هايلكس دبل _ الفرق بين الرفارف وبدون رفارف

[طير ابابيل]

السلام عليكم

اخواني انا مقدم على شراء هايلكس دبل بدون رفارف بحكم ان سعرها مناسب 85 الف .. ابغى منكم ولا عليكم امر تعطوني وش اللي يفرق بينها وبين ام رفرف .. اقصد من ناحية المطب والممشى والاشياء الاساسية اما الاكسسوارات فما تهمني

شكرا للجميع

[سلطان الغدرا]

اتوقع ان الي يفرق بس هو الاكسسوارات والجنط ودي اسوي مثلك وامتلك اي سيارة من تويوتا دبل جديده سعرها في 60000 لكن اسعاار عبدالطيف نار

[التعـ King ـديل]

الفرق في الاكسسوارات والجنوط وبيني وبينك بدون رفارف شكله احلا بنظري

[طير ابابيل]

اتوقع ان الي يفرق بس هو الاكسسوارات والجنط ودي اسوي مثلك وامتلك اي سيارة من تويوتا دبل جديده سعرها في 60000 لكن اسعاار عبدالطيف نار
مشكور على الرد يالغالي وبصراحه انا اشوف انها سيارة رائعة خصوصا مع ارتفاع الاسعار يعني تخيل ام رفارف تزود عليها بعشرين الف !!



الفرق في الاكسسوارات والجنوط وبيني وبينك بدون رفارف شكله احلا بنظري



مشكور مشرفنا الغالي وبصراحه حببتني فيها يوم قلت شكلها احلا وان شاء الله بنشتريها قبل لا يطيرون سعرها فوق بعد

تشرفت بردك

[HAS5SAN]

بدون رفارف
http://www.mekshat.com/pix/upload05/images236/mk44259_0707.jpg

مع الرفارف
http://im11.gulfup.com/2011-11-11/1320998266232.jpg

والفرق =
بدون رفارف يجي مافيه كشافات والجنوط حجمها يختلف انحف
والجناح والفيبر والمراتب متصله
يعني مرغوبه للشركات

[فيصل التميمي]

مافية اي فرق الفرق فقط في الاكسورات والجنط

[اب اب اب]

كشافات + جنوط مختلفه + فيابر + مقاعد منفصله = 20000 ريال !!!

[المنيعي1]

خذ برفارف شكله جميل ورزه
بدون رفارف شكله بشع

[أطلال نجد]

بدون رفارف يعتبر عملي أكثر لأنه شبه خالي من الأكسسوارات وأعتقد أنه لا يأتي زجاج وقفل أتوماتيكي .

بالتوفيق ،،،

[نجم2000]

بدون رفارف : يجي جنط 16 سخيف حديد والفل جنط 15 عريض كروم
وبدون اخشاب وقزاز عايدي وبدون كشافات واقفال عادية والمراتب منفصلة وبينهما درج
الغريبة الفل يجي متصلة بدون درج وجناح وفيبر

لاكن الاهم :
انا امتلك هايلكس بدون رفارف واعبي بنزين 95 بـــــــــ 40ريال
وزميل لي يمتلك فل كامل ويعبي بنزين 95 بـــــــــــــــــــــ47 ريال
وللعلم الاثنين وارد ابو جميل

اما من ناحية المركب الفل اريح شوي مو ذاك الزود الونيت هو الونيت بسبب عرض كفراتة
انا ركبت عليه كفرات ماكسس عريض وارتحت .

[.أبوعبدالرحمن]

الفرق في الإكسسوارات

لكن من ناحية المطب أعتقد أن مطب أبو رفارف بيكون أخف بسبب الكفرات فقط

يعني لو تشتري بدون رفارف وتركب كفرات وجنوط أبو رفارف راح يكون المطب متساوي

إن شاء الله ، وهذا بحكم عرض الكفر والله يكتب لك إللي فيه خير

[راعي المجهم]

اخوي خذ بدون رفارف أرخص لك

ومر على التشليح وطق لك رفارف وجنوط وإذا لقيت كشافات ياسلام

ما تكلفك أكثر من 5000 ريال

[طير ابابيل]

بيض الله وجيهكم جميعا على الردود الوافية وماقصرتوا والله

[سحاب الدرب]

عندى هلى2009 ج ال اكس دفع ثنائى مطباتها كثيره هل اذا ركبت كفرات عريض تهداء شوى

[Abusliman]

اشوف لو تقلبه فل افضل لك مهب مكلفك شي ان شاء الله
كشافات مع التركيب 500 ريال
الصدام النيكل 400 ريال
رفارف مع الرش ( من رايي افضل شكل ) 700 ريال مع الرش رشة محترمه
تخشيبه من التشليح 300 ريال
مسجل بـ 400 ريال او شاشة بـ 2000 ريال
الكونسول الي بالنص حق البيبسي 150 من التشليح
والباقي اشياء ماله داعي مثل الاي بي اس والحساسات والنسافات
والجنوط شفلك جنوط حلوهـ نفس مقاس جنوط الفل والكفرات نفس المقاس بالظبط عشان ما يروح فيها الدفرنس يك معك 10 سنين ان شاء الله
اما ان غيرت بالمقاسات 3 سنين 4 وبيطق هذا اذا طول بعد

[طير ابابيل]

شكرا اخواني سحاب الدرب _ ابو سليمان ..نورتونا باضافتكم القيمة

بس ياليت لو احد يعرف اقيامها اللحين

انا حصلت بالدمام هايلكس خليجي دبل اقل فئة مرتبة رصاصية بـ 85 الف ريال

وش رايكم ؟

[هلي ديزل]

