هايلوكس2012 تحيرت فيهاااا

[ابو ناصر2011]

مساكم الله بالخير


انا رجال ابشتري موتر بحدود السبعين او الثمانين

وفكرت بالهايولكس2012 وجزمت لاكن بديت اسال

فلقيت ان اكثر الناس يقولون حسافه تروح 80000 ريال


على هايلوكس فاانا تحيرت الحين

هل اخذ هيلوكس ولا مااخذها

وهل فيه موتر جديد بهالسعر يفي بالغرض بس لايكون موتر صغير


ولكم مني جزيل الشكر .......

[هلي ديزل]

والله انا اشور عليك بالددسن دبل دامك تبي حوض،،
أرخص من الهايلكس سعرها 77,000 ريال
والهايلكس دبل موجود الخليجي السياحي جزاز هندل بـ85,000 ريال
وكانك تبي جيب(ن) ينشد به الظهر وتترك عنك الهايلكس وطقته فيه الاكستيرا بـ95,000 ريال

دعواتك،،

[اابوشوق]

دور لك على اكستيرا افضل لك ..

الهايلوكس سعره ارتفع واشوف بسعره وصل للجمس الحوض السيرا


فحرام تدفع هالمبلغ في هايلوكس ..


ياجمس سيرا او اكستيرا

[المداوي2]

عز الله انك اخترت موتر وقيمته فيه والدليل شف المعارض المستعمل اللي ماشي دون العشره الاف تلقاه فرقه عن الجديد حول الثلاثه وهذا يدل على انه يمسك سعره وترى تايوتا عامه والهايلوكس خاصه شيك في المخبا

[sgl2002]

والله ما ادفع 80 الف بكرتون كل شوي وانت تربط الصدام الامامي

أخوي اذا انت مستغني عن الحوض سو مثلي

اخذت باترول 2009 اخو الوكالة ربع بأقل من 80 الف

موتر ينشد به الظهر وينغزى به في كل مكان ولاتخاف معه من شي

ووفوق كذا والله انه في البلد والمواقف والزحمات اخف من الكرولا

[HAS5SAN]

الناس يقولون حسافه تروح 80000 ريال على هايلوكس






فحرام تدفع هالمبلغ في هايلوكس ..



أجل ناقة بعشرة ملايين
http://www.ammonnews.net/img/big/201022big53816.jpeg
يارجال توكل على الله وخذها
ولا تنسى الاستخارة
وانصحك تزور رابط ملاك الهايلكس الدبل
تراهم كبار سن ولهم تجربة في ها الحياة
تفضل الرابط :
http://www.mekshat.com/vb/showthread.php?t=471574

[noor4noor]

للاسف الهالكس نسبة السلامة فيها قليلة جدا اذا كنت من الناس الي مايسرعون خذها وكذلك سعرها مبالغ فية جداً اذا معزم خذ لك جمس سيرا غمارة ونص دبل حتى لو مستعمل شي بسيط فرق كبير مكينة ثمانية سلندر ونسبة السلامة عالية واوسع وارسا في الخط الهالكس من تجربة تخاف تتعدا 120 لانها خفيفة جداً اعتقد ثمانين الف تجيب لك 2010 نظيف فرق كبير عن الهالكس ويمسك سعرة وللاستخدام سيارة عليها الكلام وراح تدعي لي
السلامة والمتانة في السيارة اهم شي والله اذا ركبت الهالكس اجلس خايف ومتوتر تحس انها خفيفة كانك راكب اكسنت ويش ابي بسيارة ماسكة سعرها واكون خايف لا فرامل abs ولا دعامات تصفيح في الابواب وبودي خفيف جدا اي صدمة لا سمح الله تكون الاصابات كبيرة والله يكتب الي لك فية خير

[أبو نـآيف]

الهايلوكس جي ال اكس 97 الف

[ابونبيل]

الهلي كفو بس صدق سعره غالي كانك جازم دق لك مستعمل

او خذ لك نفارا ارخص وصدام حديد قدام وعزمه قوي بين الددسن والهلي

[ابو ناصر2011]

الله يجزاكم خير وانتظر المزيد لاكن اللي يقولون خذلك سيرا

مهب تسنه واجده خراباته

[شاص99]

الهايلكس موتر طيب مابه كلام عذروبه الوحيد بديه اما اللي يقول سلامه تاكد ان ما اصابك لم يكن ليخطئك وما أخطأك لم يكن ليصيبك

[sgl2002]

بالنسبة لخرابات السييرا :

