حادثة تعليق جديدة وانتهت بحادث

[الشيخ هريدي]

حدث يوم امس حادث لصاحب يوكن بعد ان اصبحت السيارة صندوق مقفل ولم يوقفها الا صبه
نسأل الله السلامه فالحذر واجب
وانا بديت الشك في السيارات المصدرة لدينا
http://www.rafha-news.com/news-action-show-id-9105.htm

[قناص 28 عفيف]

رد على صاحب الكامري لاابعاد مشكله المثبت عن تايوتا

[أبوسعد111]

الحمد لله على سلامته
والله يستر على المسلمين

الغريب بالموضوع أنه لم يستعمل مثبت السرعة !!
والظاهر إن كمبيوتر السيارات الجديدة نظامه مش حالك
الشكر لك أخي الشيخ هريدي على الخبر

[ام الايتام]

اقسم بالله اني سرت اخاف من هذا الموضوع الله يستر علينا وعلى عيالنا ان شاء الله دايم افكر لو انحطيت في ذا الموقف الله لايقدر ولا يقول وش اسوي ب العيال وين احطهم يا رب لاتفجعنا على غالي احنا وانتو ان شاء الله قولو امين

[الشهابة]

لا حول و لا قوة إلا بالله ..

الله يستر على المسلمين جميعاً و يفكهم من كل شر ..

و الواحد يحرص على قراءة الأذكار و الأدعية و يتوكل على الله ..

المشكله إن أغلب السيارات الكبيره ( جمس و جيوب ) مع سواقين و السيارات مليانه عوايل و بزارين ..

و لكن وش أسباب ظهور مشاكل مثبتات السرعه او دواسات البنزين او التعليق في أكثر من سياره و في اكثر من شركه و مع كم شخص في هذا الوقت بالذات ..

[abo tayyar]

الله يستر على المسلمين ويرحمنا برحمته ....

[northstar46]

ودي اصدق بس قوية قوية صارت سالفة كل ما واحد شمع بعمود قال علقت وقفلت الابواب والقزاز
قسم قوييييييييه

[هويدي]

الحمدلله على سلامته

والله يكفى المسلمين شر الحديد

[You Like Me]

لا حول ولا قوه إلآ بالله
الله يكفينا الشر

[Magellan]

حمدلله على سلامته
بس علينا لاقينا تنقل لنا مثل هالأخبار
كلما طق عود بحصاة قلتوا مثبت وفي اليوكن
هذا تغطية لمشاكل تويوتا وابعاد الغريم الامريكي من المنافسة
وبالتأكيد خبر مدفوع الثمن

[الضيغم]

الله المستعان


هذا ولد عمي أبو يوسف الحمد لله على سلامته


علق معه مثبت السرعه , الله المستعان هالموضوع كبر عن حده

دامه وصلت لعيال العم لابد من وقفه حازمه هههههههههههه


الله يحمي الجميع يا رب





شطحه :


أبروح ركض وأعلم أبوي عن أذنكم

[noor4noor]

رد على صاحب الكامري لاابعاد مشكله المثبت عن تايوتا
ابو جميل يبي يطبق سالفة الراعي والذيب صارو الناس ماعاد يصدقون الراعي:p
للاسف طريقة رخيصة وواضحة وضوح الشمس لتشتيت افكار الناس وجعل المشكلة عامة في كل السيارات وليست في تويوتا .
أعتقد الناس ليسو بسذج يضحك عليهم ابو جميل الاخطبوط المالي والاعلامي يستخدم المال والاعلام لصالحة لاكن مانقول الا حسبنا الله ونعم الوكيل .....

