أبغى فزعتكم في رحلة صيد

[منير الخير]

أنا من سكان الجبيل و سيزورني مجموعة من أصدقاء الطفولة عددهم لايقل عن عشرة و لا يزيد عن سبعة عشر شخص بتاريخ 10 إبريل القادم
وقد عملت لهم برنامج ومن ضمنه رحلة صيد يوم الخميس 12 ابريل و أريد أن تكون الرحلة مميزة و أنا لا أعرف عن البحر شيء حتى السباحة و لي أسئلة


س / وقت الرحلة متى يبدأ ومتى ينتهي يعنى من الفجر أو من الظهر إلى متى كم ساعة
س / الجبيل فيه عدة جزر فما الأفضل ( جنا ـ كران ـ جريد.....................)
س/ أريد الرحلة أن يكون فيها صيد وفير لعدة أنواع مثل الناجل والكنعد و الحمام و الشعري و الزبيدي بأحجام طيبة
س / ما هي أنواع الأسماك التي تتوفر في هذا الوقت و في هذه الأماكن ؟
س / ماهي طرق الصيد المناسبة؟
س / ما هي أدوات الصيد كاملة التي نحتاجها و يفضل مع الصورة ومكان شراءها و نوعها ؟
س / سننستقر بالجزيرة لعدة ساعات للسباحة و الغوص فما رأيكم؟
وهل هناك شيء بالجزيرة مدهش أو غريب أو ما شابه ذلك لأن فيه أحد الأشخاص قال فيه طيور لا يفوتكم بيضها و إلا أنا أعلم أنها جزيرة شبه صحراوية بس قد يكون هناك شيء يحتاج مشاهدة
س / بعض الشباب يرغب في الغوص فوجدت شركة غوص محلها بالفناتير بجوار فندق كران على كورنيش الفناتير و قالوا لي على الشخص الواحد 300 ريال مع دورة مبسطة لكيفية التعامل ممع اجهزة الغوص قبلها بيوم فما رأيكم بالشركة و القيمة ؟
س / ما وسائل السلامة التي يجب توفرها معنا ؟
وأتمنى إن كان فيه نصائح أخرى من أهل الخبرة في مجال الرحلات البحرية
أنا في انتظار ردودكم

[منير الخير]

معقول ما فيه أحد يفزع !!!!!!!!!!!!!!!!!!!!!!!!!!!!!
قارب عدد القراء المائة و لا رد

[RED SEA KING]

الاخ العزيز
اول شي لازم تحدد نو الطلعه هل هي غوص ام حداق

ثاني شئ العدد كبير ولازم يكون القارب كبير

وثالث شي لا يوجد شئ محدد البحر فيه خير وفير والرزق علي الله

اما معدات الصيد الحداق من المفروض يوفرها صاحب القارب

والوقت انت الذي تحدده وافضل شي يكون خروجكم الصباح الباكر ولمده 8 ساعات

ونتمنا لكم رحله موفقه

[منير الخير]

ما قصرت أخوي على النصائح الطيبة

[muktar]

ودي اخدمك لاكن الموجودين فيهم الخير وانا ماريد اتكلم في شي مالي علم فيه

[sniper-fish]

ارجوا التواصل
رسالة لك على الخاص

[ابوفهد الجبيل]

أنا من سكان الجبيل و سيزورني مجموعة من أصدقاء الطفولة عددهم لايقل عن عشرة و لا يزيد عن سبعة عشر شخص بتاريخ 10 إبريل القادم




وقد عملت لهم برنامج ومن ضمنه رحلة صيد يوم الخميس 12 ابريل و أريد أن تكون الرحلة مميزة و أنا لا أعرف عن البحر شيء حتى السباحة و لي أسئلة
ماشاء الله عليك يامنير الخير باين عليك تبي تدلع الشباب على الأخر:D



