رايكم بكفرات برجستون ((للفورتشنر)) جنط 17

[PATHFINDER 4]

يا اصحاب الفورتشنر بغيت رايكم بكفرات البلد لجنط 17 وهي البرجستون

ناوي اشريها

وش مواصفاتها (معدل السرعة-الاحتكاك-الحرارة-الخ)
والمقاس اللي اباخذه هو 265 65 17
وهو نفس الكفر اللي يجي في موديل 2010 عاد مدري عن الموديلات الثانية

واخيرا انطباعاتكم عن هالكفر .. مريح له صوت قاسي عمره قصير الخ

وفي النفود كم الهواء ؟؟

ويعطيكم العافية

[PATHFINDER 4]

وين الردود يا اخواان ؟؟

اقصد التراكشن كم (A ولا B) والحرارة (A ولا B)
والتريد وير او معامل الاهتراء (A ولا B) ايضا السرعة كم تحمله (180 ولا 200 كم/ساعة)

لان الكفر غاااالي حييل حييل وابي ادفع فلوس تستاهل مواصفاته
مو اتفاجأ ان مثلا التراكشن B ولا السرعة اعلى شئ 180


واذا ابكلف عليكم صورة الكفر لانه يبين فيه كل شئ

وجزاكم الله كل خير ..

[عشق البر]

اخوي انطباعي عن الكفر انه قاسي جدا
ولكن.. يعييييييش ويكد ومايطلع صوت (الا اذا انت منسم) ويخلي الموتر ثابت وراسي ومايتقطع بسهوله والوعر مايضره
عيبه الوحيد القساوه الزايده

[PATHFINDER 4]

يعطيك الف عافية ياعشق البر ..
طيب البرجستون اللي جربته هو نفس هالمقاس تحديدا ؟؟ (265 65 17)
لان نقشته تختلف عن المقاسات الثانية مثل (245 65 17)

وبانتظار تجارب باقي الاخوان ..

[عشق البر]

مقاسي 17\65\275

الحراره B
الاحتكاك B
وانا دايم امشي عليه 180 بالخطوط ومن احسن شي
وللمعلوميه نفس مقاسي يجي نقشتين انا حقي H/T اللي تجي نقشته متعرجه مهي خطوط مستقيمه

ترا أغلب الكفرات اللي تصلح للبر تجي الحراره والاحتكاك B دنلوب وبرجستون وووو

[PATHFINDER 4]

شورك وهداية الله .. اجل بناخذ لنا طقم والله يعين على الاسعار

[غواص وقناص]

اخوي ايذا انت تقصد البرجيستون اللي جاي شد على الفورتشنر
265 65 جنط 17
با النسبة لتجربتي موتري موديل 2009 وعليه الى الأن شد بلد ومشيت عليه 65000كم
ما يشكي من شي لا حصا ولا شي ما شاء الله بس مشكلته قاسي وبطناجه قوي
امشي عليه 190احياناً لا ني نادر والله امشي ها السرعة
وايذا بغيت تفاصيله
عطني خبر

[.أبوعبدالرحمن]

أخوي حط في بالك ترا صناعته ما هيب ياباني

وأعتقد إنه تايلندي ، حسب قرائتي له في أحد

الصور بهذا المنتدى

[GMC4Ever]

أخوي أغلب كفرات بريجستون قوية وتتحمل وأزين ما فيها القشع والشوك ما يشقها من الجنب لكن قاسيه جداً ومطناجها قوي ومطباتها مزعجة

والله يوفقك للخير

[عشق البر]

أخوي حط في بالك ترا صناعته ما هيب ياباني

وأعتقد إنه تايلندي ، حسب قرائتي له في أحد

الصور بهذا المنتدى

مالك لوا يابوعبدالرحمن
انا كفراتي يابانيه مادري عن المقاس اللي يبيه الرجال

زي ماقالوا الاخوان وقلتلك قبل مشكلته القساوه الزايده كانك مركب مساعدات استراليه
بس ميزته انه يتحمل خاصه اذا انت راعي حجره ومايتقطع انا عندي طقمي القديم ماشي عليه حول 75 وكنه استخدام 20 الف نقشته تطول ومايتمسح

[ابونبيل]

انحش منه قااااااسي وغاااااااااالي وبالنفوةد مايفرش

[التعـ King ـديل]

البرجستون بشكل عام معروف انه قاسي بجميع مقاساته

عليك بالهنكوك ركبته على برادو 265/65/17 ولا احلا منه مشيت عليه تقريبا 100 الف ولو تشوف الكفر واقولك مركبه امس تصدقني بالراحه باقي على نقشته وفي ميزه في الهنكوك انه مع المشي يلين

سافرت عليه والموتر محمل عفش و7 ركاب اصغر راكب فيهم عمره 15 سنه ومن احسن مايكون رساوه وليونه على الخط سافرنا عليه الرياض الدمام الكويت الاردن سوريا لبنان ورجعنا الرياض مشينا عليه

اكثرمن 10 الاف كيلو خلال اسبوعين ولا اشتكى من شي

[صياد الخبر]

السلام عليكم


مساكم الله بالخير

الكفرات صناعة ماليزية ذات معايير دولية من ابو جميل هالكلام لن التجميع يتم بمصانع ماليزيا

الكفرات بطبيعه الحال كما قالوا الاخوان جزاهم الله خير

خذ قوة ومتانة وعمرر بس ناشفة بالمطبات ولو كليت مطب بدون قصد تحس احساس قوي

انصحك فيه

والله يحفضنا واياكم من كل مكروه

عندي فشفش 2011 شد بلد وراكبتن عليه الماليزيات


ودمتم

[demax]

طيب الدانلوب ياجماعة الخير وش تقولون فيه؟

للي عنده جيبـ مثل الفورتشنر والبرادو

[بدوي جنوبي]

أهم شيئ أذا اخترت النوع اللى يناسبك
لا تاخذ نوع مقاس أقل من المقرر للسياره من المصنع

[غواص وقناص]

أهم شيئ أذا اخترت النوع اللى يناسبك
لا تاخذ نوع مقاس أقل من المقرر للسياره من المصنع

كلامك درر الله يحفظك

[غريب في دنيتي]

السلام عليكنالسلام عليكم
يعني ياشبااب وش احسن شي للخط وللبر وللعمر وللسياره
جزاكم الله الف خير
سمعنا عن الهانكوك والفيرستون واليوكوهاما والبردجستون والماكسس ولا ندري وشالزين فيهم