المساعد الشخصي الرقمي

مشاهدة النسخة كاملة : ونيت غمارتين دير 2005 مجهز للرحلات تجهيز محلي .


ابو البر
13/02/2012, 10:54 PM
http://www.mekshat.com/pix/upload05/images238/mk76506_1.jpg
الونيت من الخارج
http://www.mekshat.com/pix/upload05/images238/mk76506_2.jpg
مكيف حار بارد وكل شي من الداخل بحاله جيده .
http://www.mekshat.com/pix/upload05/images238/mk76506_3.jpg
انوار اماميه مع كتاوت وفاصل بفيوز
http://www.mekshat.com/pix/upload05/images238/mk76506_4.jpg
سلم خلفي خفيف الوزن.
http://www.mekshat.com/pix/upload05/images238/mk76506_5.jpg
ايكم 2100 بحاله جيده مثبت بمغنطيس لسهولة نقله الى سياره اخرى عند الحاجه .
http://www.mekshat.com/pix/upload05/images238/mk76506_6.jpg

قارمن مع خريطة مدن ودار موجه .
http://www.mekshat.com/pix/upload05/images238/mk76506_7.jpg
ماطور هوندا اصلي 650 شمعه يكفي لآنارة تجهيزات السياره.
http://www.mekshat.com/pix/upload05/images238/mk76506_8.jpg
بطاريه اضافيه مع فيوز.لتشغيل الآناره داخليا وخارجيا لمدة ثلاث ليالي (ليد).
http://www.mekshat.com/pix/upload05/images238/mk76506_9.jpg
فاصل للبطاريه الآضافيه .
http://www.mekshat.com/pix/upload05/images238/mk76506_10.jpg
لمبات (ليد ) من جميع الجهات وداخليه عدد 2.
http://www.mekshat.com/pix/upload05/images238/mk76506_11.jpg
سوتشات للتحكم بالآضاء (التابعه للمولد) وللآضاء التابعه للبطاريه .
http://www.mekshat.com/pix/upload05/images238/mk76506_12.jpg
دش نايل سات او عرب سات (يوجد بوصله ) للتحكم بوزن الدش بطريقه سهله جدا .
http://www.mekshat.com/pix/upload05/images238/mk76506_13.jpg
ريسفير وتلفزيون .

يتبع الرجاء عدم الرد مت التقدير .
SAS2
13/02/2012, 11:10 PM
ماشالله تبارك الله متعوب عليه ويستاهل الزين
ابو البر
13/02/2012, 11:40 PM
http://www.mekshat.com/pix/upload05/images238/mk76506_14.jpgمحول الى 220 فولت عند الضروره (للكمبيوتر او لشحن الجوال او استخدامات اخرى )هههه.
http://www.mekshat.com/pix/upload05/images238/mk76506_15.jpg
مخزن سفلي للحافظه واسطوانة الغاز والحطب ومستلزمات السياره .
http://www.mekshat.com/pix/upload05/images238/mk76506_16.jpg
الآرضيه ويلاحظ ابواب لفتح الحافظه وتعبئة الخزانات .
http://www.mekshat.com/pix/upload05/images238/mk76506_17.jpg
الحافظه (مقاس كبير )
http://www.mekshat.com/pix/upload05/images238/mk76506_18.jpg
الخزانات 120 لتر مع غطاس .
http://www.mekshat.com/pix/upload05/images238/mk76506_19.jpg
موقد ومغسلة صغيره .
http://www.mekshat.com/pix/upload05/images238/mk76506_20.jpg
مخزن اضافي فوق تندة السياره.
http://www.mekshat.com/pix/upload05/images238/mk76506_21.jpg
الباب الخلفي (متحرك ) لحمل الآواني .
http://www.mekshat.com/pix/upload05/images238/mk76506_22.jpg
رف (للبهااااااارات ) ويلاحظ وجود سماعات استريو مع الآستريو مع مدخل ايواكس لتشغيل صوت الجوال وصوت الكمبيوتر .
http://www.mekshat.com/pix/upload05/images238/mk76506_23.jpg
الدش واناره ومعلاق للذبيحه و للي ما يجيب القطه .
http://www.mekshat.com/pix/upload05/images238/mk76506_24.jpg
جيوب جانبيه من الجنبين .
وسلامتكم

والسلام عليكم .
رسيس نجد
13/02/2012, 11:44 PM
الله يزيدك من فضله
راعي المجهم
14/02/2012, 01:15 AM
أخوي هذا يصلح

