اسعار لاند كروزر 2012

[SAS2]

بسم الله الرحمن الرحيم


الفي اكس ار : 315 الف ريال قطري

الجي اكس ار : 250 الف ريال قطري

الجي اكس : 220 الف ريال قطري

الجي ستاندر :190 الف ريال قطري


طبعا الاسعار بتنزل تقريبا 10 الاف بعد فتره من نزوله

بس بهالسعر حرام والله ما يستاهل ابد ;)


(( منقول ))

[ابوسند9]

الله يعطيك العافيه
والله بلاش يعني الفكسار اذا نزل 10 الاف بيكون ب 305 الف
كل سنه زياده 30 الف وهذا اللي يخليه على ما قالو شيك

[شاص99]

اووه بلاش


كله عطسه او عطستين وتجي دراهمه



هذا قيمة دبلوكس<<<<<يعني بيت تمشي عسان نجيب عشر قيمته عشان نشريه بمبلغ وقدره

[- النشمي -]

الحين 2012 ماحطو فيه زر فاصل لطرمبة البنزين


والا تويوتا نايمه في العسل

صدق من قال اذا تبي التويوتا لازم يكون جارك اللي على اليمين ميكانيكي واللي على اليسار كهربائي


تحياتي

[SAS2]

الله يعطيك العافيه
والله بلاش يعني الفكسار اذا نزل 10 الاف بيكون ب 305 الف
كل سنه زياده 30 الف وهذا اللي يخليه على ما قالو شيك

الله يعافيك وخل الفكسار على جنب المصيبه الجكسار الي ما فيه

راحه ابد اطلع من الدوادمي للقصيم 220 كيلو ظهري ذابحني

من التعب و ب 250 على ايش ما ادري !!!

مع هالاسعار يازين اليوكن زيناااااه :good:

[SAS2]

اووه بلاش


كله عطسه او عطستين وتجي دراهمه



هذا قيمة دبلوكس<<<<<يعني بيت تمشي عسان نجيب عشر قيمته عشان نشريه بمبلغ وقدره


هههههه عاد من زين هالطبيعه الي عندنا ددتسن ومن فوقها :(

[SAS2]

النشمي وجهه نظرك احترمها لاكن تويوتا من افضل الشركات اعتماديه وقله اعطال

وسالفه التعليقه هذي مزحه صغيره وما سمعت فيها الا بالمنتديات

والاختلاف فقط بهالموضوع على (( السعر )) فقط ومشكور لمشاركتك الحلوه

[قناص الصباخ]

اللاندكروزر يستاهل كل ريال لانه يتربع على قمة افضل سيارات الدفع الرباعي وللاسف لايوجد له منافس بالسوق

[HAS5SAN]

انا اشهد ان الذهب يحكم سعره
وانا لا ألوم أصحاب الدرادع
فلهم الحق بالفضفضة عن مافي نفوسهم
فالصراخ على قدر الألم

[عبدالله //]

ياعيني على الاسعار يابلاش اجل فكسار 310 ياجماعه وش عليه ابي ادري لوكان الماني قلنا انظمه امان وتكنولوجيا لو قلنا امريكي راحه وعزل صوت بس الكروز وش فيه زود ؟؟ من سنوات كان الكروزر رخيص وقطع غيار تويوتا رخيصه الحين السياره غاليه وقطع الغيار ... بس ابي لو شي بسيط تغير يستاهل زود 30 الف على 2011 .؟ الواي فاي مثلا؟؟

[sameer_1798]

قسم بالله اسعار فلكيه يازين الاسعار أول






صدق من قال اذا تبي التويوتا لازم يكون جارك اللي على اليمين ميكانيكي واللي على اليسار كهربائي



تحياتي


عز الله ماصدق من قالها ماخبرنا التويوتا يذل راعيه بالصحاري

صورة مع التحية لاهل الجموس و النيسان
http://www.mekshat.com/vb/showthread.php?t=146219

http://www.mekshat.com/vb/showthread.php?t=142239

http://www.mekshat.com/vb/showthread.php?t=144298

وما نشر من مواضيع أكثر وأكثر
أكتب بالبحث هذا : http://www.google.com/cse/home?cx=005965910452957583816:datafjiunom
طرمبة بنزين / كتاوت / مسامير ثلاجة / للجمس أو الفتك أو الباثفندر
وشوف من يحتاج يكون جيران الورش كلها
والمشكلة ان اغلبهم رهموا طرمبة فكسار وهذا ويش يدل عليه

[- النشمي -]

^^^

الجمس والفرت والدوج نقل جدودنا يوم ماكان فيه لاكهرب ولا طرق اسفلت قطع النفود والوعر ولا خان راعيه

اما اللاندكروزر موتر عيال النيدو وشارع التخصصي والثمامه هذا حده


وللاسف لقينا ناس تمدحه وتذم الاصل لكن ماعلي انا مع الاصل والعراقه والتاريخ ولايمكن انسى موتر له الفضل

بعد الله في اكتشاف صحارينا ودروبها





الجمس عز الخوي واللي يغدر بصاحبه معروف انه اللاندكروزر والا نسيت العايله اللي توفت في النفود بسبب عطل فني في اللاندكروزر والشباب اللي ماتو في الربع الخالي على اللكزس

من اللي يغدر بصاحبه الحين ؟؟


هذا موتر العتيق وعائلته الله يرحمهم بعد ماغدر فيهم اللاندكروزر

http://q8world.net/group/pic/other4/mankoba/image003.jpg



هذا الموتر اللي يغدر براعيه والا الجمس بري من اتهامك له برات الذيب من دم يوسف

[sameer_1798]

خلك من الجموس الاوله تختلف الكلام على التاليات من 90 وفوق
وكل الحالات اللي ذكرتها في الجيوب مضيعين أو مغرزين أو مخلص البنزين او البطاريه

[الصيهد.......]

