اطلق الطير

[الامبراطوري]

احب ان اطرح موضوع اطلب قبولة بصدر رحب : مثلي مثل غيري يطب سوق الطيور ومحلاتها ويشاهد طيور بها من العيوب مايندا له الجبين فاحدث نفسي واقول لو انا مكانه استحيت على نفسي ولاجبت هالطير ابيعة .. هو ليه مايطلقة لوجه الله يكسب اجرة .. في هذه السنة شاهد طير منكسر جناحة كسر واضح ومتهدل جناحة وجابر العظم وراعية يشرط عليه بالسبق واللحوق . . من يصدق من يكذب .

[(هزاع)]

الناس فيما يعشقون مذاااااهب
ومن عشقهم المال
اللي مايجوزلك
يجوز لغيرك
لا ويفرحبه

[راعي الحرارر]

الله على الظالم شريت طير يحلف اديان انه ما به شي وارسلت رجال يوصله لي يوم اخذته وفكيت البرقع لقيت الطير عيونه اليمنى ما يشوف منها لقيت به خبطه على راسه فوق العين .. الله على الظالم

[خيرها بغيرها]

ياراعي حرار اصابعك مهيب سوا الناس جاها بلا معاد ينعرف صدقها من كذبها لكن الله المستعان مالك الى الصبر والله يعوضك خير

[انور العنزي]

الله المستعان الله يبعدنا عن هالاشكال انا ابي اذكرلكم قصه لصدق الصقار الحقيقي احد صقاقير عرعر عرض طيره للبيع قبل كم سنه وشرط فيه ثنتين الطلع واللحوق والرجال الي جاء يشتريه معرفه عن طريق احد اصدقائه ويوم بغى الشراي يشوف الطير كان صاحب الطير قانص وتواعدو بالمقناص والرجال اشترى الطير وقنص معهم لانه جاي من منطقه ثانيه ولان الارض اللي هم فيها ممتازه للمقناص الزبده قنص الرجال ومعاه الطير الجديد وهم بالمقناص طلع معه على وحده وبعد كم يوم هده تلحيق بعد طير هذا صدق الصقار اللي نعرف اسف على الاطاله

[م العجمي]

والله فكرة اطلاق الطيور فكره طيبه

لكن قليل الي يسويهآ ,, مثل ما ذكرت يالغالي الطير الي جناحه فيه خله ولا مخالبه فيها خله ولا احد عيونه

ليش ما يطلق لعله يتزاوج فالخلا وتكسب اجر وانت احد محبين هذي الهويه لذالك لا بد من الاخلاص لها

الشي الثاني

العام فيه طريقه سووها الشباب الله يجزاهم خير

بعض الطيور ما ينفع وطيور محسوبه ومن حبهم لهذي الطيور ارسلوها لخونا بدر العرادي بغرض التفريخ وعسى الله يرزقه ويفتح له باب الرزق

بدر انسان يحب الطير ويتعب عليه كثير ,,

والرجال الي يحب الطير لا بد يضحي بالطير الطيب لان وده بأن الطيب هذا يجي مثله كثير ويفتح له ولغيره باب رزق

والله يوفق االجميع

[الامبراطوري]

شكرا على مروركم جميعا كان الهدف الاخلاص لهذه الهواية الجميلة واجمل مافيها هو التضحية .

[الحر503]

الله يعين على الي يبي يجي ,, اذا هل الوقت واوضاعنا كذا اجل وش لون عقب ,,,