بخصوص الإكستيرا

[الأزرقاني]

السلام عليكم ،،


الله لا يهينكم بغيت أستفسر عن الإكستيرا .. مميزاته وعيوبه


وأتمنّى الكل يدلي بدلوه ،، وجزآكم الله كل خير ~

[القبقب]

أنحش عنه موتر تعبان جربته لمدة سنتين كله معاناه في معاناه اعطال كثيرة بعد السنة الثانية
والسلام في الختام

[رفرف83]

الموتر ممتاز ما عليه مشاكل نهائي ومرغوب في السوق
موتر قوي مره شفه مع الاتصالات والكهرب وباقي الشركات الكبيره
موتر عادي ما فيه تكليف قزاز كهرب وغيره من المواصفات المعروفه لكنه عملي ياي قدام سست في الخلف
احسن نوع هو الاوف رود ابو كشافات ويكون مرفوع من المصنع مع اختلاف المساعدات والتعليق
عادي واتوماتيك طيب وعندك رابطه للاكستيرا فيها علومه كامل الله يسهل امرك

[الأزرقاني]

الله يجزآكم خير ويخليكم ..

[ابو فهد...]

مشكلته 1 الدفرنس والكارونه
2 قطع غياره غاليه
ميزاته انه قوي ورخيص مقارنه بالجيوب الاخرى

[اسبيدر مان]

عندي 2008 فل له معي اكثر من اربع سنوات تطعبس وقلص وكشتات وسفريات والحمد لله مااشتكيت من شي
وماغيرت فيه سوى الاستهلاكي سياره بكل ماتعنيه الكلمه من معنا
وسياره مطلوبه بسوق وبي قوه واحد اقاربي اشترى سياره من معارض النسيم ووديته على شان نطلعها من المعرض وان الى وقفون يبون السياره حول العشر اشخاص مع اني رايح الصبح الساعه عشر

[شاص]

من واقع تجربتي له : سيارة قوية وقيادتها جيدة سعرها مناسب إلى حد ما مقارنة ببقية سيارات الدفع الرباعي، يعيبها السست في الخلف وصوت صفير بعد سرعة 160-170 وما أدري هل هو في كل الإكستيرا أو لا .. لكن مر على الشباب في رابطة ملاك الإكستيرا وهم يعطونك الخبر اليقين من غير قصور في الشباب اللي ردوا

[عبدالعزيز بن احمد]

انا اشهد انه موتر

مع واحد من ربعي 2009 كل اربعاء وخميس بام حزم ولا الطوقي

كارفه كرف ماهوب صاحي تطعيس وتفحيط ومقاوم ولا اشتكى منه شئ ابد ابد

والله ييسر الامر

[مواسي الطعوس]

الموتر فيه عيوب لكنها بسيطه ((ومع تجارب الشباب وخبرتهم = تم حلها بسهوله))

- الموتر قوي لاخر درجه تريدها .

- الموتر اقتصادي مرررررررررررره .

- الموتر فيه ردحه من الخلف وحلولها كثيره جدا ......الردحه مع الحمل والسرعه في البر .

- الموتر عملي جدا مشى معي الان 217 الف وكلها سرعه ولعب في النفود وشد على الموتر في السرعات 1 و2 و3 ولا اشتكى ابد .....ولو اشتكى اعتبرها حلال عليه على الشي اللي حصل له .

- قطع غياره رخيصه .

[المنيعي1]

جربوه ثلاثه من الشباب كلهم يمدحونه وسافرنا عليه موتر ممتاز ومريح وقوي ولايطلب

[Abu-Sulaiman]

موتر ممتاز و صبور لراعي البر مشي معي 160 الف حدود اربع سنوات
عيبه انه قاسي مقارنة بغيره من السيارات وغير مريح خصوصا للي راكب وراء
صرفية البنزين معقولة تعبي ب 30ريال بنزين 91 يمشيك بحدود 450 كم
بس كل 20 الف ادخله الوكالة تشييك و صيانة والحمد لله ما احط فيه الا بنزين و زيت و فحمات واشياء استهلاكية اخري مثل السير والكفرات.

[Bader-M]

وعليكم السلام
بنسة لي اعتبره سيارة جبارة و وقوية و قبل ثلاث سنوات كان سعره مناسب جدا جدا سعر الفل الكامل 102 الف فقط
واعتقد الان سعر الفل الكامل 125 الف ريال

سيارة درجة اولى للبر ولكن ينقصة بعض الفخامة و الراحة
من العيوبه
1- ضيق المرتبة الخلفية
2- لا يوجد مكيف خلفي (فقط عن الاقدام)

اذا كانت عائلتك صغيرة و راعي طلعات للبر كثيرة فانني انصحك به
اما اذا كانت عائلتك كبيرة و طلعاتك خفيفة من الافضل البحث عن خيار اخر

[اسبيدر مان]

وعليكم السلام
بنسة لي اعتبره سيارة جبارة و وقوية و قبل ثلاث سنوات كان سعره مناسب جدا جدا سعر الفل الكامل 102 الف فقط
واعتقد الان سعر الفل الكامل 125 الف ريال

سيارة درجة اولى للبر ولكن ينقصة بعض الفخامة و الراحة
من العيوبه
1- ضيق المرتبة الخلفية
2- لا يوجد مكيف خلفي (فقط عن الاقدام)

اذا كانت عائلتك صغيرة و راعي طلعات للبر كثيرة فانني انصحك به
اما اذا كانت عائلتك كبيرة و طلعاتك خفيفة من الافضل البحث عن خيار اخر

من موديل 2009 اضافو له مكيف خلفى ومكانه بتكايه الاماميه يعني نفس الكامري

[N أبورغد N]

انا استغرب من الي جرب سنتين وكثرة خراباته ممكن نعرف الخرابات ؟!
لان معي موديل 2007 امريكي ماشفت خرابات ولله الحمد تتعدى العادية الموتر ماشي فوق 120 الف
وبالنسبه للي يقول الدفرنس كل الي طقت دفرنساتهم معدلين ومقاوم ودرفته وينطرب مع زعقت الكفر مع كل لفه لوه ربع تويوتا طقت كرونته
والحقيقة زيت كرونة الاكستيرا المفترض يشيك باستمرار ويغير كل 40 الف تقريبا خصوصا للي يكرف الموتر ويجلده وللقير العادي
اما التماتيك انا معي ولا غيرته الا على ابواب 100 الف ولا عندي مشكله
وبالنسبه للقطع الي يقول غاليه انا اقول القطع متقاربه اسعارها مع مثيلاته من السيارات
السياره الان بتكمل معي سنتين ان شاء الله وافكر اشتري واحد ثاني اجدد قير عادي اوف رود امريكي

[الأزرقاني]

الله يعآفيكم ويجزاكم خير ،،
والحقيقه انا صار لي مده متحيّر وش آخذ .. أبي دفع رباعي ونشيط ويصبر ..
معي جكس 99 عادي سيآره تتحمل إلى أبعد الحدود بس ماش مايطرب بالنفود !!

لذلك شورو علي بموتر بحكم خبرتكَم الله يجزآكَم خير ..