الله يكون بالعون بس

[اسبيدر مان]

لاحول ولاقوة الابالله
وجة نظري لو الناس اتركوها وتوجهو "ماني قايل النيسان ولا الجمس على شان مانثير النعرات القبليه"
الى مازدا ومتسوبيشي وهوندى واسوزو وفورد وغيرها
كان بنصف المبلغ هذا تاخذ سياره ذات مواصفات هائله واعتماديه بنفس الوقت

[أبو أسامة]

يا اخي هل التايوتا مستحيل يعترفون ان مواترهم ما تسوى الاسعار الفلكيه اللي وصلت لها ولا يعرفون يمدحون التايوتا الا بسب الشركات الثانيه هههههه اقول والله انكم لفي ضلالكم القديم ياناس التايوتا كان يتميز زمان والان اكثر الشركات تعدتهم بكثير هههههههههه بالله التايوتا ما يخون راعيه ياسمير اذكرك بالشايب اللي توفى الله يرحمه قبل اربع سنوات في الدهنا على فكس ار 2004 مغرز في بطحة ما تسوى لكن جاه اجله الله يرحمه هاه غدر فيه اللاند وغرز فيه والا لا يا اخي ما بغيت اكتب كذا لكن اشغلتونا بالتايوتا والجوده وهو كل ماله يدحدر وان ما له منافس ههههه صادق منافس في تعليقة الدعسه على العموم لا تحاولوا ان تفرضوا ارائكم على الغير بالقوة او حتى بالادعاء بان هذا هو الواقع لان الواقع قد تغير وكلا ينام على الجنب اللي يريحه

[HAS5SAN]

^^^
الجمس والفرت والدوج نقل جدودنا يوم ماكان فيه لاكهرب ولا طرق اسفلت قطع النفود والوعر ولا خان راعيه
اما اللاندكروزر موتر عيال النيدو وشارع التخصصي والثمامه هذا حده
وللاسف لقينا ناس تمدحه وتذم الاصل لكن ماعلي انا مع الاصل والعراقه والتاريخ ولايمكن انسى موتر له الفضل
بعد الله في اكتشاف صحارينا ودروبها
الجمس عز الخوي واللي يغدر بصاحبه معروف انه اللاندكروزر والا نسيت العايله اللي توفت في النفود بسبب عطل فني في اللاندكروزر والشباب اللي ماتو في الربع الخالي على اللكزس
من اللي يغدر بصاحبه الحين ؟؟
هذا موتر العتيق وعائلته الله يرحمهم بعد ماغدر فيهم اللاندكروزر
هذا الموتر اللي يغدر براعيه والا الجمس بري من اتهامك له برات الذيب من دم يوسف


الله يصلحك ياولدي ترى لسانك حصانك
عموماً شف من هو موتره

http://alshmalgate.com/upload/viewimages/5333d496b2.jpg

http://www.waraqat.net/2008/11/hamad-binesaa5.jpg

http://farm6.staticflickr.com/5306/5588414503_e5f8696873.jpg

http://www.kwtfuture.com/up/uploads/images/domain-7dbabb2b69.bmp

http://i4.ytimg.com/vi/SggB_ozb7NU/hqdefault.jpg

http://farm4.static.flickr.com/3262/3195855229_7c879fc128.jpg
http://shabaktqatar.com/up/uploads/images/domain-8d584ecb95.jpg
http://shots.ikbis.com/image/17469/large/564_1173820472.jpg

http://farm4.staticflickr.com/3313/3278010149_eb8bc6a304_z.jpg

[sameer_1798]

لاحول ولاقوة الابالله
وجة نظري لو الناس اتركوها وتوجهو "ماني قايل النيسان ولا الجمس على شان مانثير النعرات القبليه"
الى مازدا ومتسوبيشي وهوندى واسوزو وفورد وغيرها
كان بنصف المبلغ هذا تاخذ سياره ذات مواصفات هائله واعتماديه بنفس الوقت
صحيح بارك الله فيك وحنا ماذبحنا غير غلاء الاسعار ولا قل جوده مثل مايقول النشمي عزالله ماصدق من قالها ولايحتاج شهادتي ولاشهادته التاريخ يشهد بذلك ورابط بحث المنتدى كذلك

تعرف اني بعض الاوقات ارجع على المواضيع القديمة في المنتدى ياخوي النفوس طيبة اول وتلقى المفيد والراي الزين ماهو مثل الحين حتى الاسعار ياويلاه على اول 120 او 140 فل كامل
http://www.mekshat.com/pix/upload05/images241/mk30962_99.jpg

[Abo gssar]

يعطيك العافية بس هـ الاسعار في الوكالة ولا المعارض

[ابونبيل]

خخخخخخخخخخخخخخخخخخخخخخخخخخ

ياخي بعض الناس ماودك يرد

[صياد الجبل]

