حل قرقعة بيبان الباترول الخلفية بريال واحد ، واسأل مجرب ولا تسأل خبير

[sgl2002]

مساكم الله بالخير

حتى تعم الفائدة للجميع

عندي مشكلة قرقعة البيبان الخلفية في الباترول ربع 2009

طبعا بعد البحث في الانترنت وجدت ان اكثرهم اتفق على المكان اللي تمسك في الاقفال وعددها ثلاث

وحده في الاعلى ووحده في الاسفل ووحده في الباب اللي فيه الاستبنه

المهم اخذت شطرطون بريال وقمت اشرطط على المكان اللي يمسك في قفل الباب

وقمت بتسكير البيبان لكن بقوة شوي لاني كثرت الشطرطون

وبعدها مشيت مع المطبات اللي كنت اسمع فيها قرقعة البيبان

الا وماشاء الله اختفت الاصوات وافتكيت من هالمشكلة

وهذا هو الحل واسأل مجرب ولا تسأل طبيب×

[SAS2]

جزاك الله خير ومحبتك لخوانك مثل ما تحب لنفسك

[0أبومحمد0]

الله يجزاك خير يالغالي

[اوكسجين]

الله يجزاك خير والله يوفقك ويرحم والديك

[مضارب بني حرب]

حل طيب بس مدة حوالي 3 الى 4 شهور انا مجربة وفعال جدا

[ALBDRANE]

بالنسبة للشطرطون سبق وطرح فكرته من كذا عضو ولكن مشكلته أن الشطرطون يتفكك ويتقطع بسرعة ويعطيك صعوبه في تسكير الابواب يعني (لكك ) وهذا يعتبر حل مؤقت وسريع لكن على المدى البعيد مالك الا تبديل القضابات باخرى فيها جلب مثل الي في الابواب الجانبية من أقرب تشليح .وسبق وشرحت هذا الشي في أحد مواضيعي .

شاكر حرصك واهتمامك

[.أبوعبدالرحمن]

الله يعطيك العافية على طرح هذا الموضوع

قبل أسبوع حصل لي قرقعة في سيارتي الباث

وحطيت شطرطون كهرب الاسود وكانت النتيجة

مبهرة لحد الثمالة ههههههههه وفعلا استفدت

كثير وراحت القرقعة وما في مشكلة كل 4 شهور

أطقها لفة على السريع لأن الشغلة ما استغرقت

أكثر من 3 دقايق وشغلها سهل ولا يأخذ جهد

مع العلم أني أخذت هذه الفكرة من هذا المنتدى

ومن أحد مواضيع أعضاء هذا المنتدى الرائع

[لاتكب البيالة]

السلام عليكم
بالفعل هذا اللي طبقته وممتازة جدا
والاخوان اللي يشتكي من تفكك الشطرطون فيه نوع اصلي يباع الفة كبيرة شوي ب 6 ريال عن ساكو لفه وخل نهايته تجاه السيارة ويمسك
اما مشكلة تسكير الباب حط شوي شحم

[GM_400]

بارك الله فيك


حل سهل ومجربه على باب جمس مودل 77 طلع على كيف كيفك وزنيه
بس الشطرطون دايم في الدرج كل 10 تسكيرات يبيلها لفه لأن الباب ثقيل حديد في حديد


شكرا

[@قرناص@]

الفكره مجربه ووممتازه ،،

ولاكن والله العالم تعدم وزنية الباب في المستقبل

[sgl2002]

^^^

هذا اللي اخاف منه بس انت لاتكثر شطرطون

[وليد الشلاحي]

انا كنت الف الشطرطون وماشي الحال ،، بس ارتحت بعد ماغيرت وزنية الباب اللي تجي بدون جلبه اصلا بوحده لها جلبه وقيمة القطعه ٥٤ ريال في وكالة الحمراني بجده ،،
والحمد لله ارتحت كثير .
لاهنت اخوي ع الطرح ،،،،،،

[عشق البر]

انا والله حطيت عليها شحم وبعدها ماسمعت القرقعه لي الحين أكثر من شهر

ومشكورين على الأفكار الحلوه

[المميـز]

:

حل حلو وسهل وسريع للعجل :)

الله يجزاك خير ماقصرت

:

[برق روق]

ليتك ادرجت صور لموضوعك ليكتمل
مشكوووووور ويعطيك الف عافية

[رعد سدير]

جزآآك الله خير ...وان شاء الله بشرطن كل ابو الموتر ..

[ramat]

فكره رائعه جزاك الله خيرا