اذا اخذته وانت اللي تسوقه ورجال سواقتك راكده بيكد معك 10 سنين وزود

اما اللي كل يوم بيد واحد ويفجره بالنفود ولا يهتم بصيانته فهذا ما يكمل مع شهر

هذي قاعدة استخدام الامريكي ، لانهم صنعوه وماحسبوا حساب السعوديين وهبالهم ؟؟


عمي اشترى واحد 2005 او اقل مدري والله بس انه دبل ارضي

والله ماشاء الله عزم + راحه + تحميل + دبل قوي وصرف بنزين معقول وعلى الخط مايشرب شي

[ابومناحي]

اشرد عن الامريكي شرودك من الاسد
الامريكي اذا ماوهقتك طرمبة البنزين وهقك قيره

[حبيب الامس]

ان كانك تقدر على قيمة الهايلكس توكل على الله

[عاصوف نجد]

السلام عليكم اخوي ابو ناصر

الهايلكس موتر يستحق الاقتناء صح ان سعرة مرتفع لكن في المعارض بس عند الوكالة بالحجز اقل بكثير من المعارض
والخليجي القطري اقل من المعرض و الوكالة
واذا شفت اسعار السيارات الجيوب ما تنطال ودبلات ازرة
مالك الا الهايلكس او الشاص الددسن عزمة تعبان مقارنه بلهايلكس وكذلك اقل مواصفات ووسع اقصد المرتبة الخلفية

[عاصوف نجد]

ولك الاختيار والله يوفقك

[ذيب الغربية]

اخوي انا معي هايلوكس 2011 غمارتين فل كامل ماشاء الله زي الحلاوة نصيحه ثم نصيحه ثم نصيحه خذ هايلوكس قسم بالله شيك في الجيب وانته ومزاجك

[مكشاتي اصلي]

والله اذا انت شباب عزوبي خذ هايلوكس
واستانس و طعس وغرز و انصب وفل امه
اما اذا انت متزوج او كبير بالسن خذ لك جيب
وترا الهلي شيك ما يطيح سعره واجد وغيرر كذا موتر يتحمل الكد
و الله انا انصحك به و اذا تقدر على الدفنسين الدبل لا تتعداه عز الله انه موتر
وانت استخر
والله يكتب لك اللي فيه الخير

[ابو ناصر2011]

لاكن يقولون ان البدي حق 2012 ماينفع ابد مقارنه بالمويدلات اللي قبله؟

[T.N.B]

اذا انك وصلت للتسعين الف وحولها دور لك باترول سياحي 4800 بتلقاه 2009 بها القيمة اظن

والله يوفقك

[wafian]

والله انا اشور عليك بالددسن دبل دامك تبي حوض،،
أرخص من الهايلكس سعرها 77,000 ريال
والهايلكس دبل موجود الخليجي السياحي جزاز هندل بـ85,000 ريال
وكانك تبي جيب(ن) ينشد به الظهر وتترك عنك الهايلكس وطقته فيه الاكستيرا بـ95,000 ريال

دعواتك،،


استخر و توكل على الله

[أطلال نجد]

السلام عليكم
أخوي أبو ناصر دام أنك وصلت للثمانين ألف خذ غمارتين دبل بتسعين ألف ماهي كثيرة عليه
ولا تنسى أن الونيت يتميز عن الجيوب الإكستيرا أو الفور تيشنر بالحوض، وهذه ميزة مهمه في سيارات البر والمكاشيت
وبالنسبة لبدي 2012 مثله مثل اللي قبله كلها صدامات وبدي ضعيف، الأختلاف في شكل الخطوط فقط .
بالتوفيق ،،،

[youssf]

اصبر شوي حتى السعر ينزل ولاتفكر بغير الهايلوكس

[ابو شكاع]

الناس أذواق
لكن بالنسبة لي مستحيل احط هالقيمة في موتر يقص ظهرك لو سافرت عليه 100 كم
احطها في سييرا او سلفرادو
مواتر عليها الكلام
موفق

[أبوعابد 22]

80000الف في هلي
حطها في جيب فكسار ولو قديم ولا دورلك شاص
والله العظيم انه احسلك من ها الكرتون ولا خذلك هايلكس دفرنسين
دورلك واحد 2011 يكون ماشي قليل والله يرزقك

[x.ok]

حده 60 الف وما زاده إلا الطلب عليه فمن رأيي إنه غالي

[بن نويشر]

ما راح يعجبك راي

بس جرب

مر على العيسائي وشف البكب غمارتين دبل ، يجي 6سلندر وقير توماتيك .. مرهم وشف ..

