الرديتر الصيني للباثفندر 2005 ونازل

[.أبوعبدالرحمن]

بسم الله الرحمن الرحيم


السلام عليكم ورحمة الله وبركاته


في سفرتي الأخيرة قبل أمس كنت ماشي بسيارتي تقريبا 140كم/س وفي أثناء السير

تفاجأت بإمبير الحرارة يرتفع إلى النص و خليت السيارة على وضعها كما ، لأنه يعتبر

تقريبا طبيعي ويوم ارتفعت الحرارة إلى أعلى من النص إلا والماء يطلع من الكبوت

المهم ، وقفت على جنب وكانت معي قارورة ماء أبو ريال وعبيت الرديتر ومشيت ونزلت

الحرارة إلى تحت النص ووقفت عند أول محطة وعبيت ماء أبو ثلاثة ريال وتقريبا خلصت

العلبة كاملة والحمدلله القربة امتلت ، و مشيت تقريبا حول 150 كلم ووقفت عند محطة

عشان أصلي وفتحت الكبوت وطفيت السيارة ، وعبيت القارورة مرة ثانية أم ثلاثة ريال

وعبيت القربة وخلصت بعد تقريبا ، المهم رحت لأحد المكانيكين المتخصصين اليوم

ولمس الرديتر لقاه بارد من جه ومن الجهه الثانية حار ، وقال لازم تغير الرديتر لأنه متسدد

طيب بكم قيمته في الوكالة ، قال لي حول 1400 ريال :eek: إيه والله من جد :eek: ، وقلت وش الحل

أو البديل قال فيه صيني يمدحونه الناس سعره تقريبا ما بين 350 ريال إلى 380 ريال

وأكبر من حق الوكالة ، فهل فيه أحد جربه ؟ أو سمع عنه شيء ؟ لأني أول مرة أسمع به


وآسف جدا على الإطالة

[EXPLORER2010]

السلام عليكم

ليش ما تجرب تسيخ الرديتر

[كيري ميري]

اديتر مجرب ممتاااااااااااااااااااااااااااااااااااااااااز جدا . واذكر قيمته 350 ريال . يبرد الموتر مررررررررررررررررره

[PATHFINDER 4]

هلا ابو عبدالرحمن .. الرديتر ممتاز ومع الباثفندر بتنزل الحرارة ان شاء الله

الباث معروف بالتفوير خصوصا بعد المشاوير الطويلة انصحك بتغيير الرديتر وتركيب رصتين اهم شئ

لاتصيخ لان الوضع بيرجع كما كان وعن تجربة

والله يوفقك يالغالي

[ابونبيل]

ركب اردني رصتين

[مجنون الفتك]

والله انا من وجهة نظري ان الرديتر الصيني حق شريطية يعني يركبة ويبيع السيارة عشان ما يخسر عليها ركب وكالة احسن لك لو انا 1400 سعره فيه ويعمر معك سنوات اكثر وبعدين لا تستخسر شي في امور الحراره ابد
تحياتي

[Abusliman]

لا تركب صيني ومن بكرا مخبطه معك المكينة
خذلك وكالة افضل وريح راسكـ
عاد انت در بالصناعية وشف محلات النيسان وان شاء الله تلقاهـ بـ 1000 وحوله

[ابوغريب2006]

ركب اردني رصتين

[المنيعي1]

بسم الله الرحمن الرحيم




السلام عليكم ورحمة الله وبركاته



في سفرتي الأخيرة قبل أمس كنت ماشي بسيارتي تقريبا 140كم/س وفي أثناء السير


تفاجأت بإمبير الحرارة يرتفع إلى النص و خليت السيارة على وضعها كما ، لأنه يعتبر


تقريبا طبيعي ويوم ارتفعت الحرارة إلى أعلى من النص إلا والماء يطلع من الكبوت


المهم ، وقفت على جنب وكانت معي قارورة ماء أبو ريال وعبيت الرديتر ومشيت ونزلت


الحرارة إلى تحت النص ووقفت عند أول محطة وعبيت ماء أبو ثلاثة ريال وتقريبا خلصت


العلبة كاملة والحمدلله القربة امتلت ، و مشيت تقريبا حول 150 كلم ووقفت عند محطة


عشان أصلي وفتحت الكبوت وطفيت السيارة ، وعبيت القارورة مرة ثانية أم ثلاثة ريال


وعبيت القربة وخلصت بعد تقريبا ، المهم رحت لأحد المكانيكين المتخصصين اليوم


ولمس الرديتر لقاه بارد من جه ومن الجهه الثانية حار ، وقال لازم تغير الرديتر لأنه متسدد


