المساعد الشخصي الرقمي

مشاهدة النسخة كاملة : من عنده معلوميه عن هذه السيارة؟


* الـكـشّـات*
09/04/2006, 12:00 AM
السلام عليكم ورحمة الله وبركاته
جيب شاص نيسان موديل 95
ما هي موصفاته من ناحية قوة المكينة والحصنات
وغيرها من الموصفات
وش رايكم فيه
سلبياته وإيجابياته؟
للمعلومية
انا ما عندي أي معلومة عنه
ننتظر ردودكم
* الـكـشّـات*
10/04/2006, 12:18 AM
وش دعوة يا الربع ما فيه أحد عنده معلومات
عن الشاص النيسان
ننتظر ردودكم
باترول 4×4
10/04/2006, 07:25 PM
والله ياالطيب لو نعرف أفدناك .
لكن كل اللي أعرف انه يصرف بنزين بس ويقولون ( والعهدة على الراوي ) انه أرسى من شاص التويوتا مع ان الثاني أصبر وأقوى .
* الـكـشّـات*
11/04/2006, 10:14 PM
يعطيك العافيه أخوي ( با ترول 4*4)
ما قصرت على المعلومة
أنا ودي اعرف وشلونه بالنفود وكم قوة مكينته
وقطع الغيار غالية ولا رخيصة ؟؟؟؟
لأني نواي على واحد مثله إن شاء الله
باترول 4×4
12/04/2006, 04:48 PM
بالنسبة للنفود (أتوقع ) أنه جيد لأن النيسان بصفة عامة خفيف ، والخفيف يمشي مع النفود ، أضف على ذلك إذا كانت مكينته قوية ( وأنا ما أدري عن مكينته ) لكن في الغالب تكون نفس مكينة الباترول الصالون موديل 95 يعني 4500 تقريباً .
(هذا حسب تحليلي الشخصي واعتقادي عن السيارة ) والعلم عند الله .
أما قطع الغيار فلا أعلم عنها .
لكن حط في بالك شيئ وهو ( انه ماهو منتشر كثير بين الناس !! وش السبب ؟؟ )

ولعل الأخوة أصحاب الخبرة يشاركون .
* الـكـشّـات*
16/04/2006, 07:45 PM
تسلم يا أخوي ( باترول 4*4)
على الفائدة وعلى المقارنة وجزاك الله خير
انا معك أن ما هو منتشر كثير لكن القناصين لرملة يهونه لأنه خفيف زي ما قلت
لكن هل تتوقع أن خرباته واجد؟
بو خليفه
16/04/2006, 11:22 PM
الباترول أفضل أفضل من الشاص في الرمل و التحميل
الفرق الشاص قوة العزم 320 نيوتن النيسان قوة العزم 360 نيوتن
من ناحية التحميل و البر النيسان أقوى في العزم و يتحمل المشقه و في النقوذ لا يوجد خوف عليك و أنت في النيسان
مثل ما قالوا
عليك السيقان و لاتسوق نيسان
باترول 4×4
17/04/2006, 04:25 PM
هلا باخوي الكشات والمعذرة على التأخير
بالنسبة للخرابات أعتقد ان جيوب التويوتا والنيسان حبيبة خاصة الموديلات الجديدة يعني إن شاء الله اذا شريت واحد نظيف يبي يفي بالغرض المطلوب ويمشيك كم سنة قدام (وهذا حسب الاستخدام )
وبالنسبة للي يقنصون للرملة فعلاً أنا أسمع انهم يفضلون النيسان الجديد لأن النيسان أخف في النفود أضف إلى ذلك قوته الجبارة 4800 يعني عز على عز . وبالنفود (في اعتقادي ) لاتقارن الباترول الجديد بأي سيارة أخرى .
الدبل الثقيل
17/04/2006, 09:49 PM
ياخوي شاص النيسان مايجي 4800
باترول 4×4
18/04/2006, 05:07 PM
هلا باخوي الدبل الثقيل
في ردي الأخير كنت أتكلم عن اللي يروحون للرملة ليش يفضلون النيسان - المعذرة ماكتبت الصالون - وذكرت ان السبب هو خفة النيسان مع قوة مكينته وقصدي في ذلك الصالون ، ومن الأول أكتب ان كلامي عن شاص النيسان مجرد تحليلات شخصية لم أجزم بها - وإذا قرأت الردود سيتضح لك ذلك - . وياليت تفيدنا كم قوة شاص النيسان أو أحد الإخوة يفيدنا في ذلك ، مع ان ( اعتقادي ) ان مكينة الشاص والصالون وحده والعلم عند الله . وتقبل تحياتي يالغالي .
تنوم
18/04/2006, 05:19 PM
السلام عليكم على حسب خبرتي المتواضعه ان النيسان الحوض اقل مطب وانه قوي بالتحميل ولا يخف عزمه ومكينته مثل مكينت الصالون وكلهن يلهمن بانزين بزود هذا والله اعلم
ابن بدران
18/04/2006, 05:49 PM
السلام عليكم
خذ العلم من مجرب وأنا اخوك
مكينة الشاص الى 99 >> 4200 ماهيب 4500
المركوب أريح من شاص التويوتا ولا هنا فرق
ممشى النفود ممتاز بسبب قوة قيره وكارونة الدفرنس الكبيرة
والنفود بالأول والأخير >> كفرات حتى لو معك دينا
شرب البنزين هو والتويوتا إخوان من تجربة شاص 99 نيسان وتويوتا بنفس الوقت والاثنين وكالة ..
النسيان أوسع شوي بالغمارة من التويوتا بسبب وجود الدبل على اليسار عند السواق
اما التويوتا الدبل يمين ويضيق على الراكب بوسط الغمارة ...
سست النيسان لينة بزود يعني لازم تدبلها أو تركب (لعابات) علشان ترفع مقفى الموتر
ولا ينزل مع الشيل .
ممشى الخط شاص التويوتا أسرع ولا فيه أمل تلحقه بشاص النيسان