السلام عليكم اخواني ابغى استفسر والرد بشكل عاجل الله لايهينكم

اخواني سعر الجي اكس هدد 2012

السعودي كم سعره ؟

البريمي كم سعره؟

وش الافضل سعودي ولا بريمي ؟

وش الفرق بينهم ؟

تكفون الرد بشكل عاجل لاهنتم وان امكن ادراج صور لاهنتم يالغالي

وكم اسعاراها لان صاحب الموضوع كالتب ريال قطري حنا نبي نعرف بالسعودي لاهتم

[SAS2]

خلك من الجموس الاوله تختلف الكلام على التاليات من 90 وفوق
وكل الحالات اللي ذكرتها في الجيوب مضيعين أو مغرزين أو مخلص البنزين او البطاريه

هلا وغلا بالاستاذ والخبير سامر نورت الموضوع والروابط الي حطيتها بردك الاول

تحزن والله ومشكور يالغالي على مشاركتك المميزه :good2:

[stewrd]

الريال السعودي والقطري واحد ما فيه فرق بينهم

[sameer_1798]

يا اخي هل التايوتا مستحيل يعترفون ان مواترهم ما تسوى الاسعار الفلكيه اللي وصلت لها ولا يعرفون يمدحون التايوتا الا بسب الشركات الثانيه هههههه اقول والله انكم لفي ضلالكم القديم ياناس التايوتا كان يتميز زمان والان اكثر الشركات تعدتهم بكثير هههههههههه بالله التايوتا ما يخون راعيه ياسمير اذكرك بالشايب اللي توفى الله يرحمه قبل اربع سنوات في الدهنا على فكس ار 2004 مغرز في بطحة ما تسوى لكن جاه اجله الله يرحمه هاه غدر فيه اللاند وغرز فيه والا لا يا اخي ما بغيت اكتب كذا لكن اشغلتونا بالتايوتا والجوده وهو كل ماله يدحدر وان ما له منافس ههههه صادق منافس في تعليقة الدعسه على العموم لا تحاولوا ان تفرضوا ارائكم على الغير بالقوة او حتى بالادعاء بان هذا هو الواقع لان الواقع قد تغير وكلا ينام على الجنب اللي يريحه
ياحبي لك يابو اسامة والله لو انت كتبت رد النشمي مارد عليك
الرجال بالغ في كلامه وهذا اللي خلاني ارد عليه
العيوب اذا كانت مثل ماذكرت تغريز او بطاريه او بنزين ... الخ هذه بسبب المستخدم وهو المسؤول عنها والصحراء ماترحم لكن المشكلة في بعض العيوب اللي يوم يجيك راعي الجيب هب ريح وماخذ كل الاحتياطات لكن السيارة ماتشتغل بسبب كتاوت او طرمبه هذه كيف تحلها هنا المشكلة .(طبعاً ماهي كل السيارات لكن حدثت)

ولاننسى تعليق الدعسه في تويوتا الموديلات الجديده هذا ان صدقوا فيها عزالله أنها قاتله وبتنسينا كل المميزات اللي كنا ننعم فيها .

ومانقول ان مافيه عيوب في التويوتا القديم إلا بهذلتنا جلد البلوف و الدودة لكنها ماتقطعك بالصحراء وإذا وصلت لديرة صلحها بالوقت اللي يناسبك وبالتكلفه اللي تناسبك .

وفي الاخير لك كل شكري وتقديري يالغالي والمعذرة ان اخطيت على أحد

[SAS2]

السلام عليكم ورحمة الله وبركاته


الموضوع منقول من العضو ( قاهر الدروب - منتدى قطر سبيد )



تم الاتصال بمعرض طارق ( موزع معتمد لشركة عبدالغني ) وقد نقلني اسعار تويوتا لاندكروزر من عبدالغني

وسيتم تسليم السيارات في أواخر شهر 2 او بداية شهر 3



الأسعار التالية قبل الخصم:


جي استاندر قير اوتو ب178 ألف

جي أكس ب215 ألف

جي اكس أر بدون شاشة ب238 ألف (كما شاهدتوه فالمعرض)

جكسار بوشاشة ب243 ألف

فكسار مخمل ب304

فكسار جلد ب314

لكزس lx 570 ب403 ألف

وسلامتكم

[متلخبط]

يا جماعة الخير ..


قاطعوا ذا التويوتا

والله ثم والله لو تقاطعوها

لتنزل الأسعار رغم عن أنف عيال عبداللطيف


يا الربع اقسم بالله العظيم هذي أسعار فلكيه .. حراااااااام ..


ليه ! اشري سيارهـ بهذا المبلغ !


ما اتكلم عن التويوتا بس ..

اتكلم عن أي شيء غالي سعرهـ


قاطعوهـ .. فترهـ .. وشوفوا النتائج ..

