المساعد الشخصي الرقمي

مشاهدة النسخة كاملة : رشه القار


صالح فهد
04/02/2012, 06:52 PM
السلام عليكم ورحمه الله وبركاته
شريت باترول وفيه رشه عازل الصوت والصد وابي اشيلها
بالله دلوني على واحد يشيلها لاني جربت ديزل وبنزين وقاز مابقي الا اسيد
ابوماجد-1
04/02/2012, 06:57 PM
عليكم السلام

اخوي فهد انا اشوف اغلب الناس تسويها حمايه لسياره

وانا افكر اسويها بصراحه بس مادامك تبي تشيلها اكيد فيها عيوب

ياليت تقول لنا ليش تبي تشيلها وان شاء الله يفيدونك الشباب
ماون ماركز
04/02/2012, 08:06 PM
الرشة ماهي عازل صوت .. هي حماية من الصدا فقط

وغريب أنت .. الناس تدبل على رشة بلدها رشة فوقها ثانية ..

وأنت تشليها ؟؟؟
سراي-01
05/02/2012, 07:54 AM
السلام عليكم جميعاً .... بخصوص رشة القار انا كنت حاطها على ربع تايوتا 2009 يوم شريته جديد عند محل (كار كير) ولا جازت لي مع انها غاليه حيل 1000 ريال ...مالكم بالطويله يوم جيت اشيلها رحت لمغسله في السويدي على شارع جامع الراجحي اسمها مغسلة الهدد عندهم تفريك وخلافه قلت للتكروني شلها قال: بـ150 قلت : تم:) وشالها طبعاً استخدم البنزين الاخضر+فلاش والنتيجه آخر تمام:good2: ,,,, اتمنى اني افدتك ,,, تحياتي للجميع .
turkiq
05/02/2012, 09:02 AM
ما عرفنا ليش بتشيلها !!

اخوي انصحك تعطيها وجه تنظيف عادي بالموية وتتركها تنشف ثم ترش عليها رشة حماية ثانية
تراها تحمي السيارة من اسفل بأذن الله بس دور الرشة الاصلية ومثل ما قلت الانواع الاصلية تعزل الصوت

هذي نصيحتي والله يوفقك
كنت ذا وطن
05/02/2012, 12:50 PM
ياخوي انتبه /

اتوقع والله أعلم انك لمن رشيتها بتنشف الجلد

وعسى يجي من يؤكد توقعي او ينفيه
turkiq
05/02/2012, 01:40 PM
اخوي كنت ذا وطن ..
رشة العازل ماتنشف الجلود ابد .. بالعكس تغطيها وبالتالي تحافظ عليها لاطول فترة ممكنة
صالح فهد
05/02/2012, 02:18 PM
مشكورين وبيض الله وجيهكم على مرروركم وملاحظاتكم
السبب في اني ابي اشيلها انها على المسامير كل ماجيت افك شي في بطن الموتر ياتخرب سنه المسمار ولا تبوز الصاموله
شكل راعي السياره متوصي في الرشه بزود