افضل شاشه للجمس

[rpk]

السلام عليكم يا اخوان للمجربين شاشات للجمس الجديد او الي عنده خلفيه وش احسن شاشه من ناحيه الجوده وتوفر الجي بي اس وخرائط المدينه والبر لاني ناوي اركب وودي بالشئ الزين

[س.س.التميمي]

والله مدري ولا عندي اي فكره لعل الاخوان يفيدونك وبالتوفيق

[rpk]

الله يعافيك اخوي للرفع

[rpk]

احد يفيدنا

[أبو مسفر]

أنا مركب شاشة صينية نفس شكل شد البلد على يوكن 2007 ركبتها قبل سنتين ونصف بـ 2450 ريال ومعها جي بي اس وانتل تلفزيون القناة الأولى والرياضية ومخارج usb وآي بود ومخارج صوت لكنهم ما طلعوهن لي
ومخرج للذاكرة ممتاز تقدر تحط فيها ذاكرة 8 قيقا وتسجل عليهاأصوات بمسار MP3 أو فديو بمسار AVI
وكذلك كمرة خلفية صراحة كانت غالية لكنها اليوم أتوقع تلقاها بـحدود من 1200 إلى 1600 حسب الإضافات
وهذه صورة مطابقة لشاشتي .
http://www.mstaml.com/imagesData/i132303595992180046.jpg
1. صورة الجهاز
وهذا إعلان لوحدة مثل شاشتي بالضبط ميزتها أنها تركب بدون قص أسلاك أو تجريح فقط امصع الفيش من المسجل وغزه في الشاشة .

http://www.mstaml.com/section/index.php?p=3&t=44&l=0&o=0&x=%D4%C7%D4%C9&xt=1&xa=1

أنصحك ما تركب كمرة خلفية إلا نوعية شكلها نفس شكل كمرة الجمس شد بلد تكون ثابتة
وأيضاً أنصحك إن كنت من هواة التلفزيون تركب هذه القطعة
http://www.mstaml.com/imagesData/i132303604836930062.jpg
3. هذه القطعه CAN BUS لتشغيل القنوات الارضيه

واحد من الشباب ركب ثلاث شاشات وحدة قدام وثنتين في مساند الرأس بألفين ريال فقط لكن تنقص التلفزيون والكمرة الخلفية .

[rpk]

الله يعطيك العافيه اخوي ومشكور على الرد لاكن هل خرائط البر تعمل مها او لا

[أبو مسفر]

نعم بس نوعية خرائط أخرى فيها الوديان والزفلتات ولا فيها جبال
وفيه ناس عندنا في المنتدى يمكنك التواصل معهم والاستفادة منهم

في خيمة أجهزةالملاحة والخرائط والطرق
http://mekshat.com/vb/forumdisplay.php?f=54

[rpk]

نعم بس نوعية خرائط أخرى فيها الوديان والزفلتات ولا فيها جبال

وفيه ناس عندنا في المنتدى يمكنك التواصل معهم والاستفادة منهم


في خيمة أجهزةالملاحة والخرائط والطرق

http://mekshat.com/vb/forumdisplay.php?f=54

الي فهمته من كلامك ان المعنى على البرنامج وليس الشاشه صح او لا طيب وش الشركه الي تشور علي فيها

[عاشق z71]

سوالك جا بوقته يابو مجحد. لي فتره ابي اركب بس قاعد انتظر واحد يًركب واجرب فيه ههههههههههههه
خالي قال بيركب. وانتظر النتايج خلال هاللاسبوعين انشالله
بلغني وش يصير معك.