[ملك الفكتوريا]

يوم شفت صور القنص تذكرت محمد عبده بأحد أغانيه لخالد الفيصل

من خصائص عنود الصيد كثر الطواري *** وعادة الظبي يجفل لتحرك ظلاله
ما يصيد الجوازي كود بخص وداري *** القنص بالركاده والتسرع جهاله
وما يعرف القنص من لا يعرف الصحاري *** لا تعرض سمومه ولا تعرض شماله


أما بالنسبة للردود اكمال للقصيده

كل درب عليه من المخاليق ساري ***للسوالف رجال وللشكاله رجاله




وبعدين هذي الاسعار شامله اربع يايات ومساعدات استرالية هههههههههههههه على ايش غاليه وياياته ومساعداته ما تتحتمل التحميل

[صياد الجبل]

جي أكس ب215 ألف


وحدووووووه

[sgl2002]

اللاند من اول ماطلع على الارض الى يومك هذا مايصلح يكون موتر نفود

وسيارة على السمعة والتجربة لها اكتشفت انها اخذت اكبر من حقها والا هي تتميز باعطال معروفة زي باقي السيارات

[عبدالله //]

[QUOTE=sameer_1798;7951609]



طرمبة بنزين / كتاوت / مسامير ثلاجة / للجمس أو الفتك أو الباثفندر
وشوف من يحتاج يكون جيران الورش كلها

ياسلام راح للنيسان عشان يسب ياخي قول مايستاهل هالمبلغ ... الكروزر مافيه خرابات ولا تخرب طرمبه البنزين , نقص زيت من البلوف , تهريب دودة الدركسون ,الصوف دايما تغير , الكلتش اسرع خراب وعلى طول الريحه تفوح , الدبل اضعف من النيسان ,هذا في السابق, واليكم مشاكل الكروزر الجديد http://www.mekshat.com/vb/showthread.php?t=282334 مسامير ثلاجه http://www.mekshat.com/vb/showthread.php?t=445875 مشاكل دعسه حدث ولا حرج

[عبدالله //]

ياجماعه ترى التعصب مايصلح ...انا تكلمت بالعقل سعر خيالي على ايش ؟ هل هو قوه محرك ؟ او فخامه داخليه ؟ او انظمه امان ؟ او تكنولوجيا؟ او بس سمعه وتعصب من غير تفكير ..؟

[ملك الإحسآس]

يالبيه يالاندكروزر عز الله انه موتر
واللي يقول غالي ياخوي ماحد حدك انك تشتريه فلوسك معك

[عبدالله //]

ولا يمنع يكون هنا كثير من موظفي الشركه .. تعرفون اهم شيء استهداف المنتديات للترغيب في شراء والحث على شراءه :director:

[عذب الضليل]

انا من عشاق تويوتا ابتكلم بمحايدة

الجيوب القديمة افضل الى موديل 97 ثم قلة الجودة الى 2007 ثم جاء 2008 وطالع والله ماهوب حق بر ابد ابد ان كان هم زادو العزم وبعض الاضافات الى انه اصبح سيارة خط عوضن عن كونها سيارة بر

تحياتي

جديد بعد كتابة هذا الرد
كان يقود بسرعة 180 كلم ولم تتوقف سيارته إلا لنفاد الوقود (http://www.mekshat.com/vb/showthread.php?t=482416)

[سفير الحيا]

السسلآام عليكم ورحمة الله
وشلوووونكم
أشوف قآمت حرب بين تويوتا جميل ونيسآن الحمرآني في مكشات :D
ياشبآب كل نفس وهوآها . أنا عن نفسي لو يعطوني نيسآن آخر موديل فل كآمل 2012 ما آخذه
لو يقولون 100 ألف . وهذا رأئي فيه ليس عيب أو نقص لكن ما ارغبه ولا هو دآخل مزاجي !
حتى هل النيسآن وعشآقها أتوقع بأنهم كذلك ولا ألومهم ( الحب بلوى ! ) وكلن وهواه مثل ماقلت .
عموماً نرجع لموضوعنا .
قبل شهر نزلت المعآرض مع رفيقٍ لي يبي له موتر وحصلنا 2012 ( g ) جديد وكآله بـ147 ألف
الموتر ماشاء الله مايحتاج لكن ينقصه فتحه وونش والله ثم والله لو انه يرد فل كآمل كآن تشوف حتى
هل النيسآن يتركون نيسآنهم ويآخذونه . نشدت عنه يقولون بالسعوديه ماينزل الفل وبدول الخليج
ماندري عنه ؟ لكن هل الموتر هذا ينزل بدول الخليج مثل قطر والأمارات ونش وفتحه ؟
وهذي صورتين للموتر ماشاء الله تبآرك الله
..
http://im19.gulfup.com/2012-02-02/132817058771.jpg
***
http://im19.gulfup.com/2012-02-02/1328170587942.jpg
..
وان كآن تنزل في قطر أو الأمارات أو عمآن ياليت تعطوني أسعآرها ؟
والله يوفقكم جميع

[قناص 28 عفيف]

ولا يمنع يكون هنا كثير من موظفي الشركه .. تعرفون اهم شيء استهداف المنتديات للترغيب في شراء والحث على شراءه :director:
صاااااااااادق

[قناص 28 عفيف]

بدايه انهيار سيارات تايوتا قبل تتميز بالجوده ورخص قطع الغيار ومراكز الصيانه
اما الان رديئه ومشاكل وقد تكلفك حياتك وقطع الغيار نار ولا حسن استقبال في مراكز الصيانه

[حفيد نجد]

انا اشهد ان الذهب يحكم سعره

وانا لا ألوم أصحاب الدرادع
فلهم الحق بالفضفضة عن مافي نفوسهم
فالصراخ على قدر الألم




ولا يهمك ولا تزعل حالك
كل واحد وده يملك سيارة لاند كروزر
لاكن مايقدر:o
لاذلك التمس لهم العذر :D

[متلخبط]

يا إخواني .. الدفاع عن ما نحب .. من حق الجميع..

ولكن ..


