المساعد الشخصي الرقمي

مشاهدة النسخة كاملة : طير صقار للبيع لا يدخل الا اللي يعطي الطير حقه


الجره جديده
12/02/2012, 10:47 PM
السلام عليكم

حمر صافي اصيل

رصيده اكثر من 225 حبارى

ما يطلع طلعه اي طير وما يطلع قبله شي من الطيور

حمام ما يرغب طير حبارى بس

طوله 16في 16

سليم عمره عاشر

يلعب على حمامه ميته

ويطلع خفو وجناحه خيال

وسلامتكم
0559415558
حبراي
12/02/2012, 11:37 PM
وعليكم السلام
ماسيم الطير
ابوعزوز3
13/02/2012, 12:51 AM
وين صور الطير ياراعيه الله يرزقك بالبيعه اللي تسر خاطرك
الجره جديده
13/02/2012, 02:01 AM
الطير قرناس عاشر والسوم عليه ١٥٠٠٠ريال ونطلب من الله الزود
متوكل على ربي
13/02/2012, 02:29 AM
الصور الله لايهينك
الجره جديده
13/02/2012, 03:43 AM
الله لا يهينكم جميعااااااا

والله يرزقنا بالبيعه الطيبه والا بالمقيض الطيب كان ما انباع

وبالنسبه يا اخوي متوكل على الله انا ما اعرف انزل الصور لو اعرف تسان علوم
الجره جديده
13/02/2012, 05:12 AM
الله يرزق الجميع
الوايلي 2011
13/02/2012, 07:40 AM
الصور يا راعي الطير
الجره جديده
13/02/2012, 09:37 AM
ما اعرف انزلها والا ودي
صقرالحروب
13/02/2012, 02:54 PM
الصور ضروريه عشان السوم ومثل مانزلت التوقيع تقدر تنزل الصور
ذراع الذيب
13/02/2012, 10:40 PM
السلام عليكم ورحمة الله وبركاته,,
مسيت بالخير اخوي الجره جديده..

وحياك الله بمنتديات مكشات تفيد وتستفيد ان شالله..
هذي اللسته من شروط البيع والشراء ومن مصلحة البايع والمشتري والله يرزقك بالسومه الطيبه والحلال الطيب..
ما نوع الطير
ماعمرالطير ؟؟ :
ما(قياسه او وزنه)؟؟ :
وحش(الدوله المطروح بها ) ؟؟ :
تفريخ (الدوله والمزرعه)؟؟:
تهجين (الدوله و نسبة التهجين والمزرعه)؟؟؛:
أين مكان الطير حاليا (المنطقه / المدينه)؟؟:
هل يوجد توصيل داخل اوخارج دولتك؟؟:
ماهي الحاله الصحيه للطير؟؟ :
علوم الطير ؟؟ (للقرانيس البيتيه)
هل صاد الطير الحباري؟؟
هل صاد الطير الكروان؟؟
هل صاد الطير الارنب؟؟
هل الطير طلاع على الحباري؟؟
هل الطير يرغب الحمام؟؟
هل الطير راكد على التكايه ؟؟
بـدون بـرقـع ( مفرع ) ؟؟
هل الطير يمسح على التلواح او يلاعب الشلو(خالي ) ؟؟
هل توجد في الطيرعيوب (الارتفاع,الكوشه,نقل العلف,الصياح)؟؟
هل توجد عيوب اخرى لم تذكرها؟؟
ماهو حدك في الطير أو اخر سومه للطير ؟؟؟
ملاحظات اخرى :
صورة للطير (وهنا طرق تصغير وادراج الصور (http://www.mekshat.com/vb/showthread.php?t=91632)للاخوه الذين لايعرفون )
الجره جديده
13/02/2012, 11:18 PM
هلا اخوي ذراع الذيب يالله حيه