طيب بكم قيمته في الوكالة ، قال لي حول 1400 ريال :eek: إيه والله من جد :eek: ، وقلت وش الحل


أو البديل قال فيه صيني يمدحونه الناس سعره تقريبا ما بين 350 ريال إلى 380 ريال


وأكبر من حق الوكالة ، فهل فيه أحد جربه ؟ أو سمع عنه شيء ؟ لأني أول مرة أسمع به




وآسف جدا على الإطالة

وين يابوعبدالرحمن الله يجزاك خير معقوله الى الأن على رديتر الوكالة.

بعد أكتشاف الرديتر ابو رصتين ,طبعاً أنا أعتبره أكتشاف وأنجاز لأني تبهذلت من رديتر الوكالة من كثر التغيير والتسييخ وبعد فتره يرجع على بلاه.
نرجع للأكتشاف الي هو أبو رصتين ركبناه من سنتين ونسينا شيء أسمه حرارة أو تفوير ولله الحمد والشكر.

فنصيحتي لك ركبه ونت مغمض .
أنا شخصياً جربت الأردني 100% والشباب جربو الصيني ويقولون نفس الشي .

[Topstars]

انا عندي باث ٢٠٠٤ خرب الرديتر و مركب الصيني بس الحرارة ثابته تحت النص بشوي ولا ادري العلة في الرديتر ولا في البلوف ...
لأن الحرارة كانت ما تتعدى الربع بس بعد الصيني صارت كذا ....
هل من نصيحة يا إخوان ..
وفعلا سعره حول ٣٥٠ ريال بس الأردني غير متوفر وسألت كثير يقولون ان الاردني هو نفسه الصيني.

ارجو التوضيح لأهمية الموضوع ...

[كحيلان جده]

السلام عليكم جميعآ
لا يغرك اخوي كلام الناس والله ثم والله ان الرديتر الصيني 100% له مع ثلاث سنوات وتلاقاه في جنوب الرياض في الصناعيه 17 في محل اسمه ابوصالح للرديترات الصيني اسأل اي محل للرديترات عنه
وبالتوفيق لك مني اجمل تحيه ورقمه برسله لك على الخاص

[دحيم الفزعة]

السلام عليكم
أنا مجرب الاردني والصيني وكلهم تمااااااااااااام
بس مو على باثفندر على هايلكس ولكزس

[.أبوعبدالرحمن]

أشكركم جميعاً على تفاعلكم وإفادتي

وإن شاء الله بأركب رديتر صيني وأتوكل على الله

[صحراء الدهناء]

أشكركم جميعاً على تفاعلكم وإفادتي

وإن شاء الله بأركب رديتر صيني وأتوكل على الله

ابد ركب صيني وتوكل ع الله
انا مجربه ع هايلوكس 97 زي الحلاوه واكبر من شد البلد ( طبعا المنيوم اللي معي )

[خالد العمراني]

وعليك السلام ورحمة الله وبركاته

انا قبل سنتين صار معي نفس اللي صار معك وصيخة الاديتر
المهم ماطول ورجع زي ماهو
واركب صيني ولله الحمد الى اليوم ما شكيت من شي

والله يوفقك للي به الخير لك

[ابو محمد السهلي]

انا ماجربته بس يمدحونه

[Topstars]

أشكركم جميعاً على تفاعلكم وإفادتي

وإن شاء الله بأركب رديتر صيني وأتوكل على الله

السلام تراني مشتاق اسمع تجربتك لأني مركب واحد من ثلاث شهور والحرارة من يومها قريبة من النص.. وشاك في الرديتر او البلوف.... وكثير اللي يمدحون الرديتر الصيني ومنهم اصحاب الرديترات...اللي كل ما مريت واحد وهو يمدح في الصيني.