[* ابو باسل *]

حمدلله على سلامته
بس علينا لاقينا تنقل لنا مثل هالأخبار
كلما طق عود بحصاة قلتوا مثبت وفي اليوكن
هذا تغطية لمشاكل تويوتا وابعاد الغريم الامريكي من المنافسة

وبالتأكيد خبر مدفوع الثمن

كلام صحيح والحين كل من صدم بموتره حتى لوهو مافيه مثبت قال علق علي صارات حكاية هالتعليق بين الناس خلاص حادثه وصارات ويمكن انها وحده من مليون ماهي حلا هي حتى لو صدمت السيارة وهي واقفه قال عوضوني موتري علق المثبت وانا امشي مليون الله يعوضه ولا يبتلينا .

[مسير عليهم]

وش دخل المثبت في الموضوع ...!

اللحين يقول راعي الصالون انه يمشي 40 ولا ثبت السرعة وفي بداية الخبر عطل في مثبت السرعة


هذا ولد عمي أبو يوسف الحمد لله على سلامته

علق معه مثبت السرعه , الله المستعان هالموضوع كبر عن حده



خله يصمل على كلمه وحده هو مثبت والا ماثبت على اربعين ..!!!

ياليت تسوون حلقه علميه توضحون ان فيه فرق بين المثبت وتعليق الدعسة

[قمر بني تميم]

الحمد لله على السلامة

[Magellan]

الحين مادام ان الأجهزة الالكترونية علقت معه
ليش اجل طلعت الايرباقات الامامية والجانبية؟؟؟؟

[rpk]

ودي اصدق بس قوية قوية صارت سالفة كل ما واحد شمع بعمود قال علقت وقفلت الابواب والقزاز




قسم قوييييييييه

والله الذي لا اله ألا هو ما راح احلف كذب وبهتان على احد املك سييرا 2500 2011 وانا اسير ومثبت الموتر ما دريت الا الموتر قفل الابواب ورد نمره لاكن الحمد لله اني ضغط الفرامل وفصل بسرعه ورجع الموتر الى وضعه الطبيعي تقولي ليش ما وديته للوكاله اقولك ليش اولا ما صلحوا اتفه الامور عشان يصلحون مثل هذه الحركه ثانيا انا مركب كتباك كامل وهذا اقرب عذر مع انه مصدر خروج العادم والله المستعان وتوكلنا على الله علمنا انه سوها مرتين لاكن من يوم اضغط الفرامل او افصل المثبت يرجع طبيعي واتوقع ان المشكله من الثبت وليس من الدعسه زي التويوتا

[عاشق الحيسية]

يالربع أعرف واحد معه سييرا 2010


علقت معه الدعسه وما فكت إلا بعد مارقى مطب صناعي


وأنا مكلمه بنفسي وسألته عن تعليق الدعسه



الله يستر

[عاشق السيل]

أولا نقول الحمد لله على سلامته ونسأل الله أن يحفظ المسلمين من كل مكروه ،،

ثانيا لنفرض أن التعليق وارد بالأمريكي .. طيب ليش ما يفر المفتاح وتطفى السيارة ؟؟ أو يرفع القير ويفضيه ؟؟

عرفنا إن التويوتا كل شي إلكتروني ،، لكن الأمريكي المفتاح موجود والقير ميكانيكي !!!!!

ممكن أحد يشرح لي ياناس ...........

[مسير عليهم]

والله الذي لا اله ألا هو ما راح احلف كذب وبهتان على احد املك سييرا 2500 2011 وانا اسير ومثبت الموتر ما دريت الا الموتر قفل الابواب ورد نمره لاكن الحمد لله اني ضغط الفرامل وفصل بسرعه ورجع الموتر الى وضعه الطبيعي تقولي ليش ما وديته للوكاله اقولك ليش اولا ما صلحوا اتفه الامور عشان يصلحون مثل هذه الحركه ثانيا انا مركب كتباك كامل وهذا اقرب عذر مع انه مصدر خروج العادم والله المستعان وتوكلنا على الله علمنا انه سوها مرتين لاكن من يوم اضغط الفرامل او افصل المثبت يرجع طبيعي واتوقع ان المشكله من الثبت وليس من الدعسه زي التويوتا


