عبارة في طبلون السيارة !!!

[منتعش]

حي الله الشقردية – كلن باسمه –
وأسأل الله أن يوفق الجميع لكل خير .

يا أهل الخبرة : :good: :good: :good:
عندي جيب لاندكروزر نوع VXR
وولعت لمبة في الطبلون ( T-BELT )
ومعناها غير سير الجنزير لأن الموتر ماشي أكثر من 150 ألف كم .
وقمت بتغيير وإصلاح الجنزير .

والمشكلة : :confused: :confused: :confused: أن اللمبة ما طفت .
ومريت على الوكالة وقالوا : تحتاج إلى برمجة ووقت إصلاحها ساعة . يقومون بفك الطبلون .
والسعر كما تعرفون كالعادة غالي : بــ ( 150 ريال ) .

ورحت لصاحبي – صاحب الورشة – وقال : السعر غالي ، وإذا قالوا لك بفكون الطبلون فهم نصابين ، يقومون بفصل اللمبة !!
وقال لي : لو تروح للصناعية لقيت من يسويها لك بـ ( 50 ) ريال .

ونبي فزعتكم : من منكم مرة عليه مثل هذه السالفة ؟
ومن منكم يعرف ورشة تطفي هذه اللمبة ، وتبرمج تشغيلها بعد 150 ألف كم ؟
والله يحفظكم ويرعاكم .

[الفتى المجازف]

منتعش لحظه من فضلك:

لا مائة وخمسين ولاغيره المساله سهله جدا وودي اسألك السياره قير عايدي ولا تماتيك.؟

ارجو الافاده سريعا

الموضوع سهل ويعتمد كثيرا على اجابة سؤالي ...

[السهل 494]

اخوي مثل هاللمبات في الامريكي اذا علقت نقوم بفصل احد اصابع البطاريه لمده ساعه ونصف ثم نرجعها ماادري اذاتنفع في اللاند كروزر او لا لكن جربها ماتخسرك شي ارجو ان تنفعك .

[منتعش]

ياهلا وغلا بأخوي الغالي والمحب : الفتى المجازف
وأشكرك جزيلاً على تفاعلك ، والله إنك حمستني وأدخلت السرور علي .
السيارة الله يحفظك اتوماتيك ، وبنزين .

[منتعش]

ياأخوي الغالي : الفتى المجازف
رد علي الله يخليك تراك علقتني . :eek: :eek: :eek:

[المهنـدس]

الموضوع برمجه ,ولا حساس خربان .. غريبه هالحمير اللي بالوكاله ما صلحوها!

[غيّام]

الفتى المجازف ليتك وانا اخوك كتب وش يسوي لوه تماتيك ووش يسوي لوه عادي عشان تعم الفائده وغيرك معلم

[منتعش]

آسف جداً أخوي الغالي : السهل 494
على التأخير في الرد لأني كنت مشغول واتحرى رد أخوي الغالي : الفتى المجازف
والله يعطيك العافية على المعلومة القيمة ، وسوف أجربها إن شاء الله .
ومرحبابك .

[منتعش]

ياهلا وغلا بأخوي المحب : المهندس
يوم شفت أسمك قلت : هذا عنده العلم .
مرحبابك أخوي الغالي ويعطيك العافية على مرورك الطيب .


أهلين وسهلين بالمحب : غيّام
شكل الرجال عطانا ركبه وعلقنا .
على العموم يعطيك العافية على مرورك الطيب ومرحبابك .

[al-nashmi]

اخونا المنتعش
الاخوان الكرام

خذ العلم الاكيد وباختصار...

صارت معي في موترين vx.r

هذي تحتاج اللى عمل ريست لكبيوتر السيارة الرئيسي بدون فك الطبلون( وللي يقول ابفك الطبلون كذاب لا تقربه او تصدقه..

ود الموتر الى البازعي او ابو جميل ويصلحونها وانت واقف.....

انا سويتها عند البازي واخذوا 100 ريال فقط... مع ان العمليه تافه ولا تسوى بس هم محتكرين الجهاز ويتحكمون بالناس..

وسلامتكم..

