وش الرااي يالربع بالوكري

[صقار 2010]

السلام عليكم ورحمة الله وبركاته

مثل ماهو مبين في العنوان

عندنا وكري من يوم كان فرخ واللحين ثنو جناحه طيب بالحيل بالحيل

الكروان يدرج مايقربه واذا طار لو يروح وين مايروح يلحق بس اذا نزل ضايف له وتركه

اذا نسرناه راح له واذا برقعناه ودرجناه له مايقربه واذا طار لحقه

الطير عند واحد من الربع ومو راضي يفكه

شرايكم ..

[رفحاااااوي]

السلام عليكم

طال عمرك الطير هذا مايخالط بالارض او بالاحرى مايعرف يخالط شي لذلك جب له من فروخ الدجاج

الصغار اللي على بدايه ريشه ولا زم تنزل وزنه لنفرض ان وزنه 760 نزله الى 730 او 720 وخله

يشوف الصوص واذا ذبحه مضبوط بس لا احد يجيه وهو يفارس خلوه على راحته وبعد مايخلص من فروخ الدجاج

كبر له الحاجه كل كذا يوم من دجاج فزن بس لا تبدا بكبير ابد بصغير وانا مرت علي هالموسم ذا ونفعت معي طير

فرخ مثلوث اكتشفت انه مايخالط بالارض وسويت به كذا والحين ماشاء الله تبارك الله ميه على ميه

اعذرنا على الاطاله واتمنى اني افدتك

[صقار 2010]

يعطيك ربي الف عافيه

والله ياخوي ماخلى عليه شي

كل شي جربه والكروان اليوم مسكنا واحد وخلصناه وكشفنا عنه ماكانه يشوفه فجأه طار الكروان يوم راح وحنا مانتبهنا للكروان وهو يطلب من راعيه ويطرد ولولا هالطير ضاع عنا والله لحقه لين وصله وطب الكروان وضايف له مسكناه له يوم مسكه خليناه هو وياه لين ذبحه

[قرناس شماالي]

فادوك الاخوان

[GX-2010]

لا تخلي الكروان يوقع ارفعه له والله اعلم

[رفحاااااوي]

ياجدي يابعد حيي انت سو اللي انا قلت وابد يتعلم مع الوقت الطير هذا مايعرف المداوس والمخالط

مثل طيري اذا الحاجه طيار علقها تعليق واذا بالارض مايقرب لها نزلت وزنه او بالكثير طوفته يومين

وجيت جبت فروخ الدجاج اللي لاهو صغير ولا كبير وجلست بالارض جلوس وفكيت الفرخ قدامي على طول

من راح الفرخة يركض فرعت وعلى طول راح لمه ودبجه ونسرته نسر خفيف على ظهره ومن بكرا كبرت الفرخ

وعلى كذا الين ماذبح معي من الدجاج قامت وقعدت ابد انت جرب اللي انا قلت لك نزل وزن الطير او طوفه

[صقار 2010]

ابشر ياجدي بسويها ان شاء الله

الف شكر لك