كفتريا متنقلة شاهي قهوة أيس كريم سندوتشات في الثمامة

ممتاز جداً
ابو البر
14/02/2012, 02:07 AM
ماشالله تبارك الله متعوب عليه ويستاهل الزين
الله يحفظك وانا ناوي ابيعه

ومشكور .
ابو البر
14/02/2012, 02:08 AM
الله يزيدك من فضله
انت قبلي
والله على كل شي قدير

مشكور.
ابو البر
14/02/2012, 02:10 AM
أخوي هذا يصلح

كفتريا متنقلة شاهي قهوة أيس كريم سندوتشات في الثمامة

ممتاز جداً
الله يحفظك
تعال خذه ونتفق على الشهريه .
- النشمي -
14/02/2012, 02:20 AM
بيض الله وجهك ويعطيك الف عافيه


فديت توقيعك لفظ الجلاله اسجد له اجلالا
ابو البر
14/02/2012, 02:25 AM
بيض الله وجهك ويعطيك الف عافيه



فديت توقيعك لفظ الجلاله اسجد له اجلالا


يا هلا بك
هدية لك مني واعتبره عربون محبه .
rpk
14/02/2012, 09:11 AM
ما شاء الله متكتك الله يبارك لك ويرزقك من فضله
ابو خالد 1992
14/02/2012, 11:13 AM
الله يبارك لك وشغل متعوب علية لونها على دفرنسيس كان افضل
بن نويشر
14/02/2012, 11:34 AM
الحقيقة فكرة التجهيزات يستفاد منها الشخص في المستقبل لسيارة آخرى
والظاهر أنك ناوي على سيارة غير ..

طلبتك .. وينك مجهز الموتر فيه ؟؟؟
ابوتركي666
14/02/2012, 11:52 AM
ماشاء الله
شغل متعوب عليه
الله يوفقك دنيا واخرة
ابو البر
14/02/2012, 12:41 PM
الحقيقة فكرة التجهيزات يستفاد منها الشخص في المستقبل لسيارة آخرى

والظاهر أنك ناوي على سيارة غير ..



طلبتك .. وينك مجهز الموتر فيه ؟؟؟

هلا بك يا بن نويشر

ناوي على كرفان كبير انشاء الله
وبالنسبه لتجهيز السياره فهو ما بين ورش الحداده وما بين شغلي بيدي في اغلب الآشياءبالبيت وياهلا بك.
ولد وايل 2010
14/02/2012, 12:59 PM
الله يبارك لنا ولك فيما رزقنا
RISAN -1
14/02/2012, 08:41 PM
حياك الله ..
شفتك قبل أقل من أسبوعين بالخفس عند الماء المغرب تشغل ماطور الكهرب بالجرف :) صح :good2:
الله يزيدك من فضله .
عاشق القرى
14/02/2012, 09:02 PM
ماشاء الله تبارك الله تجهيزات رائعة ..

الله يرزقك من واسع فضله وجميع المسلمين ..
بارق الشام
14/02/2012, 09:41 PM
يعطيك العافية.....
مهندس مكشات
14/02/2012, 09:45 PM
ماشاءالله عزبه كامله
الله يرزقك الزبون الصامل
ابو البر
15/02/2012, 12:39 AM
ماشاءالله عزبه كامله
الله يرزقك الزبون الصامل
اقول يا مهندس مكشات
جاني زبون ما جاني زبون خله ينطق بطرف الحوش الى الشتاء الجاي وانا افتخر فيه صدقني .

لاكن بكل صدق شرفتني مشاركتك بموضوعي طال عمرك.


على الخير نلتقي .
ابو البر
15/02/2012, 12:45 AM
حياك الله ..
شفتك قبل أقل من أسبوعين بالخفس عند الماء المغرب تشغل ماطور الكهرب بالجرف :) صح :good2:
الله يزيدك من فضله .
بالله عليك

انت مبسوط

كيف الجيب وكيف الطلعات

انت وصلت للخفس
ما شاء الله

وشفتني
انت شفت الماطور
وشفت السياره

اه يا قلبي

http://www.mekshat.com/vb/showthread.php?t=478130
حسن الشمالي
15/02/2012, 02:14 PM
ماشاء الله...
انا اللي ذاك اليوم وطيت سلك الماطور...
عند الخفس... تذكر؟












امزح امزح
......
ابو البر
15/02/2012, 03:02 PM
ماشاء الله...
انا اللي ذاك اليوم وطيت سلك الماطور...
عند الخفس... تذكر؟












امزح امزح
......
ههه
هلا بك

يا رجال اهم شي ما انقطع هههههه

تحياتي لك.
SAS2
15/02/2012, 03:12 PM
هههه يابو البر انت وسيارتك صرتوا اشهر اثنين بالسعوديه