تحياتي للجميع

النشمي

[المتليك]

افصل البطاريه لمده لاتزيد على نصف ساعه ونظف الاصابع للبطاريه زين لايكون فيها اثر زيت اوشحم واعدها وسوف تختفي هذه العباره اللي في الطبلون لاانه بعد فصل البطاريه سوف تتبرمج عندك الشغله من جديد وبلى كمبيوتر ولايحزنون

[منتعش]

ياهلابكم ومرحبابكم أخواني الفضلاء

al-nashmi


المتليك

يعطيكم العافية على المعلومات القيمة .
بس مثل ما قلت ياأخوي الغالي : al-nashmi الشغله ما تستاهل وماخذين 100 أو 150

وإن شاء الله بجرب طريقة أخوي المحب : المتليك وأيضاً أخوي الغالي : السهل 494


والجميع ينتظرون رد أخوانا الغائب : الفتى المجازف ؟؟؟؟؟؟

[الفتى المجازف]

ابشر بعزك يامنعش ولايهونون الاخوة

بس انتبه تدفع 100ريال تراها مسألة تافهه

وزي ماقالو الشباب برمجه وانت واقف
ماتاخذ ثواني.

تحيتي

[فال الخير]

السلام عليكم ورحمة الله وبركاته

أخي منتعش عبارة T-belt معناها هو (يجب عليك تغيير جنزير الماكينه أو سير التيمن) وهذا الجنزير ربل جاء بديل في السيارات الجديده عن الجنزير الحديد في السيارات القديمه

ويجب عليك تغييره كل100000أو 150000كيلو او سوف يعدم عليك المكينه وأنصحك تغيره عند الوكاله


تقبل تحياتي

[المشراق]

أخي المنتعش أنا عندي كابرس وإذا تأخرت في تغييرالزيت تولع عندي لمبة (تغيير الزيت )وأول مرة رحت للوكالة وجلست السيارة يوم علشان يطفون اللمبة وكانت تحت الضمان والمرة الثانية علمني فلبيني وفتح غطاء الفيوز وتحت الفيوز زر وفتح السويك بدون تشغيل وضغط الزر شوي وسكر السويك ثم شغل السيارة وطفت اللمبة وصرت اعرف الطريقة ,ما ادري هل هي موجودة عندك وإلا غير موجودة وانتبه تشغل السيارة وانت ضاغط الزر 0

[جمار]

اطفاء اللمبة لا يعني ان السيارة لا تحتاج تغيير الجنزير بعد 150000 كم

تحيات للجميع
http://www.mekshat.com/pix/upload/sign/images/mk21972.gif

[منتعش]

الله يعطيكم العافية كل واحد بأسمه :
الفتى المجازف : نتحراك من زمان وننتظر الرد الشافي :confused: :confused:
على العموم مرحبابك .


فال الخير : ما قصرت على المعلومات والله يبيض وجهك .



المشراق : هلابك . صدقت قالها واحد من الشباب وقال أيضاً افصل أصبع البطارية لمدة ساعة ونصف .


جمار : الله يحفظك على مرورك الطيب

[ابوعمرونورة]

اخي المنتعش السلام عليكم ورحمةالله ولايهونون الاعضاء المشاركين انا مر ت علي المشكله وما نفع فصل البطارية الدعوه فيوز يغير اويزود المسافة الى 300000كم وفية ورشة فني كمبيتر صلحها لي بسعر زهيد وخذ الوصف (مخرج 17 تتجه غرب قبل اول اشارة بـ40 متر فيه كهربائي على اليمين سعودي اسمه ابونايف) والله يسهل امرنا وامرك.

[ابوعمرونورة]

اخي المنتعش السلام عليكم ورحمةالله ولايهونون الاعضاء المشاركين انا مر ت علي المشكله وما نفع فصل البطارية الدعوه فيوز يغير اويزود المسافة الى 300000كم وفية ورشة فني كمبيتر صلحها لي بسعر زهيد وخذ الوصف (مخرج 17 تتجه غرب قبل اول اشارة بـ40 متر فيه كهربائي على اليمين سعودي اسمه ابونايف) والله يسهل امرنا وامرك.

[مراسل وراط]

اخوي عندي انفنتي وولعتلمبات وسويت له برمجه 150ريال في الصناعيه

[مروق]

سلام ...