اللي اعرفه ان الاقفال تقفل من تسكر الابواب ورد النمره طبيعي ودامك ضغطت فرامل وفصل فموترك سليم لأكن الوسواس لعب فيك شوي

[- النشمي -]

قلنا لكم تويوتا مافيا ماحد يقدر يردعها ابد


الحين حولت الحرب على الامريكي لكن معصي وتبطي عظم لاتويوتا ولااللي اكبر من تويوتا

[rpk]

اللي اعرفه ان الاقفال تقفل من تسكر الابواب ورد النمره طبيعي ودامك ضغطت فرامل وفصل فموترك سليم لأكن الوسواس لعب فيك شوي
مساك الله بالخير اي وسواس الله يصلحك مهب اول جمس اسوقه او اشتريه وانا اقصد انها فتحت وسكرت بسرعه

[@ بحار مجيرمة @]

لا حول ولا قوة الا بالله

حادث اليم والله

الحمدلله على سلامته

والله يكفى المسلمين شر الحوادث

[((ابوملاك))]

قلنا لكم تويوتا مافيا ماحد يقدر يردعها ابد


الحين حولت الحرب على الامريكي لكن معصي وتبطي عظم لاتويوتا ولااللي اكبر من تويوتا



انت اكبر متعصب اشوفه ياخي كلها حديد ترا ما يستاهل ترفع ضغطك

للمعلوميه عندي شاص وسوبر بان عشان ماتقول متعصب لفئه معينه

[راعي المجهم]

لقيت شريطي في معارض السيارات يقول سيارات تويوتا خسرتنا الله يقلعها

الناس تخاف منها بعد مشكلة تعليق الدعسة

وأتجهوا للامريكي يوكن فورد

وللنيسان وللهوينداي

سوناتا أزيرا أكسنت النترا

[ملك الإحسآس]

قلنا لكم تويوتا مافيا ماحد يقدر يردعها ابد


الحين حولت الحرب على الامريكي لكن معصي وتبطي عظم لاتويوتا ولااللي اكبر من تويوتا





ههههههههههههههههههه اهنيك

[راعي المجهم]

المشاكل ظهرت في تويوتا وبس

أما الأخبار الي نسمعها عن سيارات ثانية تموووووويه

من بعض كتاب الصحف قد يكون مدفووووووع لهم لكي يشتتون الأنتباه

عن المشكلة الرئيسية

[ولد وايل 2010]

الله يحفظنا بحفظه

[عاشق الحيسية]

المشاكل ظهرت في تويوتا وبس

أما الأخبار الي نسمعها عن سيارات ثانية تموووووويه

من بعض كتاب الصحف قد يكون مدفووووووع لهم لكي يشتتون الأنتباه

عن المشكلة الرئيسية





ياخوي أعرف واحد معه سييرا 2010


علقت معه الدعسه وما فكت إلا بعد مارقى مطب صناعي


وأنا مكلمه بنفسي وتأكدت منه



الله يستر

[HAS5SAN]

إخبارية عرعر - مناحي النماصي - رفحاء :


كاد خلل فني في سيارة يوكن موديل 2011 أن يؤدي بحياة الرقيب مرسال بن مطلق الشمري أحد منسوبي الدفاع المدني بمركز روضة هباس (100كم ) شرق رفحاء.


وفي التفاصيل، انه في يوم الجمعه 18/3/143هـ الساعة الواحدة والنصف بعد الظهر تقريباً استقل سيارته اليوكن اكسل موديل 2011 ذاهباً مع شارع الأربعين الحزام الشمالي بروضة هباس وبحسب إفادته انه يمشي بسرعة أربعين كم /س ولم يستعمل مثبت السرعة وفجأة انطلقت السيارة بسرعة مطرده ومفاجئة ما جعلها تنحرف قليلاً عن الشارع حيث حاول السائق إيقافها إلا أن محاولاته باءت بالفشل وذالك بعد أن أقفلت السيارة جميع أجهزتها من الدركسون وأقفال أمان الأبواب .
وبفضل الله قبل ان تأخذ سرعتها القصوى ارتطمت بصبه خرسانيه بطول متر والتي تحيط بأحد أعمدة الكهرباء .


