المساعد الشخصي الرقمي

مشاهدة النسخة كاملة : ياجماعه ابي لي ورشه ترش بويه مظبوط ؟


ترتر
12/04/2006, 01:01 AM
ياجماعه انا عندي صدامات الموتر نفس لون السياره .. وجايها ترميله من طريق الشرقيه ..ابي لي ورشه ترش بويه مظبوط ... يعني تطابق اللون نفس القديم .. انا اذكر ورشه الوفاء كان شغلهم مظبوط بالرياض .. لاكن الاونه الاخيره يقولون خرب شغلهم .. سؤالي عن الورشه المظبوطه للرشه .


شاكر للجميع


اخوكم...ترتر
راعي ال 8100
12/04/2006, 02:44 AM
فيه عندك ورشة الراجحي معروفين برش المواتر وشغلهم توووووووب وعندك ورشه الجواس مقابل شالانجر في الصناعية القديمة هذولا بعد شغلهم لا يعلى عليه .,.,.,.,.,.,.,.,.,.,.,.,.,.,.,
ترتر
13/04/2006, 02:11 AM
الاخ الغالي اشكر مرورك .. ولوتكرمت وصف لورشه الراجحي . وايهما افضل ؟

شاكر لك يالغالي

اخوك ...ترتر
العشة
13/04/2006, 02:20 AM
ياجماعة الخير

اللي يبي ورشة عليها الكلام وبوية ماتفرق شد البلد هي ورشة اليحي في الصناعية الجديدة مخرج 18

لا ويضمنون لك البوية خمس سنوات لأي تغير في البوية لانهم يستعملون مثبتات اصلية وغالية .
راعي ال 8100
13/04/2006, 02:28 AM
اخوي ترتر ماعرف وصفها زين لكن اسال عنها لا جيت الصناعية لان الراجحي معروف ورشتهم .,.,.,.,.,.,.,.,.,.,.,.,.,.
الشاب
14/04/2006, 03:53 AM
فيه ورشة الهويشل بالقصيم ببريدة باشراف سعودي كد تكلمت معه وقال كثير من الرياض والزلفي ومناطق كثيرة يجون له لاسيما التعديل بدون بويه شغلهم نضيف لا للدعاية
asj
14/04/2006, 02:33 PM
شف اخوي أفضل ورشة بوية مجربها ورشة الوجدان بالصناعية القديمة عند ميزان اليرموك مجربة وممتازه
وكذلك ورشة الأتراك عند ميزان المجد ممتازين مره
وفيه ورشة بس ما اعرف اسمها بجانب ميزان الدرع اللي عند ترايستار في وسط الصناعية القديمة

اسأل مجرب ولا تسأل خبير
راعي العالياء
16/04/2006, 12:35 AM
السلام عليكم اخوي انا انصحك بورشه وفاء او ورشه الوفاء لان عليهم رشه ممتازه ماقد احد رش عنده وسبهم بس المشكله سعرهم غالي شوي الورشتين بالصناعيه القديمه وانصحك بها ولك خالص تحياتي
aziz2727
16/04/2006, 08:13 AM
ودي انبهك
فيه ورشتين اولى ورشة الوفاء والثانية ورشة وفاء ما يفرق فيها الا الف والام
الي قريبه من شارع الصناعية النازل من الخرج هذي خلاها عنك واعتقد ان المشرف عليها واحد مصري
رح للثانية شغله زين ان كان عندي لاندكروزر 2000 جته صدمة في الوجه وصلحوه تقول ما شاء الله ما جاه شي
بس ترى غاااااااالين لاكن يستاهلون على شغلهم .
ترتر
16/04/2006, 06:17 PM
الاخوه الاعضاء:

العشه : اشكر مرورك الكريم واهم شي الضمان بعد فتره طويله .

راعي ال8100 : ما قصرت يالغالي , وراح ان شاء الله ابسأل عن مكانها بالصناعيه , والمعذره ادري اني ازعجتك يالغالي .

الشاب : اشكر مرورك اما انا ما ابي تعديل محتاج ارش الصدامات , لاكن ما يمنع نعرف وصف الورشه لزياده في المعلومات .

asj : اشكر مرورك يالغالي وبالنسبه للورش راح امرهم , وان شاء الله ما تصير خبير بهالورش يالغالي ولا يوريك مكروه .

راعي العالياء : اشكر مرورك وبالنسبه للاسمين (وفاء , الوفاء ) هل هي لاسمين منفصلين او هما لورشه واحده ؟.

aziz2727 : اشكر مرورك وبالنسبه لورشه الوفاءاللي بمخرج 18 وانت بالدائري الجنوبي تشوفها انا مخليها من زمان لانهم لعبو علي رشوا لي موتر وانا بالورشه اقول لهم البويه تفرق يقول الفلبيني بهاللهجه (مافي مشكل بئدين تلميء يجي سوا سوا ) يحاول يقنعني انه بعد فتره يبي يصير اللون واحد مع البويه القديمه لاكن الله يخلف قام الموتر سنتين وما تغير ولاهب حوله لاكن الله يخلف . علشان كذا اخذت درس اني ما اتوهق باي ورشه . مع العلم ان الورشه مادحها لي واحد من الشباب ,


ياجماعه الورش واجد بس وين الشغل المضبوط , الموتر غالي علي ولا ودي انلدغ مره ثانيه .


