الفزعة ياشباب

[هليل الشمالي]

انا بحمد الله وفضله شريت اكسبدشن ومحتار ألبس مراتبه جلد والا اخليه على حاله واذا لبسته واش افضل محل في الرياض وجزاكم الله خيرا

[شيخ بني تميم]

×أتوقع السماعيل أفضل شيء
أول ما تدخل شارع الغرابي تلقاه قبالك×
أما الاسعار مالي علم الصراحة

[شمالات نجد]

يا هليل.. كتبت لك رد طويل عريض وطفا الجهاز حسبي عليه :)


المهم لا تركب ولا تخسر نفسك


لا تلبيس مراتب ولا تلبيس أرضيه


خل المراتب توسخ جعلك تقطعها بالعافيه واذا الله احيانا بعد سنه سنتين ثلاث فيه محلات التلميع على الذمه ترجع لك الموتر وكاله


أهم شي ان كانك راعي مكاشيت وعفش وحطب عليك بتلبيس الشنطه تنزاني عشان ما يتمخش الديكور


وفقك الله والجميع

[عاشق المقناص6]

نصيحه الجلد لا تركبه الصيف جاااك:f

[SAS2]

عندك العذار ممتاز من تجربه اخوي والا اختر المحل الارخص تراها بالشغل حول

بعض

[عاشق السيل]

ألف مليون مبروك والله يطعمك من خيرها ويكفيك شرها .....

أنا من راي أخوي شمالات نجد ،،

ياخي والله مالها داعي التلبيسة خاصة الجلد ،، تقولي أحافظ عليها ... طيب تحافظ عليها لمين ؟؟ للي بيشتريها بعدك ؟؟ ياخوي انبسط فيها واستمتع وخلها تتوسخ وإذا جيت تبيع الموتر بعد كم سنة الله يحيينا دقها تلميع والحمد لله !!!

وفوق هذا كله ناوي تلبس جلد !!! أنا لو شريت سيارة جلدها وكالة لبستها مخمل لأن الجلد غثيث بالصيف والشتاء ،، هذا وهو وكالة كيف لو كان تلبيس من هالتجاري ؟؟؟؟؟؟؟؟؟؟

[مسير عليهم]

شملات نجد صادق وفيه محلات تلميع ترجعه لك وكاله

اخبر محل اسمه التمران في الغرابي شغلهم ماشاء الله والسعر مرتفع نسبياً عن غيره لكن الصدق يقال شغلهم يبرد القلب

[كاشت وحداني]

الف مبروك والله يعطيك خيره ويكفيك شره
بالنسبة لجلد او مخمل هذي تحددها انت حسب اللي يريحك
فيه ناس ما ترتاح عالجلد وفيه ناس ما ترتاح عالمخمل
اما بالنسبة للشغل فيه واحد شغله ممتاز جدا جدا وكل من شاف شغله بمواتري طلب رقمه
ان بغيته هات رقمك عالخاص
وبالتوفيق

[هليل الشمالي]

الله يجزاكم خير جميعا