المساعد الشخصي الرقمي

مشاهدة النسخة كاملة : يا مجرب هايلكس 2006 ( أدخل ضروري ) ....


سفير الجزيرة
13/04/2006, 01:20 PM
السلام عليكم ورحمة الله وبركاته

حبيت أستفسر عن الهايلكس 2006 العادي والدفرنسين ،
هل فيه أحد جرب أو شاف مع رفيف له 2006 ؟؟؟
وهل هو عملي ؟؟
وهل هو قوي ؟؟
وش مميزاته ؟؟؟
أيهم آخذ 2005 أو 2006 ؟؟؟ ( خاصة للدفرنسين ) .
.
.
شاكراً لكم حسن تعاونكم
راعي العالياء
14/04/2006, 11:18 AM
السلام عليكم والله كانك تبي الراحه خذ 2006 بس يقولون ماتصبر زي 2005 تفكك على طول نفس النيسان بس صراحه هو موتر انا جربته ماطول معي والي معي كان ديزل عادي حلوه التحمل علا مااظن انها 2005 يرجال كان بتخذها وطول معك خذ 2005 ولك خالص تحياتي
نــسـاح
14/04/2006, 01:15 PM
خذ 2006 بدون تفكير اعرف واحد عندة دفرنسين هايلكس 2006 غمارة مركب له جنوط فكس ار قديمه ست مسامير وهوبدون رفارف ازين شكل وقوة ورحه وراسي في الخط في التفود ماعليه كلام وشكل ازين من 2005 بس انه يتفكك ماعندي خبر وشكرآ
عـاشق الهلي
14/04/2006, 01:28 PM
أا أقولك خذ 2006 ولا تشاور بس مشكلة في الصدامات فقط يعني الصدام كليبسات مهوب صواميل
ومت ناحية القوه 2006 أقوى من 2005 لأن البساتم حقت 2006 موسعه

أما من ناحية الشكل لا يقولك شكله زي الايكو والا كامري لوكس تذكر أول ما جت الكامري 2003


وشكراً أخوك / عاشق الهلي
راعي الهايلكس
14/04/2006, 02:58 PM
اذا كان دفرنسين خذ 2006
اما دفرنس واحد ابتعد عنه كل البعد
العودالازرقhk
14/04/2006, 04:22 PM
الفين وخمسه افضل كثير من الفين سته بس الميزه الوحيده في السته انه ارخص في السعر
وللمعلوميه الفين وسته كثيرة الاشتعال وذلك لعيب تصنيعي فيها
الأعصـــــار
15/04/2006, 08:57 AM
توكل على الله وخذ لك ألفين وسته رفيقي معه هايلكس جديده غمارتين دبل دفرنش وديزل ماشالله تبارك الرحمن ماتوقعت أنها مريحه
وقويه وجربناها في التطعيس ماشالله عليها تزبن الرجال وبنفس الوقت شكلها هيبه وضخمه بتريحك أحسن من القديمه ولاتنسى تستخير ....
سفير الجزيرة
16/04/2006, 01:41 PM
الأخ راعي العليا

كأني فهمت من كلامك أنك تأيد 2006
شكراً لك على هالمعلومة

الأخ نساح
الله يجزاك خير وأنا مرة شفت 2006 دفرنسين والله إن شكله روعة بعدين تحس إن راكب دفرنسين مهوب مثل 2005 كنه سلوقي تدودل خصاويه

الأخ عاشق الهلي
الله يجزاك خير على هالمعلومة الإضافية ، وفعلاً كامري 2003 أول ما ظهرت كانوا الناس ضدها .

الأخ راعي الهايلكس
الله يوفقك وفعلاً هذي هي نظرتي .

الأخ العود الأزرق
الله يجزاك خير بس كيف كثير الإشتعال !!!؟

الأخ الإعصار
طيب الديزل وشلون عزمه ؟؟ زي البنزين ؟؟
تــــوني
22/04/2006, 08:10 PM
سفير الجزيرة ... سلام عليكم

عندي هايلوكس 2006 دفرنسين بنزين غمارتين له ثلاث شهور معي حتى اني تركت سيارتي الاصلية وصرت اروح واجي عليه حتى في الديرة واذا تبي معلومات اكثر عنه أو تبي تجرب بنفسك ارسل لي رسالة على الخاص وتعال وشف بنفسك
وخل عنك كلام الي ما جربوها والي يقولون انها تقرقع ...