بعدها توقفت السيارة ولكن بعد أن تضررت مقدمة السيارة كما هو موضح بالصور وقد تمت المعاينه من قبل مرور رفحاء كما أخذت الفحوصات اللازمة للسائق مرسال الشمري بمستشفى شعبة نصاب وتمت معالجته من بعض الجروح والكدمات وسيصدر التقرير من المستشفى لاحقًا .






http://www.ararnews.net/contents/myuppic/04f358b9ccccb7.JPG

إضغط على الصورة لمشاهدة الحجم الكامل


http://www.ararnews.net/contents/myuppic/04f358b9ce064d.jpg
إضغط على الصورة لمشاهدة الحجم الكامل


http://www.ararnews.net/contents/myuppic/04f358bb11f738.jpg




http://www.mekshat.com/vb/images/statusicon/user_online.gif

[همس الغدير]

الله يعوضه خير يارب

[راعي المجهم]

ياخوي أعرف واحد معه سييرا 2010


علقت معه الدعسه وما فكت إلا بعد مارقى مطب صناعي


وأنا مكلمه بنفسي وتأكدت منه



الله يستر


هههههههههههههههههههههههههههههههه

ردك هذا مكررة بالحرف الواحد ياعاشق الحيسية

في كل موضوع يتعلق بتعليق دواسات تويوتا

هل أنت من ملاك تويوتا وتريد أبعاد الشبه عن سياراتك ؟؟؟؟؟

على العموم الله يكفيك شر موترك إذا هو تويوتا قول آآآآآآمين

وتذكر أن الجمر ماتحرك الا رجل واطيها

وتويوتا الناس بدأت تخاف منها تاااااابوت مووووووت

ياعااااشق الحيسية

[راعي المجهم]

إخبارية عرعر - مناحي النماصي - رفحاء :


كاد خلل فني في سيارة يوكن موديل 2011 أن يؤدي بحياة الرقيب مرسال بن مطلق الشمري أحد منسوبي الدفاع المدني بمركز روضة هباس (100كم ) شرق رفحاء.


وفي التفاصيل، انه في يوم الجمعه 18/3/143هـ الساعة الواحدة والنصف بعد الظهر تقريباً استقل سيارته اليوكن اكسل موديل 2011 ذاهباً مع شارع الأربعين الحزام الشمالي بروضة هباس وبحسب إفادته انه يمشي بسرعة أربعين كم /س ولم يستعمل مثبت السرعة وفجأة انطلقت السيارة بسرعة مطرده ومفاجئة ما جعلها تنحرف قليلاً عن الشارع حيث حاول السائق إيقافها إلا أن محاولاته باءت بالفشل وذالك بعد أن أقفلت السيارة جميع أجهزتها من الدركسون وأقفال أمان الأبواب .
وبفضل الله قبل ان تأخذ سرعتها القصوى ارتطمت بصبه خرسانيه بطول متر والتي تحيط بأحد أعمدة الكهرباء .


بعدها توقفت السيارة ولكن بعد أن تضررت مقدمة السيارة كما هو موضح بالصور وقد تمت المعاينه من قبل مرور رفحاء كما أخذت الفحوصات اللازمة للسائق مرسال الشمري بمستشفى شعبة نصاب وتمت معالجته من بعض الجروح والكدمات وسيصدر التقرير من المستشفى لاحقًا .






http://www.ararnews.net/contents/myuppic/04f358b9ccccb7.JPG

إضغط على الصورة لمشاهدة الحجم الكامل


http://www.ararnews.net/contents/myuppic/04f358b9ce064d.jpg
إضغط على الصورة لمشاهدة الحجم الكامل


http://www.ararnews.net/contents/myuppic/04f358bb11f738.jpg




http://www.mekshat.com/vb/images/statusicon/user_online.gif



أشك والله العالم

أن مشكلة تعليق دعسة سيارات تويوتا

أصبحت عذر لكل من يخالف النظام الآن

ولكل من يسوي حادث لكي لا تطاله المسآلة

يعني واحد يسرع ويصدم يقول علقت علي الدعسة !!!