إحنا في زيادة الأسعار المجنون اللي كل سنه تزيد أكثر من اللي قبل ..



خلونا نتحد ونقاطع ذا التجار المفاجيع

نحاول نبحث عن البديل


انا من عشاق الجيب لاندكروزر ..

بس معشوقي ما يستغل عشقي

ويستغفلني


هذا إستغفال بالسعوديين

وضحك عليهم


خلونا نوقف كلام عنها

نوقف شراءها

لحد ما ذا التجار يعرفون قيمتهم

[SAS2]

بدايه انهيار سيارات تايوتا قبل تتميز بالجوده ورخص قطع الغيار ومراكز الصيانه
اما الان رديئه ومشاكل وقد تكلفك حياتك وقطع الغيار نار ولا حسن استقبال في مراكز الصيانه

والله مدري وشلون حكمت على الجوده وقطع الغيار ومن الي قالك

فيه مشاكل قل مشكله ممكن نصدق بس مشاكل سلامتك

وبعدين انت من عفيف وكل ديرتكم لاند وما خبرت انكم

تشيكون بالوكاله بحكم المسافه 500 كيلو عن الرياض

ترى اهل الدوادمي وهي اقرب للرياض ما يشيكون

بالوكاله شغل وامش وما شالله اقدم واحدث الموديلات

موجوده وما بعد شكينا ردائه التصنيع على كلامك

وارجوا المناقشه بالسعر اما الجوده يشهد عليها

المستهلك و سلامتك :)

[sgl2002]

والله مدري وشلون حكمت على الجوده وقطع الغيار ومن الي قالك

فيه مشاكل قل مشكله ممكن نصدق بس مشاكل سلامتك

وبعدين انت من عفيف وكل ديرتكم لاند وما خبرت انكم

تشيكون بالوكاله بحكم المسافه 500 كيلو عن الرياض

ترى اهل الدوادمي وهي اقرب للرياض ما يشيكون

بالوكاله شغل وامش وما شالله اقدم واحدث الموديلات

موجوده وما بعد شكينا ردائه التصنيع على كلامك

وارجوا المناقشه بالسعر اما الجوده يشهد عليها

المستهلك و سلامتك :)


اذا جات على المشاكل انا أقولك اكبر ثلاث مشاكل اشتهر بها اللاند الجديد من 2008 وفوق :

دينمو الدبل (سعره بأكثر من 2000)- خلل دواسة البنزين - ضعف نظام الفرامل ( الفحمات بأكثر من 600 ريال ) ورح اسأل عن الأسعار

، من غير الحاجات الثانية اللي تعيبه وتجعله موتر مدينة وهي نظام تعليقه وطريقة تصميمة وتماسكه .

اما مشاكل اللاند من 98 الى 2007 وأشهرها :

جلد بلوف - كلتش ضعيف جدا يحترق بسرعه - تهريب الصوف - الرمانات والعكوس الامامية

اما من 92 الى 97 وهي اشوا يعني:

جلد بلوف - تهريب الصوف - كلتش ضعيف يحترق بسرعه خصوصا بالدبل الخفيف


طبعا انا امتلك باترول ، و لعلمك عشان ما تقولون متعصب ، لو جاء طاري لذكر مشاكل الباترول باقولها ، وعلى العموم الموترين مكمله لبعض يعني مشاكل اللاند ماتحصلها في الباترول والعكس صحيح وميزات بالباترول ماتحصلها باللاند والعكس صحيح .


يعني ودي اللي صانعين اللاندكروزر واللي صانع الباترول يجلسون مع بعض ويصنعون لنا سيارة اسمها ( PAT.LAND ) من شركة (TOYSSAN ) ونفتك من المجاورات والكلام اللي ماعمرنا طلعنا بفايده منه .

[SAS2]

طيب sgl2002 ١- دينمو الدبل ما بعد شكيت منه واخوي موتره ٢٠٠٢ و واثنين من العيال

معي كلمتهم قالوا ما بعد خرب معنا يمكن الجور على الدبل بزياده يخربه ما ادري

٢- الفحمات مغيرها من بريده من الحصان قطع اصليه ب ١٥٠ ريال جكسار ٢٠٠٩

من الي قالك ب ٦٠٠ ريال !!! ونظام الفرامل قوي جدا من تجربه مهوب كلام وبس

٣- الدواسه حالات نادره ( اذا صدقوا )

٤- الوالد معه جكسار ٢٠٠٢ وما خلا مكان ما بعد اشتكى من تهريب اوضعف كلتش

اخيرا يالغالي الفايده من هالنقاشات هي للي بيشتري يكون عنده معلومه تفيده ونصيحه

نقدمها له بالاختيار الافضل وبعدها يكون له الخيار في الي بيشريه وبالتوفيق انشالله ×

[noor4noor]

اسعار مبالغ فيها ولا تمت للواقع والمنطق بشي سيارة بربع مليون لو نفككها قطعة قطعة ماتوصل هذا المبلغ !!!!!
على العموم ابشر اخواني المكشاتين العقار والله العظيم مدحدر وانا حاضر هذا الشي وهي مسالة وقت الي عندة هذا المبلغ لا يحطة في سيارة سوف تاتي فرص كبيرة في العقار بشكل عام اراضي او منازل اما السيارات فالسوق مليان وكل سنة موديل وشكل جديد فرص العقار كل 15 الى 20 سنة فلا احد يضيع الفرصة في سيارة سعرها تعدا المعقول
اما من كان الله موسع علية فياخذ الالماني او لكزس جيب او طيارة ودمتم

[عاشق الربع313]

السلام عليكم مساكم الله بالخير جميعا هذا هبال بالشعب قبل الوكلاء
والشي الثاني وشو الموتر اللي مايخرب كل المواتر تخرب بس على حسب المستخدم وشكرا.

