من تبدي بصب القهوة ؟!!!!!

[ابو ناصر2011]

السلام عليكم ورحمه الله وبركاته





يالله مسهم بالخير والرضا والنعيم








سؤالي هو اذا جوك رجال عند ابوك او رجال عندك من تبدي(تقدم)بصب القهوة

خاصصة اذا كان فيه اكثر من شايب.....

[عطيب ومايغيب]

السلام عليكم ورحمه الله وبركاته

وعليكم السلام ورحمة الله وبركاته




يالله مسهم بالخير والرضا والنعيم
يامسى الود والاحترام اختيارك للمكان غير مجدي هنا سرد سواليف

وقصص من الماضي







سؤالي هو اذا جوك رجال عند ابوك او رجال عندك من تبدي(تقدم)بصب القهوة
مايبغى له فتواى شيخ اكيد الوالد تدري ليه الان الوالد هو من اهتم بي وهو من صبر وتحمل كل مايبذل مني اما الضيوف كم ساعه ومشون حتى لو ماعجبهم تصرفي لايهمني
الاهم ابوي الشخص الي اقول له(( يابوي ))

خاصصة اذا كان فيه اكثر من شايب.....
الشيبان ياعزيزي مايزعلون ولا ينتقدون ولايوجد بهم كبر متواضعين الى ابعد الحدود

أسأل الله لي ولك وللجميع المسلمون الجنه امين امين امين ومن امن

[ولد روووق]

ننتظر اللي يجيب

[rigidman]

وعليكم السلام ورحمة الله وبركاته

من الاصول والبر تقدم الوالد اولا.واحتسب الاجر . وراح تكبر في عيون الحاضرين من شيبان وشباب .

الله يرزقك ويرزقنا البر بوالدينا .. آمين

[سليمان الربيعان]

السلام عليكم ...
مشكور لطرحك للموضوع
بنسبه لي ابدا بالوالد الله يطول بعمره على العمل الصالح ثم الي يمينه اقتداى بسنه الرسول صلى الله علي وسلم
الا اذا قال الوالد صب لفلان اول
تقبل تحياتي....

[محطم عنيد]

الوالد أولا وذا هو السلم

ثم الأكبر سنا

وإذا كان تساوي تسوق الفنجال من اليمين

[س.س.التميمي]

مشكور اخوي علي هالموضوع المميز

[مكشتاتي]

طبيعي راح يكون أكبرشخص بالمجلس سواءاكان الوالدأوغيره..ومن ثم نبدابيمين هالشخص..
وماأتوقع الوالديزعل من هالتصرف..لان هذي تربيته ومايرضى أياكان أحديعيبها..

[][][زلفاوي][][]

أبدأ بالوالد.. وعادة يرده ويقول أبد من اليمين.. ترى الامور تساهيل وعلى قولة الاخ عطيب ترى الشيبان ما يزعلون..

[أبوعابد 22]

أبد باليمين واذا فيه شيبان كبار ابد بهم

[صبر السنين]

ابدا باليمين

[المداوي2]

من المعرووووووووف

ابدأ بالمعزب (راعي المحل) وهو من يوجه الفنجال

[ابومشعل3]

اول اصب لبوي واذا قال عط الفنجال فلان عطيتة وبعدين باليمين 0تحياتي علي الطرح المفيد للجميع

[ابو عابدّ]

الوالد اول شي ثم اليمين فاليمين ما يمكن ابدا بغير الوالد
بارك الله فيك

[ولدمنيره]

الوالد ثم الاكبرسنا ثم الايمن لكن المشكله الى قاموا يتعاندون عط فلان لا عط ابوك الاخذه الامانيب اخذه في هذه الحاله حط الفنجال بينهم وقل الا يبيه ياخذه

[ولدمنيره]

الوالد ثم الاكبرسنا ثم الايمن لكن المشكله الى قاموا يتعاندون عط ابوك عط فلان الاوالله ان تاخذه الاوالله ماخذه انت ماسك الفنجال وهوحارمالك الا تحط الفنجال بينهم وتقول اللي يبيه ياخذه :):):):)

[بربنجي]

هذا العمل يختلف حسب العادة في مناطق مملكتنا الحبيبة الله يحفظها وسائر بلاد المسلمين
بعضهم يبدي الوالد وعندهم عادي
وبعضهم يبدي الضيف وعندهم عادي لانه هو الضيف ووالوالد يعتبر معزب
وبعضهم يبدء بالاكبر سناً وبعضهم يبدء باليمين
زي ما قلت لكم تختلف من مدينه الى مدينه وكلها ما فيه شك عادات طيبه وتدل على الكرم والتقدير
وغير كذا تلاحظ اي واحد تبدء فيه سواء ابوك او غيره يقولك عطه فلان ويتحالفون عليه
وهذا كذلك يدل على الطيب والكرم وان الشيبان اكبر من هذي الامور من ثقتهم بنفسهم
ارجع واقول هي حسب المنطقة الي ساكن فيها
بالنسبة لي انا اقدم الضيف اول ولما يقول عطه الوالد الله يطول بعمره امده للوالد وطبعا الوالد يرفض ويقول بس مما يضطر الضيف يتقهوا اول ثم اقدمها لابوي
الا اذا كان الموجودين عمامي وخوالي فالوالد الله يطول بعمره اكبر منهم ممكن ذيك اللحظه اقدم ابوي
والله يحفظكم ويرعاكم

[Nikon Boy]

ما قصروا الشبآب في الاجابات ^_^

[سحابة الخرج]

الي تحس انه كبير في العمر

[MM55]

اكبرهمَ سناً ثم من اليمينَ ~

يعطيك العافيهَ !