[الباحث_6610]

والله حرام تدفع مبلغ عالي بالهايلكس
بعدين يابعدي الهايلكس 2012 جي ال اكس بحدود 92000 ريال والمدبلة وصلت 110000 ريال
سلامات
انصحك بجمس سيرا أو الاكستير

[الباحث_6610]

80000الف في هلي
حطها في جيب فكسار ولو قديم ولا دورلك شاص
والله العظيم انه احسلك من ها الكرتون ولا خذلك هايلكس دفرنسين
دورلك واحد 2011 يكون ماشي قليل والله يرزقك


:good2::good2::good2:
الهايلكس 2011 مدبلة بسكاكا بحدود 95000 ريال سعــــ:f:f:fــــــرها

[النهر الجاري]

خذلك ددسن2012 غمارتين وارد اليحيى 64000معارض الشفا
او نافارا 2012 غمارتين 67000معارض النسيم معرض نجد

[2008]

السلام عليكم
لك رأي عندي أقره زين وفكر وأترك عنك جميع الردود حتي ردي بس أنا حبيت أعطيك فكرة أنا بسويها
( أخوي أنا كل ما أحتجت أشيل شي من البيت يعني ثلاجه دباب العيال الكبار يعني أي شي يحتاج حوض رحت أدور علي واحد أعرفه عشان أستعير سيارته لمدة ساعه أو ساعتين وبعض الناس مشغول والا رايح في مشوار و اذا خذيت سيارة أحد أصير حريص عليها لا يجيها شي المهم قررت أني اشتري غمارتين ودبل بعد يوم شفت الأسعار انهبلت المهم وش لك في الطويله جاي بمر علي شركة متسوبيشي الأ القا قدامي شركة غريبة شكلها وفيها سيارات غمارتين أول مرة اشوفها وأقوم وادخل عليها ألا الناس كثير مرة داخل صالة العرض وش السالفه ياجماعه قالوا هذي سيارات صينية قلت خلني أشوفها يوم شفت من من الداخل الأ هي فل كامل حتي الكراسي جلد بكم سعر هالسياره الغمارتين قالي هذي موديلها 2012 وفيها جميع المواصفات طيب بكم قال بخمسين الف ريال وتري مكينتها مكينة متسوبيشي 2400CCوزي قوة الددسن وقيرها ودفرنسها بعد متسوبيشي
وبيجي منها بعد شهر الدبل وعليها شكل ودك بس تناظر فيه انا ماصدقت ودخلت في النت وبحثت ووجدت السيارة انها اكثر السيارات مبيعا في الصين وقد سمحت لها أمريكا بالدخول للسوق الأمريكي مما يدل علي ان أنظمت السلامة فيها لا عليها غبار والمفاجئه الكبري أن الجيش الصيني معتمد الدبل منها سيارة الجيش الرسمية في الصين أنا جالس أنتظر الدبل منها يوصل وباخذ وحدة وأكدها عشر سنين وبعدين ما أبغي شريطي يشتريها مني بحرقها و أذبها في التشليح وأبيعها بخمسة ألألف ريال يعني استعمال عشر سنوات بخمسه وأربعين ألف بس)
وللأمانة لقيت ناس قد شرت منهم وجايه تشتري وسألت واحد قال والله أنها عند واحد أعرفه يكدها كد وعنده حلال في البر وما عمره شكي منها واللي يعجبك فيها اذا فتحت كبوتها الأ كل شي واضح لك قدامك وفيه مساحه كبيرة تقدر تفك أي شي بسهوله ولا فيها تعقيدات زرهم وفكر في الموضوع وأحفظ فلوسك فأنا أنسان أخاف الله وأحب لأخوي المسلم ما أحب لنفسي والله يوفقك ويرزقك بالسيارة اللي تريحك وتطربك

[ابونبيل]

:good2::good2::good2:
الهايلكس 2011 مدبلة بسكاكا بحدود 95000 ريال سعــــ:f:f:fــــــرها

2012 عند الوكاله 94!

