عليمي يبي يستفسر ..جديد وبقراطيسه

[عرفان]

السلام عليكم أخوتي الكرام ..


حقيقة منتدى ممتاز ............................ورايق جدا .


وجا في وقته توني أطيح عليه .


بغيت أسألكم وش أفضل نوع منفاخ هواء ..


ياليت تكون الإجابات من واقع تجربة ..

ولكم جزيل الشكر سلفا .


أخوكم : عرفان

[أيمن]

حياك الله وهلا وسهلا عزيزي "عرفان"
وهذي - والله الساعة الخرّاشـ... عفوا الساعة المباركة اللي تشرفنا بانضمامك لعائلتنا عائلة منتدى مكشات العزيز ..

وحياك الله بين ربعك واخوياك .. وانشاء الله ما يقصرون معك ..
وبانتظار مشاركاتك وتعليقاتك المفيدة النافعة، وخصوصا عن العيون في الأحساء، وأفضل مواقعها، حتى نأخذ المعلومة صحيحة من أهلها ..

تحيتي

[عرفان]

أشكرك أخي أيمن على الترحيب وترى ما شجعني الاشتراك في هالمنتدى إلا مشاركتك الحلوة خصوصا ومشاركات الشباب عموما .


أما عن عيون الأحساء فآه وألف آه :( :( :( لا تكاد تلفظ بالماء ففد أصبحت شبه جافة للأسف الشديد ... اللهم ردها إلى ما كانت إليه فلقد كانت العيون تنبع من غير آلات ومضخات أما الآن فالمضخات عاجزة عن استخراج المياه منها وكل ذلك " بما كسبت أيدي الناس " .



نسأل الله أن يصلح الحال .


بس ما قلت لي وش أحسن نوع .؟؟؟!!!

أخوك : عرفان

[السمح]

حياك الله أخوي عرفان بيننا وتأخرت بالتسجيل..

رداً على سؤالك أحسن منفاخ للهواء يمدحون الأسترالي فهو سريع ويتحمل الشغل الكثير ولكن سعره غالي شوي.. بحدود 900 ريال فقط ;)

ولكن من واقع تجربة وإن كان إنك تبي شي مثل خزان البنشر أو أحسن من غير مبالغة ، فإليك الحل: حالياً الشباب يرهمون كمبرسور مكيف كرسيدا أو مرسيدس يكون ثابت بالسيارة ويعمل عن طريق سير متصل من بكرة الكمبرسور إلى بكرة مروحة السيارة ويعمل له كرسي وتوصيل ليات متصلة بخزان أسفل السيارة.. ومن هالخزان تستطيع أن تعبي هواء تماماً مثل البنشر أو أحسن.. هذا باختصار وتستطيع أن تشبك مسدس الهواء اللي يفكون به الكفرات وأشياء أخرى وهو ممتاز ولا جدال فيه بس السعر فوق الألف قليل لكن والله إنه يستاهل. إذا كانت سيارتك تويوتا فهو مثالي بسبب سعة ما تحت الكبوت والمكينة أما الباترول فهو يبي شغل كثير ، وإن كنت جاد في المسألة أستطيع أن أعطيك تفصيلات أكثر..

تقبل تحياتــــــي ....

[أيمن]

الأخ العزيز عرفان :
تسلم والله وهذا من طيبك، والله يتوب علينا، وينشر رحمته بين العباد والبلاد ..

الأخ الغالي السمح :
سلمت على هالمعلومات الطيبة ..
وفي الحقيقة لو فصّلت أكثر وأفدتنا سواء في هذا الموضوع أو جعلته مستقلا في موضوع آخر فهو أفضل.

تحيتي

[عرفان]

تسلم والله يا السمح

والله يحييك بس التأخر ما كان بيدي .
بس ما تشوف إن عملية ترهيم الكمبرسر مشكلة اشوي خصوصا إن الموتر جديد 2001 توه وياليت تعلمني وين يركبونه علشان أقدر أشوفه وإن كان عندك اسم المنفاخ الاسترالي يا ليت تزودني به .. ولك الشكر والتحية .



وآمين يا أخ أيمن .



عرفان

[صقر الصياهد]

الأخ / عرفان
تحيه طيبه وبعد :

لقد إطلعت على طلبك وعلى ردود الأخوه الكرام
بالنسبة لمنفاخ الهواء الاسترالي فهو موجود لدى مؤسسة الرمايه بالرياض (شارع التخصصي)
وقيمته (980 ريال) وعليه ضمان لمدة سنه واسمه (ARB) وإن كانت المحفظة عامره بالفلوس
فهو يعتبر رخيص ، وإن كانت غير ذلك فهناك حل آخر ويفي بالغرض ورخيص الثمن وهو :
كمبروسور الهدروليك الخلفي للكدلك أو البيوك موديل 84 أو 83 ويثبت بجانب البطاريه لأنه ليس كبير الحجم وتوصل أسلاكه بالبطاريه ويوصل به لي الهواء الذي يستخدم لتفخ الكفرات عن طريق البواجي الذي يباع لدى محلات زينات السيارات.

هذه مشاركه متواضعه فقط ، ، ، ، ، ،،،،،،،،،،،،،،،،،،،،،،،،،،،،،،،،،،،،،

[عرفان]

الله يجزاك خير أخي العزيز صقر الصياهد .

