المساعد الشخصي الرقمي

مشاهدة النسخة كاملة : طلب قطع الغيار من خارج السعودية


comابوسليمانwww
13/02/2012, 11:32 PM
السلام عليكم ورحمة الله ..
قضا الله وقدر وحصل لي حادث بسيط على باترول فتك مع البابين والرفرف وبعد سمكرة مكان الحادث ورشها أردت شراء الشطرطون الي كان موجود مع كتابة ( 4800vtc ) الي اسفل باب السواق فذهبت الى قطع الغيار قالوا لاتتعب نفسك ماراح تحصلها الابالوكالة ,, رحت للوكالة قالي السعر بعد الخصم 870 ريال ؟؟!!! معقوله شطرطون اسخف من اصبع ايدي الصغير لبابين ورفرف بها السعر ..
اخواني اعضاء مكشات الافاضل سؤالي هو:
هل استطيع اطلب هذي القطع من برا السعودية وهل الاسعار تفرق ؟
ياليت من الاخوان الي عندهم خبره يفيدوننا .
أبوسعد111
13/02/2012, 11:48 PM
أخوي أبوسليمان
أولاً: الحمد لله على سلامتك
ثانياً:إذا تبي نصيحتي
رح لشارع الغرابي لمحلات بيع الإستيكرات
وبتحصل ألي تبي شكل ونفس اللون وماتتعدى 20 ريال
وهذا رقم عامل بمحل إستيكرات

وصف المحل:
أول ماتدخل شارع الغرابي ثاني لفه على اليسار بعد ماتتعدى محلات المسجلات ثالث محل يسار
وأترك عنك الحمراني وأسعاره الغير معقوله
وأي خدمة راسلني عالخاص

موفق
ابو البر
14/02/2012, 12:56 AM
أخوي أبوسليمان
أولاً: الحمد لله على سلامتك
ثانياً:إذا تبي نصيحتي
رح لشارع الغرابي لمحلات بيع الإستيكرات
وبتحصل ألي تبي شكل ونفس اللون وماتتعدى 20 ريال
وهذا رقم عامل بمحل إستيكرات

وصف المحل:
أول ماتدخل شارع الغرابي ثاني لفه على اليسار بعد ماتتعدى محلات المسجلات ثالث محل يسار
وأترك عنك الحمراني وأسعاره الغير معقوله
وأي خدمة راسلني عالخاص

موفق
اخوي ابو سعد قليله عليك حبت الراس

بالنسبه لموضوع يا ابو سليمان بزيد على كلام اخوي ابو سعد شي

صور الشريط اللي تقول من اي سياره مشابهه واعطه اللي على وصف ابو سعد وتلاقيهم في لحظات يطبعون نفس الصوره واجود بعد .......وحطه وامش .
وانحلت مشكلتك.
ابو البر
14/02/2012, 12:58 AM
نسيت ما اقولك الحمد الله على السلامه يا ابو سليمان
رد ابو سعد ضيعني .

طهور ان شاء الله .
دحيم الفزعة
14/02/2012, 03:03 AM
أنا مع الشباب انك تقدر تطبع الاستكر اللي تبيه بس اسمحوا لي ان اقول مستحيييييييييييل تكون مطابقه نفس الاصليه
بيكون فيه فروقات وااااااضحه

ودام الجميع بود ===
هويدي
14/02/2012, 01:17 PM
الحمدلله على السلامه

فيه واحد يبيع خطوط باترول شريت منه مرتين

موقعه الرياض السلي رقمه ابرسله لك على الخاص ولاتنسانا من صالح دعائك
أبوسعد111
15/02/2012, 03:16 AM
أنا مع الشباب انك تقدر تطبع الاستكر اللي تبيه بس اسمحوا لي ان اقول مستحيييييييييييل تكون مطابقه نفس الاصليه
بيكون فيه فروقات وااااااضحه

ودام الجميع بود ===


أخوي دحيم
أصلاً إذا ماهو مثل الاصلي ليش يأخذه
ممكن تقول إنه بعد تقريباً سنه ممكن يخف اللون أقولك صح
وبيني وبينك
على فرق السعر عن الوكالة 870
لو يشتري كل سنه بـ 20 مايضره

موفقين
أبوسعد111
15/02/2012, 03:21 AM
اخوي ابو سعد قليله عليك حبت الراس

بالنسبه لموضوع يا ابو سليمان بزيد على كلام اخوي ابو سعد شي

صور الشريط اللي تقول من اي سياره مشابهه واعطه اللي على وصف ابو سعد وتلاقيهم في لحظات يطبعون نفس الصوره واجود بعد .......وحطه وامش .
وانحلت مشكلتك.