واحد يفحط ويصدم يقول علقت الدعسة !!!

واحد يهرب من الشرطة يقول علقت الدعسة !!!

واحد يسرع سرعة جنونية ويقول علقت الدعسة !!!

[HAS5SAN]

أسأل الله العظيم رب العرش العظيم أن يشفيه
ولابد للدولة من وقفة جاااااااده

[عاشق الحيسية]

هههههههههههههههههههههههههههههههه

ردك هذا مكررة بالحرف الواحد ياعاشق الحيسية

في كل موضوع يتعلق بتعليق دواسات تويوتا

هل أنت من ملاك تويوتا وتريد أبعاد الشبه عن سياراتك ؟؟؟؟؟

على العموم الله يكفيك شر موترك إذا هو تويوتا قول آآآآآآمين

وتذكر أن الجمر ماتحرك الا رجل واطيها

وتويوتا الناس بدأت تخاف منها تاااااابوت مووووووت

ياعااااشق الحيسية




ياخوي كررت الرد عليك


لأنك ما اقتنعت وتقول إن الاخبار بفلوس مدفوعه



ويعلم الله ويشهد إني مكلم الرجال بنفسه



وبعدين ماهوا اسلوب إنك ترد بضحكه




والله يسامحك

[راعي المجهم]

ياخوي كررت الرد عليك

لأنك ما اقتنعت وتقول إن الاخبار بفلوس مدفوعه


ويعلم الله ويشهد إني مكلم الرجال بنفسه



والله يسامحك


على العموم ماقول غير الله حسيبك إن شاء الله

والله يعطيك على قد نييييييييييتك

[مكشاتي اصلي]

لا حول ولا قوة الا بالله

الله يستر بستره والله ان هالسيارات من قبل التعليق وهي معدمه العالم فما بالك الحين

الله يحمانا و اياكم

[عاشق الحيسية]

على العموم ماقول غير الله حسيبك إن شاء الله

والله يعطيك على قد نييييييييييتك



آآآآآآآآآآآآآآآآآآآآمين


ويعطيك على قد نيتك

وسوء ظنك بإخوانك

[HAS5SAN]

أشك والله العالم





أن مشكلة تعليق دعسة سيارات تويوتا


أصبحت عذر لكل من يخالف النظام الآن


ولكل من يسوي حادث لكي لا تطاله المسآلة


يعني واحد يسرع ويصدم يقول علقت علي الدعسة !!!


واحد يفحط ويصدم يقول علقت الدعسة !!!


واحد يهرب من الشرطة يقول علقت الدعسة !!!


واحد يسرع سرعة جنونية ويقول علقت الدعسة !!!



يا أخي اتق الله في نفسك وشوف وجه الرجال بالله هذا مفحط أو مخالف
ياخي هذا رجل امن وكبير سن وواضح انه متأثر فادع له ان الله يشفيه ويخليه لعياله
يا أخي ترى المسأله ليست تويوتا او غيرها المسأله السالفة فيه شيء وعندنا في السعودية فقط
سبحان الله متى نكبر عقولنا
http://www.arartoday.org/contents/myuppic/04f35845fa4351.jpg

http://www.arartoday.org/contents/myuppic/04f35846bb52cd.jpg
http://www.mekshat.com/vb/images/statusicon/user_online.gif

[راع القنص]

الحمد لله على سلامته

[بندر عبيد]

الحمد لله على سلامته
والله يستر على المسلمين

[مهندس مكشات]

الحمدلله على السلامه

[مخاوي العشه]

