ابي مشورتكم في ددسني ومكينته

[ريشة قناص]

السلام عليكم ورحمة الله وبركاته

وبعد.
انا عندي ددسن غماره موديل 95 وابي اركب عليه مكينة سدرك موديل 2000 ولكن قبل ما ابدا في الشغل عندي عدة اسئله:
س/ هل مكينة السدرك موديل 2000 تركب على الددسن موديل 95 ؟

س/ هل ما كينة السدرك تركب على قير الددسن موديل 95 ؟

س/ ماهي الاشياء التي يجب تغيرها في حال اذا كانت الاجابات على الاسئله السابقه (نعم) ؟
أرجو من أهل الخبره والمختصين في الترهيم ان يفيدوني مشكورين

وتقبلو خالص احترامي وتقديري


اخوكم ريشة قناص

[دحيم الفزعة]

هلا أخوي
مكينة السدرك تركب على الددسن ليه لا ؟
كل شي بالترهيم يجي
وقير الددسن حسب معلومه سمعتها أنه يركب على مكينة السدرك بشرط تغيير الداير بداير سدرك ولك أن تتأكد من المعلومه هذي
تحتاج للترهيم الى
مكينة سدرك بكامل أغراضها ديلكو + كويل + كبليتر مع قربته لو كانت المكينه اللي بتركبها نظام كبليتر+ دينمو+ علبة الباور لو موترك طاره هوا + كمبرسر مكيف
داير قير سدرك == تأكد منها ==
طقم كلتش ددسن 86 وطالع أو كلتش سدرك اللي تبي منهم
طرمبة بنزين كهربائيه
كراسي مكينة هذي تختارها حسب رغبتك والحداد اللي بيرهم الكراسي
مراوح كهربائيه
ويمكن تحتاج لغطاء ديلكو اللي يجي فتحات بواجيه على جنب لو كانت مكينة السدرك مرتفعه ويضرب الديلكو بالكبوت
أخر شي تروح لراعي الشكامين يضبط لك هدرز أو يوصل مواصير من القزوز للأخير


ودمت بود ===

[ريشة قناص]

الله يعطيك الف الف الف الف عافيه
بس بصراحه شغلتها شغله انا كنت اعتقد اني بركب مكينه وادق سلف وادوس ، ومادري كمان كم بتكلفني كل هذي الشغلات ومن الميكانيكي اللي بيسويها لاني من سكان منطقة الباحه ولا عندنا ورش ترهيم
على العموم مشكور وما قصرت انا شكلي ببيع السياره بحالتها الراهنه واريح دماغي

[المنيعي1]

أذا تبي نصيحتي ركب مكينة ددسن بخاخ أوفر وماتحتاج ترهيم تجي على القير والكراسي ماعدى الكهرب يبيلك كهربائي فاهم يظبطه لك الظفيرة ونفس نشاط السدرك.

[دحيم الفزعة]

الله يعطيك الف الف الف الف عافيه
بس بصراحه شغلتها شغله انا كنت اعتقد اني بركب مكينه وادق سلف وادوس ، ومادري كمان كم بتكلفني كل هذي الشغلات ومن الميكانيكي اللي بيسويها لاني من سكان منطقة الباحه ولا عندنا ورش ترهيم
على العموم مشكور وما قصرت انا شكلي ببيع السياره بحالتها الراهنه واريح دماغي



تعال جابك الله أذا أنت جازم على البيع والموتر لو كان غماره تراني ناوي مشترى بعد المعاينه
بأنتظار ردك

[ريشة قناص]

الله يحيك اخوي الموتر للبيع غماره اللون احمر الماكينة اللي علية غريبة لانه راكب فيها ٨ بواجي وعدد اسلاك البواجي اربعه.
المهم انا من الباحة وانا ألحين جالس اكتب هنا عن طريق الجوال ما أقدر انزل الصور وإذا دبرت لابتوب نزلت الصور عشان تشوفها والله يكتب اللي فيه الخير

[ريشة قناص]

نسيت اقول ان الموتر والله العالم انه موب سعودي يا انه خليجي والا امريكي وسلامتك

[دحيم الفزعة]

أيه عرفت المكينه هذي مرت علي في ددسن واحد من ربعي
كنت أعلق على راعي الددسن أذا تفتفت أو نوى يغير البواجي كنت أقول له اشبك الاربعة بواجي الاحتياط
هي اذكرها اربعه سرندل بس البواجي 8 والله يا هي لحسة مخ
عالعموم مواصفاتها ما تناسبني
والله يرزقك البيعه الطيبه


ودمت بود ===