والحين بيدورونك في كل مكان عشان كذا لا عاد تبيع :D
الطرس ممدوح
15/02/2012, 04:33 PM
ما شاء الله متكتك الله يبارك لك ويرزقك من فضله
HAS5SAN
15/02/2012, 07:11 PM
ماشاء الله تبارك الله
ابداع وربي
الله يهنيك ويرزقك من حيث لا تحتسب
ابو البر
18/02/2012, 01:26 AM
هههه يابو البر انت وسيارتك صرتوا اشهر اثنين بالسعوديه

والحين بيدورونك في كل مكان عشان كذا لا عاد تبيع :D
يا رجال بعتها وهي غاليه علي يعلم الله ولاكن لعدة ظروف واهمها هالموضوع
والله يبارك له ويستاهلها والله رجال شرواكم يستاهل كل خير .
وشكرا لمشاركاتكم جميع.

وتحياتي المخلصه لكم .
SAS2
18/02/2012, 01:32 AM
يا رجال بعتها وهي غاليه علي يعلم الله ولاكن لعدة ظروف واهمها هالموضوع
والله يبارك له ويستاهلها والله رجال شرواكم يستاهل كل خير .
وشكرا لمشاركاتكم جميع.

وتحياتي المخلصه لكم .

الله يبارك للي شراها ويرزقنا وياك وتستاهل كل خير
GM_400
18/02/2012, 01:24 PM
سياره بدون دبل ماتصلح سيارة للبر

فقد تحتاج الدبل في اي لحظة

اتمنى تكون سيارتك القادمه جمس حوض او ونيت تيوتا دفرنشين واستمتع بالمناطق الخالية من الفضوليين
عاشق مكشات
18/02/2012, 01:29 PM
لو انه تويوتا هايلوكس غمارتين دفرنسين افضل من دير الصيني
سيف الظفير
18/02/2012, 02:39 PM
الله يرزقك بأحسن منه الف مررررررررررة


ولكن لا تزعل من صراحتي


الموتر قراشيع مجمعه وحطت بهايلوكس

والله ما ينفع لراعي البر ابد .... تعبت يالغالي عليه وكلفت عمرك على نتيجة ما تستحق ابداً التعب

ولكن كله وهواه يا الذيب .... بالنسبة لي يحوم الكبد وزادها دير صيني

اقول هالكلام لانك خسرت على الفاضي والله

راعي البر يبي الخفيف والزين من جودته والاقل في وزنه
احمد الشمال
18/02/2012, 07:10 PM
انشهد انه التجهيييييييييييز على اصوله , شغل متعووووب عليه
بيض الله وجهك والله يعافيك ياغلاهم
ابو البر
19/02/2012, 01:08 AM
الله يرزقك بأحسن منه الف مررررررررررة


ولكن لا تزعل من صراحتي


الموتر قراشيع مجمعه وحطت بهايلوكس

والله ما ينفع لراعي البر ابد .... تعبت يالغالي عليه وكلفت عمرك على نتيجة ما تستحق ابداً التعب

ولكن كله وهواه يا الذيب .... بالنسبة لي يحوم الكبد وزادها دير صيني

اقول هالكلام لانك خسرت على الفاضي والله

راعي البر يبي الخفيف والزين من جودته والاقل في وزنه
مشكور وما قصرت
والله يزيدك من نعيمه
وكلن يمد رجوله على قد لحافه .
سيف الظفير
19/02/2012, 01:16 AM
قل امين الله يرزقك الدنيا بملذاتها

والاخرة بجنانها
ابو البر
19/02/2012, 01:41 AM
قل امين الله يرزقك الدنيا بملذاتها

والاخرة بجنانها
الجميع ان شاء الله

تحياتي .
بدوري7
21/02/2012, 01:37 PM
الله يرزقك بأحسن منه الف مررررررررررة






ولكن لا تزعل من صراحتي
الموتر قراشيع مجمعه وحطت بهايلوكس
والله ما ينفع لراعي البر ابد .... تعبت يالغالي عليه وكلفت عمرك على نتيجة ما تستحق ابداً التعب
ولكن كله وهواه يا الذيب .... بالنسبة لي يحوم الكبد وزادها دير صيني
اقول هالكلام لانك خسرت على الفاضي والله
راعي البر يبي الخفيف والزين من جودته والاقل في وزنه







