اهل الخبره .. بمحرك باثفندر 3.5 موديل 2003 تفضلو

[قرم العيال]

مساء الخير ..

احبتي ..

عندي باثفندر موديل 2003 فيه نقص زيت عن الطبيعي بعد تجربه وقياس ماشي 3600 كلم تقريبا النقص علبتين الا ربع :good2:

المهم انا ابي ورشه ممتازة وله خبره بمحرك الباثفندر 2003 .. 3.5 سي سي

افضل ورشه بالقصيم والرياض

يعني ابيه يعلمن العله وين شنبر ولا غيره !!

علمن انه تم التشييك على جميع الصوف و كلها سليمه ..


ابي احسن ورشه يا اخوان ما نبي واحد يتعلم :D

[سفاري959]

النقص في الباث محرك 3500 عادي واعرف كم واحد نفس العله

اعتقد انه بلد كذا وكذلك الكامري من 2003 نفس النظام هذا

يقال انه نظام جديد على بالهم جايبين شي زين تشري جديد وكن معك

موديلات السبعينات يبي لك تعاير الموتر كل يوم بصراحه ما ادري اسميه

تخلف والا ضحك على المستهلك

لكن عندك ابو صالح التركي وفيه واحد اسمع فيه يقاله ابو ابراهيم

يقولون انه متخصص باث لكن ما اعرف اي معلومات عنه

لكن الأخوان يفيدونك ان شاء الله

[المنيعي1]

مساء الخير ..

احبتي ..

عندي باثفندر موديل 2003 فيه نقص زيت عن الطبيعي بعد تجربه وقياس ماشي 3600 كلم تقريبا النقص علبتين الا ربع :good2:

المهم انا ابي ورشه ممتازة وله خبره بمحرك الباثفندر 2003 .. 3.5 سي سي

افضل ورشه بالقصيم والرياض

يعني ابيه يعلمن العله وين شنبر ولا غيره !!

علمن انه تم التشييك على جميع الصوف و كلها سليمه ..


ابي احسن ورشه يا اخوان ما نبي واحد يتعلم :D
أذا النقص عندك كل 1000 أو 1500 نصف علبة أنصحك لاتوظب زود ومش اما أذا أكثر فيه ورشة الجربوع يمدحونه ونا ماجربته متخصص باث فندر بالقصيم.

[Dr.drb]

يا رجال وسع صدرك .. ترى الباثفندر كله كذا

موتري 2003 نفس موترك .. لكن ينقص عندي كل 1500 علبه

و مريت اكثر من ورشة و يقولوا يبيله شمبر .. لكن المشكله اذا فكيت المكينه بيطلع لك الميكانيكي بسالفة (توضيب كامل) ممكن يكلّف 7 آلاف ريال

بالتوفيق لك

[زمزم 100]

جرب استخدام زيت ثقيل

[قرم العيال]

يعني وش رايكم .. نفك المكينه ولا نزود لمين الله يسهل

[الرحاااال12]

السلام عليكم انا كان معي باثفندر 2005 وكنت اعاني من نفس المشكله ولقيت كذا واحد يعاني من هالمشكله فالظاهر هي طبيعيه بس لازم تكون حريص انك تتابع الزيت من فتره لفتره ولا تخبط عليك الماكينه وما انصحك تفك المكينه بس اذكر واحد قال لي شيك على جلدالبلوفوما ادري بعت ولله الحمد والمنه
وبالتوفيق يالغالي

[algnas11]

السلام عليكم
بالنسبه لمشكلة نقص الزيت في الباث طبيعيه أنصحك لا تفك المكينه فأنا عندي باث موديل 2005 مطلعه وكاله وايضا 3 من اقاربي معهم نفس الموتر وكلها تنقص والنقص يكون كل 1200ك تقريبا ثلث علبه فالله يعينك يبيلك تشيك على الزيت كل فتره وسلامتك

[ابونبيل]

كان معي واحد 2005 اذا مشيت عليه 1300كيلو ينقص علبه وربع تقريبا

[التعـ King ـديل]

قبل تسوي شي غير الزيت 20/50 وجرب اذا فرق معك بالصرفيه خلاص مافرق معك الله يعينك على التصليح

[قرم العيال]

شكرا لكم جميع ..

بالنسبه للزيت الثقيل ما ياثر على طرمبه الزيت يا اخوان !!

[ابومحيميد]

جميع الباثفندرات تنقص والكلام من تجربة

واللي يقول ماينقص موتري معناتها ياهو موضب المكينة اوشاريها من الوكالة جديدة