اعتقد الكمبيوتر يحتاج لعمليه ري ست ... جرب فصل اصابع البطاريه لمده نصف ساعه

[salehhd]

السلام عليكم

مالك غير البازعي واعتقد ان 100 ريال مبلغ معقول خاصة لاعادة برمجة الكمبيوتر وشغل مضمون بدل ما توديه للورش ولعبون بالسيارة

[منتعش]

ياهلا وغلا
وأهلين وسهلين : بالنشامى والشقردية
وأشكركم على تعاونكم ومسابقتكم لحل هالمشكلة .



ابوعمرونورة
ياليت الله يحفظك كان تيسر أن ترسلي رقم هاتفه ، وأسم الورشة .
والله يبيض وجهك .


مراسل وراط
ياليت تعلمني أسم الورشة وموقعها .
والله يحفظك .

مروق المنجا
إن شاء الله سوف أجرب الفصل .
ويعطيك العافية


salehhd
إذا مره يأست رحت للبازعي
والله يرعاك

[قناص تميم]

أفصل البطاريه ساعتين وشف إذا ما نفعت أقرب ورشه أنا قدسويتها في الأمريكي وضبطت
وشكراً

[منتعش]

ياهلا بالحبيب الغالي : صقار نجد ؟




يعطيك العافية على المعلومة القيمة . بس ما أدري هل إذا فصلت البطرية تتبرمج اللمبة وتولع
إذا مشى الموتر كل 150.000 ألف ؟ :confused: :confused: :confused:

[نا مق]

الله يعطيكم العافية أستفدنا منكم
وهاللمبه مشغلتنا بعد لكن تناسيته غصب

[مهيلان]

اخوي المنتعش السلام عليكم

الطريقه سهله جدا جدا
وتسويها وانت جالس على المرتبه
بدون ما تفك شي ابدا

ولا تاخذ منك الا دقيقه وحده

بس اليوم اجيبها لك واتاكد منها ان شاء الله

[منتعش]

حياك الله وبارك الله فيك أخوي الغالي : نا مق

وفرحت بمرورك الطيب وعباراتك الأطيب .
وصدقت هذه اللمبة مشغلتني .
ومرحبابك .


أهلين وسهلين بالمحب : مهيلان

تكفى تراني انتظرك على أحر من الجمر .
والله يبيض وجهك .
وترى الجميع ينتظرونك وينتظرون متى تطفى اللمبة .
والله يرعاك .

[منتعش]

ياهلا وغلا وأهلين وسهلين بأخوي الغالي والمحب



al-nashmi

بيض الله وجهك وحرم الله وجهك على النار
وأشكرك على أسلوبك الطيب وحرصك على الأعضاء ونصحك لهم
والله أسأل لك ولجميع الأعضاء العون والتوفيق والسداد .

[منتعش]

يا أخوان فصلت البطارية
لمدة ثلاث ساعات وما طفت اللمبة
أحببت إفادة الشباب اللي نصحوني بفكها
والله يحفظ الجميع

[ابوعمرونورة]

الورشة مالها اسم والرجال اسمه ابونايف ورقم جواله 0505471681

[ابوعمرونورة]

الورشة مالها اسم والرجال اسمه ابونايف ورقم جواله 0505471681:good: :)

[ابوعمرونورة]

الورشه مالها اسم والرجال اسمه ابونايف وجواله 0505471681:good:

[منتعش]

الله يبيض وجهك ويحرم وجهك على النار
وفيت وكفيت
وما قصرت على حرصك

[بوسهيل]

نعم


حصلت معاي هل المشكلة لاكن اروح للمحل اقولي موترك 6 سلندر مافية سير بس ال8 سلدر غريب

وللحين الموتر لمبتة والعة

[ابوعبدالهادي]

أركب السيارة
أفتح السوتش الى الاخير طبعاً السيارة طافية
دوس على البنزين ثلاث مرات
بعد المرة الثالثة شغل السيارة
وانشاء الله تطفى اللنبة

[منتعش]