بالتوفيق

[abo naser 1]

السلام عليكم


اخوي انا جربت الصيني بالباث بندر بعد معاناة سنوات من الحرارة احرم نفسي من المكيف بسبب اديتر الوكالة
سئلت عن الصيني لقيته من 380 الى 270 واشوف جودة ابو 270 افضل من ابو 380 ومن ركبته مع المكيف والسرعة على الربع ولله الحمد

[abo naser 1]

السلام عليكم

أخي انا جربته على كذا سيارة اعتبره أفضل من الوكالة خصوصاً للحرارة طبعاً العمر الافتراضي له أقل من الوكالة لكن لفارق السعر اتنازل عن هذه لو أغيره كل سنة ولم ولم أشتكي منه أبداً ولله الحمد
بس أنتبة للجودة تراى الصيني درجات انا لقيت اديتر الباث بندر من 380 الى 270 وابو 270 اجود من ابو 380

[هملول السحاب]

السلام عليكم

اخوي ماعليك من الكلام انا اتكلم عن تجربة رحت ودورت الرديتر الاردني ماحصلته وتوازيت على الصيني يارب لك الحمد الان بيكمل السنة وبدون مشاكل ولا حرارة وفي الصيف والله بعز الحر الساعة 2 الظهر والمكيف شغال ودرجة الحرارة تقريبا 48 والحرارة ربع .

[.أبوعبدالرحمن]

الله يعطيكم العافية على مروركم

أخوي توب ستارس

نفس الكلام حصل معي وهو إن الحرارة فوق الشرطة الثانية حقت الربع

ورديتر الوكالة كانت على الشرطة الثانية حقت الربع بالضبط

إن شاء الله عندي سفرة الاسبوع القادم قرابة 650 كيلو رايح وراح أجربها على الخط

وأوافيكم بتقرير إن الله أحيانا ولا نسيت

[فهدالخرس]

السلام عليكم ..

ياليت تفيدنا عن تجربتك للرديتر للباثفندر ..

وشكرا لك على جهودك ..

[.أبوعبدالرحمن]

الحمدلله رب العالمين

حتى الآن مشيت على السيارة أكثر من 5 ألاف كم ولم أواجه أي مشكلة

مع العلم أني مسافر الآن على بعد 650 كم ذهاب فقط سأرجع بنفس المسافة

طبعا تعمدت أن تكون أغلب المسافة في الذهاب على سرعة 140 كم مع تشغيل

المكيف حتى تظهر النتائج بأسرع وقت ممكن والفضل لله أني لم أواجه أي مشاكل

حتى الان ، والله يتم على خير

[no fear 78]

توكل على الله بس خل نوع جيد من ماء الرديتير

[محمد بن حمد]

ركب اردني رصتين ولا سو تسيخ وان شاء الله يضبط

[abo]

الصيني مجربه ع الباث .. ارقد وامن

[.أبوعبدالرحمن]

الحمدلله وصلت البارح لمدينة الرياض بعد مشوار 650كم على سرعة ما بين 120 كم/س إلى 140كم/س

مع العلم أن السيارة فوقها أغرض تقريبا بارتفاع 1 متر وكذلك مع تشغيل المكيف طوال الطريق ولم أوقف المحرك

إلا بالبيت والفضل لله لم أرى منه أي مشاكل

[على رمشي تمشي]

ماشاء الله

[.أبوعبدالرحمن]

بعد مرور 4 أشهر على تركيب الرديتر الصيني

الحمدلله لم أواجه أي مشاكل حتى الان وانتوا تعرفون

حرارة الرياض في الصيف

وهذا من فضل ربي

[وااضح]

الحمد لله
أنا مركب رديتر اردني على هايلوكس 2006 والحرارة تمام نفس الوكالة
رديتر الوكالة انكسر بسبب حادث

[أبورزان100]

ترا عندي واحد صيني جديد شريته ولا ركبته اللي يبيه يراسلني

[JUBAILL]

ممكن تتواصل معي عشان الرديتر الصيني

[.أبوعبدالرحمن]

الان لي تقريبا أكثر من سنه ونص من تركيبي للراديتر الصيني ولله الحمد

لم أشتكي منه أو لاحظت عليه شيء فأنصح بتركيبه دون تردد

[فتك الجنوب]

مر شركة الخليج للديترات صناعه اردني ولديتر حلو ونظيف

[فياض الربيع]

وين القى الراديتر الصيني ممكن احصله في صناعيه العروبه