المساعد الشخصي الرقمي

مشاهدة النسخة كاملة : زجاج السياره الامامي ... مشورتكم


shababi
06/04/2006, 04:08 PM
السلام عليكم ورحمة الله وبركاته


يا اخوان قبل كم يوم قلصت جمس مغرز ابقلص حديد .. وانا انتل الموتر ضرب وجه الموتر وانكسرت الزجاج الامامي

المهم ( عطنا الزبده :rolleyes: )

رحت للوكاله قالوا لي ما عندنا حاليا زجاج لكن نطلب لك .. المهم طلع السعر بـ 1200 بدون تركيب

والله السعر غالي لكن مو مشكله بدفع لكن الزجاج ياخذ وقت على ما ياصل

السياره توها جديده مديل 2004
لقيت تجاري بالسوق سعره 150 ريال صناعه سعودي ولقيت صيني سعره 180 لكن الصيني مضمون سنتين

والله ياخوان محتار وانا راعي خطوط ودايم اسافر

سوالي هل يضر لو ركبت زجاج تجاري؟
اذا فيه واحد مجرب ينصحنا الله يجزاكم عنا كل خير ..
البيـرق
06/04/2006, 09:43 PM
اخوي تراه قزاز وانا جربته على كم سيارة واخرتها قبل 3 سنوات ركبت سعودي
وظللت السيارة كم مرة وجاه من البرد عد واغلط ومسك خطوط ومنها الجنوب 1000كم ولا يتمخش..........
وشكله للحين جديد............
نمر بن حثلين
06/04/2006, 10:36 PM
الزجاج ياخوي يعتمد على التركيب اكثر من النوعيه

لذلك احرص تروح لواحد عنده خبره
وبعد التركيب اترك موترك عنده لا تحركه عدة ساعات لحد ما تطمن ان الغرا نشف ومسك زين عشان ما يصير فيه تنسيم مستقبلا
shababi
08/04/2006, 08:36 AM
جزاكم الله خير
قصرصالح البديوي
08/04/2006, 10:26 AM
السلام عليكم

نصيحه التجاري خطير في حالة الحوادث لاسمح الله ...على العيون قزاز خطير ,
بس يقال انه في صناعات جيده .

والله ولــي الـــــتـــوفيق
ألنشمي
08/04/2006, 01:08 PM
رح للسالم للزجاج وركب عندهم على ضمانتي ....موقعهم الصناعيه القديمه تقاطع شارع العنوز مع الخرج.
البيـرق
08/04/2006, 02:39 PM
مع احترامي الشديد لاخوي المجد لا خطير ولا شي لانه في
وسط القزازة مادة معجونية تمنع انتشار القزاز.....اثناء الحادث لا سمح الله
راعي الهايلكس
08/04/2006, 07:23 PM
لالالالالالالالالا


انتبه تركب تجاري

نصيحة مجرب ...


مع ولد جيرانا كابرس صابونة قديم .. ركب تجاري وبعد مرور تسع شهور بدا الطبلون يتقشع مع حرارة الشمس


القزاز الأصلي من الوكالة تجي فيه مادة تمنع الأشعة فوق البنفسجية مدري وش اسمها

تمنع جزء كبير من اشعة الشمس من الدخول .. وبذلك تحافظ على طبلون السيارة بأذن الله

وتذكر ان السيارة جديدة تقريبا موديل 2004

لا مانع من خسارة القليل من المال في سبيل المحافظة على جزئياتها ..


هذا اذا كان الزجاج امامي ..


اما اذا كان زجاج ابوب فلا مانع من تركيبها عند السالم ..

وعلى ضمانتي ايضا :)

ودمتم سالمين
مروق
09/04/2006, 10:03 AM
انا مع الشباب اللي يوصونك بالاصلي ... على الاقل انه اكثر امان من الباقي والفلوس رايحه رايحه
بوفايز
09/04/2006, 10:14 AM
السلام عليكم كيف حالكم يا اخوان والله يعوض عليك يا شبابي ولكن رايي انك تاخذ سعودي. الاصلي سعره زيادة بس لانه جاي من برة ولأن العمالة برة اغلى فالتصنيع يصير ملكف اكثر. السعودي زين ونفس التقنية حق الزجاج المستورد او الاصلي. الله يكفينا الشر وياك. سلاام

بوفايز
بواسامه
10/04/2006, 11:37 PM
اذا موترك بتكده
فركب اصلي لك للزمن
ولو اني سبق ركبت تجاري ومثل الحلاوه
واذا انت من هواة التغيير كل موسم موتر فركب تجاري وبسلامته