[ابونبيل]

السلام عليكم
لك رأي عندي أقره زين وفكر وأترك عنك جميع الردود حتي ردي بس أنا حبيت أعطيك فكرة أنا بسويها
( أخوي أنا كل ما أحتجت أشيل شي من البيت يعني ثلاجه دباب العيال الكبار يعني أي شي يحتاج حوض رحت أدور علي واحد أعرفه عشان أستعير سيارته لمدة ساعه أو ساعتين وبعض الناس مشغول والا رايح في مشوار و اذا خذيت سيارة أحد أصير حريص عليها لا يجيها شي المهم قررت أني اشتري غمارتين ودبل بعد يوم شفت الأسعار انهبلت المهم وش لك في الطويله جاي بمر علي شركة متسوبيشي الأ القا قدامي شركة غريبة شكلها وفيها سيارات غمارتين أول مرة اشوفها وأقوم وادخل عليها ألا الناس كثير مرة داخل صالة العرض وش السالفه ياجماعه قالوا هذي سيارات صينية قلت خلني أشوفها يوم شفت من من الداخل الأ هي فل كامل حتي الكراسي جلد بكم سعر هالسياره الغمارتين قالي هذي موديلها 2012 وفيها جميع المواصفات طيب بكم قال بخمسين الف ريال وتري مكينتها مكينة متسوبيشي 2400CCوزي قوة الددسن وقيرها ودفرنسها بعد متسوبيشي
وبيجي منها بعد شهر الدبل وعليها شكل ودك بس تناظر فيه انا ماصدقت ودخلت في النت وبحثت ووجدت السيارة انها اكثر السيارات مبيعا في الصين وقد سمحت لها أمريكا بالدخول للسوق الأمريكي مما يدل علي ان أنظمت السلامة فيها لا عليها غبار والمفاجئه الكبري أن الجيش الصيني معتمد الدبل منها سيارة الجيش الرسمية في الصين أنا جالس أنتظر الدبل منها يوصل وباخذ وحدة وأكدها عشر سنين وبعدين ما أبغي شريطي يشتريها مني بحرقها و أذبها في التشليح وأبيعها بخمسة ألألف ريال يعني استعمال عشر سنوات بخمسه وأربعين ألف بس)
وللأمانة لقيت ناس قد شرت منهم وجايه تشتري وسألت واحد قال والله أنها عند واحد أعرفه يكدها كد وعنده حلال في البر وما عمره شكي منها واللي يعجبك فيها اذا فتحت كبوتها الأ كل شي واضح لك قدامك وفيه مساحه كبيرة تقدر تفك أي شي بسهوله ولا فيها تعقيدات زرهم وفكر في الموضوع وأحفظ فلوسك فأنا أنسان أخاف الله وأحب لأخوي المسلم ما أحب لنفسي والله يوفقك ويرزقك بالسيارة اللي تريحك وتطربك

حياك الله اخوي بس لو قدرت تنزل لنا تقرير عنها وجزاك الله خير

[2008]

السلام عليكم
أخ أبو نبيل شكرا علي مرورك علي ردي
أخواني حسب طلب الأخ أبو نبيل عن عمل تقرير هل تريدون أنتم أيضا تقريرا عن السيارات الصينية وخاصة صاحب الموضوع
الأخ أبو نبيل يستاهل ان الواحد ينفذ طلبه ولكن ماذا عنكم أنتم والا بس هايلوكس وددسن بس
علي كل حال أنا بروح يوم الخميس للشركة اللي عندها هذه السيارات وبحاول أدخل الورشة حقتهم وأخذ العلم من الزبائن داخل الورشة وأعرف اذا كان فيها عيوب فنية زي تويوتا وكيف تعامل العاملين مع الزبائن هل تعاملهم زي موظفين عبد اللطيف كأنك جاي تشحذ منهم (اللي يقهرك ان موظفين عبد اللطيف يأخذون رواتب عشان يخدمونك في مجال عملهم) وأسعار القطع الأستهلاكية وأخذ صور مباشره من السيارة علي الطبيعه وعلي فكره تري بعد عندهم جيوب نفس حجم مكينة الغمارتين فل كامل ب 48 ألف ريال بس ها وش رأيكم أبي تصويت عشان تعبي مايروح هباء منثورا وأبي بعد رد من صاحب الموضوع وهذا مهم جدا لي

[أبوعابد 22]

عساك على القوه اخوي 2008

[mr.salih]

أخوي 2008 ننتظر التقرير بارك الله فيك...مع اني لا أثق ابدا ابدا ابدا ابدا بالسيارات الصينية و50 ألف أشتري بها ددسن أستعمال خفيف..يجلس معك العمر أن شاء الله ولا صيني..لكن ننتظر التقرير...لعل الله يغير من حال ألى حال.

