباع سم (قالي كثيير) نزل ربع سم او ورده وبالكثير وردتين ولا تنزل الا عند واحد يعرف لأنه بيحسب الارتفاع ثم بيشوف كم ورده يحط

اللي ابزينه أبحط 5 خياش رمل وراء اليين ينزل الياي وابحط ياي قدام
يالربع احد يخبر ياي قدام مستعمل سنه وفوق ما جاه قصوص

موفقين

[هويدي]

فيه حل ثاني غير تنزيل القير

تركيب كعكات او وردات كبيره للعامود " بحيث تطوله شوي "

[فتاح الجواد]

الله يجزاكم خير
معلومات مفيدة

[سوبر مكشات]

السلام عليكم

حطيت بالموتر 5 خياش رمل (حول 105كيلو)
ومشيت 180 الرعشة خفيفة مررررررررررررة


وخليتهن 10 ايام
وحسبت الفرق نزل الياي 2ملي<<<<<<<< لا ياشيخ
يعني الفرق بسيط جدا

وبعد مانزلت الخياش مشيت 180 فيه رعشه بس اخف من اول


والحل اللي اشوفه

لاتلمس القير ولاتنزله

وخل اغراضك دايم بالموتر و الماء بالتانكي فل
يعني تقريبا بتصير شايل حول 130 كيلو

ومنتب شايفين شر ان شاء الله

[Sniper 2015]

ياعيال انا ركبت ياي استرالي خلف رقم ٩٨١ اطول ياي على مااظن وطلع ارتفاعه اذا صار فاضي مشلع وإذا عبيت التانكي الماء ٢٥٠لتر ينزل شي خفيف ومنزل القير على ثلاث وردات وفيه صوت يقز اذا دعست بالثاني والثالث والرابع يخف والخامس اذا تعدا ١٤٠ يخف لين ١٦٠ يوون وش الحل ؟ السياره باترول ٩٢ صالون

[hail_ksa]

ياعيال انا ركبت ياي استرالي خلف رقم 981 اطول ياي على مااظن وطلع ارتفاعه اذا صار فاضي مشلع وإذا عبيت التانكي الماء 250لتر ينزل شي خفيف ومنزل القير على ثلاث وردات وفيه صوت يقز اذا دعست بالثاني والثالث والرابع يخف والخامس اذا تعدا 140 يخف لين 160 يوون وش الحل ؟ السياره باترول 92 صالون


الحل تزود الوردات 8 بكل مسمار يروح الصوت نهائي
لكن بعد مدة طويلة وبعد ماترجع الموتر لارتفاع الوكالة بتلاحظ صوت بالقير صوت نحاسات وهذا عن تجربه .. وصدق كنق التعديل الرفع يضر

[عبدالرحمن فتك]

السلام عليكم انا كان معي واحد ونفس المشكله الي عندك ونزلت القير وارتحت مره ولا فيه أي مضره اذا زلت القير ان شاء الله بس اذا تبي تنزله كما كان لازم ترجع القير مكانه وبالتوفيق .

[الكدن1]

بالنسبة للارتفاع القياس من حافة الجنط الى 40 سم اكثر من ذلك قد تحتاج الى تنزيل القير

[ربع فتك]

فيه حل ثاني غير تنزيل القير

تركيب كعكات او وردات كبيره للعامود " بحيث تطوله شوي "



لا هنت يا ليت توضح لنا كيف ألطريقه ذي وهل لها أضرار ؟

و ياليت تدل لي اي ورشه بالرياض تسويها