كفيت ووفيت إنت والشباب ما قصرتوا وجزاكم الله خير .




أخوك : عرفان

[هواوي]

الاخ السمح مساء الخير

ممكن تشرح اكثر لان الطريقه حلوه ومعي لاند كروزر فهل فيه مشلكه لو سويتها فيه لاني اتوهق احيانن لما اكون بعيد من المحطات ومنافخ الهوى الصغيره بطيئه وبيني وبينك ماهي ماليه عيني ((الحمد لله الفلوس ليست مشكله ))ولكن اريد الاسرع والافضل

[][اشتاق®لك][]

السلالالالالالالالالالالالالالالالالام عليكم
هلالالالالالالالالالالالالالالالالالا بخواني
اخووووووووووي عرفان انت تبي ماطور هواء رخيص وكويس يكد وينكد صح
انا ماطوري شاريه من الغرابي من شركه ساكا العالميه عز الله انه رجال
حطه على الجرح يستشم :D اسف يبرى .................
وسعره بحدود هالوقت من 250 الى 270 ريال وعلى كيف كيف وانا اخووووووووووووووووووووووووووووووووك
تراه يجي بشنطه في لي هواء اصفر وانا اخوك
احذرررررررررررررررو التقليد :D :D
ترى شنطته سوداء وصغير ويتحمل الى كفرات 16 لراعين الجيوب والبليزرات














اخووووووووووووووكم اشتاق®لك

[الخبير]

السلام عليكم ورحمة الله وبركاته
عرفان انا مركب في الشاص عندي كمبرسر توبيس قديم ممتاز بالحيل ، ماشاء الله ينفخ مثل البناشر . سعره 1000 اسهل تركيب على التويوتا ( الاندكروزر بانواعة ) .
مثل ما قال السمح ، والجهاز والله رجال ، كل ما دعست كلما نفخ الجهاز اسرع.
والسلام عليكم

[نمووور]

اسمع يا العليمي اول شي ارحب فيك في منتدى مكشات ويمكن في التاخيره خيره وثاني شي بالنسبه للمنفاخ والله ما ادري عن انواعها بس جرب الالماني اذا فيه ......! وبعدين الحساء حلوه بعيونها من زمان والى الحين بس بعد الرموش التركيب والعدسات بديت اشك :D


:) :( :o :) :) :) :) :) نصيحه :لا تنظر الى


الخلف علشان ما تطيح

[أيمن]

:rolleyes: :rolleyes: :rolleyes: :rolleyes: :confused:

تحيتي

[نمووور]

الى الاخ عرفان تحيه طيبه وبعد


بالنسبه لسؤالك عن المنفاخ والله انا اعاني من نفس المشكله


عندي سياره وكفراتها تيوبلسسسسسسسسس وكل خمس دقايق لازم افحص الهواء فيها وطبعا النتيجه وحده

لازم تشوف اقرب بنشر ويا صديق عبي هواء والله صاروا الهنود اللي عندنا بالمنطقه

حقين البناشر يعرفوني والحين لا اوصيك اذا عرفت منفاخ جيد :mad: عطني خبر

:D :D :D

[عرفان]

أولاً : آسف جدا على التأخر في الرد لأني انشغلت عن النت هاليومين.
ثانياً: أشكركم أخواني (][اشتاق®لك][ _ الخبير _ نمووور _ أيمن والجميع )شكرا جزيلا على إثراء الموضوع والنصيحة وجزاكم الله ألف خير .

أخوي :][اشتاق®لك][ وين الغرابي فيه ، وهل تقصد بـ(ساكا) ساكو أم لا

أما عن عيون الأحساء (وليس أهلها) يا أخي نمووور فلم يعد لديها رموش ولا جفون بل حتى السوادة أصبحت بياض.



أخوك الممتن جداً : عرفان

[][اشتاق®لك][]

السلالالالالالالالالالالالالالالالالالالالالالالام عليكم
بالخير اخووووووووووووي عرفان داري ابطيت عليك
بس المهم الغرابي بالرياض الشارع حق الزينات عاد مدري انت وين بالرياض ولا منتب بالرياض المهم سعر متراوح بين 250 ريال و300 ريال اسمه ساكا العالميه شركه اماراتيه مهوب ساكو على قولت وانا اخووووووووك











اخوووووووووكم اشتاق®لك

[عرفان]

وعليكم السلااااااااااااااااااااام .
أخوي أشتاق لك مشكور جدا وفعلا المنفاخ رأيته عند أحد الشباب جايبه من الإمارت له هوز أصفر وله شنطة ظريفة شكله مثل الدينمو حق الماء مثل ما قلت ويمدحه بالحييل ولقاه في الإمارات بعد حوسه .. يقول كل المحلات تبيع اللي خرطوشه أسود . وحصله بسعر ممتاز جدا 180 درهم وأنا أخوك بس .


عسى أقدر أحصله هنا في الأحساء بقريب من هذا السعر



عرفان

[إلياس المطلق]

هل من إقتراح جديد

[عاشق برادو]

عندك ماركة الجمل من أفضل مواطير الهواء وبالنسبة للكمبرسور المرهم مشكلته لو أحد احتاج منك الماطور تقع في حيص بيص