مشورتكم في جيب ناتيفا

[صايد البرقا]

السلام عليكم ورحمة الله وبركاته
كيف حالك يالربع ان شاء الله بخير
عندي مشورة يالربع عرض علي جيب مستوبيشي ناتيفا 2007 ماشي 117الف
الموتر موتر قريب لي ونظيف لونه ابيض مع كريمي استخدام حشمه مصفوط علي رخيص
وانا والله الحمد عندي سياره صغيره يعني راعي مقانيص ابيه خاص للبر وشرايكم تنصحوني فيه الموتر حق جلد يعني صبور كيف قطع الغيار ابيه للبر والمقانيص وشرايكم اخذه
الله لا يهينكم جميع

[مزدهر]

الموتر فيه ملاحظات أياجابية وسلبية
1 الموتر ضعيف شوي أقرب ماله الأربعة سرندل
2 فيه سير داخل المكينه يغير كل 80000 ألف مثل الباثفندر القديم واللاند كروزر الثمانية سرندل
3 الموتر ما فيه أعطال وصبور
4 الموتر رفيع وخلوصه الأرضي جيد
5 القطع غالي نوعاً ما لاكن السيارات أرتفع قطع غياره وصارت قربية من بعض

[الاسكريم]

للرفع.........

[Ibrahim alkha]

الموتر حق كررررررف ومكده سياره من حجر من صلابتها واتوقع انه مخصص للمناطق الوعره كالجبال في الجنوب اكثر من النفود

و العزم لك عليه شوي

[عصاقيل الدخله]

من واقع تجربه لمدة سنه بصراحه موتر كرف من خطوط وبر " تطعيس على خفيف ولا احلى " وقليل الخراب وراسي سافرت عليه لمكه والامارات ولا شفت منه الا كل خير

العيوب / المكينه قوتها 3000 cc عليها ضعف شوي لكن بحكم حجمه تشيله بالراحه ودبل من اقوى الدبلات والمكيف تبريده وانت واقف ضعيف واذا مشيت يثلج ولا يوجد فيه مكيف خلفي

[كاشت وحداني]

حط ببالك
لو شريته لاتوقف بالطول على اب شارع
لايجيه تكسير يحسبونه حق ساهر
موفق خير


Sent from my iPhone using Tapatalk

[ولد وايل 2010]

عليك بالاستخارة

[عبدالرحمن السالم]

من واقع تجربه لمدة سنه بصراحه موتر كرف من خطوط وبر " تطعيس على خفيف ولا احلى " وقليل الخراب وراسي سافرت عليه لمكه والامارات ولا شفت منه الا كل خير




العيوب / المكينه قوتها 3000 cc عليها ضعف شوي لكن بحكم حجمه تشيله بالراحه ودبل من اقوى الدبلات والمكيف تبريده وانت واقف ضعيف واذا مشيت يثلج ولا يوجد فيه مكيف خلفي



انا اشهد يابوووصالـح خابر علوومه ;) ، موتر والله ماشفنا منه الا كل خير
اذا معك سياره صغيره وهذا تبيه للبر والا للسفر عز الله يوفى الغرض :good:
والله يكتب لك إلى فيه خير وصالح