أخوي حسان HAS5SAN (http://www.mekshat.com/vb/member.php?u=35613) أشوفك صرت تصدق

عشان أن الموتر جمس أمريكي

ولا لو هو موضوع عن تعليق تويوتا كان ماتصدق وتشكك
حتى موضوع الطواله ماصدقته وانت شفت مقطع الفيديو
وهذا دليل تعصبك

==============


الحمد لله على سلامة الرجال والله يعوضه

[HAS5SAN]

أخوي حسان HAS5SAN (http://www.mekshat.com/vb/member.php?u=35613) أشوفك صرت تصدق


عشان أن الموتر جمس أمريكي

ولا لو هو موضوع عن تعليق تويوتا كان ماتصدق وتشكك
حتى موضوع الطواله ماصدقته وانت شفت مقطع الفيديو
وهذا دليل تعصبك

==============


الحمد لله على سلامة الرجال والله يعوضه



طيب هد اعصابك
الحين أنت مصدق الرجال ولا مكذبه

[راعي المجهم]

أخوي حسان HAS5SAN (http://www.mekshat.com/vb/member.php?u=35613)

أنت من المتعصبين لنيسان ومواضيعك تفضحك

وماصدقت خبر عشان تشفي غليلك

من تويوتا لكن الكبير كبييييييييرر يابه

وللمعلومية والله لا انت صنعتها ولا أنا عشان تشحط ويطق لك عرق
الله المستعان

[- النشمي -]

الحمد لله ان الحقيقه ظهرت والاخوان فضحو الرجال انه قابض ثمن هالسالفه الملفقه


وهذا الشي مهوب غريب على تويوتا دفع الرشاوي لاصحاب النفوس الضعيفه واختلاق قصص واثباتها بالصور

[الشيخ هريدي]

ياجماعة الخير مانبي تعصب ولا مداخلات ماله داعي نريد الوقوف على هذه المشاكل من جهات محايده وتطمين الناس
لماذ هذه المشاكل لاتحدث الا عندنا فسوقنا مليئ بماهو غث لانهم يعلمون انه لاتوجد لدينا مؤسسات رقابيه كافيه فيرسلون لنا هذه السلع بدون اجراء اختبارات عليها بل نحن من يختبرها وكأننا لتجارب

[- النشمي -]

أولا نقول الحمد لله على سلامته ونسأل الله أن يحفظ المسلمين من كل مكروه ،،

ثانيا لنفرض أن التعليق وارد بالأمريكي .. طيب ليش ما يفر المفتاح وتطفى السيارة ؟؟ أو يرفع القير ويفضيه ؟؟

عرفنا إن التويوتا كل شي إلكتروني ،، لكن الأمريكي المفتاح موجود والقير ميكانيكي !!!!!

ممكن أحد يشرح لي ياناس ...........





فيه مثل انجليزي يقول
(شمس الحقيقه لابد ان تشرق يوما)



والحمد لله الحقيقه ظهرت

والله يلعن كل راشي ومرتشي وياخذه ويقطع دابره عن ديارنا وديار المسلمين

[كيري ميري]

حسان من شركة جميل . هو كشكول لجمع الصور .واذا رديتوا عليه بداء يدعي التدين واذا حصل له شبه فرصه تجرد من كل شي .

[HAS5SAN]

حسان من شركة جميل . هو كشكول لجمع الصور .واذا رديتوا عليه بداء يدعي التدين واذا حصل له شبه فرصه تجرد من كل شي .


حسبي الله ونعم الوكيل
والله الذي لا إله إلا هو ماصدق
ووالله ان كل سياراتي خليجي
بيني وبينك الله يوم القيامة

[tevo]

مساك الله بالخير اي وسواس الله يصلحك مهب اول جمس اسوقه او اشتريه وانا اقصد انها فتحت وسكرت بسرعه

طبيعي يرد نمره وخاصه لا صار مرفوع .
ودام انك يوم ضغطت فرامل وقف وفصل فهذا يدل ان السيارة طبيعيه او المشكله بالبيبان عندك.

