فرارات لاندكرورز vxr 97 4×4 دفع رباعي مستمر

[Ibrahim alkha]

السلام عليكم ورحمة الله وبركاته


قولوا ماشاء الله تبارك الله


http://i236.photobucket.com/albums/ff246/gutbi/arc/382614_297068487001811_100000959873610_744707_1423 659911_n.jpg



http://i236.photobucket.com/albums/ff246/gutbi/arc/DSC_5725.jpg



هل يوجد فرارات للدفع الرباعي المستمر


ودي ارتاح من صرفية البنزين وثقل الموتر


قريت كثي رعن الفرارات بس فيه رد لقيته يقول: انها ماتركب على الدفع الرباعي المستمر


تكفون يامكشاتيه الي عنده خبره يفيدنا


اخوكم

ابو تميم

[قطب 999]

المستمر صعب لازم اول تشوف لك واحد بروفسور يضبط لك القير بحيث يكون بارت تايم همن امورك متيسره والنصيحه ابعد عن المشاكل تبعد عنك والبنزين بالامارات سعره 2.7 درهم اللتر وتركيا حدود 12 ريال اللتر والحمدلله على النعمه عندنا 0.45 تملا التانكيين ب 50 ريال او حولهن

[HAS5SAN]

بسم الله ماشاء الله تبارك الله
انصحك ماتلعب في الموتر

[Salamah.y]

ماشاء الله تبارك الرحمن
الله يكفيك شره و يطعمك خيره

,

لآ تلعب به و انا أخوك و أبعد عن المشآكل
النظيف , ودك تحشمه , و يستآهل كل خير

,

مووفق أخوي @~

[Ibrahim alkha]

المستمر صعب لازم اول تشوف لك واحد بروفسور يضبط لك القير بحيث يكون بارت تايم همن امورك متيسره والنصيحه ابعد عن المشاكل تبعد عنك والبنزين بالامارات سعره 2.7 درهم اللتر وتركيا حدود 12 ريال اللتر والحمدلله على النعمه عندنا 0.45 تملا التانكيين ب 50 ريال او حولهن


البنزين اخوي الفاضل ولله الحمد والمنه تقدر تقول مافيه اي مشكله

المشكله الموتر ثقيل خاصه ان القير تماتيك

ولااخفيك ان الموتر راسي بس فيه رجه على 140 - 120 - 160

واحس ان الموتر قاسي جدا على المطبات

عوضا عن الاصوات المقلقه واتوقع لو لقيت انا فرارات للدفع الرباعيالمستمر راح تنحل المشكله

شكرااا يالغالي على حضورك

[Ibrahim alkha]

بسم الله ماشاء الله تبارك الله
انصحك ماتلعب في الموتر

جزاك الله الف خير اخوي وازين ما قلت

شاكر لك الحضور ياذيب

ننتظر بقية الاخوه

[Ibrahim alkha]

ماشاء الله تبارك الرحمن
الله يكفيك شره و يطعمك خيره

,

لآ تلعب به و انا أخوك و أبعد عن المشآكل
النظيف , ودك تحشمه , و يستآهل كل خير

,

مووفق أخوي @~


جزيت حيرااا اخوي سلامه .... كلام عاقل جدااااا

بس وانا اخوك هل الرجه لها حل؟؟؟؟؟

[ابونبيل]

ماشاء الله تبارك الله


الله يبارك لك فيه حرام تعبث فيه خله بلد واذا ع الرجه شف عامود الدبل اخرطه

[بدون لوحات]

نعم يوجد ونوعين امريكى وبرازيلى وعند السليمانى بالرياض

[مسمار شداد]

يا عزيزي افصل الدفع الرباعي ثم ركب فرارات اقسم لك ني مجرب واني لك ناصح
يخف الموتر ويقل صرفه وترتاح من الاصوات ودقات القير والصلبان وتروح الرجه ويصير ممتع جدا
وانصحك بزياره هذا الرابط وشف نسبه المؤيدين في اعلى الصفحه
http://www.mekshat.com/vb/showthread.php?t=253041


وترا اخبرلك ورشه يفكون الدفع المستمر ب 500 او اقل

[Ibrahim alkha]

يالله ياشباب .... اشكركم جميعا على مداخلاتكم واثرائكم لتساؤلاتي

وشكر خاص لاخوي ( مسمار شداد )

حقيقه اني قريت كل الردود بالموضوع وبتمعن وتفحص وحتى اني لقيت كم رابط ودخلت عليها وقريتها بالكامل وتوصلت وكلي قناعه بالاتي :