[البدوي111]

رخيص مابعد شفتو شي اتوقع 2015بمليون :D

[Messerschmitt]

أقول يالنشمي وش محرق دمك : )

ياخوي ناسين وش سوا الجمس الملكي بالعوائل ؟؟ : )

عوائل كامله راحت بالجموس الملكي

وبالنسبه للاندكروزر هذي سياره عالميه لا انت ولا عشره غيرك تقدرون تنتقدونها

والدليل حتى في امريكا واستراليا وبكل مكان تحصله اغلى من الجمس المستعمل : )

يا حبيبي اذا عندك شوية لغه انجليزية ادخل المواقع العالميه وقارن الاسعار

وشف ايهم اغلى ( مستعمل ).

يبقى اللاندكروزر بالقمه وانت ما تشوف الدرب : )

[Messerschmitt]

وقطع الغيار نار ولا حسن استقبال في مراكز الصيانه

انا ابي ارد على اخوي SGL2002 واخونا صاحب الاقتباس

انا شريت عمود تيمن حق اللاندكروزر بـ 1400 ريال

وواحد من الشباب بالمنتدى شاري عمود تيمن حق باترول بـ 2200

بالله ايهم ارخص قطع غيار , اللاندكروزر وإلا الباترول ؟؟؟؟


ياخوي انتم تسبون تويوتا مو عشان تنزلون سعرها , لكن عشان ترفعون اسعار سياراتكم

وهذا جشع كبير فيكم يا شعبي العزيز : )

[عاشق الخسائر]

حلوه باتلاند وتيوسان عز الله صدقت

[سفير الحيا]

يالربع فكونا من العلوم اللي مامنها فآيده وكلن يركب الموتر اللي يبيه وعلى هوآه !
عطوني رأيكم في الموتر اللي طرحته لكم وسعره وهل يجي فتحه وونش بدول الخليج ؟
أعجلو تكفون والله ان الرجآل مستعجل ويبي شوركم ورأيكم وخبرتكم

[H 2]

يا اخوان على هالارتفاعات اتوقع ان اللاندكروزر بيوصل الى 500 الف خلاص ست او سنوات قادمة
كل سنه 30 الف ارتفاع !!
انا لست ضد او مع السيارة كسيارة
انا ضد الارتفاعات المبالغ فيها ؟
يعني وش فرق 2012 عن 2008 ؟؟؟؟
هل في فرق جوهري ؟ لاتقولون ماكينة الماكينة تغير فيها الظغط والقير تغير فقط في اعدادات التروس والخامات وكل شي نفسة
حجم ووزن الموتر نفسة وش زودو ؟ يعني الكل يعرف ان اليوكن سعره من 15 سنه
الملكي 165000 للحين هذا سعره
اللاندكروزر كان الفكس ار 160الف الان 320 عسى ماااااااااشر

[عبدالله //]

احنا نتناقش بعقلانيه مب تعصب حاول تتقبل الوضع

[ابوسند9]

اخوي sas2
وبعد اذان sgl
اللي يقصده اخونا بالنسبة لدينمو الدبل من موديل 2008 وطالع وبحث واسئل وشوف واصلاحه با الوكاله ب 5 الاف ريال
وبالنسبة للفرامل من موديل 98 الى اخر موديل وهذا شي معروف وبرضو سير على قوقل وشوف اصلاحه بالوكالة ب 8 الاف ريال ويوجد موضوع في هذا المنتدى وسو بحث وراح تشوف ويوجد فلبيني بالمذنب يسويه بمبلغ بسيط لكن هل كل الناس تعرف هذا الفلبيني وموقعه ؟؟؟؟؟
اخوي الشمس ما تحجب بغربال واعطال تويوتا اقسم بالله انه اكثر تكلفه من النيسان والامريكي ولو اكتب عن الموضوع يبغالي موضوع مستقل وكلامي هذا من واقع تجربه وشي اشوفه قدامي بالورش وبعض الاصدقاء اللي يتصلون على يستشيرون بخصوص العطل والورش واذا حبيت تتاكد شف لك واحد شغال بوكالة عبد اللطيف جميل وخليه يدخلك داخل الورشه صدقني ان تشوف شي يشيب له الراس !!
اخوي اقسم لك بالله العظيم انه فيه واحد زميل زميلي موضب جكسار موديل 2008 قير عادي سته سرندل بسبب مسامير الثلاجه
هذا غير توظيب قيور الجيوب التماتيك من موديل 98 الى موديل 2007 والعكوس ودودة الدركسون والصوف والكوارين وكمبرسور المكيف وعمدان الكردان وشرم البلوف والتخبيط ......والخ
اخوي ارجو انك تكون واقعي وليس مطبل كما يفعل هنا بعض مندوبي شركة ابو جميل وصدقني المستفيد الاول والاخير الوكيل على حسابيو حسابك واخوك وابوك وجميع المسلمين
واذا انت تعرف اشخاص ما شافو شي بسياراتهم وانا اعرف برضو اشخاص ما شفو شي من سيارتهم امريكيه وماشيه 400 الف وطالع واهل بر وطلعات
اخوي ارجو ان كلامي ما يزعلك لكن هذا الواقع وودي انه يكون افضل سياره ب 50 الف وفي متناول الجميع
وكان نضحك على بعض الدول العربيه با اسعار السيارات عندهم لكن اللي اشوفه الحين اننا مامن بعد عنهم والسبب المطبلين الله لا يكثرهم !
اخوي ما يضيق صدرك لما يكون ا خوك رتبه 2500 ريال معه سياره وكل يوم بالورشه ووده بشاصي او فكسار او اي سياره لكن ما يستطيع؟؟؟
اخوي خليك مع الجماعه وقاطع ها الشركه المخيسه هي وسياراته اللي لاشكل ولا عزل ولا ديكور داخلي ولا رحه
وانت بعضمة لسانك تقول تقول اطلع من القصيم للدوادمي 220 كيلو وينقص ظهري؟ وتقول250 الف على ايش؟
اللي احب اقوله لا تضيع اعماركم بسيارات تويوتا اجل شاصي ب 150 الف؟وجيب صندقه ب 140 الف؟؟
وللحديث بقيه