[كيري ميري]

كلها تابوتا . شفتوا تحسب واسترجع . ترى التوبوتا ماهم ماهم نافعينك بشي تتحمس وردود وبعدين ؟؟ وتطلب من الناس الدعاء انه يزيل همك وغمك وتتصرف كذا ؟؟ وتوهق العالم بسيارات اسعارها نار وصينيه وقطعها الان نار وتعليق وفرامل زفت .

[alwssam6]

الحمد لله على السلامة

[ALBDRANE]

خبر لذر الرماد على العيون

[medo112]

أول شي لا أنا متعصب لا أمريكي ولا تيوتا ..
بس سبحان الله سبحاان الله .. يوم صارت امريكي كلن يقول الخبر صحيح ..
واذا نزل خبر عن تايوتا كل العالم نصابين .. واللي يطلع الخبر نصاب .. واللي يعرف واحد نصاب ..
بس أمريكي أوووه على طول الخبر صحيح ولا فيه أي شك ..
أبي عرف شي .. أبو جميل يقرب لكم كلكم .. ولا واحد من الربع ولا أيشِش؟

[شاص99]

الحمد لله ان الحقيقه ظهرت والاخوان فضحو الرجال انه قابض ثمن هالسالفه الملفقه


وهذا الشي مهوب غريب على تويوتا دفع الرشاوي لاصحاب النفوس الضعيفه واختلاق قصص واثباتها بالصور





اثبت بالادله

اتهامك باطل ولا اساس له من الصحه..الا بدليل


واشوفك اذا صار مشكله تعليق بالتويوتا قلت الخبر صحيح ويوم جاء الامريكي تغير رايك... ممكن نعرف وش السبب?

[silver11]

لاحولولا قوة الا بالله

[tevo]

السلام عليكم
الي يقرا الموضوع يشوف ان السيارة كانت تمشي بسرعة اربعين وقفلت الطارة وبدة تزيد السرعة !!!
يا جماعة حتي لو طفت السيارة والمفتاح ما لفيته علي الاخر الدركسون ما يقفل هذا ايام الثمانينات الدركسون يقفل بس لا طفيت السياره يعني وظعيت المفتاح علي الاوف والشي الثاني الفرامل ماجابوا طاريها قالوا اقفلت جميع اجهزتها وذكروا الدركسون وقفل الباب وين القير وين الجلنط والفرامل يعني لو السيارة مسرعه قلنا صح صعبه تمسك بس السيارة تمشي 40 .
انا ما ودي اكذب احد لاكن ان فعلا صدقت الجريده ففعلا شي غريب ان المشكله بس تظهر في السعودية!!! وجميع انحاء العالم ما اشتكت من مشكلة التعليق في السياراة الامريكية او كما سبق في اكسبدشن او في التيما هذي كلها سبق ولقينا انها علقت حسب ما ذكرت الصحف الالكترونيه وبس عندنا في السعودية !!!!