ماني رايح امدح لك بس تعال وجرب بنفسك وخل الموضوع من راسك لراسك

والله يوفقك
الأعصـــــار
23/04/2006, 09:01 PM
شفت هايلكس 2006 غمارتين دبل دفرنش لونها رملي من جد شكلها مسكت
طالعه فخمه .... نصيحه لاتفوتك ..
سفير الجزيرة
25/04/2006, 08:37 PM
جزاك الله خير أخوي الإعصار
أبو عزوز
26/04/2006, 10:36 AM
2006 فيها خلل فني
إلى الآن 4 هايلكسات احترقت وحده أعلنو عنها في جريدة الرياض
و الخلل في اشكمان يحتر بشكل غير طبيعي ومع التحميل يلامس الصندوق من تحت ويشب الهايلكس
إذا تبي شوري غير 2005 لاتدور علما أنا في الرياض وصل سعر الغمارتين glx سبيعين ألف
تــــوني
27/04/2006, 01:16 AM
غريبة يا ابو عزوز يا خي ها الكلام لا اساس له من الصحة والهايلوكس الي شفت صورتها هي مصدومة وشفها في المنتدى

يا جماعة انا ما ادافع عن سلعتي بس الي مجرب غير الي ما جرب

يا أخي الكريم كلم العاقل بما يعقل كيف اذا حمل السيارة يلمس الصندوق

بالعقل
- الشكمان له مساكات في الشاص
- يعني اذا نزل الصندوق ما ينزل الشاص ؟؟؟!!! غريب أمركم
- بعدين اذا فيه مشكلة في 2006 كان نزلت المشكلة من الشركة الأم أو على الأقل في دول الخليج المجاورة
- يا بو عزوز كلم العاقل بما يعقل تايوتا ما يعرفون يسون شكمان ابو يمن في الصناعية يسوي لك احسن شكمان شلون يابان ..
- وبعدين اذا ما جربت اترك المجال لمن جرب
- يضل 2006 متربع على عرش القمة إلى أن يأتي موديلات حديثة افضل
فال الخير
27/04/2006, 01:34 PM
الهايلوكس الجديد

بصراحه وبدون تحيز

ومع احترامي لمن يملكه

يعتبر عار على تيوتا

وهو صناعه تايلنديه تعتمد على الشكل دون ادنى معايير الجوده المعهوده في سيارات تويوتا اليابانيه والكتاب باين من عنوانه


لان اليابان وضعت شروط ومواصفات قاسيه على الصناعه فيها

وعلى نوع الخامات المستخدمه فيها ولذلك زادت قيمه منتجاتها

من ماقلل العائد على الشركات وحداها الى البحث عن الربح

في ضل تقلليل الجوده للمواد الخام والكفائه في اليد العامله
فتى الحوطه
27/04/2006, 01:43 PM
توكل على الله وخذ لك 2005

لان ال2005مصنوعه في اليابان

اما ال2006مصنوعه في تايلند او استراليا والله اني ناسي

توكل وخذ لك 2005
تــــوني
28/04/2006, 03:47 AM
فيه مثل يقول لو لا اختلاف الآراء لبارت السلع
من ناحية الصناعة التايلندية هي فقط للإكسوارات
ولاحظ انتشارة في المملكة وللمعلومية الطلبات الآن زادت على عدد السيارات المتوفرة حالياً لدى تويوتا
وخصوصاً الدفع الرباعي وهي الآن تحقق اكبر مبيعات لعام 2006
وكلن بعقله راضي مع الشكر لك يا فال الخبر وأشكر ذوقك

واختلاف الآراء لا يفسد في الود قضية
عليمي2000
29/04/2006, 10:09 AM
تأييد لابو عزوز
2006 فيها خلل فني
إلى الآن 4 هايلكسات احترقت وحده أعلنو عنها في جريدة الرياض
و الخلل في اشكمان يحتر بشكل غير طبيعي ومع التحميل يلامس الصندوق من تحت ويشب الهايلكس
إذا تبي شوري غير 2005 لاتدور علما أنا في الرياض وصل سعر الغمارتين glx سبيعين ألف
<!-- / message -->
ابو ليان
29/04/2006, 11:48 AM
لاهاذي ولاذي ابعد عن ابو حوصة اامن لك وللي معك تراه غدار ماتدري الا وانت على التنده 000 وشفلك اي ونين 00 نيسان 0 ايسوزوا 00 مستبيشو 00 مازدا000
أبو عزوز
29/04/2006, 12:00 PM
أخوي توني أنت شكلك ماودك تقتنع
على العموم حبيت أعلمك بالي جربنها وجلدنها جلد
بغيت تقتنع بهواك ما بغيت تقتنع برضه بهواك