[2008]

هلا والله وغلا أخو mr. salih
هذه قصة حقيقية حصلت في هولندا تجار البيض أتفقوا علي رفع سعره وعند حضور المستهلكين للمتاجر تفاجوأ بالأسعار وبأرتفاعها بدون سبب واضح فتركوا البيض لم يشترونه وتفعن البيض في المحال التجارية وحصل مقاطعة بدون اتفاق الربائن عن طريق النت او طرق أخري ولكن الشعب لديه ثقافة شرائية الحاجه اللي مايقدر عليها ما يشتريها أو الحاجه التي لا تعجبه سعرها يتركها فقاموا تجار البيض بالخسارة الواحد تلو الأخر وخفظوا السعر ولكن لم يشتري أحد فقاموا باعطاء كل من يشتري طبق بيض طبق أخر مجانا ورجع الشعب قليلا قليلا بالشراء فأخذ تجار البظائع الأخر درس بالأهتمام بالزبون وارضاءه بأي طريقة ولذلك تجد معاملة الزبائن في الدول المنتجة معاملة راقية.
فيأخي اذا كان لدينا بدائل عن بضائع التجار الجشعين وذهبنا لها لأن أسعارها أرخص ومعاملتهم أفضل لنا تأدب التجار ونزل سعر البضائع وحسنوا معاملتهم لنا وحصلنا علي مانريد بالسعر المعقول
علي كل حال معظم السيارات وليست كلها تجي تجميع تايلندي وماليزي وصيني رغم ذلك نشتريها ولا فيها أي مشكله بغض النظر عن البلد المنتج بس لأنها تحمل ماركه معينة فقط
يأخي هل ترضي أن تشتري هايلكس غمارتين دبل بمئة ألف ريال أو ددسن صدقني يأخي أنني أبحث عن المصلحه العامه أقرأ كلامي أكثر من مرة فقط
لك مني كل تحية وتقدير ورأيك علي العين والرأس

[أبو هشام راشد]

السلام عليكم
لك رأي عندي أقره زين وفكر وأترك عنك جميع الردود حتي ردي بس أنا حبيت أعطيك فكرة أنا بسويها
( أخوي أنا كل ما أحتجت أشيل شي من البيت يعني ثلاجه دباب العيال الكبار يعني أي شي يحتاج حوض رحت أدور علي واحد أعرفه عشان أستعير سيارته لمدة ساعه أو ساعتين وبعض الناس مشغول والا رايح في مشوار و اذا خذيت سيارة أحد أصير حريص عليها لا يجيها شي المهم قررت أني اشتري غمارتين ودبل بعد يوم شفت الأسعار انهبلت المهم وش لك في الطويله جاي بمر علي شركة متسوبيشي الأ القا قدامي شركة غريبة شكلها وفيها سيارات غمارتين أول مرة اشوفها وأقوم وادخل عليها ألا الناس كثير مرة داخل صالة العرض وش السالفه ياجماعه قالوا هذي سيارات صينية قلت خلني أشوفها يوم شفت من من الداخل الأ هي فل كامل حتي الكراسي جلد بكم سعر هالسياره الغمارتين قالي هذي موديلها 2012 وفيها جميع المواصفات طيب بكم قال بخمسين الف ريال وتري مكينتها مكينة متسوبيشي 2400CCوزي قوة الددسن وقيرها ودفرنسها بعد متسوبيشي
وبيجي منها بعد شهر الدبل وعليها شكل ودك بس تناظر فيه انا ماصدقت ودخلت في النت وبحثت ووجدت السيارة انها اكثر السيارات مبيعا في الصين وقد سمحت لها أمريكا بالدخول للسوق الأمريكي مما يدل علي ان أنظمت السلامة فيها لا عليها غبار والمفاجئه الكبري أن الجيش الصيني معتمد الدبل منها سيارة الجيش الرسمية في الصين أنا جالس أنتظر الدبل منها يوصل وباخذ وحدة وأكدها عشر سنين وبعدين ما أبغي شريطي يشتريها مني بحرقها و أذبها في التشليح وأبيعها بخمسة ألألف ريال يعني استعمال عشر سنوات بخمسه وأربعين ألف بس)
وللأمانة لقيت ناس قد شرت منهم وجايه تشتري وسألت واحد قال والله أنها عند واحد أعرفه يكدها كد وعنده حلال في البر وما عمره شكي منها واللي يعجبك فيها اذا فتحت كبوتها الأ كل شي واضح لك قدامك وفيه مساحه كبيرة تقدر تفك أي شي بسهوله ولا فيها تعقيدات زرهم وفكر في الموضوع وأحفظ فلوسك فأنا أنسان أخاف الله وأحب لأخوي المسلم ما أحب لنفسي والله يوفقك ويرزقك بالسيارة اللي تريحك وتطربك


