سؤال عاجل لأهل الخبرة بكمرات كانون

[شمس القصيم]

مارأيكم بكمرا كانون SX40 الشبه احترافيه

سعرها 2090 عند عبدالواحد

وهل هناك أفضل منها علما أنني لست محترف تصوير .

أرجو إفادتي بالأفضل وياليت أعرف أسعار الكمرات اللتي تشيرون بها .

وربي يسعدكم .

[mr.muhmmed]

انت وش ناوي عليه
ناوي على الكاميرا بس للتوثيق لا الاحتراف
ام الاحتراف
اذا كان للاحتراف
فلا انصحك بهذه اشتر لك كاميرا احترافيه
وانصحك بكانون من نوع D600 او اللي اقل منها

[ArMaDa1398]

انت وش ناوي عليه

ناوي على الكاميرا بس للتوثيق لا الاحتراف
ام الاحتراف
اذا كان للاحتراف
فلا انصحك بهذه اشتر لك كاميرا احترافيه

وانصحك بكانون من نوع D600 او اللي اقل منها


نفس كلام الاخ محمد وايضا توجد كاميرات كانون 550D او 500D طبعا راح تكون اقل في المواصفات والسعر وانصحك تشتري من كام فور سيل تعاملهم جدا ممتاز وايضا تقدر تشتري من موقعهم ويتم الشحن الى جميع مدن المملكه

[روحي تحبه]

انا بصراحه ما اعرف عن الكاميرا شي بس بخصوص السعر
موجودة في كام فور سيل 1700
اتمنى اني افدتك
وسؤال عبد الواحد فين بجدة ؟؟ واذا تعرف سعر كاميرا اس اكس 30 عنده اكون شاكرة

[ابو زياد 90]

مارأيكم بكمرا كانون SX40 الشبه احترافيه



سعرها 2090 عند عبدالواحد


وهل هناك أفضل منها علما أنني لست محترف تصوير .


أرجو إفادتي بالأفضل وياليت أعرف أسعار الكمرات اللتي تشيرون بها .


وربي يسعدكم .


شوف يالغالي من باب النصيحة

انا كنت مثلك متردد مدري اخذ احترافية او شبة احترافية والاعضاء الي متمرسين بفنون التصوير ماقصروا ابد عطوني الراي الاكيد بما انك ماتعرف شي في فنون التصوير والاحتراف عليك بهذي الكاميرا sx40 من كانون نفس الي انت تبيها اول شي تتعلم عليها فنون التصوير وقواعدة وكيفية الاستخدام ادواتها واذا عرفت كل شي وتبي تطور نفسك اكثر خذ احترافيها واطلق العنان

انا صار لي يمكن شهرين وانا اتابع اكثر الاعضاء والردود

وشوف لو تاخذ احترافية بتجيب لك الياس من البداية لانك ماتعرف اساسياتها وقواعد التصوير انا شفت ناس تشتري احترفيه وبتدخل عالم التصوير ثم يبدأ الياس ياخذ مجراه لانه يحسب كل من شراء كام احترافي اصبح محترف تصوير وعل طول يبيعها ويكره التصوير

خلك عل الكام الشبة احترافي احسن لك وتوكل على ربك

واسف عل الاطالة


مودتي لك ,,,

[ابو زياد 90]

وللمعلومية عن السعر

عند عرب فور ستيل 1700 بس مومتوفرة

وعند الحارثي 2000 معاها شنطة ومومري كارت 16

وبالتوفيق ان شاء الله

[روحي تحبه]

من بعد اذنك شمس القصيم
بس عندي سؤال..
الحارثي يوصل خارج الرياض.... يعني عن طريق الـDHL مثلا
وضمانه معتمد؟؟

[شمس القصيم]

تسلمون يالغالين وماقصرتوا

ألف ألف شكر لكم على هذه الإفادة والله يكتب اللي فيه الخير .

[ابو زياد 90]

من بعد اذنك شمس القصيم
بس عندي سؤال..
الحارثي يوصل خارج الرياض.... يعني عن طريق الـDHL مثلا
وضمانه معتمد؟؟

اتوقع انهم يوصلون خارج الرياض بس يمكن تدق عليهم

واذا ماتعرف الرقم اتصل بالاستعلامات 905 وتاخذ الخبر الاكيد

ولو تبي اي خدمة ابشر راسلني عل الخاص

لاني نادر ادخل هذي الخيمة

وتحياتي لك ونتشرف بخدمة الطيبين

[Eagle Eye]

انصحك نصيحة لله
اشتر كاميرا احترافي
D500 او D550

وانا ادلك على طريقة التصوير الاحترافي
بشرط يكون عندك الرغبة


تحياتي

[abady2020_1]

أخوي ،،، خذها مني ،،، توكل على الله ولا تتردد ،،،، ولا تفكر بإحترافية في الوقت الحالي،،، لأنك بتتعب معها ويمكن تكره فكرة التصوير.