[SAS2]

يالربع فكونا من العلوم اللي مامنها فآيده وكلن يركب الموتر اللي يبيه وعلى هوآه !
عطوني رأيكم في الموتر اللي طرحته لكم وسعره وهل يجي فتحه وونش بدول الخليج ؟
أعجلو تكفون والله ان الرجآل مستعجل ويبي شوركم ورأيكم وخبرتكم


يالغالي مالك الامعرض اليحيى بالنسيم وبتلاقي مطلوبك انشالله

[SAS2]

ابو سند 9 كلامك حلو واعجبني ولو تتابع اول رد قلت بهالاسعار اخذ يوكن افضل

واغلب الاعضاء الي ردوا ويمدحون التويوتا ما قالوا انهم موافقين على هالسعر

كان اغلب الكلام على جوده صناعه ومن تجاربهم ومثلهم تكلمت بتجربتي والي

اعرفهم ( وخلني ازيدك من تجارب ابو شهد والعضو خيال المفخره هذولا

كانوا مشرفين باحد المواقع وطلعت معهم تجمع لاند كروزر بالثمامه

قسم بالله ما شفت احد يجور على المواتر مثلهم وخيال المفخره موتره

٢٠٠٨ سته سلندر ولهم مقاطع باليوتيوب والله ما شكوا من خراب

دينمو دبل او مسامير طاحت بالمكينه ومعنا بهالمنتدى الي متواصل

مع القروب للحين ) ادري طولت عليك يالغالي بس الزبده ان

الموديلات من ٢٠٠٨ وفوق اعرفها زين وتجاربي معها من يوم

طلعت ومواتر ميكانيكيا اقولك ممتازه جدا اما من ناحيه

الراحه والفخامه معك حق واخيرا اذا خرب الدبل الكهرب

مع اني والله ما سمعت فيه فتاكد ان الموتر مع واحد

كل يوم تطعيس ولعن خير للموتر وما يصبر معه اي

موتر ثاني نسيت اقولك يالغالي الاند من ٢٠٠٨ العزل فيه ممتاز

والف شكر لك على مشاركتك بالموضوع

ال×

[سيف الظفير]

اووه بلاش


كله عطسه او عطستين وتجي دراهمه



هذا قيمة دبلوكس<<<<<يعني بيت تمشي عسان نجيب عشر قيمته عشان نشريه بمبلغ وقدره


أسالك بالله وين هالدبلوكس اللي بـ 300.000 نبي 3 فلل لا هنت !!!!!!! :good2::good2::good2::good2:

[سيف الظفير]

الله يصلحك ياولدي ترى لسانك حصانك
عموماً شف من هو موتره

http://alshmalgate.com/upload/viewimages/5333d496b2.jpg

http://www.waraqat.net/2008/11/hamad-binesaa5.jpg

http://farm6.staticflickr.com/5306/5588414503_e5f8696873.jpg

http://www.kwtfuture.com/up/uploads/images/domain-7dbabb2b69.bmp

http://i4.ytimg.com/vi/SggB_ozb7NU/hqdefault.jpg

http://farm4.static.flickr.com/3262/3195855229_7c879fc128.jpg
http://shabaktqatar.com/up/uploads/images/domain-8d584ecb95.jpg
http://shots.ikbis.com/image/17469/large/564_1173820472.jpg

http://farm4.staticflickr.com/3313/3278010149_eb8bc6a304_z.jpg












http://www.t63ysup.com/up/1._%2883%29.jpg


http://www.gmrup.com/d3/up13235535261.jpg


http://www.t63ysup.com/up/QAT_%28137%29.jpg


http://www.syartk.com/vb/uploaded/2103/11318597451.jpg

[قمر بني تميم]

احسنت
وفقك الله
إلى الأمام

[Bader-M]

وعليكم السلام
اه بس الريال والله طالع ما يسوى شي
المشكلة لسيت بالسيارات لان البديل موجود ولكن المشكلة في رواتبنا و مدخراتنا التي تفقد قيمتها مع الوقت

تحياتي اليك

[ابوعبدالله 22]

من يقدر يقول للوكيل لا ..

نو بودي !