قرات هنا في مكشات عن سيارة مثل هذه جديدة غير معروفه ،، المهم يقول ذبحتني في القطع لاستهلاكية وعلى سبيل المثال سير المكينة شهريا ينقطع


بالتوفيق

[2008]

ندأ لبو ناصر جبت لك المفيد رح شف موضوعي اللي وعدتك فيه بأول الصفحة أسمه (راحت علي الهايلكس والددسن)

[2008]

أبو ناصر 2011
هذا موضوعي اللي وعدتك فيه ارجو المرور
http://mekshat.com/vb/showthread.php?t=484557

[اشهب .]

والله مايستاهل سعره

وصل موااصيل الجيووب

[أ ك ن 8778]

توكل على الله و دق لك هلي انا اخذت واحد قبل 3 شهور 2012 و معاي زي الحلاوة بس ففبل يومين صار ري حادث فيه و الحمد لله على كل حال و هلي زي ما يقولون شيك بالجيب سعر فيه

[المنيعي1]

أذا فلوسك بحدود الثمانين خذ نفارا 2012 خليجي فل سعرة بالمعارض من 76 إلى 79 الف
الهايلكس مولعة الله يستر مايجي 2013 الاموصلة 120000

[ابو ناصر2011]

مشكورييييين كلكم وماقصرتو وخاصة الاخ الكريم 2008

[zinon55]

والله الهايلوكس ممتاز سعره فيه والدليل كنت في الوكالة وشفت الناس تسأل عنه بس غير متوفر
واذا عزمت بغيره النفارا اشوفه ممتاز

[yazeed1428]

الهلي يمسك سعره عند البيع والناس اذواق وانا اخوك

[التعـ King ـديل]

أجل ناقة بعشرة ملايين
http://www.ammonnews.net/img/big/201022big53816.jpeg
يارجال توكل على الله وخذها
ولا تنسى الاستخارة
وانصحك تزور رابط ملاك الهايلكس الدبل
تراهم كبار سن ولهم تجربة في ها الحياة
تفضل الرابط :
http://www.mekshat.com/vb/showthread.php?t=471574


وش دخل الناقه بالهايلكس لايكون تويوتا بعد :D

النياق معروفه سالفتها وليش وصلت كذا :good2: لكن الهايلكس من 60 الى 100 في ثلاث سنين ليش ؟

[التعـ King ـديل]

الهايلكس الغماره السياحي واصل 75 الف وطبعا الغمارتين اللي تتكلم عنه سياحي دامه ب 80

ولكن تذكر اخوي ان الله سبحانه وتعالى بيحاسبك عن مالك فيما انفقته .. مااقولك خذ ددسن مع انه ارخص او نافارا ولكن الددسن الفل كامل ب 70 والنافارا الفل كامل ب 78 ولا تاخذ هايلكس سياحي ب 80 علشان انه تويوتا

[النهر الجاري]

انصحك بفورد رينجر دبل غمارتين 73000, او 76000

[شعاع الصبح]

اذا تبي نصيحتي لاتحط فلوسك بموتر لاامان لاايرباق (الايرباق مايجي الا ب sglxاو الخليجي )
لا اي بي اس
موتر مايدخل امريكا لان مابه امان
وموتر لاهوب موتر بر ولاهوب موتر مدينه
قص ظهر بالمدينه وبالبر غرازات الا اذا كنت بتاخذ دبل
واطلق ميزه يمسك سعره
خذلك جيب لو مستعمل ولاتاخذ هالكسره
تقبل ردي بصدر رحب:D

[مقني كانون]

موفق للخير ان شاء الله
استخير وانا اخوك

[راعي الفتك06]

موجود هايلكس 2010 دبل نظيف جداً , غرض المستخدم
ج / 0567390391

[خمسين]

خذ لك ونيت مستوبيشي 6 سلندر دبل

[2008]

اخوي خمسين
وين أحصل ونيت متسوبيشي 6 سرندل دبل وكم قيمته أنا أبي واحد

[2008]

لا تحتار وأنا أخوك في التايوتا خذ اللي تبي
بس أنا ودي أوصلك ذا الخبر من ال BBC تقول القناة من حقي عليك يا 2008 ان توصل هالخبر لبو ناصر
قلت للقناة تم
http://www.youtube.com/watch?v=_g6_xaP47PU&feature=relmfu
والسلام عليكم ورحمته وبركاته