ملاك الاكسبلور افيدوني

[دائم الوفاء]

السلام عليكم ورحمة الله
اخواني مع خالص التحية والتقدير امل افادتي عن الاكسبلور ثمانية سرندل 2006 تنصحوني فيه او لا حيث انه معروض علي بسعر 40000 استعمال امريكي
وتقبلوا تحياتي

[دائم الوفاء]

ياشباب لا تبخلون علينا بالافاده

[m3ax]

اذا الموتر نظيف لا تفكر ولا تشاور

انا معي 2006 ثمانية سلندر له معي أكثر من سنة ونص تقريباً مثل العسل قوة ونشاط وراحة وصرفية بنزين لا يعلا عليها بالذات على الخطوط الطويلة لأن قيره 6 سرعات

أهم شي تأكد من نظافة القير والمكينة أما السعر اشوفه قليييييييييييييييل جداً جداً ولا أدري ليه وهذا يخليني اقول لك تأكد من السيارة زين لأنه اذا كان 2006 ليمتد ثمانية سلندر مفروض تكون قيمته بين 65 ألف إلى 75 ألف ريال

[دائم الوفاء]

شاكرعلى مرورك اخي m3ax بس الشخص يمدح لي في المكينة والقير والدفرنس بس جايته صدمه من الرفرف اليمين الامامي وتم تصليحها من قبل الشخص نفسه

[m3ax]

والله ياخوك لو وداه المعارض يجيب له اكثر بكثير من 40 الف

خل عنك كلام صاحب السيارة لأنه بيمدحها أكيد وروح افحص السيارة كمبيوتر وافحص القير والبدي زين ولا ترمي فلوسك على كومة حديد تبلش بها بعدين وتروح عليك خسارة

[ابوعمر1397]

اتوقع سبب انخفاض سعره انه بدون دبل وبدون صف كراسي ثالث
ومكيف امامي فقط
والا يا دايم الوفاء
اذا بمكيف امامي فقط انصحك تبعد عنه لان اللي بيركب ورى في عز الحر بيموت من الحر

[دائم الوفاء]

اسف على التأخير في الرد اخي ابو عمر
لا بالنسبة للسيارة دبل ويوجد مكيف خلفي بس لا يوجد صف ثالث عموما انا اخذت السيارة لفحصها عند قيادتها فيه دقه غريبه بتغيير القير مدري ليش وعزم السيارة عند دعس الابنص ماهو ذاك الزود ارجو الافاده وخاصه ان الاخ معاكس لديه خبره في ذلك شاكرا لكم

[ابوعمر1397]

نصيحة لوجه الله
ابعد عن شي اسمه استخدام امريكي

[m3ax]

دقه في القير لها احتمالات كثيره اسوءها تخبيط القير وابسطها تغيير زيت القير والفلتر او حساس القير

العزم له اكثر من احتمال

نصيحتي لك اصرف التفكير عنها وبتلاقي ابرك منها لان السياره عذاريبها كثير وتخوف بالذات ان سعرها طايح