المساعد الشخصي الرقمي

مشاهدة النسخة كاملة : شورتكم وهداية الله


عـاشق الهلي
09/04/2006, 09:10 PM
يا شباب
أنا بصدد شراء سيارة هايلوكس ((سياحي))

يعني ماأبي إلا مكيف بس

لكن هل السياحي يجي ما كينته 2700 و157 حصان وبخاخات وغذا كانت مواصفات المحرك غير كذا
أرجوا ألا تبخلوا علينا بمعلوماتكم

ثانياً : وش أحسن أخذه من عبد اللطليف جميل / البازعي / الفطيم / البريمي <طبعاً أنا في الرياض>

ثالثاً : (((معليش كثرت عليكم))) كم سعره علماً إني بأشتري موديل 2005


لا تبخلون علينا .... لأني ببيع موتري يوم الجمعة الجاي ان شاء الله

طلب أرجو انكم تفيدوني فيه الشباب أخوياي قالولي أو ما تشتري الموتر فك المراوح حقته وركب مراوح سوبارو
ولأن أنا عندي سوبارو منطوله عند المسجد ما أشغلها إلا في السنه حسنه
السؤال هل اركب مراوح السوبارو والا لا؟؟؟؟؟




وشكراً أخوكم ومحبكم في الله / عاشق الهلي
جو الصمان
09/04/2006, 09:29 PM
السلام عليكم
انا ابعطيك وجهة نظر وانت ورايك
مادامك شاري خذالموديل الجديد لاتقول شكله ومادي ويش ترى الناس كل شكل يسوون نفس الدربكه تذكر اول مانزل 2002 وش سوو الناس انواع السب لاكن يوم جربوه وناظرو ماخلوه وانت الحين بتشتري مودل قديم وشكل يعتبر قديم والجديد بين يديك خذ الجديد مادامك دافع الدرام دافعها وهذي نصيحه وانت ورايك
وشكرا
ومن ناحية المراوح كبها إذا كنت راعي طعوس وحوسة موتر عن الحراره واخف للموتر وكانك صامل على القديم الله الله بالخليجي
غضنفر
09/04/2006, 10:26 PM
2005 غالي جديده ومستعمله
انصحك تنتظر شهرين لعل اسعاره تنزل شوي الين تقبل الناس شكل 2006
بو خليفه
10/04/2006, 12:14 AM
ملاحظة

الجيب و الونيت لا تهتم بقوة الحصان
الأهم قوة العزم لأن الجيب و الونيب يحتاج إلى قوة و القوة هي العزم (نيوتن) و تكون موجودة دائماً في الأوروبي والأمريكي و الكوري و الياباني بعضها غير موجود في الكتالوج لضعف العزم و أتوقع عزم الهلي 190 نيوتن
عـاشق الهلي
10/04/2006, 11:57 AM
طيب مشكورين جميعاً بس وين الباقين

لكن وين الشباب الباقين <<<<<< تراى الموتر بأطلبه يوم الجمعة

لا توهقوني بالنسبة للسعر كم سعر البازعي / وكم أبو جميل ووش الفرق بينهم من جميع النواحي

علماً ياشباب اني بآخذ سياحي بمكيف فقط

وهل هو بخاخ والا كربلتر

وانا محتار في 2006 لانه تايلندي فقط فوش رايكم في جودة الصنع والتحمل وسعر بعد البييع علماً انا هذا الموتر لن يستخدم

الا لسنتين فقط فهل يطيح سعره والا لا وكيف 2006 في الطعوس


معليش كثرت الأسئلة والاستفسارات عليكم لكن تحملوني أول سيارة أطقها جديدة

أخوكم /عاشق الهلي
شبح الصحراء
10/04/2006, 03:10 PM
بالنسبة لسؤالك حول وضع الموديل الجديد 2006 بالنسبة للتطعيس حصل اني قاومت واحد معاه 2006 دفرنسين ومعاي 2005 دفرنسين بصراحة غلبني في الطعس بس كنت انا خاف على الموتر وهو فاقع المكينة فقع لين طلع فوق السيف .
بس انا متشكك من الموديل الجديد لأني سمعت اشاعة قوية ان صداماته تركيب كليبس يعني ماهي صواميل واذا كانت الإشاعة صحيحة فالموتر راح يهرقل بسرعة وانصحك تتأكد من مسألت الكليبسات . وبالنسبة للمراوح السوبارو اتركها عنك وخلك على مراوح شد بلدها افضل واجود .

وهذا مقطع هدية لك وللقراء وجدت هذا المقطع في النت او في احد مواضيع مكشات القديمة .
تطعيس هايلوكس 2006 :
http://www.geocities.com/desert_ghost_sa/hli2006.zip
عـاشق الهلي
10/04/2006, 06:46 PM
السلام عليكم شكراً جزيلاً على المقطع

اليوم رحت لوكالة عبداللطيف جميل وسألت عن الـ Gl وكان سعره 63 ألف
وسألت عن الـ Glx وكان سعره 66 ألف
والفرق بين النوع الأول والثاني هو :::
Gl /////////////////////// Glx
يوجد في دعامات من الفيبر أماميه * * * لا يوجد
نوافذ كهرب * * * نوافذ هندل
تحكم بالمرايات كهرب * * * تحكم يدوي
اشارات على المرايات * * * ساده
تخشيب * * * بدون


يا شباب من يدلني على وكالة البازعي في الرياض ضروري جداً

وشكرا أخوكم / عاشق الهلي
غيانا
10/04/2006, 07:14 PM
السلام عليكم
اخوي
البازعي في خريص على الشارع العام شمال المعارض