حي الله أخوي الغالي : بوسهيل
اللمبة الله يحفظك ما تولع إلا إذا كان موتر في سير أو جنزير
وفي الالندكروزر ما تجي إلا في ثمانية سلندر مثل vxr
ولعل الأخ الغالي : ابوعبدالهادي أفادك
والله يوفقك .
=========
مراحب أخوي المحب : ابوعبدالهادي
بيض الله وجهك وفيت وكفيت
وبارك الله فيك

[ff-19]

انا سيارتي 6 سلندر جي اكس م 96 او لعت اللمبة عندي البرتقالية او غيرت الجنزير عبارة عن سير والله يامسلمين ابتلشت فيها فصلت البطارية وقت طويل مانفع شي رحت للبر او جلست في افكر ويش اسوي والله الحل تاه لكن الله جابة والتجربة خير برهان===========

الحل هو\\\\\\\\\\\\\\\\\\\\\\\\ يرجى نشره لكسب الاجر لاهو برمجة ولا شي من هذا القبيل


يوجد عند عداد السرعة زر عبارة عن بلاستيك طويل للتصفير العداد حق الزيت معي ام لا
تمام الان وش اللي جنب هذا ازر من يسار ايوه غطاء صغير بلاستيك مساوي للغطاء للطبلون شيلة بطرف الاظفر وش يصير الان امامك فتحة صغير امام الفتحة زر اسود امام الفتحة مباشرة ادخل سكروب صغير في الفتحة ثم اللى الزر الاسود ثم اضغطة راح تنطفي اللمبةt.beltالان ثم ضغطة اخرى راح تولع معك الموضوح مايستغرق اقل من دقيقة

[نوماس1]

مع الاسف يلعبون علينا هالهنود في الصناعيات والورش ويسحبون الى في مخابينا على شغلات تافهه
انا عند العلم الاكيد
اسمع //
1- اضغط على زر تصفير الطبلون ضغطه مطوله وانت ضاغط افتح مفتاح تشغيل السياره الى الاخر دون تشغيل السياره
2- استمر ضاغط على زر التصفير لفترة 15 ثانيه بعد فتح السويك
3- بعد مرور 15 ثانيه اترك زر التصفير
4 - يضهرلك في شاشة عدد الكيلوات رقم زود الرقم في الشاشه بالضغط على زر التصفير ضغطات متتاليه حتى يصبح الرقم 15 ويعني ذلك 150 الف كيلو
5- اضغط على زر التصفير مره اخرى ضغطه مطوله لمدة خمس ثواني او اكثر الى ان تعود شاشة عداد الكيلوات لوضعها الطبيعي
6- اغلق السويك ثم افتحه مره اخرى وشغل السياره وانظر ما ذا يحدث
وبذلك تكون قد سجلت تشغيل اللمبه المره القادمه بعد 150 الف كيلو وبأمكانك تقليل الرقم 15 الى 10 ويعني ذلك 100 الف كيلو
وتحياتي للجميع

[شامخ ألهيلا]

يجب عليك تغيير جنزير الماكينه أو سير التيمن

[shaheenshah]

يجب عليك تغيير جنزير الماكينه أو سير التيمن

طيب اذا ما غيرت سير التيمن او سير التوقيت وش النتائج المترتبة عليه؟ ولا شي تطفى السيارة اذا طفت ذيك الساعة غيره

[هاوي الله]

مع الاسف يلعبون علينا هالهنود في الصناعيات والورش ويسحبون الى في مخابينا على شغلات تافهه
انا عند العلم الاكيد
اسمع //
1- اضغط على زر تصفير الطبلون ضغطه مطوله وانت ضاغط افتح مفتاح تشغيل السياره الى الاخر دون تشغيل السياره
2- استمر ضاغط على زر التصفير لفترة 15 ثانيه بعد فتح السويك
3- بعد مرور 15 ثانيه اترك زر التصفير
4 - يضهرلك في شاشة عدد الكيلوات رقم زود الرقم في الشاشه بالضغط على زر التصفير ضغطات متتاليه حتى يصبح الرقم 15 ويعني ذلك 150 الف كيلو
5- اضغط على زر التصفير مره اخرى ضغطه مطوله لمدة خمس ثواني او اكثر الى ان تعود شاشة عداد الكيلوات لوضعها الطبيعي
6- اغلق السويك ثم افتحه مره اخرى وشغل السياره وانظر ما ذا يحدث
وبذلك تكون قد سجلت تشغيل اللمبه المره القادمه بعد 150 الف كيلو وبأمكانك تقليل الرقم 15 الى 10 ويعني ذلك 100 الف كيلو
وتحياتي للجميع

