ترهيم لمبة سقف(استفسار)

[الاندكروزر123]

السلام عليكم ورحمة الله وبركاته
احيي كل اعضاء المنتدى
غبت طويلا لاني من النوع الي مايتكلم الا قليل وانا من المستفيدين جدا من اعضاء هذا المنتدى الشامخ


ندخل في الموضوع على طوول...

عندي سؤال ؟
مع واحد من اخويياي معه كورلا 99 وده يركب او يرهم لمبة سقف ثانيه

يعني وحده ورا وحده قدام لاكن عنده كم استفسار

1- من وين يمد سلك كهرب للمبه الي قدام واللي ورا
2-كم عرض السلك المستخدم
3- يقدر يمد من لمبة السقف الاصليه اسلاك تكفي للمبتين يعني يفصل اللمبه الاصليه يمد منها سلكين للمبه الي قدام وسلكين للمبه الي ورا
4- هل يؤثر على كهرباء السياره وش نوع اللمبات وش رايكم في led

داري كثرت الاسئله لاكن منكم نستفيد والله لايحرمكم الاجر.

الي عنده طريقه ثانيه يذكرها

وشكرا..

[شيخ المواتر]

وعليكم السلام و رحمة الله و بركاته

صراحة مالي خبره بهالمواضيع . لكن بفيدك باللي عندي, إن كان يعاني من ضعف إنارة اللمبة , الحل يركب شريحة Led يجي فيها 24 لمبة (سمعت في نوع 48 لمبة) و ماشاءالله تنور السيارة كامله(حتى يقدر يقرا عليها) , وتركب بدون ترهيم و إن شاءالله مالها ضرر . -مجربه-

مانصحك بترهيم لمبة ثانيه.

[قناص*07]

اللمبه الداخليه قوتها 3 وات
واللد ايضا ما يتعداها
يعني اي سلك ولو سلك سماعات يمشي حاله ويوجد نوع ماليزي او تايلندي ممتاز مقاس 16 او 24 تجي للمبات

نعم اشبكها من اللمبه الوسطى ولا هناك مشكله بس شرط ان اللمبه المراد تركيبها تكون من 3 الى 8 وات ما تتعداها

[س.س.التميمي]

ما اتوقع هناك مشكله لني مركب لنبه مستطيله في الاف جي بمنطقة فوق راس السواق والمعاون زين وماد لها سلك من اللي في الوسط طبعن المبه حقت كامري موديل ٩٨ زين من عند العليان اللي في الرياض بخريص وسعره ب9ريال الشغله ماكلفتني علي بعضه ١٠ريال وانا اللي قصيت التنجيده حقت التنده وضبطتها
قبل هذا سالت العليان قلت لهم ابيكم تركبونه لي داخل قالو ب٢٥٠ريال شف الفرق بس انتبه للقصه يبيله رسم بقلم رصاص ويبيلك تقص اصغر بقليل من حجم اللمبه علئ شان تحشرها مضبوط ولا تطيح عليك
والله يوفقك ×

[هويدي]

ما اتوقع هناك مشكله لني مركب لنبه مستطيله في الاف جي بمنطقة فوق راس السواق والمعاون زين وماد لها سلك من اللي في الوسط طبعن المبه حقت كامري موديل ٩٨ زين من عند العليان اللي في الرياض بخريص وسعره ب9ريال الشغله ماكلفتني علي بعضه ١٠ريال وانا اللي قصيت التنجيده حقت التنده وضبطتها
قبل هذا سالت العليان قلت لهم ابيكم تركبونه لي داخل قالو ب٢٥٠ريال شف الفرق بس انتبه للقصه يبيله رسم بقلم رصاص ويبيلك تقص اصغر بقليل من حجم اللمبه علئ شان تحشرها مضبوط ولا تطيح عليك
والله يوفقك ×

انا سويت مثل الاخ على باترول قبل 4 سنوات بعت الموتر وهي عليه الى ساعتك

قص التنجيد بمشرط قوي زي حق الفرشات

واذا ماله بالقصقصه والتمديد فيه نجفه الدائريه بـ 15 ريال تنور ثلاث كوريلات ماشاء الله

[(ابو عبدالله)]

انا لدي الرغبه في الشرا اذا يبي يبيع

[الاندكروزر123]

الله يعطيكم العافيه ...

ولا يحرمكم الاجر كفيتوا وفيتوا

لاكن وش رايكم بالفه led وكم استخدم من متر يعني الكهرباء الي تسمح فيها السياره للمبة السقف
اتمنى فهم ماذكرت


ومشكورين وماتقصووون وعساكم ع القوه


لاوالله مب بايع ولا له نيه في البيع

[هويدي]

لفه الليد كويسه واضائتها حسب الحاجه لانها ماتستهلك طاقه كثير

فبأمكانك تجرب اضائتها وتحدد الكميه اللي تحتاج قبل تثبتها او بالاحرى تلزقها

بس عيبها لونها الابيض مائل للزراق وشكل السياره من الداخل بيكون ملفت كنك بقاله او كشك بليلا

انصحك تركب لمبات رفيق الدرب مثل اللي بالصوره

وحده او ثنتين حسب الحاجه

http://www.toyota4arab.com/upload/i/00006/8ygucevzleam.jpg

http://www.toyota4arab.com/upload/i/00006/xb7iuk26jfvt.jpg

[فهم العدواني]

اخوي الحين في السوق لمبات اشكال وانواع خاصه للجميع السيارات وذا انت في الدمام في محل الغربيه شارع الملك سعود تجد فيه مايشفي رغبتك بس يبغالك تركز وبالنسبه للمبات رفيق الدرب مع احترامي بتكون قويه جدا داخل السياره لدرجت انك اذا شغلتها ماتشوف الي برا يعني عرس:D:D

[الاندكروزر123]

مشكورين وماقصرتوا...

شكلي بقوله حط led لفه متر وريح راسك


شاكر ومقدر لكل جهودكم والله ييسر اموركم

[salhobaish]

السلام عليكم توجد لمبات عند رفيق الدرب جديدة ليد تركب داخل السيارة حسب القوة التي تحتاجها وباسعار منافسة تقبل مروري ت 4012992

[الاندكروزر123]

مشكووووورين وماتقصرون الرجال حط لمبات led لفه متر وريح راسه ويقول احسن واقوى


هههه بس يقول كاني في محل من قوة المنوووور وكل الناس تناظر..



ع العموووم تعبتكم معي والله لايحرمكم الجنه
\\\\\\\\\\\\\\\\\\\\\\\\\\\\\\\\\\



ياليت من المشرفين حذف الموضوع .


وشكرا