اخبار طير تواق كن ماملك طير الا تواق هههههههههههه

[تواق]

السلام عليكم
اخواني رواد مكشات الاعزا
اليوم الجمعه صبح لقيت كراوين قمت وهديت عليه الطير وظلبها يوم قام يطقها وانا اطالع مستانس ومنشكح
على اخر الا هاك العقاب الحبشي محول على الطيرولياغدت علوم طيري حيص بيص
ومعها علومي انا بعد وعذر بعدها طيري في الكرواين وحط السما همه بعدهها فقت من الصدمه
وقلت بطاش انا قادم لاتخف وانا انسل الشوزن وراهم وراهم وانا انفض ام جابته
واخذ شوي واجلب طير وعيونه غدا خمس طعش
هذي علومي وسلمتكم
اخوكم تواق
:D :D وبطاش البطران

[عاشق الصحراء]

اهب يا العقاب الصيرمي الله يبلمه.
تسلم يمينك الي نفشت راسه,و الحمد لله على سلامة
الطير.

على طاري العقبان .واحد عنده شيهانه يلاعبه ,هد له
حمامه ما درى الا يوم سمع هكالصفير تقل وحيفة
ريح , و ما امداه يرفع عينه للصوت الا هكالبلية
العقاب الاسود منصلق على الشيهانة الغافلة,
الا خوينا راعي الشيهانة ما يمديه هوش وهو
يصفق العقاب الشيهانة الا مودعن لحمه قطع.
و يشرد العقاب عقب ما ذبحه.
وسلامتكم.

[تواق]

عاش شكرا على تواصلك الله يرحم والدين عقبوك
تصدق يوم شفت الشيهانه تناظر ولمت الزريق ابي احذفلها

[فرد حمزة]

غبن والله قمة الغبن والحسرة :(

يجي لك عقاب مايسوى عشى هالحر ولا هالشيهانه ويقتل طيرك :(

يارجال الحمدلله على سلامة طيرك :)

[وضــ الوافىـاح]

هلا والله تواق مايشووف شر طيرك