يعطيك الف ألف الف عافيه يانوماس

عندي سؤال : الكلام هذا على أي موديل للــ Vxr ؟

[بواسامه]

منتعش
الله ينعشك بطاعته
افصل البطاريه وعود اشبكها مرة ثانيه وان شاء الله انها بتزبط معك
وال{اي الاخر
سعر الوكالة جدا معقول
عط الخباز خبزه ولو كلى نصفه
وفقك الله

[منتعش]

مراحب أخواني الغالين :
ff-19
نوماس1
محيميد2005
الله يعطيكم العافية
وفيتم وكفيتم وبارك الله فيكم .

أخي المحب : shaheenshah
إذا ما غيرته راح يخرب عليك أشياء كثيرة بسبب الإنقطاع
بيلعب بالمكينة وبتعطل السيارة وأشياء كثيرة

[منتعش]

هلا وغلا بالغالين :
هاوي هدد
أنا اللي معي الله يحفظك موديل 2001
والله يرعاك

==============
أهلين وسهلين بالمحب : بواسامه
سويت اللي تقول فصلت وما نفعت
والحل مثل ما فالوا الأخوان في الآعلى

[camping expert]

لابد من ري ستارت


شوف الكاتلوج واعمل ري ستارت انت بنفسك


ووفر دراهمك وانا اخوك

[هاوي الله]

حياك الله أخوي منتعش ((( يااااعلك تنتعش على طوووول )))

أنت صلحت موترك ولأ لا ؟ يعني طفت اللمبه ؟

والطريقه الصحيحه في أي رد من ردود الأخوان ؟

يعطيك العافيه ,,

[مكـiiiـات]

يجب تغيير الزنجير
وهو عبارة عن سير بلاستك له مكان خاص في المكينة
يقوم المختصوب بالوكالة بفتح غطاء خاص له ومن ثم تغييره
انت ما عليك من اللمبة غيِّر الزنجير كل 150 ألف كيلو لأنه بعد ذلك يرتخي أي يصبح غير مشدود ثم لا يدور المحرك عند تشغيلة ولا يصل الورشة إلا بسطحة
المشكلة الزنجير وليست اللمبة ؟؟؟
انتبه لموترك الله يستر عليه ويعطيك خيره

[الروضة]

السلام عليكم ورحمة الله وبركاته
أخوي مشغول وجميع الأعضاء
هذه تولع إذا مشى الموتر 150000كيلو
والذي يقول لك إن إطفاء اللمبة يحتاج برمجة كميوتر تراه كذاب
أنا ولعت معي وغير سير التيمن ورحت لوكالة تايوتا بالزلفي وأطفى اللمبة وأنا واقف وببلاش بعد
والطريقة
أفتح السويك وأضغط عداد الطبلون تقريباً 15ضغطة ثم سكر السويك ثم شغل
بصراحة أنا أتابعه وهو يضغط العداد لكن ماني متأكد هل ضغط 15أو 17
لكن أنت حاول في هذه الطريقة وتنجح إن شاء الله

[هاوي الله]

السلام عليكم ورحمة الله وبركاته
أخوي مشغول وجميع الأعضاء
هذه تولع إذا مشى الموتر 150000كيلو
والذي يقول لك إن إطفاء اللمبة يحتاج برمجة كميوتر تراه كذاب
أنا ولعت معي وغير سير التيمن ورحت لوكالة تايوتا بالزلفي وأطفى اللمبة وأنا واقف وببلاش بعد
والطريقة
أفتح السويك وأضغط عداد الطبلون تقريباً 15ضغطة ثم سكر السويك ثم شغل
بصراحة أنا أتابعه وهو يضغط العداد لكن ماني متأكد هل ضغط 15أو 17
لكن أنت حاول في هذه الطريقة وتنجح إن شاء الله

