المساعد الشخصي الرقمي

مشاهدة النسخة كاملة : صوت في الباترول لما ارجع ريوس : جنني الباترول


يريور عيمان
15/02/2012, 06:54 PM
السلام عليكم و رحمة الله

يا اخوني المكشاتية
صار لي فترة اعاني من صوت في سيارتي الباترول من تحت الموتر و الجهة الخلفية و من جهة الكفر الايمن لما ارجع ريوس
الصوت يشبه الصوت اللي يظهر لما تلف الدركسون جهة اليمين او يسار بشكل كامل في النهاية تسمع صوت طقة
نفس هذا الصوت يظهر و بشكل متكرر يعني لما ترجع السيارة مسافة يظهر صوت و ترجع مسافة يظهر الصوت و هكذا و مع كل طقة تخف السرعة و كانك مسكت بريك
الغريب ان الصوت ما يظهر الا لما يكون الموتر بارد او صار له فترة واقف
يعني اذا رحت مشوار و رجعت و ريوست ما يظهر الصوت ابدا
و الموتر باترول قير عادي

وش هالصوت جنني يا جماعة
وش تتوقعون السبب
مجنون نحم
16/02/2012, 12:39 AM
اخوي لاهنت نزل موضوعك في خيمة الاعطال لتواجد الاعضاء الخبرات مثل "بدوي جنوبي" و "اصيل حجازي" وباقي الاخوان

تحياتي لك
abo mani3
16/02/2012, 12:41 AM
تأكد من عمود التوازن
يريور عيمان
16/02/2012, 08:14 AM
شكرا لكم اخواني
و حطيت موضوع في خيمة الاعطال
اتمنى من المشرفين يحذفواالموضوع
صحراء الدهناء
16/02/2012, 10:09 PM
تأكد من القماشات الخلفية (او الفحمات ) لا يكون ماسك بالهوب او شي من هالقبيل

ترى كد حصل معي ان نفس حدى مسامير القماش الخلفي مسك بالهوب
SAS2
16/02/2012, 11:18 PM
يالغالي كل النيسان بهالحاله تفكك يبيلك تربيط كل فتره ويفيدك كنق التعديل

ماشالله من كثر مشاكله بالنيسان صار خبير :good2:
ALBDRANE
17/02/2012, 01:49 AM
الحمدلله أربع سنوات أستخدام ولا ربطنا شي فيه الكلام هذا يالحبيب في موديلات التسعينات أما بعدها فهذا غير صحيح مع العلم أن أستخدامي للسيارة في البر أكثر من المدينة

ما قلت هالكلام الا انك راعي تابوتا ههههههه
ابن خرصان0111
17/02/2012, 02:31 PM
الموتر ان شالله مافيه شي بس رح لاي راعي غيار ازيوت وخله يشحمه من تحت هذا يجي من غسيل البستم وقد حصل معي
يريور عيمان
17/02/2012, 03:16 PM
بارك اله فيكم اخواني
و ان شاء الله راح اشحم الصلبان
في شي ثاني يحتاج تشحيم ؟
ابو سلطان س
17/02/2012, 05:46 PM
الصوت يطلع اذا انت ماسك الجلنط لفترات طويله اثناء وقوف السيارة في الكراج
يريور عيمان
17/02/2012, 07:43 PM
طيب يا اخوان شو الحل
اشد الجلنط ؟
قناص في البر
13/01/2013, 10:58 AM
هذي حصلت معي طلعت المشكله القماش مشدود زيادة شيك على الهوب والقماش الخلفي اما البريك مثل ما ذكرو الاخوان ماله علاقه بالموضوع اسال مجرب
sgl2002
13/01/2013, 11:12 AM
المشكلة ماراح تتعدى الكفرات اللي ورا

قماشات او هوبات

انت اذا فكيتها بتعرف وين المشكله
ابوسند9
13/01/2013, 05:06 PM
مع ان الموضوع قديم
لكن حل المشكله انك تمسك الجلنط وترجع ريوس وتفك الجلنط وانت داعس وكرر العمليه
isa.almajed
14/01/2013, 09:49 AM
بدل صليبات الشافت
هبوب الحجاز0
14/01/2013, 01:15 PM
السلام وعليكم ورحمة الله وبركاته
مساكم الله بالخير
أخوي يريو مشكلتك هذي مرت علي يوم أرجع ريوس أو أكون ماشي بالخط وأهدي وطلعت من الذراع او عمود التوارن اللي تحت الدفرنس الخلفي من اليمين شوفه ترا بالموتر الجدد حطوه بديل للسسته تبي تتأكد منه وقف الموتر وخلا أحد يجي جنب الكفر اليمين وقدم وريوس ويبان معك أن حليت المشكلة شديت عليه وضبط الصوت وأتمنا أكون أفدتك