ماذا تعرفون عن ؟؟؟

[العبدي1]

بسم الله والصلاة والسلام على رسول الله حبيبنا محمد عليه افضل الصلاة والتسليم وبصراحه ياشباب انا من ضحايا مخالفات السرعة . وش الراي ـــ سمعنا عن اجهزة تحديد السرعة وش تعرفون عنها ؟؟

[ترتر]

اجهزه كشف الرادار تقصد .

انااستعمل واحد ما شاء الله مظبوط ولا احلى . اذكر قبل اشتريه كنت اروح للقصيم اسبوعيا وكانت عيني على الاخوان اللي جايين من الاتجاه الاخر اذا كبسو ا بالنور ادري انه فيه رادار واهدي السرعه . حتى ان البعض ماهوا يكبس لي واروح اهدي .

وبعد الجهاز صرت مااناظرهم وصاروا هم اللي يناظرون لي .
لاكن لايمنع من العيوب للجهاز وهي :

احيانا اذا كانوا متخبين خلف حزم وكنت مسرع بسرعه تقريبا 160 كم مايمدي الجهاز يلقط الا اذا بقي امتار بسيطه تقريبا 30 متر وبهالحاله مايمدي توقف , وبعض الاجهزه اذا مريت من عند ابوب الاسواق يبدأ يرن ويحذر , وفيه نوع اذا مريت برج جوال يرن . او اذا دق جوالك الانواع كثيره ,
المهم مااحب اطول عليك اذا بغيت نوع جيد نوع اسمه الكوبرا متحدث , وبصراحه انا مجربه وممتاز .

ارجوا ان تكون استفدت .


اخوك ....ترتر

[العبدي1]

يامال العافيه اخوي ترتر .., النوع كوبرا طيب ماتعرف وين يباع يابعدي . كمل المعروف . وبكم سعره ؟

[ناصح]

يا أخوان اتقوا الله


ولاة الأمر حددوا السرعة من أجل الحفاظ على أرواحكم وأرواح المسلمين ولا نجني من السرعة إلا المصائب وما الحادثة على هذا الرابط (http://www.mekshat.com/vb/showthread.php?t=44481)إلا بسبب السرعة حيث كان إبن عمي طرفا فيه وتوفي رحمه الله .

وبحكم عملي في أحد المستشقيات الكبيرة أواجه كثيرا من المعاقين والمصابين هذا غير الوفيات التي لا تصل إلا للثلاجات

نسأل الله أن يحمينا من كل مكروه

[الدبل الثقيل]

الله أكبر يا ناصح أنا أشهد انك شيخ الذيابه جبت العلم اللي يجمد على الشارب..... السرعه الزائده تدل على مرض نفسي ...

[العبدي1]

اخوي ناصح والله انك صادق وناصح ولك من اسمك نصيب لكن والله ماهي مسألة سرعة وبس انا سرعتي على الطرق السريعه لاتتجاوز (140)كلم لكن السرعة القانونيه في المسافات الطويله تتعب والله يكفينا الشر تجيب النوم . وجزاك الله والأخوان خير الجزاء . والله يحفظنا وأياكم من شر ذا الحوادث .
آمين . آمين . آمين