هذا تأكيد لكلام الأخ نوماس

يعطيك العاااااااااااااااااااااااااااااااااافيه ياخوي الروضه ,,

[شامخ ألهيلا]

طيب اذا ما غيرت سير التيمن او سير التوقيت وش النتائج المترتبة عليه؟ ولا شي تطفى السيارة اذا طفت ذيك الساعة غيره

اخوي شاهن شاه
اذا انقطع السير او الجنزير داخل المكينه هذا يعني الله يخلف على المكينه يعني يبيلك توضيب بي 5000 ريال
والجنزير مايكلفك تغير في توقعاتي 600 ريال اكثر او اقل على كذالوكاله مبرمجه اللمبه على 150الف تشتغل كحد اعلى للاحتياط وطريقت تطفيتها زي ماقالوا الشباب في الردود الاولى
يعني اشتغال المبه لتنبيه لتغير سير التيمن

[نوماس1]

يعطيك الف ألف الف عافيه يانوماس

عندي سؤال : الكلام هذا على أي موديل للــ Vxr ؟

اخي العزيز الكلام هذا لجميع المديلات من98 وفوق

[نوماس1]

اخوى المنتعش حفظك الله
اكيد ما سويت الى كتبته في ردي الاول والا كان انتهت المشكله انا متأكد مما اقول
ارجو الرجوع الى ردي السابق حول هذا الموضوع وطبقه مثل ما كتب
وزودنا بالنتائج لو سمحت

http://www.mekshat.com/pix/upload/sign/images/mk36482.gif

[shaheenshah]

اخوي شاهن شاه
اذا انقطع السير او الجنزير داخل المكينه هذا يعني الله يخلف على المكينه يعني يبيلك توضيب بي 5000 ريال
والجنزير مايكلفك تغير في توقعاتي 600 ريال اكثر او اقل على كذالوكاله مبرمجه اللمبه على 150الف تشتغل كحد اعلى للاحتياط وطريقت تطفيتها زي ماقالوا الشباب في الردود الاولى
يعني اشتغال المبه لتنبيه لتغير سير التيمن

اخوي محيميد 2005
شكرا على تجاوبك معي

الحقيقة اعرف اكثر من شخص انقطع عليهم السير ولا صار بمكاين سياراتهم شي
وحسب ما سمعت من ميكانيكيين في السيارات انه في حالات نادرة جداً ممكن تنطعج بعض البلوف في المكينة

[منتعش]

يا هلا وغلا بالنشاما :

camping expert
ويعطيك العافية
وما قصرت
وهلابك .

===========
أهلين وسهلين بالغالي : هاوي هدد
الله يرزقك هدد أخر موديل 3000:D
أبشرك طفت اللمبة
والطريقة الصحيحة هي طريقة أخونا المحب ( نوماس1 )
بيض الله وجهه والجميع

[منتعش]

يا مليون غلا بالشقردية : مكـiiiـات
الله يجزاك خير
صلحت الجنزير ولله الحمد
بس مشكلة هاللمبة المولعة
وأبشرك طفت ولله الحمد
بتوفيق الله ثم بمعلومات الشقردية جمبعهم .

===============

حياك الله أخوي الغالي : الروضة
تصحيح ( منتعش ) وليس مشغول
وصدقت اللي يقول إنها تحتاج برمجة كذاب
بس وش نسوي بالوكالات اللي تمص الناس :confused:

[منتعش]

مراحب بالمحب : هاوي هددوأشكرك على مرورك الطيب
والله يوفقك
===============
أهلين بالحبيب : محيميد2005
والله يعطيك العافية
وما قصرت .

================
يا مليون هلا وغلا بالغالي : نوماس1
وأسأل الله أن يوفقك لكل خير
وأن يبارك فيك
والله إنك وفيت وكفيت
بس أنا أريد الفائدة للشباب
وأبشرك سويتها ونفعت
والله يحفظك ويرعاك

==================
ياهلا وسهلا بالحبيب : shaheenshah
وأشكرك على مرورك الطيب
ويعطيك العافية

[نوماس1]

اخوي المنتعش حولي لحسابي بالبنك 145 ريال لو سمحت
مسوين خصم 5 ريال
مشكور على دعواتك
والله يعطيك العافيه

[بوسهيل]

اخواني بعد ما ولعت اللمبة خفت على موتري وديتة الوكالة قالي عادي وان مشيت لانة موترك 6 سلندر مافية سير في المكينة بس 8 وبنطفيلك المبة 150 ريال قلت موافق ونتهت الازمة .