[rpk]

سوالك جا بوقته يابو مجحد. لي فتره ابي اركب بس قاعد انتظر واحد يًركب واجرب فيه ههههههههههههه
خالي قال بيركب. وانتظر النتايج خلال هاللاسبوعين انشالله
بلغني وش يصير معك.
حاطني حقل تجارب الله يقلع بليسك ههههههههههه اقول جرب ورد لي او خل خالك يجرب الله يرزقنا بواحد مجرب ويصفط لنا الزين

[SAS2]

مثل ما قالوا الاخوان الاهم برنامج التشغيل c6 اشوفه ممتاز ويقبل خرائط اكثر للبر

والنوعيه عندك رود ماستر تكرف ماشالله عليها والسعر حسب الديكور ولا تنسى

عليها ضمان في بعض المحلات

[rpk]

الله يعافيك يا خوي

[alisabr]

اهم شي في التركيب طريقة توصيل الاسلاك والشاشات لان بعضها تعلق وممكن تكون سبب في صرفية البطاريه يعني لو وقفت السياره يوم او يومين تجي تشغلها تلقى البطاريه ماتشتغل

[ابوماجد-1]

نصيحة اخووو لاتلعب بموترك ويحوسون عليك الكهرب

اشتر لك جارمن نوفي 255w وريح راسك يخدمك بر ومدن

قيمته مع خرايطه 600 ريال تقريبا ومتنقل تقدر تنقله بأي سياره

[عاشق 0000]

نصيحة اخووو لاتلعب بموترك ويحوسون عليك الكهرب
اشتر لك جارمن نوفي 255w وريح راسك يخدمك بر ومدن
قيمته مع خرايطه 600 ريال تقريبا ومتنقل تقدر تنقله بأي سياره


:good2:


وغير كذا

بعض المحلات يركبون لك ولا يهتمون بنوعية الاسلاك اللي يركبونها لك ولا يهتمون بــ التركيب المضبوط

وهاذا يمكن يتسبب لك بمشاكل انت في غنا عنها


الله يوفقنا وياك ان شاء الله

[حرنا بك]

نصيحة اخووو لاتلعب بموترك ويحوسون عليك الكهرب



اشتر لك جارمن نوفي 255w وريح راسك يخدمك بر ومدن


قيمته مع خرايطه 600 ريال تقريبا ومتنقل تقدر تنقله بأي سياره





كلام اخونا صحيح.. وهذا مع الشاشات الي يبي لها قص اسلاك وترهيم..

وانا ركبت شاشة من الغرابي نفس حقت الدينالي بالشكل طبعا.. بدون قص اسلاك ولا ترهيم والتحكم من الدركسون مثل شد البلد وفيها بلوتوث وبرنامج ملاحة اي قو.. وجربتها شغالة 100% سعرها 1700 ريال ..

[rpk]

الله يعطيكم العافيه بس اغلب الي في السوق بدون قص فك وركب بس وين النوعيه الزينه

[ERIC7]

والله وانا اخوك نفس الحاله لاكن ماودي اخسر التحكم من الدركسون وابي فيها مواصفات تسوى اني اشتريها والصيني يقولون انحش عنه الواحد بلش مايدري وش يختار لاكن سمعت عن شاشه كنوود يقولون ممتازه وتشغل برنامج جارمن لاني ماارتحت للايجو وشلته لاكن ما اتوقع انك تتحكم من الدركسون غير كذا سعرها عالي جدا ولا لقيت احد يبيعها في الرياض عشان اتاكد من مواصفاتها
بالتوفيق اخوي بس ان لقيت شي جازلك دلنا عليه تكفا

[* ابو باسل *]

مركز احد بالغرابي عندهم جميع ماتطلب ومتخصصين في هذا الشي اذا جيت عند اشارة شارع الغرابي الي اول الشارع خذ يمين تحصلهم على يسارك على طوووول طبعا وانت واقف في الاشاره مافيه غير يمين او يسار لان شارع الغرابي بيكون مواجهك سيد .

[وينك تعال]

كلام اخونا صحيح.. وهذا مع الشاشات الي يبي لها قص اسلاك وترهيم..

وانا ركبت شاشة من الغرابي نفس حقت الدينالي بالشكل طبعا.. بدون قص اسلاك ولا ترهيم والتحكم من الدركسون مثل شد البلد وفيها بلوتوث وبرنامج ملاحة اي قو.. وجربتها شغالة 100% سعرها 1700 ريال ..

وكيف تتركب بدون قص وترهيم .. بارك الله فيك

[عبدالرحمن الحربي]

والله يا شباب نحتاج موضوع مفصل الله يجزاكم خير بالعروض والأسعار

أنا ناوي أطلع الرياض عشان أركب لي شاشة لكني مدري وش الأفضل سعرا وجودة