حيآك الله طير ابابيل،،
اللي شفته بالدمام موجود نفس السعر والمواصفات بالرياض،،وترا السعودي بالوكالة بـ 89 !!!
وكانك خلاآص معزم على الهلي لاتشتري غير هــالفئة اللي بــ85
لأنه هي الوحيدة اللي من الممكن بلع قيمتها :)

أخوك هلي ديزل،،

[ابوعزيز707]

ترا يجي في القير تماتيك دفلوك يشنغل اتوماتيك

[قائد السريه]

هذا الفرق بين GL وبين S-GLX

- نوافذ و اقفال ومرايا كهربائية
- جنوط الومنيوم 255/70R15C
- راديو كاسيت مع مشغل أقراص أحادي سي دي 4 سماعات
- حساسات خلفية
- نسافات خلفية وأمامية
- طبلون خشب
- فتح الأقفال عن بعد
- صدام حماية امامي حديد
- كشافات ضباب
- اشارة ضوئية على المرايا الجانبية
- حامي الإطار الخلفي
- رفارف و تنفيخ جانبي ملون
- عتبة جانبية حديد
- كونسول أمامي
- فرامل ABS
- وسائد هوائية مزدوج

والبريمي تكاية بالوسط وحساسات اماميه وجنوط 15 حديد
الفرق مهوب بسيط

وتانكي البنزين مايفرق كلها 76 لتر

[مافيه]

اخوي توكل على الله وخذه

ويعلم الله انه في نضري افضل من الرفرف بكثير ناهيك عن بعض مشاكل الرفارف اذا تحركت من مكانه

وعملي اكثر ونصيحه لك اذا شريته لاتركب ولا حتى تفكر تركب رفارف لاكن احرص على تغيير كفراته وجنوطه لانها مشوهه منضر الموتر وافضل جنط في نضري للدفرنسين الجيتي وبعدها جنط الوكاله العريض حديد وكلها مقاس 15 ميزتها اريح مطب وارخص كفرات واحسن في النفود

من ناحية الفروق بينهم مالي علم ولا ودي افتي في شي انا جاهل فيه لاكن من خلال خبرتي البسيطه (تعتبر شبه معدومه ولمحه بسيطه في المعارض قبل 8 شهور) لموديل 2009 كان اصفار عند عبداللطيف في قسم المستعمل
انه يجي قزاز هندل و المرتبه متصله وينقصه كم شغله خفيفه في الغماره
الجنوط و الكفرات شكلها فاشل عليه وماتنفع
الدعامه و الكشافات و فيبر العقال (ماله اي فايده ومزعج في الخط) و الشبك مايجي نيكل كامل و مساكات البيبان
واهم شي الوطايات (عن نفسي انضر بدونها بس للكبار في السن و الاهل يحتاجونها)

هاذا الي اعرفه واتوقع انك اكثر خبره مني فيه

عموما اذا كنت مقتنع فيه مع ان الفرق مهوب بسيط بينه وبين الفل كامل (30الف) تجيب لك سياره صغيره (اكسنت2011 اصفار) توقي عنه وتريحك في الديره و المشاوير الخفيفه

انا اقول توكل على ربك بس احرص واللي يرحملي والديك على الجنوط و الكفرات و الداخليه حاول تاخذ مراتب حمر ((ارغب في البيع وافضل شكل))

[أبو مسفر]

اهم شي خذ قزاز كهرب
مهوب كل ما ركب معك احد وفتح الدريشة اللي ورا ونزل تروح ترفع القزاز .

[قائد السريه]

قزاز كهرب في s-glx فقط

[الحائر111]

بدون رفارف

http://www.mekshat.com/pix/upload05/images236/mk44259_0707.jpg


مع الرفارف
http://im11.gulfup.com/2011-11-11/1320998266232.jpg


والفرق =
بدون رفارف يجي مافيه كشافات والجنوط حجمها يختلف انحف
والجناح والفيبر والمراتب متصله

يعني مرغوبه للشركات


هذي سعودية ام خليجية الشطرطون حلو

[طيرشلوى 2]

يا شباب انا عندي هايلوكس 2006 دبل فل كامل سوبر بدون رفارف

[سيف الظفير]

خذلك ابو رفرف فيه عضو


معه هايلوكس دبل رفرف ومركب عليه شد ما شاءالله احسن من الشاص شكله


راااااااااااااائع

[عبدالرحمن....]

ياخوي الهيلكس يكفي انه بدون دبل ترقا مراقاء كيف مفعول الدبل ....انشاء الله اني افدتك

[طير ابابيل]

اشكر الجميع على المرور ووالتعليق واخص الاخوان ..(قائد السرية) و .. (مافيه) .. ماقصرتوا والله
(http://www.mekshat.com/vb/member.php?u=217420)

[شاعر الصغير]

هلا كيفكم وش احسن شاهي للبر والمكاشيت

[شاعر الصغير]

وش اشتري هايللوكس ولا هلي وش احسن

[شاعر الصغير]

من يعرف واحد يبيع خيام مزبوطه

[بدوري7]

والله يا آخوي
اللي بالرفارف رزه بصراحه ومنظره آحلى بكثيررررر


http://im11.gulfup.com/2011-11-11/1320998266232.jpg


ووالله ودي اروح لقطر واطق واحد ارخص بكثير من عندنا
يعطيك العافيه آخوي

[ابوفواز9]

السلام عليكم ورحمة الله وبركاته. اخواني أرجو التكرم بإفادتي عن الاحسن الهايلكس الدبل اوالنيسان الدبل وماهو الفرق بينهما وتقبلوتحياتي