1- عدم اضافه اي قطعه على السياره
2- فحص عمود الدبل وتشحيم الصلبان و ان احتاج العمو تغيير او ترصيص فهو افضل بكثير من الترهيم
3- تركيب كفرات جديده طقم كامل مع ترصيص ارضي لضمان عدم حدوث اي رجه باذن الله
4- صرف البنزين لايهم مع رخص البنزين ووجود تانكيين خاصة اني اعبي بنزين (91 )
5- عزم الموتر .. ساقوم باذن الله بتغيير بواجي وصفايه .. مع العلم ان المتر يمشي بعزم يناسبني تماما



وياشباب الموتر ماله تقريبا شهر معي وقبل ما اشتريه لاحظت علامة ( 4WD FULL TIME ) ولاحظت ان الموتر يمشي في مخارج الكباري 80 كم وهو مرتاح !!!! وعرفت انها بسبب الدفع الرباعي

ولله الحمد اكتشفت ان الموتر به دفلوك امامي وخلفي وهي ميزه نادره بالجيوب القديمه

شكرااا للجميع

[العنابي 616]

ما شاء الله تبارك الله
الله يبارك لك بالسيارة

من تجربة لأن عندي نفس موترك بس مهو دفع رباعي دائم
ركبت فرارات و الحمدلله ارتحت كثير بالخط راحت كثير من الأصوات و الإهتزازات

أتوقع إذا فصلت الدفع الرباعي المستمر و ركبت له فرارات راح يخف الموتر كثير بالقومة و تخف الأصوات و الإرتجاجات
و أنت سو اللي ترتاح له و تأكد إنك تشتغل في ورشة زينه و مجربه
و الله يوفقك

[مزدهر]

ما شاء الله الله يباركلك فيه
بالنسبة للعزم و الصرفية حاول إنك تنفس للوتر شوي وذلك بالهدرز ركب راس هدرز ودبه غير كاتمه مع توسيع مجاري اللهواء في الشكمان إذا كان ضيق
أما بالنسبة لدفع الرباعي حاول إنك تفصله مثل ماقالو الأخوان وتركب فررات ((فواصل أمامية))
الدفع الرباعي في التويوتا لم ينجح إلا في المديلات الجديدة أما السابقة فيوجد بها حره عمدان (( رجه في العمود ألأمامي والخلفي ))
الدفع الرباعي نجح في البرادو من مديل 2003 وطالع
ونجح في اللاند من مديل 2008 وطالع
الفورشنر والأفجي القير عادي أيضاً ناجح

[Ibrahim alkha]

الله يجزاكم الجنه يالغالين ماقصرتوا


لن افصل الدفع المستمر نهائيا والحمد لله على كل حال

[Ibrahim alkha]

فصلناه وركبنا فرارات اصليه من تويوتا وجاري التجربه

[جي تي]

طيب افصل الدفع الرباعي المستمر من اساسه اي تخليه زي اي جيب عادي يصير دفع خلفي ودبل خفيف وثقيل واحد من الربع معه فوتشنر 2011 6V يجي دفع رباعي مستمر ( طبعا الفورتشنر والهايلكس الدبل ماتركب عليه فرارات ) وراح عند محل اسمه - الدفع الرباعي - او زي كذا فكله قير الدبل وطلع منه 9 تروس صغار مع انه مديل 2011 يعني جديد طبعا فصل الدفع الرباعي المستمر قبل لا ينزل 2012 يعني من مبطي وما شاء الله لاشاف منه اي ضرر بالعكس خف الموتر عن اول

تقريبا التكله 900 ريال

[Abu_abdulaziz]

السلام عليكم ..
ما شاء الله تبارك الله .. يطعمك خيره ويكفيك شره يالغالي ،، وبانتظار تجربتك على أحر من الجمر وايش اللي فرق معك ولا تنسى تعلمنا وش الي غير رايك في الموضوع .. وتكلفة الشغل كله ..

وبالتوفيق ..

[5200]

هلا اخوي بالنسبة لصرفية البنزين عندك تماتيك مروحة المكينة هذا غيره بجديد اصلي بتحس بفرق خفيف للافضل بصرفية البنزين ولو تركب مراوح كهرب افضل يخف الجيب شوي

[Ibrahim alkha]

طيب افصل الدفع الرباعي المستمر من اساسه اي تخليه زي اي جيب عادي يصير دفع خلفي ودبل خفيف وثقيل واحد من الربع معه فوتشنر 2011 6V يجي دفع رباعي مستمر ( طبعا الفورتشنر والهايلكس الدبل ماتركب عليه فرارات ) وراح عند محل اسمه - الدفع الرباعي - او زي كذا فكله قير الدبل وطلع منه 9 تروس صغار مع انه مديل 2011 يعني جديد طبعا فصل الدفع الرباعي المستمر قبل لا ينزل 2012 يعني من مبطي وما شاء الله لاشاف منه اي ضرر بالعكس خف الموتر عن اول

تقريبا التكله 900 ريال


هلا فيك يالغالي وشاكر لك مداخلتك

لكن كلفني الفصل اكثر من بكثير

راح اوافيكم بالتفاصيل لان الجيب ما وصلني الى الان

[Ibrahim alkha]

السلام عليكم ..
ما شاء الله تبارك الله .. يطعمك خيره ويكفيك شره يالغالي ،، وبانتظار تجربتك على أحر من الجمر وايش اللي فرق معك ولا تنسى تعلمنا وش الي غير رايك في الموضوع .. وتكلفة الشغل كله ..