أول شي إن الكاميرات الشبه إحترافية تساعدك بما أن ما عندك خبرة في التصوير، وفيها أوضاع كثيرة تسهل لك كافة أنواع التصاوير ،،، سواء بورتريه لاندسكيب وحتى الفوكس.

ثانياً،،،، الكاميرات الإحترافية تحتاج إلى خبرة ومعرفة من ناحية العدسات وأنواعها والأوضاع وتنسيق المدخلات مع بعضها بعض،،، وهذا الموضوع راح يتعبك حيل،،، ومن إسمها إحترافية،،، مارس التصوير على شبه إحترافية،، ثم بعدين إن شاء الله مع الممارسة تاخذ لك وحدة من الإحترافيات،،، وصدقني ماراح تندم.

البعض بحكم معرفته وفهمه لأمور التصوير يتصور إن كل الناس مثله ملمين ومستوعبين طرق التعامل مع الكاميرات الإحترافية،،، لكن أكثر اللي ياخذون كاميرات إحترافية على طول،،،، يكون مكانها فوق الرف ولا تستخدم.

أما بالنسبة SX40 فما عندي أي خلفية عنها،،،، أنا تعاملت مع الـCanon PowerShot SX30 IS وبصراحة كاميرا جبارة جداً،،،، وهذي مقارنة بين الكاميرتين :

http://www.dpreview.com/products/compare/side-by-side?products=canon_sx40hs&products=canon_sx30is&sortDir=ascending

أرجع وأكرر،،، لا تبدأ بإحترافية والكلام هذا أقوله وأنا متأكد لأن كثير من الشباب تحمسوا ثم جابوا العيد.

[شمس القصيم]

الله يعطيكم العافية

مشكورين يالغالين

[شمس القصيم]

أخوي ،،، خذها مني ،،، توكل على الله ولا تتردد ،،،، ولا تفكر بإحترافية في الوقت الحالي،،، لأنك بتتعب معها ويمكن تكره فكرة التصوير.

أول شي إن الكاميرات الشبه إحترافية تساعدك بما أن ما عندك خبرة في التصوير، وفيها أوضاع كثيرة تسهل لك كافة أنواع التصاوير ،،، سواء بورتريه لاندسكيب وحتى الفوكس.

ثانياً،،،، الكاميرات الإحترافية تحتاج إلى خبرة ومعرفة من ناحية العدسات وأنواعها والأوضاع وتنسيق المدخلات مع بعضها بعض،،، وهذا الموضوع راح يتعبك حيل،،، ومن إسمها إحترافية،،، مارس التصوير على شبه إحترافية،، ثم بعدين إن شاء الله مع الممارسة تاخذ لك وحدة من الإحترافيات،،، وصدقني ماراح تندم.

البعض بحكم معرفته وفهمه لأمور التصوير يتصور إن كل الناس مثله ملمين ومستوعبين طرق التعامل مع الكاميرات الإحترافية،،، لكن أكثر اللي ياخذون كاميرات إحترافية على طول،،،، يكون مكانها فوق الرف ولا تستخدم.

أما بالنسبة SX40 فما عندي أي خلفية عنها،،،، أنا تعاملت مع الـCanon PowerShot SX30 IS وبصراحة كاميرا جبارة جداً،،،، وهذي مقارنة بين الكاميرتين :

http://www.dpreview.com/products/compare/side-by-side?products=canon_sx40hs&products=canon_sx30is&sortDir=ascending

أرجع وأكرر،،، لا تبدأ بإحترافية والكلام هذا أقوله وأنا متأكد لأن كثير من الشباب تحمسوا ثم جابوا العيد.




هلا بك أخوي عبادي

أنا غير محترف تصوير ولكن لست مبتدئ فعندي كمرا كانون شبه احترافيه اسمها S 5 IS لها 4 سنوات تقريبا

وللأسف ضاعت مني واحترت هل أشتري شبه احترافيه أخرى أو أدخل عالم الاحتراف

وبعد المشورة أبشرك اشتريت كانون 600 D مع عدسة 18 - 135

وسأحاول أن أتعلم على امانياتها ومزاياها بإذن الله

واللي عنده خبرة بهذه الكمرة لا يبخل علينا وجزاكم الله خير .