ما نوع الطير ؟ حر
ماعمرالطير ؟؟ : عاشر
ما(قياسه او وزنه)؟؟ : 16 في 16
وحش(الدوله المطروح بها ) ؟؟ :اصيل مطروح في ليبيا الضاهر مدري ايران نسيت والله
تفريخ (الدوله والمزرعه)؟؟:اصيل
تهجين (الدوله و نسبة التهجين والمزرعه)؟؟؛:اصيل
أين مكان الطير حاليا (المنطقه / المدينه)؟؟:سدير
هل يوجد توصيل داخل اوخارج دولتك؟؟:على المشتري
ماهي الحاله الصحيه للطير؟؟ :ممتازه ولله الحمد
علوم الطير ؟؟ (للقرانيس البيتيه)
هل صاد الطير الحباري؟؟ايه نعم وشرط ورصيده 237 حبارى
هل صاد الطير الكروان؟؟ايه نعم
هل صاد الطير الارنب؟؟ما وريته والا ادري عنه هو يعرفها والا لا بس اهله اللي قبلي قنصوا برا السعوديه اكيد وروه ارانب وانا ما ادري
هل الطير طلاع على الحباري؟؟ الله الله وما فيه اي طير بيطلع قبله يطلع خفو وطلعه ثبت
هل الطير يرغب الحمام؟؟لا والله ما يحرص على الحمام يطرد من قريب بس لكن يصمل لا ما يصمل يجنب عنها
هل الطير راكد على التكايه ؟؟ من طلوع الشمس لين الغروب مفرع ويتطلع
بـدون بـرقـع ( مفرع ) ؟؟مسمار
هل الطير يمسح على التلواح او يلاعب الشلو(خالي ) ؟؟يلعب على حمامه ميته شلو خالي ما جربته
هل توجد في الطيرعيوب (الارتفاع,الكوشه,نقل العلف,الصياح)؟؟ما فيه عذروب اللهم اذا اصنعت الطير تصير فيه نزاره وتثقل نفسه هذي ذكرتها بس للامانه والا يمكن ما راح ينتبه لها احد وينقل العلف عشر امتار منها وحول وبعده يطيح اللي في راسه
هل توجد عيوب اخرى لم تذكرها؟؟ماني خابر
ماهو حدك في الطير أو اخر سومه للطير ؟؟؟ السوم عليه 15 الف ونطلب من الله الزود
ملاحظات اخرى : هذا رقمي 0559415558
والصور ما عرفت انزلها انا جوالي بلاك ومدري كيف اسوي اللي يبيني ارسلها له وينزلها جزاه الله خير
او على الواتس
الجره جديده
14/02/2012, 03:08 AM
الله يسعد مساك اخوي الناقد واضح ان مفهومك عن النقد خطأ
بالنسبه للطير و اختصار للموضوع هذا كان طير ألفيتو اللي موجود
معنا في المنتدى تقدر تسأل ألفيتو عنه أما الارنب ماني راعي ارنب
و طياره الخيال اقصد على الحباري يا راع الحمام و الشرط اللي أنا
نزلته و علوم الطير اللي ذكرتها أعطيك ورقه مع الطير بالشروط
هذي و اذا ماهي صحيح مرجع بيني وبينك الله ثم الشهود اللي
على البيعه و بالنسبه لكل تعليقاتك و مهاترتك انا ارد عليها
و اقول لا تعليق و اذا خاطبك ...... كمل الباااااااقي ؟؟؟ :o
قناص001
15/02/2012, 01:05 PM
عسى الله يوفق الجميع



عندي تعليق يا راعي الموضوع



كيف تقول لاحد يقول علومه عند ربعه الاولين وغيره


وانت تقول ناس قنصوبه السعوديه يمكن شاف



يااخي كلامك ماهو مضبوووط




وتقوول بنزل الصور وصار لك سنه ما نزلتهاا



الله يعطيق على نيتك ان كاانت زينه ولا غيره


قد عرضناا طيور لكن نجيب علومها واافيه
استاذ
15/02/2012, 01:18 PM
لاحول ولاقوه الابالله
اتمنا يمر موضوع مايسير به مناقشه وشد ورخا
قد يكون صاحب الموضوع الطير لخويه وهو فازعله بالبيع
ويمكن راعيه قايله ان رصيده 225 حباره مثل الكلمه المجاز صايد عدد ريشه
من منكم عد ريش الطير يوم يكتب اغلبكم صايد عدد ريشه
كله كلام مبالغ به
ونت ياراعي الموضوع هم بعد عندك خطا
نزل الموضوع كامل بالصوره واللسته وذا صايد الطير قل صايد فقط بدون عدد لاجل تقفل المناقشه
اما مناقشات وسباب وحدن يطري مسيلمه الرجال حر بطيره منتم وكلا على لسانه وفعاله جعله صايد 225 ولا الف بصره
والله لوقايل صايد 30 حباره كان حسدتوه وقلتوووووو ثلاثثثثثين
ارفعو الردي من القول