وبالتوفيق ..



وعليكم السلام ورحمة الله وبركاته

هلا فيك وجزاك الله الف خير


اخوي اللي خلاني اتراجع وافك الفصله ان المهندس يقول راح يتحسن الموتر 50% عن قبل !!!!!

راح اوا فيكم بالنتائج وبالتفصيل الملل بمشيئة الله

[Ibrahim alkha]

هلا اخوي بالنسبة لصرفية البنزين عندك تماتيك مروحة المكينة هذا غيره بجديد اصلي بتحس بفرق خفيف للافضل بصرفية البنزين ولو تركب مراوح كهرب افضل يخف الجيب شوي

مرحبا ومسهلا

معلومه جديده بس اشلون تماتيك المروحه له علاقه بالصرفيه ؟؟؟
اذا هذي معلومه فنيه حاول تفهمني اكثر

وشكرا لمداخلتك

[5200]

اخوي انا كان عنذي VXR موديل ٢٠٠٠ وكانت صرفية للبنزين معقوله لكن بعد استخدام اربع سنوات اختلفت الصرفية كلمت واحد من الشباب قالي ابركب لك مراوح كهرب سوبارو وهو يفك التمتيك حق المروحه قالي انه ثقيل ويمكن انه مجيم المهم ركب مراوح السوبارو وصارت الحراره تترفع اذا علكته الى الثلثين المهم رجعت مراوح البلد وغيرت تماتيك المروحه بواحد جديد ورجعت صرفية اول المعقوله وشلون ما ادري انا ما لي بالميكانيكا لكن فسروها يالميكانيكين بالتوفيق

[رفيع المقآم]

يالغالي فصل الدفع الرباعي مهم

خاصة للموديلات ذي

حنا عندنا جيب 97 جي اكس مركبة فرارات

الموتر تغير 180 درجة

اول بالعزر يجيب 160

الحين يجيب ال200

الصرفية خفت

الاصوات الرجه اختفت

وبالنسبة لتماتيك المروحة

الحين اذا صار مجيم او ثقيل راح يخلي دوران السير ثقيل

والموتر يدعس من نفسه

او ان الاحتراق مايجي كامل

يعني تلقى الموتر مكربن

[Ibrahim alkha]

يعطيكم العافيه يا شباب

الحمد لله تم استلام الموتر بعد فصل الدفع الرباعي المستمر وتحويله الى دفع خلفي مع امكانية التعشيق من العصا بدبل خفيف ودبل ثقيل كلفت العمليه 1800 ريال عند ابو ناصر

تم تركيب فرارات ( اسيان ) الاصليه سعرها 1460 ريال

النتيجه كالتالي :

اختفت الاصوات والارتجاجات وصار الموتر يفز موب زي اول

قلت صرفية البنزين بنسبة 25% ان لم تكن اكثر من ذلك

لاني مشيت من الرياض من محطة ( لتر ) متجه الى الدمام وصفرت العداد وثبت السرعه على 160 كم
ووصلت الدمام والعداد وصل 366 كم وباقي في التانكي نص الربع بدون ما اشغل المكيف وضغط الهوا في الكفرات 35
مع اني قبل كنت امشي من الدمام الى الرياض على سرعة 140 كم او النقطه اللى قبل الرياض واللمبه والعه 320 كم فقط واضطر اني اشبك التانكي الاضافي


طبعا وانا ماشي على سرعة 160 كان الموتر مرتاح اكثر من اول


واي استفسار انا حاضر

[بدر2011]

يعطيكم العافيه يا شباب

الحمد لله تم استلام الموتر بعد فصل الدفع الرباعي المستمر وتحويله الى دفع خلفي مع امكانية التعشيق من العصا بدبل خفيف ودبل ثقيل كلفت العمليه 1800 ريال عند ابو ناصر

تم تركيب فرارات ( اسيان ) الاصليه سعرها 1460 ريال



ماشالله الله يبارك لك فيه

لاكن لاهنت وين ابوناصر هذا ياليت توصف موقعه او تليفونهم