س / وقت الرحلة متى يبدأ ومتى ينتهي يعنى من الفجر أو من الظهر إلى متى كم ساعة
الطلعات بالعاده من 6 الى 8 ساعات والي تفضل انت تبي بالنهار من الصبح الى بعد الضهر والا من بعد الظهر الى وقت العشاء تقريباً
س / الجبيل فيه عدة جزر فما الأفضل ( جنا ـ كران ـ جريد.....................) جنا وجريد وكران كلها جزر ممتازه لصيد والتنزه والغوص
س/ أريد الرحلة أن يكون فيها صيد وفير لعدة أنواع مثل الناجل والكنعد و الحمام و الشعري و الزبيدي بأحجام طيبة
شكلك متعود على سوق السمك يا منير
الحداق خصوصاً ماتقدر تحدد النوع الي تبيه مثل الناجل غير متوفر بالخليج بأحجام كبيره والحمام ماينصاد الا بشباك او قراقير وايضاً الزبيدي والكنعد ينصاد بطريقة اللفاح اكثر شي الشعور
فالتحكم بنوع الصيد مستحيل تقريباً
س / ما هي أنواع الأسماك التي تتوفر في هذا الوقت و في هذه الأماكن ؟
كما اسلفت سابقاً
ولاكن اكثر شي الشعور والعندق
س / ماهي طرق الصيد المناسبة؟
والله اذا بغيت كنعد يبيلك لفاح
وأذا بغيت شعور يبيلك حداق خيوط وميادير (وهذي بالعاده يوفرها صاحب القارب)
س / ما هي أدوات الصيد كاملة التي نحتاجها و يفضل مع الصورة ومكان شراءها و نوعها ؟
كما اسلفت يوفرها صاحب القارب
وأذا بتشتري عدة صيد شوف الجبيل البلد عند سوق السمك الجهه الشرقيه فيها محلات تبيع العده كامله
بس على قولتك انت مالك بالبحر وماتعرف تسبح مالك ومال العده
اتفق مع راعي الطراد انه يجيب عده معه وأغلبيتهم معهم عدة صيد
س / سننستقر بالجزيرة لعدة ساعات للسباحة و الغوص فما رأيكم؟
الجزيره يبيلك مشوار اذا كان البحر هادي وسرعة الريح من 0 الى 15 تقدر توصله يمكن بعد ساعه او ساعة ونص وطبعاً على حسب قوة القارب والسواق:good2:
وهل هناك شيء بالجزيرة مدهش أو غريب أو ما شابه ذلك لأن فيه أحد الأشخاص قال فيه طيور لا يفوتكم بيضها و إلا أنا أعلم أنها جزيرة شبه صحراوية بس قد يكون هناك شيء يحتاج مشاهدة
بيض... اسكت لايسمعونك حقين حماية الحياة الفطريه :mad:
عليها غرامات ومشاكل
طبعاً الجزر كلها لازم تصريح من سلاح الحدود وطبعاً هذي راعي الطراد يسويها لك
وعلى قولتك منطقه صحراويه خاليه اللا من قليل من النباتات وبعض اعشاش الطيور وأذا انك محضوض راح تشوف سلحفاة
س / بعض الشباب يرغب في الغوص فوجدت شركة غوص محلها بالفناتير بجوار فندق كران على كورنيش الفناتير و قالوا لي على الشخص الواحد 300 ريال مع دورة مبسطة لكيفية التعامل ممع اجهزة الغوص قبلها بيوم فما رأيكم بالشركة و القيمة ؟
الغوص يبيله ناس تعرف تغوص وعندها استعداد للمخاطر البحر ترا هو مو هين الغوص
ويبغالك اجار معدات غوص
وأحسن شي الغوص عند الجزر ولابد يكون معكم غواص عشان التعليمات وتركيب السلندر والباس والهواء حق السلندر وشغلات الغوص عموماً
وبالنسبه للسعر اشوف انه لابأس به
والغوص يبيله قلب جامد شوي
س / ما وسائل السلامة التي يجب توفرها معنا ؟
وسائل السلامه يوفرها صاحب الطراد
وأتمنى إن كان فيه نصائح أخرى من أهل الخبرة في مجال الرحلات البحرية


أنا في انتظار ردودكم


نصائح يامنير الخير الرحله الي انت تبيها يبيلها على الأقل اذا بتروح الجزر وتغوص وتصيد بطريقة الحداق يبيلها يومين على الأقل


يوم للجز والغوص ويكون يوم كامل من الفجر وحتى المغرب
ويوم للصيد ويكون 8 ساعات
طبعاً البحر للي ماتعود عليه متعب جداً .... تخيل وجودك بالطراد لمدة 8 ساعات واهتزاز القارب بفعل الموج كل هذي يبيلهات اجسام رياضيه
ويبيله صبر لأن ممكن تقعد ساعه ساعتين وانت ماصدت ولا سمكه
وبعدين احسب حساب ان اليوم الي انت تبي تطلع فيه يكون هواء قوي وتتكنسل الرحله:eek: لأن سلاح الحدود اذا كانت الرياح اسرع من 20 عقده مايسمحون احد يطلع
فا احسب حساب الشي هذا:(


هذا الي عندي يا منير الخير وأرجو اني عطيتك فكره عن ماكان يدور في بالك من اجوبه
وأي استفسار انا حاضر

