اللي وده يشاركنا لتعم الفايده

[Makrof]

السلام عليكم ورحمه الله وبركاته
ودي نخلي هالموضوع فيه فايده للصقارين المبتدأين مثلي وغيري
اولا اقول الله يبلغنا رمضان وياكم اجمعين ويجعلنا من صوامه وقوامه

والله يرزقنا بالامطار ويسقينا والله يحفظكم وين ماطلعتو في طلعه


بسم الله

عندي اسئله وببدا اول مشاركه بسول واحد بشوف مدى التجاوب مع هذا الموضوع من قبل الاعضاء

انا ياجماعه الخير
ودي اشتري لي صقر
انا قريت موضوع اخوي وضاح وافادني طبعا
لاكن ودي اعرف كيف اميز هذا من قرناس ولا توه فرخ
ولا هذا عمره سنه وذاك عشر
ووش العمر المثالي للصقر

ثانيا لو شريت صقر مثلا الحين ودربته واعتنيت
فبه يمديني الحق به على القنص ؟؟؟

عده اسئله في دميجتي لاكن ما ودي اطول عليكم يالسنايديه

:rolleyes: اخوكم المكــــروف :rolleyes:

[Makrof]

:hot:

[فرد حمزة]

والله ودي افيدك لكن ماني صقار ...

[Makrof]

وبيض الله وجهك
وان شاء الله تكون صقار ويعطيك اللي تتمناه
لاكن انا مستغرب من اني ادخل كل يوم
واشوف حرووف لاكن هذي حروفي
واشوف اخر مشاركه والقاه هو انا
واناظر عدد القراء كثيرين شكلهم جالسين يكتبون كلهم الحين في وقت
خلني اشيك باتسر
واجي من باتسر واشوف
واقول يمكن انهم رقدو قبل لا يرسلونه
او انقطع عليهم الخط
واقول في نفسي تبي تصير صقار

ردد ياليل ماطوولك

والسلام عليكم
اخوكم المكروف
:cool:

[ابوساسا]

لا تشرة على احد ياخوي Makrof يمكن الربع طالعين للبر وبالنسبة لي انا من زمان مادخلت على الموقع

1- معرفة الطير هو قرناس او فرخ هذي تبي جلسة مع اهل الخبرة مايصلح انك تقراء او تسمع عنها..لابد انك تجلس مع اهل الطيور وتشوف الفرق انت بعيونك وراح تلقها بسيطة ولاتبي عرف .. لا كن صعبة اذكرلك كيف تفرق الفرخ من القرناس بلكتابة كذاء لأن المزاولة العملية افضل وانفع لأن ريش الفرخ يختلف نهائي عن القرناس وكفوفة تختلف بعد

2- وهذا جوابة مثل الي قبلة تعتمد على الجلوس مع اهل الخبرة لأن الطير اول عمرة يسمى فرخ وبعـدها بكر وبعدها ثـنـو وبعدها قرناس ثالث وبعدها قرناس رابع وهكذاء..... وصعبه على بعض الصقاقير انة يفرق عمر الطير اذا تعداء القرناس الرابع لأن ريشة مايتغير اذا قرّنس .. لاكن البكر والثنو وقرناس ثالث اي واحد يعرف يفرقة. لاكن لابد المزاولة العملية مع الصقاقير وسؤالهم عن الفرخ والقرناس وراح تشوف الفرق واضح

3-الطيور الوحوش كلها طيبة وخاصة الفرخ لأنة سريع وشوفة اقوى من القرناس ولأنة يتعلم بسرعة وعلى كيفك { ترى مو كل فرخ سريع وطيب..... لة مواصفات يعرفها الصقار وتلقاة غالي اغلى من الفروخ الثانية } واذا قرنس عندك وصار { بـِكـر} راح تقل سرعتة عن اول لاكنة سريع مقارنة بغيرة من القرانيس واذا قرنس مرة ثانية وصار{ ثـنو} تكون سرعتة افضل من يوم هو {بـِكـر} لهذاء السبب بعض الصقاقير يفضلون الفرخ

4- الفرخ نعم يمديك تعلمة وتلحق على المقناص لأنة بسرعة يدهل او يتطبع { يوالف } اما القرناس يبية وقت لاكن يمديك هذاء بالنسبة للوحوش
اما البـيـتـيـات تدهل بسرعه...

واسئل عن الي تبي والشباب ما يقصرون.................

[وضــ الوافىـاح]

سلام عليكم السمووحه منك اخوى على تاخر الرد
ويشهد الله توى اشووفه على العمووم


انشااءلله نقدر نفيدك والاخ الكريم بو ساسا ما قصر


شف طال عمرك عن الفرق بين الجرنااس والفرخ


هناك بعض المميزات مثل ما تفضل الاخ ابو ساسا

راح احاول احط لك وصف يمكن تقريبى شوى


راح تلاحظ صوايد القرناس المخالب لونهن على الاصفر

والفرخ لون صوايده اللى هن المخالب عاديات مثلهن مثل اى طير
بس يمتاز القرناس بوجود نوع من الاصفرار فى صوايده

وتلاحظ الريش متبقع مثلا

اذا الطير العادى اشقر وهو فرخ راح تلاحظ الشقار منتشر
على الظهر ولكن ان قرنس يصير الشقار عباره عن بقع

وعن الوقت اخوى اذا كان طيرك قبل الهدد واخذ على العديه اللى هى التدريب يكفى خمسة عشر يوم قبل الصيد

واذا عندك اى سوال ترانى حااضر وانت تامر والسموحه منك على التاخير

[Makrof]

ياجعل كل حرف كتبوه النشاما بميزان حسناتهم
يشهد ربي اني مالي وجهه اسئلكم ثانيه
ابوساسا الله يجزاك الف خير
وماقصرت سباق للخير ماشاء الله


اخوي وضاح الله يغفرلك ذنوبك ان شاء الله

فيه سوال ثاني (والله اعذروني تسني طمعت شوي)

تسيف اعرف اذا كان فوقي طير يطير ان هذا مثلا حر اوشاهين
او حديه او عقاب لاني اشوف دايم طيور بالسما
لاكن مدري هي تصلح للصيد او انها عديمه
حتى اني شفت واحدماسك له سمكه ياكل منه لاكن مدري وش
نوعه ?

2- عادة كم تتراوح اسعار الفروخ والقرناس ابو عام
لكل من الحر والشاهين والوكاري
كاقل سعر
ووين احصل البياعين علما اني بالرياض ?

واعتذر لكم وان شاء عقب كذا نبدا حنا نفيد ان شاء الله
تحياتي المكروف:row:

[ابوساسا]

اخوي مكروف هلابك

1- الصقور عموماً سواء كان حر او غيرة طيرانها واحد متشابة واقرب جارح لها هو الباشق او الحميميق . وبعدة الغراب قريب لحد ماء . ورفة جناح الطير قريبة للخاطوف الكبير..

2- اسعار الطيور تختلف ماهي بسعر واحد كل طير وطيبة حتى الوكاراء تختلف اسعارها . ليتك تزور سوق الطيور بالرياض وتشوف الاسعار بنفسك ...

3- سوق الطيور بالرياض عند سوق الحمام بالجهه المقابلة تحت عمارة المواقف .. وفية سوق الحربي بالنسيم لاكن مادري اذا كان موجود او لا..

ولك اغلى تحية