[صياد الجبل]

السلام عليكم اخواني ابغى استفسر والرد بشكل عاجل الله لايهينكم



اخواني سعر الجي اكس هدد 2012


السعودي كم سعره ؟


البريمي كم سعره؟


وش الافضل سعودي ولا بريمي ؟


وش الفرق بينهم ؟


تكفون الرد بشكل عاجل لاهنتم وان امكن ادراج صور لاهنتم يالغالي



وكم اسعاراها لان صاحب الموضوع كالتب ريال قطري حنا نبي نعرف بالسعودي لاهتم




تكفون الفزعه لاهنتم تكفون

[youssf]

الاتجاة المعاكس بين تويوتا وبين الامريكي وبين الماني

[noor4noor]

أسالك بالله وين هالدبلوكس اللي بـ 300.000 نبي 3 فلل لا هنت !!!!!!! :good2::good2::good2::good2:
في العريجا بتقول وين العريجا بقولك في الرياض ولكن مستخدمة نضام بناء صامت
لا تعذرب لي في العريجا والله يالبلدية هناك شغالة شغل ارصفة وتشجير جديد والان يعملون انارة داخل الحارات وكل الخدمات متوفرة :D
ولا احد يقول لي يبي فلة جديدة وفي الشمال او الشمال الشرقي بهذا السعر
والشاهد على كلامي مر على مكاتب العقار في العريجا :)

[ولد وايل 2010]

مع التحية لاخوي صاحب الموضوع ...... الاخوان اللي ردوا وقالوا الجيب والجمس الجيب غدر باهله من تعليق سرعة وغراز وغيره ..... وانا اقول للاخوان هذي ارادة (( العزيز الحكيم )) سبحانه وتعالى في اهل السيارات المذكورة والا هذي الطيارات تطيح وتلتمس فيها الكهرباء وغيرها من الكوارث والسفن أيضاً تغرق والقطار يحصله تصادم مع قطار آخر أو سيارات او غيرها عموماً آسف على الأطالة وهذا ماحبيت اقوله ( سبحانك اللهم وبحمدك أشهد الا إله الا أنت استغفرك وأتوب إليك )

[@ بحار مجيرمة @]

ماشاء الله تبارك الله

بصراحة مفخرة الارض

بس سعرة في هااااام السحاب

[(((.ابوتميم .))))]

الاندكروزر ما يعيبه الا شي واحد
سعره المرتفع فقط
من بعد مانزل الانكروزر الشكل الجديد 2008 ما جت سنه 2009 الا وهو في كل شارع وكل حاره وعلى الطريق وفي البران وكلش
وهذا الباترول من 2010 نازل ومقارنه با الاندكروزر وانتشاره يصير الباترول قليل جداااااااااااا

[حبيب الامس]

اللهم ادفع عنا الغلا

[الصمان 2]

بارك الله فيك يالغالي .











.

[sgl2002]

الاندكروزر ما يعيبه الا شي واحد
سعره المرتفع فقط
من بعد مانزل الانكروزر الشكل الجديد 2008 ما جت سنه 2009 الا وهو في كل شارع وكل حاره وعلى الطريق وفي البران وكلش
وهذا الباترول من 2010 نازل ومقارنه با الاندكروزر وانتشاره يصير الباترول قليل جداااااااااااا


طيب تعرف كم فرق الأسعار بينهم

[sgl2002]

انا ابي ارد على اخوي SGL2002 واخونا صاحب الاقتباس

انا شريت عمود تيمن حق اللاندكروزر بـ 1400 ريال

وواحد من الشباب بالمنتدى شاري عمود تيمن حق باترول بـ 2200

بالله ايهم ارخص قطع غيار , اللاندكروزر وإلا الباترول ؟؟؟؟


ياخوي انتم تسبون تويوتا مو عشان تنزلون سعرها , لكن عشان ترفعون اسعار سياراتكم

وهذا جشع كبير فيكم يا شعبي العزيز : )


ياخوك انا ما اتكلم عشان اقول ان النيسان أحسن

والله اني لاجيت ادور قطع الغيار اني العن الحمراني بسبب شح قطع الغيار اللي بهذلنا وارتفاع سعره

لكن انا اكلمك يوم جربت تويوتا فترة وقلت خلاص وداعا للغلا وارتفاع القطع وعدم توفرها
وضحيت بقوة الباترول والرساوة والخفه بالنفود

وآخر شي اشوف انهم مثل بعض في الصيانة وقطع الغيار

وهذا انا رجعت للباترول




بعدين مشكلة الغلا في السيارات اليابانية هو ارتفاع عملة اليابان اللي هي ( الين )

الريال قدامها ماعاد يسوا

وكل شوي الين يرتفع سعره

امس في البنك اشوف سعر الين مقابل الريال ( 448 )

يعني الين يسوى 448 ريال

وهذي خطة امريكا تطيح الدولار عشان يرتفع الين والناس ماعاد تقدر تاخذ من اليابان وبكذا تنكسر اليابان

والريال في ساقة الدولار معه

وامريكا مكفين انفسهم بانفسهم ومافرقت معهم وصناعاتهم محلية اكثرها وحنا يالمستوردين رحنا فيها :(

[كيري ميري]

اقسم 75 على 3.75 يطلع لك قيمة الريال قدام الين .

[الشاص 2]

الجمس وبس وين عايشين اسعار مبالغ فيها ولا يهون النيسان عطوه اكبر من حجمه الفكسار ار 315 يعني اللكزس بكم يكون بنص مليون خلوها تصدي