بصراحه فيه ناس ما تستحي ولا تقدر مثل هاللي رد على الموضوع
للأسف مشاركات فوق 6000 المفروض هالاعضاء اهم واجهة المنتدى
اوما هالكلام الخرابيط اللي يقولونه للأسف انا عتبره قلة آدب بالحوار
يا آخي الرجال على قد حاله ومثل ما يقول المثل " مد رجليك على قد لحافك "
ولا تقعد تتطنز على الرجال بسيارته
والله عيب والله عيب
والله يرزقك يا آخوي يا صاحب الموضوع
SAS2
21/02/2012, 02:09 PM
بدوري 7 ياليتك تسكت اصرفلك وش دخلك بين الاثنين وسيف عطى رايه بالموتر مهوب بصاحب

الموتر الله يهديك
بدوري7
21/02/2012, 09:03 PM
بدوري 7 ياليتك تسكت اصرفلك وش دخلك بين الاثنين وسيف عطى رايه بالموتر مهوب بصاحب

الموتر الله يهديك

الله يصلحك بسسسس
الحين انت طالع تدافع
يا أخي الكريم هل معجبك كلاااامه :mad:
إن لم تستحي فأفعل ما شئت
abo mani3
21/02/2012, 09:33 PM
ابو البر تكلمنا عن الاضافات < مشاء الله ملحق متنقل

لكن ما تكلمنا عن السيارة براسها

الي هي الدير وش رايك فيها تصبر قطع غيار متوفر الوكيل كيف و تعليق لك عليها لا هنت

لان بيني وبينك اسعار الونيتات هالوقت وصلت للـ 100 والله ما تسوى

والله يرزقك ويعوضك ويطعم راعيه الديد من خيره ويكفيه شره
abo mani3
21/02/2012, 09:34 PM
الله يصلحك بسسسس
الحين انت طالع تدافع
يا أخي الكريم هل معجبك كلاااامه :mad:

إن لم تستحي فأفعل ما شئت



الله يصلح الجميع اتمنى يقف النقاش هنا رجاءً
ابو البر
22/02/2012, 01:52 AM
ابو البر تكلمنا عن الاضافات < مشاء الله ملحق متنقل

لكن ما تكلمنا عن السيارة براسها

الي هي الدير وش رايك فيها تصبر قطع غيار متوفر الوكيل كيف و تعليق لك عليها لا هنت

لان بيني وبينك اسعار الونيتات هالوقت وصلت للـ 100 والله ما تسوى

والله يرزقك ويعوضك ويطعم راعيه الديد من خيره ويكفيه شره
ابو منيع

تويوتا واسمها دير
خط انتاج قديم لتويوتا اشترته شركه من هالشركات الصينيه وقامت تصنعه

انا كان له معي سنتين وثمان اشهر بالزبط الين بعته قبل كم يوم ما عمري عرفت حاجه اسمها وكيل اسمه وكيل سيارة دير
اشتري قطع تويوتا واركبها .

فوق هاذا كله ان مكينتها شي عجيب (مكينة قلاب تويوتا ) ....تدري وين علتها في شي واحد فقط لاغير هو اتوماتيك المروحه (ثبته ولا تخليه اتوماتيك ) وبس .

يا خوك ....سنتين وانا الاطم بها في كل مكان وبعتها وانا متحسر لولا الحاجه .

بختصار
حنا شعب
ما نعرف نستعمل السيارات وبس.
ابو البر
22/02/2012, 02:01 AM
بصراحه فيه ناس ما تستحي ولا تقدر مثل هاللي رد على الموضوع

للأسف مشاركات فوق 6000 المفروض هالاعضاء اهم واجهة المنتدى
اوما هالكلام الخرابيط اللي يقولونه للأسف انا عتبره قلة آدب بالحوار
يا آخي الرجال على قد حاله ومثل ما يقول المثل " مد رجليك على قد لحافك "
ولا تقعد تتطنز على الرجال بسيارته
والله عيب والله عيب

والله يرزقك يا آخوي يا صاحب الموضوع

بدوري
حنا اخوان بالمنتدى ولا تواخذ اخونا سيف ....كلنا نكن لبعض المحبه والصبر على بعض .

ولعلمك سيف الظفيري ارسل لي رساله على الخاص وهو رجل محترم بكل معنى الكلمه واعتذر مني بالموضوع وخارج الموضوع ......وهاذا يدل على ان الشخص اللي يغلط ويعتذر شخص مثقف وفاهم وكلنا بشر طال عمرك .

تحياتي لك اخوي بدوري .
ابو البر
26/02/2012, 09:38 PM
اتمنى من أدارتنا الموقره ممثله بمشرفينا الآعزاء اغلاق الموضوع

نظرا لبيع السياره .


مع فائق التقدير لك من ساهم برأيه سلب او ايجاب .

وارجو من الجميع تقبل حبي وودي .