[منير الخير]

ما قصرت يا أبو فهد نصائح ممتازة و رائعة
بس عندي استفسار حنا بنطلع من الفجر و بنروح إلى جزيرة جريد أو جنا وبنوقف بالطريق ساعتين إلى ثلاث ساعات للصيد وبعدها بنروح للجزيرة للسباحة و الغوص و بنتغدى في الجزيرة ثم سنعود بعد العصر إلى الجبيل فما رأيك أخوي بسير البرنامج

[ابوفهد الجبيل]

هلا اخوي منير

من ناحية سير البرنامج..
البرنامج حلو جداً اذا نبي نحسبها بالوقت نقول ان شاء الله الساعه 5:30 الفجر او 6 تكون محرك من الجبيل يبيلك تقريباً ساعه لين توصل مكان الصيد الجيد وعلى حسب خبرة راعي الطراد بالبحر.
وتجلس من 7 الى 10 تقريباً وبعدين تواصل للجزيره لأن الغوص اذا كانت الشمس عاموديه يكون ممتع على الجزيره لأنك تشوف بشكل اوضح ..

والساعه 6 ولا 6:30 ترجعون للجبيل.

طيب العدد عندك كبير يعني تقريباً 20 شخص هذي يبيلها تنسيق مسبق مع راعي لنش كبير يقدر يشيل العدد هذا مع عدتهم.

اقترح عليك تسوي زياره للمكتب الي على الكورنيش الى خلف دومنيزبيتزا الي فيه اجار السفن الي تطلع بالساعه
وتنسق معه اذا فيه امكانيه باليوم الي انت تبي..
لأن الحجز عنده للقروبات لازم تحجز قبل شهر تقريباً..
واتوقع هو افضل شي لرحلتك.

اتمنى لك التوفيق

[منير الخير]

هلا اخوي منير



من ناحية سير البرنامج..
البرنامج حلو جداً اذا نبي نحسبها بالوقت نقول ان شاء الله الساعه 5:30 الفجر او 6 تكون محرك من الجبيل يبيلك تقريباً ساعه لين توصل مكان الصيد الجيد وعلى حسب خبرة راعي الطراد بالبحر.
وتجلس من 7 الى 10 تقريباً وبعدين تواصل للجزيره لأن الغوص اذا كانت الشمس عاموديه يكون ممتع على الجزيره لأنك تشوف بشكل اوضح ..


والساعه 6 ولا 6:30 ترجعون للجبيل.


طيب العدد عندك كبير يعني تقريباً 20 شخص هذي يبيلها تنسيق مسبق مع راعي لنش كبير يقدر يشيل العدد هذا مع عدتهم.


اقترح عليك تسوي زياره للمكتب الي على الكورنيش الى خلف دومنيزبيتزا الي فيه اجار السفن الي تطلع بالساعه
وتنسق معه اذا فيه امكانيه باليوم الي انت تبي..
لأن الحجز عنده للقروبات لازم تحجز قبل شهر تقريباً..
واتوقع هو افضل شي لرحلتك.



اتمنى لك التوفيق

مشكور على الحرص على إفادة أخوك
بس نحن سنستخدم طرادين عشان يكون فيه متعة أكثر وش رأيك ما هو أفضل

[ابوفهد الجبيل]

هلا اخوي منير

الله يعطيك العافيه على الأطراء وماقصرت.

والله حلوه طريقة الطرادين يكون فيها متعه اكثر .. وبنفس الوقت مجهود اكبر.
النش الكبير فيه مميزات حلوه
فيه صاله مكيفه.وفيه مطبخ مجهز.. حتى فيه منقل للشوي. وفيه مكان لنزول الغواصين وصعودهم على النش
بس من عيوبه انه بطيء شوي..
بس من مميزاته انه مريح بالموج مو مثل الطراد (يخضك خض):D
اذا كنتو شباب تحت ال40 خوذو طرادات:good2:
وأذا كنتو فوق ال 45 روحو على اللنش احسلكم عشان ضهوركم ماتعوركم:D

الله يوفقكم ان شاء الله

[منير الخير]

ما قصرت يا أبو فهد

[abosaad1428]

ان شاء الله تكون رحله ممتعه وتبيض وجهك مع اصدقائك لاكن لو انك في جدة كنت جلست انا وياك ونسقنا جدول محترم مقابلها اطلع معاكم هههههههههههه لا ترا امزح معاك لاكن انا طبيعتي انسان خدوم للكل وخصوصا الامور البحريه وموفقين