هذا اللي عندي والله يوفقك
* الـكـشّـات*
20/04/2006, 07:16 PM
الباترول أفضل أفضل من الشاص في الرمل و التحميل
الفرق الشاص قوة العزم 320 نيوتن النيسان قوة العزم 360 نيوتن
من ناحية التحميل و البر النيسان أقوى في العزم و يتحمل المشقه و في النقوذ لا يوجد خوف عليك و أنت في النيسان
مثل ما قالوا
عليك السيقان و لاتسوق نيسان

اشكرك يا ابو خليفة على الرد
لكن تقصد الشاص النيسان الي قوة العزم 320 ولا التويوتا وكذلك النيسان الصالون الي قوته 360
ونيوتن هي وحده مثل الحصان ولا تختلف
وشكرا
* الـكـشّـات*
20/04/2006, 07:21 PM
هلا باخوي الكشات والمعذرة على التأخير
بالنسبة للخرابات أعتقد ان جيوب التويوتا والنيسان حبيبة خاصة الموديلات الجديدة يعني إن شاء الله اذا شريت واحد نظيف يبي يفي بالغرض المطلوب ويمشيك كم سنة قدام (وهذا حسب الاستخدام )
وبالنسبة للي يقنصون للرملة فعلاً أنا أسمع انهم يفضلون النيسان الجديد لأن النيسان أخف في النفود أضف إلى ذلك قوته الجبارة 4800 يعني عز على عز . وبالنفود (في اعتقادي ) لاتقارن الباترول الجديد بأي سيارة أخرى .
جزاك الله خير على التفاعل ( يا باترول 4*4)
واما الجديد ماشاء الله تبارك الله حتى الديزل قوة المكينة يقولون 4000
* الـكـشّـات*
20/04/2006, 07:25 PM
السلام عليكم على حسب خبرتي المتواضعه ان النيسان الحوض اقل مطب وانه قوي بالتحميل ولا يخف عزمه ومكينته مثل مكينت الصالون وكلهن يلهمن بانزين بزود هذا والله اعلم
تسلم وما قصرت على المشاركة اخوي ( تنوم)
النيسان اصلا يشرب بنزين حتى الباثفندر لكنه بدرجه أقل من الباترول
* الـكـشّـات*
20/04/2006, 07:32 PM
السلام عليكم
خذ العلم من مجرب وأنا اخوك
مكينة الشاص الى 99 >> 4200 ماهيب 4500
المركوب أريح من شاص التويوتا ولا هنا فرق
ممشى النفود ممتاز بسبب قوة قيره وكارونة الدفرنس الكبيرة
والنفود بالأول والأخير >> كفرات حتى لو معك دينا
شرب البنزين هو والتويوتا إخوان من تجربة شاص 99 نيسان وتويوتا بنفس الوقت والاثنين وكالة ..
النسيان أوسع شوي بالغمارة من التويوتا بسبب وجود الدبل على اليسار عند السواق
اما التويوتا الدبل يمين ويضيق على الراكب بوسط الغمارة ...
سست النيسان لينة بزود يعني لازم تدبلها أو تركب (لعابات) علشان ترفع مقفى الموتر
ولا ينزل مع الشيل .
ممشى الخط شاص التويوتا أسرع ولا فيه أمل تلحقه بشاص النيسان

