هل راح تشتريه ؟ لوهونداي تطلع جيب 4*4 دبل

[wewe150]

السلام عليكم ورحمة الله


الدنيا جرى الها ايه ياجماعة الخير

سوق السيارات التايوتية مرتفع جدا جدا


من يصدق الهايكلس يباع بالمعارض الغمارتين بدون دبل ب 99 ألف سلاماااااااااات

ولا الفورتشنر واصل سعره 136 الف لحظة اذكر هذا سعر البرادو اول من نزل ولا تقدر تاخذ براد قير عادي ب 131 الف

اجل البرادو كم سعره الان؟؟؟؟؟؟؟

ولا الكامري سمعت انها فوق 100 الف ليش كذا يعني ولا في علاقة عكسية بين الحجم والسعر كل ما صغر الشي ارتفع سعره ؟؟!!!!!!

طيب خربانه خربانه بشتري جيب لكزس :)
في المعارض سعره 413 الف ريال سعودي

اي واح ووجع وطعنه :mad::mad:

انقذو عملتنا السعودية



الصراحة افكر كثيرا بهونداي واقول ياليت عندهم موتر طير شلوى مثل الفورتشنر حمار مكده اتوقع راح يكون سعره 70 الف للسته سلندر والفل ما راح يتعدى 80 الف لل

نظرا لان الفورتشنر مافيه خرابيط واجد


الازيرا الفل كامل سعرها 116 الف ريال
وفيها من الدلع ما الله به عليم

[SAS2]

وليش ما نشتري هيونداي اكثر ما يهمني الجوده وهي مقبوله جدا بالكوري

واشوف كم حبه جيب هيونداي بالديره الاسم بلشه عجزت اعرفه المهم

لاتتوقع انك بتنبسط باسعار هيونداي لفتره طويله كلها سنتين وتصفق

ال 150 الف ريال :(

[khhh]

السلام عليكم ورحمة الله وبركاتة كيف الحال فيه جيب هونداي صغير ليه ماتاخذة

[مرقاب]

كلامك وجيه وواقعه صحيح
والتويوتا اسعاره مبالغ فيها جدا وغير منطقيه
عندك التاهو واليوكن والاكسبيدشن اسعارهن معقوله
الاكسبيدشن عليه عرض 125 الف

[جب هآت ود عط]

انا مستغرب ليه ما تطلع هونداي جيب ويكون الدبل عليه الكلام. ما ابي لا الدف لوك ولا الهزاز ولا ونش بس دبل قوي . ويكون شكل السيارة ينافس اشكال اللاند كروزر والباترول . بأذن الله اول من يشتريه ولا نجلس بدون سيارات . يا الغالي انا بعت سيارتي تويوتا 2011 قبل 7 شهور على اساس ازود دراهمي واشتري افضل منه. والمصيبة اني زدت دراهمي واكتشفت غلأ الاسعار فجأة . تصدق حتى سيارتي الي بعتها ادور مثلها لاكن الفلوس ما تكفي .والله العظيم قعدت الا يومك هذا بدون سيارة . حسبي الله ونعم الوكيل

[يالبى الهلا]

والله مالهم الاسلاح المقاطعه خلها تخيس :Dوكلن يمسك جنيه لا يجيه اجن منه؟:eek:

[ددسن 2008]

وعليكم السلام ورحمة الله وبركاته

والله حتى الكوري صار نار وشرار

اذكر جيب الهيونداي القالوبر ابو حصان 6 سلندر ياهو قوي وبه حديد تقول حديد كلاسيك الامريكي وسعره 65 فل يا بلاش

وين هالاقيام هذي الحين ؟؟؟ اصبحت اثر بعد عين والله المستعان

تبي الزبده ما لك الا ددسن مازال سعره معقول

ترا حنا نتبع الاكسسوارات ولا نستعمل نصها .. ولا نركز على الهدف من الاقتناء ! ندور الفل وحنا ما نحتاجه
اكثر المواتر لو بحلف تحوم حول الديره وقريب المزفلت .. اقضب دراهمك واقض لزومك وما هان تبارك ...

الله يسهل امرنا وامرك ومن يقراا

[Bader-M]

وعليكم السلام
انا شاري كيا موهافي لله الحمد
وهذا تقريري عنها

ثلاثون الف كم

http://www.mekshat.com/vb/showthread.php?t=343644

سبعون الف كم
http://www.mekshat.com/vb/showthread.php?t=479379


الان تجاوزت حاجز 90 الف كم

[مسير عليهم]

الكوري اصبر عليه وعن نفسي اهوجس بجيب صغير من هونداي او كيا الاسعار مقاربه للياباني

كيا موهافي جربه وتعرف قيمته انا وقفت عليه وصملت لكن فلوسي وقتها ماكفت ولقيت موتر قد اللي معي وجديد وشريت

العالم بدت تتجه للكوري والصيني

[مشلخ الذيب]

جيوب هونداي ممتازة جدا وماكنت متوقع منها انها تمشي زين بالبران

قد طلعنا للنفود وكان معنا توسان اصغر جيب بهونداي قير تماتيك وصراحه يمشي مشي موب صاحي افضل من بعض الجيوب

[- النشمي -]

حسبي الله على الحكومه الفاسده حدتنا على القصى




http://www.m5zn.com/uploads/2010/4/2/photo/040210030401qukpx6tppnp7arl0zt9.bmp

هذا جيب صيني قيمته 50 الف ريال

[فرخ العقاب]

عليكم بالهوندا . وخلوا تويوتا تصدي . مع رفع الاسعار .

[ابونبيل]

وعليكم السلام ورحمة الله وبركاته

والله حتى الكوري صار نار وشرار

اذكر جيب الهيونداي القالوبر ابو حصان 6 سلندر ياهو قوي وبه حديد تقول حديد كلاسيك الامريكي وسعره 65 فل يا بلاش

وين هالاقيام هذي الحين ؟؟؟ اصبحت اثر بعد عين والله المستعان

تبي الزبده ما لك الا ددسن مازال سعره معقول

ترا حنا نتبع الاكسسوارات ولا نستعمل نصها .. ولا نركز على الهدف من الاقتناء ! ندور الفل وحنا ما نحتاجه
اكثر المواتر لو بحلف تحوم حول الديره وقريب المزفلت .. اقضب دراهمك واقض لزومك وما هان تبارك ...

الله يسهل امرنا وامرك ومن يقراا

ياخي انا معك ان الددسن ارخص وانيت ياباني

بس الصراحه والحق ينقال ما يصلح يعني سعر الدبل زي الي بتوقيعك 85الف ريال !!
والغماره الثانيه غنيه عن التعريف ضيقه مره مره مره على قولت احد الشباب غماره ونص
يعني حتى الددسن مايعتبر بديل لانه مايصلح الا بالغماره اما الغمارتين :( للاسف!

واما بالنسبه للهونداي نزلو 4×4 من مبطي واخوي معه واحد 6 سلندر بس عيبه ان الدبه زر واحد مافيه خفيف وثقيل ويمشي حاله بالبر يعني جيد ماعليه