لاكن بدت لي أزمة ثانية وهية تبديل القير تباديل متتالية تفقد الموتر عزمة ويضعني في مواقف حرجة

g.x 2003 اوتومتك

[ابومعاذ]

هل اليوكن 2002 به سير التيمن بلاستيك مثل ال فكس ار (قصدي ربل)


حسبي الله على من ورد لنا سيارات بها بلاستيك متحرك بداخل مكاينها -- وين المواصفات والمقاييس عن بربسة الأستراليين لعبوا بالتويوتا لعب

[هاوي الله]

تفضل ياعزام الكويت ......... الجواب في أحد رودود الأخ نوماس1

[معلا]

بارك الله فيكم جميعاً

هل الطريقة هذي تنفع مع الــ GXR 2003

في الحقيقة جربتها وما نفعت اعني طريقة اخينا نوماس1

[منتعش]

حي الله أخواني الغالين :

نوماس1 : أبشر وتراها شوي في حقك وفي حق معلوماتك القيمة .
والله يوفقك ويرعاك ويبارك فيك و..... خلاص قضت 145ريال :D



بوسهيل : شف الله يحفظك السير يوجد الثمانية سلندر فقط ( وهذه خاصة في جيوب الاندكروزر ) حسب علمي .


ابومعاذ : ما عندي خبر الله يحفظك ، بس أشوف بعض السيارات الصغيرة مثل ( تيرسل ، الهوندا ، واللي دفعها أمامي ) والله أعلم .

هاوي الله : لا تعدى أخوي الخبير نوماس1 وخذ مشورته وأنت مغمض .

معلا : حسب علمي أنها في vxr فقط يعني أبو 8 سلندر

وأشكر الجميع على تفضلهم ومشاركاتهم وإضافاتهم
والله يرعاكم

[ساري15]

مع الاسف يلعبون علينا هالهنود في الصناعيات والورش ويسحبون الى في مخابينا على شغلات تافهه
انا عند العلم الاكيد
اسمع //
1- اضغط على زر تصفير الطبلون ضغطه مطوله وانت ضاغط افتح مفتاح تشغيل السياره الى الاخر دون تشغيل السياره
2- استمر ضاغط على زر التصفير لفترة 15 ثانيه بعد فتح السويك
3- بعد مرور 15 ثانيه اترك زر التصفير
4 - يضهرلك في شاشة عدد الكيلوات رقم زود الرقم في الشاشه بالضغط على زر التصفير ضغطات متتاليه حتى يصبح الرقم 15 ويعني ذلك 150 الف كيلو
5- اضغط على زر التصفير مره اخرى ضغطه مطوله لمدة خمس ثواني او اكثر الى ان تعود شاشة عداد الكيلوات لوضعها الطبيعي
6- اغلق السويك ثم افتحه مره اخرى وشغل السياره وانظر ما ذا يحدث
وبذلك تكون قد سجلت تشغيل اللمبه المره القادمه بعد 150 الف كيلو وبأمكانك تقليل الرقم 15 الى 10 ويعني ذلك 100 الف كيلو
وتحياتي للجميع


مجهود تشكر عليه أخوي :::::::: نومااااااااااااااس1

[hamed2001]

الشكر للجميع
جربتها مع جيب لاندكروزر 2004 وتمت بنجاح
الشكر للاخ نومااااااااااااس1

[منتعش]

حي الله أخواني الغالين :
ساري15
hamed2001
وأشكركم على مروركم والإستفادة من الموضوع من قبل أخانا الغالي ( نوماس )
والشكر موصول للأخ العزيز والعبقري بيض الله وجهه
نوماس1

[عطر الحكي]

السلام عليكم ورحمة الله وبركاته
انا عندي كابريس 2006 وتولع لمبه التشيك وفي الشاشه صوره مكينه عليها صوره برق وجرس يعني انذاروش الحل تكفوون