رفع الله قدرك أخوي ابو البر
وغفر لي ولك
على هذا الرد الذي يدل على خلقك الرفيع

دمت ومن يتابع بحفظ الرحمن
KhALeD A
15/02/2012, 03:28 AM
اخوي ابقولك نصيحه لان ولد عمي مثل وضعك باترول فتك كان عنده الرفرف الخلفي جته صدمه
الجزء الامامي اصلي والخلفي ركبه من الغرابي ب130 على ما اظن بس فيه فرق واضح

الاخوان يمكنهم ركبوا لكامل السياره فاماراح تفرق معهم لانه بيجي كله لون واحد
لكن ولد عمي يوم ركبه العامل له بان الفرق طبعا الفتك موديله 2009 اللي يجي خطه فضي على ذهبي يجيك الفضي والذهبي بالتجاري ثقيل شوي لكن الاصلي خفيف

فنصيحه ابحث عن الاصلي لو من الخليج واتمنى الاخوان مايزعلون علي
comابوسليمانwww
15/02/2012, 07:34 PM
بيض الله وجيهكم ماقصرتوا والله يسلمكم ويحفظنا وياكم من كل شر ويكفينا شر الحوادث واعتذر عن التأخر في الرد ...
اخواني صراحة انكم فتحتوا لي أبواب وحلول ماكنت متوقعها وصدق من قال : (ما خاب من استشار )
اخوي ابوسعد 111 بيض الله وجهك وصدق اخوي ابو البر قليل في حقك حبة الراس


اخوي ابو البر ماقصرت وباذن الله ابمر المحل الي بالغرابي الي قال اخوي ابوسعد111 باقرب فرصة لاني دقيت عليه اكثر من مرة مقفل والصراحة اني تحمست اروح لمه خصوصا سالفة تصوير الخط وطباعته

اخوي دحيم الفزعة (http://www.mekshat.com/vb/member.php?u=174184) ماقصرت وصدقت صعبة يضبط لكن ان احتدت الامور يمكن اخليه يغير الجنب كامل لان الجنب مابقي منه الا الرفرف الي ورا .

اخوي هويدي دقيت على خويك الله يجزاك ويجزاه خير وقالي ابشوف الخطوط الي عندي واردلك وانا انتظر رده
اخوي KhALeD A (http://www.mekshat.com/vb/member.php?u=45724) الله يجزاك خير وشاكرلك مرورك وفعلا صدقت لا يمكن يضبط مع الوكاله لكن يمكن اغير الجنب كامل اذا كان الفرق كبير
abo naser 1
15/02/2012, 10:11 PM
السلام عليكم

حسبنا الله ونعم الوكيل يشتريه ب 30 ريال ويبعة ب 800 ريال الأرباح تفوق 5000%
قالو وزير تجارة كل وزير يجي يعطيكم كم تصريحة أول مايستلم منصبة وبعدها يختفي كلهم شركاء في الجريبة
الله يرحم الحال الأسعار دائماً في ارتفاع لاحسيب ولا رقيب وكل وكيل له شريك في الخفاء
زميلي سئل عن طرمبة بنزين لاند كروزر ب 400ريال لدى ام جميل ذهب الى ديرة زايد ديرت الحي اشتراها من الفطيم طرمبة بنزين + اسلاك بواجي + بواجي = 380 ريال ومع ذلك ارباحهم تتعدى 300%
دحيم الفزعة
16/02/2012, 02:10 AM
أخوي دحيم
أصلاً إذا ماهو مثل الاصلي ليش يأخذه
ممكن تقول إنه بعد تقريباً سنه ممكن يخف اللون أقولك صح
وبيني وبينك
على فرق السعر عن الوكالة 870
لو يشتري كل سنه بـ 20 مايضره

موفقين


ابو سعد عن تجربتي الشخصيه عن شارع الغرابي ان كل محلات تفصيل الاستكرات يقولون ان الاستكر ما يكون مطابق للأصلي 100% ناهيك عن أنه يقلب لونه بعد فتره وخاصة في الصيف
أتمنى ما تشيل بخاطرك مني بس هذا الواقع بعيدا عن المجاملات
والخلاف لا يفسد للود قضيه

ودمت بود ===
GM_400
16/02/2012, 07:04 PM
اطلبه بالرقم من برى افضل لك