يا جماعه بعدوا التعصب وحكم عقلك الاخبار والشائعات عندنا بالهبل والي يدري والي ما يدري يفتي ولا بعد يقول من مصادر موثوقه وزين ان ماحلف لو تشوف في كل اجازه تجي اشاعة عن تمديد الاجازه ولو تدخل اي منتدي اسهم بتلاقي الاف المطبلين الي يطبلون ويحلفون ويجيبون العيد في الناس اما عن جهل او قصد.
وما يحتاج ازيد الامثله علي كثر الكلام والشائعات الي عندنا تطلع .
فخلاصة القول ان فيه احتمالات وهي :
1- المسأله يا انها نصب وافتراء علي باقي الشريكات عشان تيوتا تبعد الشبهه عنها وان هذا في كل السيارات يصير.
2- او ان الشباب السعودي مستهدف وفيه خطوط انتاج خاصه له في كل من مصنع نيسان و جي ام سي وشفر وفورد .
واذا كانت الحاله الثانيه هي الصحيحه فنستنتج التالي.
يكون الشعب الخليجي باستثناء الشعب السعودي مستهدف من تيوتا فقط حسب تصريح تيوتا بان جميع السيارات التي علقت دعستها كانت خليجيه.
وعلي العموم هذا مقطع يبين مدي اهتمام و درجة الامان في السيارة لقيتة في اليو تيوب.
http://www.youtube.com/watch?v=RBRyHFEZOv0
وياليت يا جماعت الخير كل واحد يحكم عقله .
ويشيك علي الموضوع هذا
http://www.mekshat.com/vb/showthread.php?t=477125
وعلي العموم هذي وجهة نظري بالموضوع ياليت ما تكون زعلت احد والي بيزعل يقولي و ماله الا طيبة الخاطر .

[ابونبيل]

قلنا لكم تويوتا مافيا ماحد يقدر يردعها ابد


الحين حولت الحرب على الامريكي لكن معصي وتبطي عظم لاتويوتا ولااللي اكبر من تويوتا



متناقض ياحبيبي :eek:

تلوم الي يكذبون اخبار التويوتا؟؟
انت مثلهم بس الحين ..

الله يكفينا ويكفيك شر هالسيارات:(

[sgl2002]

على إني اكرهـ الامريكي ومستحيل اشتريه الا ان فيه نقطتين عندي :

1- عاد ماحصلوا الا المواتر الامريكيه اللي يستخدمون فيها التقنيات الحديثة من مديلات كثيرة وسابقة ، هذا واضح انهم يبون يشيلون الشبهه عن تويوتا ،

2- اعجبتني قوة ومتانة الموتر ووسائل الحماية فيه صراحه اعجبني

[شبل داورد 1]

يا شباب قصة مثبت السرعه يمكن حصلت في سياره أو ثنتين
من الجيوب بعدين أستغلها ضعف النفوس حقين الحبوب
المهربين
أذا طلع بحمله قال لوحد يسوي فلم تعليق أبنص قدامه الحقوني أرموني
علق علي الموتر وصارت الشرط معه وعالم وراه
وصاحب الحمله ماحوله أحد
أخذو العلم اللي يجمد على الشارب

[ابونبيل]

ياشباب اول موتر تكلمو عن تعليقته هو اللند كروزر .. والناس اكثرها صدقت منهم بدافع ان سعره مبالغ فيه ومنهم عشان المقاطعه وناس عشان التعصب

والحين يوم علقت الجموس قالو لا رشاوي!! ليش قالو عشانه منافس للند كروزر؟!!! بالله من متى صار اليوكن منافس للجيوب ؟!!!
خبري به موتر خط وعائله وبس المنافس له هو الباترول ..

طيب لو مشيناها ان السالفه حرب شركات ورشاوي ...ترا التويوتا مثل نادي الهلال له جمهوره وكل النوادي الثانيات يكرهونه والتايوتا له جمهو بالسعوديه وكل الشركات لهم مصلحه يسوون حملات اما الجمس ماهو ممكن ان يتحدون الشركات ضده لانه مو منافس بالسوق..

يعني اليوكن كذب ورشاوي والتايوتا صح؟!!

طيب التايوتا محد علق عليه المثبت ومات؟!!! اما الجمس بغى يموت الرجال في احد يذبح نفسه علشان فلوس.؟!!!

انتظر ارائكم وملاحظاتكم...

[.أبوعبدالرحمن]

تم تثبيت موضوع خاص لهذه المشكلة

ونأمل أي جديد في هذه المشكلة يمكن طرحه بهذا الموضوع


((كل ما يتعلق بقضية تعليق دعسة الوقود تجده هنا يمنع طرح موضوع جديد )) (http://www.mekshat.com/vb/showthread.php?t=474421)