ابي مشورتكم بجنوط الفورتشنر

[مبارك الشمري]

السلام عليكم اخواني اعضاء المنتدى

حبيت استشيركم عندي فورتشنر الشكل الجديد طبعا هو اربعه سلندر قير عادي
السؤال لو ركبت عليه جنوط هلل وش النوع الي اركب وكم المقاس المظبوط
وش نوع الكفر الافضل وهل تنصحونن اركبهن ولا لا
واذا ركبتهن يخف الموتر ويطلع شكله حلو الله يجزاكم الجنة

[مبارك الشمري]

يالربع طلبنا المشورة واتمنى الإفادة الله يجزاكم بالخير

[المميـز]

جنوط الهلل اللي تركب على الباترول هي اللي تركب على الفورتشنر

والكفرات دانلوب حجري

وبالنسبه لخف الموتر يفيدونك اللي مجربين الهلل ان شاء الله
ولكن معروف ان جنوط الحديد ثقيله

وبالنسبه للشكل يبي يطلع حلووو

انصحك تزور رابطة الفورتشنر

http://www.mekshat.com/vb/showthread.php?t=218512&page=101

[مبارك الشمري]

الله يجزاك بالخير ويطول عمرك

[أطلال نجد]

وعليكم السلام ورحمة الله وبركاته
جنوط الفور تشنر 4 أو 6 سلندر أشوفها أجمل من الهلل وأخف وأقوى من حديد الهلل لأنها كروم أصلي وكالة .
ما أنصحك تغيرها ولا تفرط فيها
بالتوفيق ،،،

[مبارك الشمري]

أطلال نجد

الف شكر على النصيحة الله يجزاك خير

بس حسيت بثقل شوي بالسيارة قلت اسأل عن الجنوط

[أطلال نجد]

حياك الله أخوي مبارك
الثقل اللي تحس فيه طبيعي في أي سيارة دفع رباعي مكينتها 4 سلندر
صدقني ما راح يتغير عندك شيء إذا بدلت جنوطك.
لكن إذا كانت السيارة توها جديدة معك أصبر فترة وبتشوف نفسك تعودت على أداء وعزم السيارة وراح تقتنع فيه أيضاً من واقع تجربة.
يعني هذا الأحساس بالثقل في السيارة ينتهي معك مسألة وقت لا أكثر ولا أقل.