شاكر للجميع


اخوكم ...ترتر
نواف 100
16/04/2006, 09:28 PM
شف يابو الشباب اناتوى مسمكر عندهم سياره الولد هايلكس2002 شغل زي الحلاوه عند ابو صالح بالورشه الى بمخرج 18 صناعيه الدائري
موبايلي
17/04/2006, 05:18 PM
السلام عليكم جميعاً..

عزيزي انا في الشرقية واتعامل مع ورشتين في الرياض للأشياء المتعبة مثل الصدامات اذا رشيتها في اي ورشة عطها ابو 6 الى 7 اشهر وتتقشر:confused:
هالورشتين عيبهم سكينهم حامية :D ( غالية اسعارهم شوية );) وثانياً توقيتهم في تسليم السيارة لك عليه يعني اذا قالك اليوم السبت ( سلمت السيارة للورشة ) تعال واستلم السيارة يوم الثلاثاء ، فاعرف انك بتستلم سيارتك يوم الخميس :D
لكن خذ شغل :eek: :eek:
1- ( ورشة حمدان السوسي ) الصناعية القديمة الشارع اللي يوازي شارع الجمعية من الشمال ، خلف محلات باقادر لبيع قطع غيار السيارات الامريكية
2- الورشة الثانية ناسي اسمها لكن اذا دخلت شارع الجمعية من جهة طريق الخرج يعني من الغرب ومتجه للشرق اول تقاطع اتركة والثاني ادخل معاه يمين امش مسافة 200 متر بالكثير بتجيك الورشة على يمينك اسم المسؤول عن الورشة محمد ذيب واعتقد انها الورشة الثانية اللي يقصدها الاخ asj

ويعطيكم اعافية ..
ترتر
17/04/2006, 07:38 PM
الاخوه الاعضاء :

ابو نواف 100 : اشكر مرورك وبالنسبه للورشه اللي بمخرج 18 ( وفاء ) مسكرة من تقريبا سنه ؟؟ ما ادري مته مسمكر موتر الولد ؟؟ وبالنسبه لموتري لونه فضي وصعبه تطبيق اللون . اما انت هايلكس اكيد ابيض ماراح يفرق عندك كثير مثلي . وصداماتك حديد مطلي بنيكل لاترميل ولا يحزنون . بعدين السياره لا تحكم على بويتها وهي توها مرشوشه الوعد بعد 4 شهور وفوق ,خاصه مقبلين على الصيف والحرور .

موبايلي : اشكر لك مشاركتك يالغالي وكلامك عين العقل وهذا اللي انا خايف منه التقشير بعد فتره , اما الفلوس ماهي مشكله المهم شغل مظبوط , شاكر لك وراح امر على الورشتين واشوف عنهم .
الدبوس
17/04/2006, 09:16 PM
أفران الغامدي

بالصناعية القديمة والي يزينهم عندهم محل تركيب البويات ولهم أكثر من عشرين سنه ، كيف أنا عرفتهم ؟
طلعت سيارة من الوكالة في بداية العشر الأواخر من رمضان وليلة العيد جانا العيد كنت في السوق بأهلي مخلصين شراء أغراضنا وجيت أبطلع من السوق لين ذاك اللي مخلي بزره الله يصلحه ويصلح أبوه في السيارة وهي شغالة وسيارته بنتياك دق الولد القير ومشت السيارة ولا وقفت اللا في سيارتي وبين البابين السواق واللي وراه ، إن خليته مشوه وانا صلحته قالوا مسمكر ، دخلت موتري ورشه تسمكره . . وماطابقة البويه ، ولاجاني النوم لمدة أسبوع دلوني على ورشه ثانية رشوه وأردى من الورشة اللي قبلها وبعدها دلني واحد - الله يجعله في الفردوس الأعلى - على (أفران الغامدي) وقال اما طابقة البويه تعال أعطيك فلوسك ورشيته عندهم لدرجة أني يوم جيت أبيعه بعد 8 أشهر قلت للي بيشريه الموتر به سمكره لكن أبيك طلعها وين ، وماقدر يطلع السمكره وين إلا بعد ماعلمته ، وعليكم الله وأمان الله أني مالي علاقة بهم ولايقربون لي لامن قريب ولا من بعيد سواء ان شغلهم 100% ولا اسويلهم دعايه ولكن فزعة لأعضاء مكشات .



وصف الورشه : تدخل مع شارع الجمعية بالصناعية الكبيرة القديمة بالرياض وجهك شرق أول تقاطع خله ثاني تقاطع في صبات تعده أول ملف يمين لف معه - أول ملف يسار لف معه تقريباً رابع ورشه يمين
ويسار لهم ورشتين وحده للسمكره والثانية للبوية .


الدبوس . . لاتنسونس من الدعاء