انتبهوا يأهل السيارات المسانده.........مع الدفع الرباعي ؟؟؟؟؟

[مواسي الطعوس]

بسم الله الرحمن الرحيم

- السلام عليكم ورحمة الله وبركاته :

- البعض يمتلك سياره اخرى مع سيارته الدفع الرباعي ....وبما ان الكامري سياره منتشره بقوه في السوق ....دخلت كذا مره على موقع تويوتا ((قسم الكامري)) والكل يقول :

** فحمات الكامري 2010 و2011 غير متوفره في الوكاله ولا الموزعين ومنقطعه منذ اشهر .

** وسعرها مرتفع وصل سعرها الى 383 ريال للفحمات الاماميه .
** البعض يقول الوكاله تركبها داخل الورشه ب 755 ريال ؟؟؟

** المتوفر التجاري ويعيش شهر تقريبا .....

** عليكم بالقياده القانونيه وعدم السرعه الى ان تتوفر الفحمات .للي يحبون السرعه .

** اهم شي الفرامل ....والشباب في الموقع : ارسلو لليابان .....واشتكوا الى الغرفه التجاريه ؟؟؟؟

** مسلسل مهازل تمر بها الوكالات .....والضحيه الشعب ؟؟؟؟؟

[محلات الكشاتة]

الله يجزاك خير على التنبيه

[طحنون]

انا ماني قايل لكم مايروح فيها غير الفقير الضعيف

[ملك الفكتوريا]

والله قهر يا جماعه


المفروض يكون فيه أكثر من درجة وشركة يعني بضرب مثال بالفورد

فيه ثلاث أنواع


1- صناعة فورد وهو الأصلي حق الفورد بالوكالة والموزعين متوفر وسعره الأمامي 270 ريال والخلفي 230 ريال يعني المجموع 500 ريال ويجلس سنتين بالظروف العاديه وما يطلع أصوات .

2- موتركرفت وهو ممتاز ووهو غالبا اللي يمشي والمنتشر بقوة وسعره الامامي والخلفي 230 ريال وعمره بالظروف العاديه سنة ومن مشاكله في اخر شهر او شهرين يبدأ يطلع أصوات

3- نوع تجاري لا ينصح به أبدا وسعره أمامي وخلفي 90 ريال



المفروض لكل سيارة يتوفر الاصلي ونوع ممتاز مو شرط يكون مثل الاصلي لكن يمشي وتامنه مثل موتركرفت



طبعا فيه قطع أصلية فورد مثل الجنزير ما يجي الا شد بلد فورد وسعره مع أغراضه اللي هي

2 جنزير
4مسكات
2 بلوف جنزير تقريبا 996 ريال الموزع التقوى





غريبه تويوتا ونيسان القطع مو متوفره من تويوتا اصلي ونوع ممتاز متعاقد مع تويوتا وأظن فيه بس متوفر بالمملكة او لا

[مسير عليهم]

وهل كل شخص عنده سيارة مسانده (كامري)...!!

الحمدلله عندي سيارة مسانده مميزة في قوتها وراحتها وكبر حجمها ورخص قطع غيارها وليست من تويوتا

ولا عمري اشتكيت لإحد وكتبت في المنتديات عن غلى قطعها

ياليتك اختصرت الموضوع بقطع الكامري الغاليه

[سيل سنام]

بارك الله فيك على التنبيه

وكيل مستهتر يبيع ويقبض قيمة الموتر وبعدها راسك والجدار

فعلا ما لقى احد يوقفه عند حده

[جبل ادقس]

وهل كل شخص عنده سيارة مسانده (كامري)...!!

الحمدلله عندي سيارة مسانده مميزة في قوتها وراحتها وكبر حجمها ورخص قطع غيارها وليست من تويوتا

ولا عمري اشتكيت لإحد وكتبت في المنتديات عن غلى قطعها

ياليتك اختصرت الموضوع بقطع الكامري الغاليه



ياخي الرجال كاتب موضوع فيه نصيحه المفروض تقول جزاك الله خير

دع الخلق للخالق وخلك من الكلام الفاضي ( عالم غريبه )

طيب السياره اللى عندك وش نوعها ودي اشترى زيها !!!!

[مواسي الطعوس]

- مسير عليهم : انا قلت موتر كثير بالشارع وهو اكثر موتر الا اذا السوناتا غطى عليه .

- اجل كل واحد يطرح موضوع نقول له : ماكل الناس يملكون هذا الموتر .....كلام غير صحيح .

- انا ماقلت غاليه وبس ....اقول منقطعه من السوق لها عدة اشهر .

[مسير عليهم]

ياخي الرجال كاتب موضوع فيه نصيحه المفروض تقول جزاك الله خير


دع الخلق للخالق وخلك من الكلام الفاضي ( عالم غريبه )



طيب السياره اللى عندك وش نوعها ودي اشترى زيها !!!!


ماقلنا شي هو ينصح الله يجزاه خير لكن العنوان يحسسني ان معي كامري غصب وان الشعب كلهم معهم كامري واذا على كثرتها ليس دليل كل بيت فيه كامري ويستدل على سيارة مسانده

سيارتي ماتصلح لك ولو اقول خذ قيمتها واشتر مثلها بتقول لا بشتري كامري


مواسي الطعوس

الواقع حالياً السوناتا غطت على الكامري واغلب اللي يشتري الكامري واحد من اثنين ياابوه مجبره عليها لفكره اذا كيت ابيع او حلمه وهو صغير من عام 2000 يبي كامري وتحقق حلمه قبل سنه

من ناحية العنوان لو كتبت اسعار قطع الكامري في ازدياد مارديت لانها ماتهمني واللي يمني السيارة المسانده

وانقطاعها من السوق الوكيل مجمدها عشان يصرف اللي مامشى من التجاري وثم يجيبها لك ويجبرك عليها لان مافيه غيرها

[رحال السراة]

لاتستغربون من شلة النصابين عيال ابو جمول والحرامي !!

بس عجبتني السيارة المساندة خخخ

انا 24 ساعة في 7 ايام في الاسبوع استخدم سيارتنا المساندة الونيت !! ^_^

اصابعك مهي سوى ...

والله يرزق الجميع عشان يكون عندهم سيارات مسانده لسياراتهم !!

[كرار]

قل قســـم
........

[عاشق السيل]

أخوي مواسي الطعوس بيض الله وجهك على النصيحة والكلام الطيب جعله بميزان حسناتك ،، والله يخلف علينا من هالوكلاء وحركاتهم ،،،

بس أنا مستغرب من العنوان يعني ليتك كتبت ( تحذير لأصحاب الكامري ) واختصرت علينا سالفة السيارة المساندة ،، بس أنت جبت طاري الدفع الرباعي علشان مايحذفون موضوعك هههههه والله إنك ذيب !!

بس لا تخاف الموضوع اللي فيه منفعة للأعضاء مايحذفونه المشرفين ،، بارك الله فيك وفي جهودك وكثر الله من أمثالك .....