وش رايكم بجنوط الهلل

[باترول القصيم]

السلام عليكم
كيفكم
,,,,,,,

عندي استفسار عن جنوط الهلل وش رايكم بهن
وهل في احد مجرب الصينيات اللي ب500 ياليت يقولي رايه بهن وهل بهن رجه ولا لا

تكفون أرجوا الافادة باسرع وقت ممكن

[أبو سعود12]

على حسب احيان الله يو فقك و لا يصيربهن رجة و العكس صحيح

[ابوغزاي]

نصيحة اخومجرب لاتقرب الصيني لوتجيك بلاش :eek:لولا لطف الرحمن كان راحت ارقابنا بسبب الهلل الصينيات0
والعاقل من اتعض بغيره0:(

[II عزام II]

انا مركب جنوط هلل على جيب ربع نوعهن الي مكتوب عليها ياباني واعتقد انها صينيه بس جودتها افضل من الصينيه المعروفه ام 500

الجنوط الي اخذتها مكتوب عليها يابانيه وخلفيتها سوداء سعر الطقم 750 مع التركيب والحمد لله لارجه ولا شي

فكتنا من الشنابر وبنشرها :)

[مدير الكدري]

نصيحة اخومجرب لاتقرب الصيني لوتجيك بلاش كلام اخوي غزاي ميه في100%

[أطلال نجد]

وعليكم السلام
أنا مع الأخوان أحذر التجاري الصيني ’ بالنسبة للهلل إذا سلمت من الرجه ما راح تسلم من ضعف الحديد وردائته.

[باترول القصيم]

مشكورين عالإفادة يالغاليين

طيب من وين اجيب اصلي السوق فيه جنوط منزلات من الباجيرو اضن
المهم انه مستعمل ويبي له خرط عشان يركب وسعره ب١٠٠٠
ياليت تفيدونن عن سعره بالرياض
وهل يوجد جديد غير المنزل او لا

[باترول القصيم]

وينكم يالربع تكفون ردوا علي باسرع وقت ممكن
يالله تكفون قبل اشري الجنوط

[T33]

مدري

ماسالت عنها بالوكاله ؟؟

[ذيب خزاز]

عليك بالياباني واترك الصيني
شف الوكاله حقت الباجيرو أتوقع تحصله هناك

[T.N.B]

فيه واحد من عيال عمي مركبها على بوالين يقول الرجة من 100 الى 110 بس يعاني من تعفطها
اذا مسكت الردمية وكلت لك جرف ودع الجنط على طول
وما اقول الا الحافظ الله

[فلقه]

انا مركب صينيه\
علي بالون ماكس كويسات اشوفهن ولمعه زينه بعد

[abo naser 1]

السلام عليكم

أعتقد الي مكتوب ياباني هو كذلك صيني

والصيني اذا كنت راعي ارصفة ووعرة بالبر مع سرعة مع الوقت تبي ترج وذلك من واقع تجربة
والأصليات الباجيرو كذلك جربتها ممتازة ومافيها رجه بس أثقل من الصيني وبايعها ب 500

[S3llo]

هلا بك اخوي انا مجرب الهلل الصينيات ما فيهن رجه وما عليهن صبورات اطمر بهن رصيفات وانواع الطمر بالعقوم ولا تكسرن ولا شي لاكن شفة الجنط ما تعوق تنعفط

[راعي سهوان]

سلام على الجميع بنسبة لصيني عن تجربه شريتها لشاص الوالد وراعي بر وحلال يعني فيه مطاب وفيه مطامر شوي المهم بعد فتره صار كل شوي يصير فيه تنسيم في احد الكفرات واعبيه وروح للبنشر يكشف على الكفر مافيه شي قلت تاكد ويحط صابون طلعت مافيها شي ويركبها بالجنط ويحطها في كلها في سطل وطلع التنسيم في الجنط نفسه فيه شعر بسيط من اداخل ماتشوفه (يعنين نصيحه لتقرب الصيني)

[باترول القصيم]

مشكورين يالنشاما عالفايده
ونأسف عالإزعاج
أجل بركب جنوط الفتك الصيني احسن لي
عندي جنطين بالبيت اشري اثنين ويكملن الطقم

[العتيبي 88]

ياغالي الصيني لاتقربه ركب جنوط باجيرو .. اخرطها وبرزها عندك بعنيزه ورشة الوفاء بــ 300 ريال انا مبرزهن وخاطهن عنده وشغله 100% والباجيرو تعجبك شي يستاهل انك تدفع .. واذا جيت بتبيع لها رغبه ..

الله يوفقك

[o0oدوسريo0o]

يالبى الهلل باللرشة الفضية

[PATHFINDER 4]

الصيني اقشر .. فيه صورة للجنط وهو منقطم كامل من جهة المسامير !

[باترول القصيم]

واو لهالدرجه خطر هالصيني