هذا اللي عندي والله يوفقك

اشكرك أخوي ( ابن بدران ) على التفصيل وما قصرت
طيب...
بما انك مجرب... هل خرباته واجد؟
وهل قطع الغيار الرخيصة ولا غالية؟
وكم حصان الشاص الي موديله 95؟
واخيرا .... استشارة
شاص نيسان موديل 95 ماشي 140 الف نظيف
باخذه لمدت سنة او سنتين بس... ويمكن اقلب المكينة ديزل إذا لقيت مكينة قوية ومكينيكي فنان.
وشكرا
ننتظر المشاركة من بقية الإخوة
خالد 3000
20/04/2006, 09:38 PM
النيسان الشاص اقوى دبل واخف حركه
واريح ولو خيروني اختار النيسا ن على التويوتا
ألا إذا كنت ببيع ولا بشخص
ابن بدران
20/04/2006, 10:27 PM
اشكرك أخوي ( ابن بدران ) على التفصيل وما قصرت
طيب...
بما انك مجرب... هل خرباته واجد؟
وهل قطع الغيار الرخيصة ولا غالية؟
وكم حصان الشاص الي موديله 95؟
واخيرا .... استشارة
شاص نيسان موديل 95 ماشي 140 الف نظيف
باخذه لمدت سنة او سنتين بس... ويمكن اقلب المكينة ديزل إذا لقيت مكينة قوية ومكينيكي فنان.
وشكرا
ننتظر المشاركة من بقية الإخوة

أخوك فاكه من الوكالة وكادة اربع سنوات وشوي وشاف الويل مني ولا اذكر اني غيرت فيه شي الا (تماتيك المروحة ) بس
قطع غيار النسيان دبل التويوتا الا شوي يعني مثل (الفلنجات) حقات الدبل بالنسيان فوق الالف وخمس مية والتويوتا 850 والفحمات النسيان 140 والتويوتا 80 أو 70 ريال .. هالكلام قبل خمس سنين ما ادري الحين يمكن تغير الوضع .. لكن عموما النيسان أغلي قطع من التويوتا واللي نزل قطع النيسان كثرة القطع اللي يجيبونها من تشليح الامارات ،، يعني تحصل قير مع دبل (نظيف) حق باترول مديل 95 وفيها بـ 2500 تقريبا بالتشليح

الحصان ما اعرفه وانا اخوك لكن المكينة 4200 واللي ينقص سرعته بالخط عن التويوتا كبر (الكارونة) مع ان اللي معي كان يوصل الـ 180 بالراحة ...

أما على قولك شاص نيسان موديل 95 ماشي 140 الف نظيف إذا هذا ممشاه صحيح ومحركاته ماجاها شيء فخذه ولا تتردد وإن قلبته ديزل خير على خير ... وكان الله ما كتب لك مشتراه عطني لاهنت خبر انا ادور لي واحد مثله ...

الله يوفقك وييسر أمورك واعذر اخوك على القصور
* الـكـشّـات*
21/04/2006, 12:17 AM
النيسان الشاص اقوى دبل واخف حركه
واريح ولو خيروني اختار النيسا ن على التويوتا
ألا إذا كنت ببيع ولا بشخص
يعطيك العافية يا أخوي ( خالد3000)
على المشاركة
* الـكـشّـات*
21/04/2006, 12:21 AM
أخوك فاكه من الوكالة وكادة اربع سنوات وشوي وشاف الويل مني ولا اذكر اني غيرت فيه شي الا (تماتيك المروحة ) بس
قطع غيار النسيان دبل التويوتا الا شوي يعني مثل (الفلنجات) حقات الدبل بالنسيان فوق الالف وخمس مية والتويوتا 850 والفحمات النسيان 140 والتويوتا 80 أو 70 ريال .. هالكلام قبل خمس سنين ما ادري الحين يمكن تغير الوضع .. لكن عموما النيسان أغلي قطع من التويوتا واللي نزل قطع النيسان كثرة القطع اللي يجيبونها من تشليح الامارات ،، يعني تحصل قير مع دبل (نظيف) حق باترول مديل 95 وفيها بـ 2500 تقريبا بالتشليح

الحصان ما اعرفه وانا اخوك لكن المكينة 4200 واللي ينقص سرعته بالخط عن التويوتا كبر (الكارونة) مع ان اللي معي كان يوصل الـ 180 بالراحة ...

أما على قولك شاص نيسان موديل 95 ماشي 140 الف نظيف إذا هذا ممشاه صحيح ومحركاته ماجاها شيء فخذه ولا تتردد وإن قلبته ديزل خير على خير ... وكان الله ما كتب لك مشتراه عطني لاهنت خبر انا ادور لي واحد مثله ...

الله يوفقك وييسر أمورك واعذر اخوك على القصور

الله يسلمك ما هنا اقصور واشكرك على تفاعلك معي في هذا الموضوع
وعلى مشورتك الطيبة
ويعطيك العافية على التفصيل والتوضيح وهذا إلي أنا ابيه
بيني وبينك ريحتني وإن شاء الله اني ابشريه وبالتوكل على الله
وان حصلت لك واحد رسالتك على الخاص بإذن الله
وجزاك الله خير
وننتظر مشاركات الاخوان للي عنده رد أو تعليق ...