المساعد الشخصي الرقمي

مشاهدة النسخة كاملة : كيف اركب الفرارات للشاص


أبو فروة
09/04/2006, 10:41 PM
السلام عليكم ورحمة الله وبركاته
عساكم دوم سالمين
عندي سؤال وهو كيف أركب فرارات للشاص 2001 ؟
عجزت ألقا احد يركبه لأنه كما يقال يحتاج ترهيم !!

ولكم مني جزيل الشكر والتقدير
صنهات
16/04/2006, 01:25 PM
وين موقعك يالاخو ؟
اذا انت بالرياض تروح للسليماني بالغرابي عندهم فرارات مع التركيب وهم خبره بالمجال هذا
بواسامه
16/04/2006, 10:38 PM
اخوي بوفروه
اذا العكس ماتغير نفس القديم 97 وتحت مثل الصالون خذ لك شد بلد
وتلقاها عند الضحيان اذا انت من اهل الرياض
ويركبونها ورشتهم بجنبهم ب80 ريال للجهتين
اطيب لك من الامريكيه
وعلى فكره يجي منها تماتيك
بس يبي لك بحث وتعب
شبح الصحراء
17/04/2006, 02:13 PM
وين موقعك يالاخو ؟
اذا انت بالرياض تروح للسليماني بالغرابي عندهم فرارات مع التركيب وهم خبره بالمجال هذا

انا اخالفك الرأي بخصوص السليماني فقد ركبت الفرارات للهايلوكس عندهم ويا ليتي ما ركبتها عندهم ، اتلفوا احد براغي شد الفرارة بسبب غباء الفني لأنه ما ركب الصامولة بيده ولكن ركبها بمفتاح الشد على طول فراحة سنة البرغي نهائياً!! .
انصح كاتب الموضوع بشراء الفرارات من احد المحلات وتركيبها عند فني مختص في الصناعية القديمة وعدم تركيبها في السليماني .
أبو فروة
17/04/2006, 10:59 PM
السلام عليكم ورحمة الله
أخوي صنهات جزاك الله خير على ردك وانا ماني من اهل الرياض من القصيم وياعلك تسلم .
اخوي بواسامة جزاك الله خير على ردك , العكس يختلف عن الاول والمسامير اللي تربط غطاء العكس تختلف حيث ان الاول مسماره( 12) والتالي مساميره (14) , قالي واحد من الميكانيكيين هات فرار وانا اركبه واخذت فرار واحد من الوكالة بسعر (650) ريال وعجز يركبه عيا لايدخل مسنن الفرار (القلب) بالعكس وقالي لازم تخرط العكس وراح خسارة , ولقيت عند محل ببريدة فرارات برازيلية تركب بدون ترهيم وركبت بدون مشاكل ولله الحمد بس ما ادري عنها هي تتحمل !
شبح الصحراء الله يجزاك خير على ردك .
شبح الصحراء
18/04/2006, 08:15 AM
الفرارات البرازيلية انا مركبهن على سيارتي وهي جيدة بس لي ملاحظة هامة اكتشفتها بخصوص الفرارات البرازيلية ، لازم ترجع ريوس بعد ما تطفي الفرارات ولا راح يستمر دوران العكوس وعمود الكردان ، انا اكتشف هذا الشي يوم اغسل سيارتي بستم لأني جربت احرك الكفر بيدي بعد ما طفيت الفرارات واستمر العمود يدور بس يوم رجعت الكفر ورا فصل العمود وتوقف عن الدوران ، لذلك ارجع ريوس بعد ما تطفي الفرارات .
بواسامه
18/04/2006, 11:43 AM
واخذت فرار واحد من الوكالة بسعر (650) ريال وعجز يركبه عيا لايدخل مسنن الفرار (القلب) بالعكس وقالي لازم تخرط العكس وراح خسارة ,
وراه خساره
القطع الميكانيكيه ترجع وانا اخوك
امسح الشحم والوسخ عنها ويردونها باذن الله اذا الكرتون وكلش فيه والفاتوره
اللي مايرد القطعه الكهربائيه فقط
وبالنسبه للي ركبتهن جيده
بس احرص على شد براغيها من الخارج كل فتره طبعا سداسي لانهن يرتخين مع البطناج بذات بالبرزيلي وهذا ملحوظ عليها مقارنه بشد البلد
ولا تنسى تشيك على الشحم كل فتره قبل ماتشد طبعا تفك الفلنجه وتعود تشدها :d


وفقك الله
أبو فروة
28/04/2006, 01:15 AM
أخوي شبح الصحراءأخوي بو اسامة الله يجزاكم خير على هالمعلومات