مشورتكم بالجيب السفاري ياجماعة الخير

[متولع بالقنص]

بسم الله الرحمن الرحيم


السلام عليكم ورحمة الله وبراكاته


ياجماعة الخير اليوم وجدت جيب سفاري اربع ابواب لونين احمر على ذهبي


البدي نظيف الداخليه نظيفه من تنجيد وغيره


المكيف شغال نظيف


القزاز كهرب


القير عادي


الدبل ما شفته للأن قالي نظيف شغال راعيه


المكينه على ما شفت نظيفه


كفرات جدد


جنوط


دعاميه قدام


جناح


كبريتر
الموديل 95
السعر اتوقع غالي


طالب فيه


33500الف


حقه ولا لا ...

[برق روق]

ماذكرت :
موديله,
وممشاه,
وهل هو بخاخ او كلبليتر,

[متولع بالقنص]

ماذكرت :
موديله,
وممشاه,
وهل هو بخاخ او كلبليتر,

تم تعديل المشاركه

نسينا من العجله تفيدنا الخطاء

ماشي حول 70الف او ازود

[المنيعي1]

أذا ممشاه 70 ألف فقط ولاجاه صدوم خذه

[Salamah.y]

ماشاء الله , موديل 95 و ممشى 70 !!
افحص البدي والشاصي اذا خالي من الصدوم , خذه و انت مغمض
سعره طيب للي ناوي يستخدم , مع غلا السيارات ما تلقى جيب نظيف بهالسعر

الله يوفقك بالموتر اللي يطيب خاطرك
موووفق @~

[عاشق السيل]

وعليكم السلام ورحمة الله وبركاته ،،

بصراحة السعر غالي لكن ممشاه مغري ومواصفاته زينة بالحيل ،،

أقولك ..... إذا هو معجبك وداخل مزاجك وناوي تستخدم لا تهمك الدراهم وأنا أخوك وتوكل على الله !!

الله يكتب لك اللي فيه الخير والصلاح .....

[sgl2002]

السعر ماهو غالي حتى لو كان ماشي ٣٠٠ الف

وانا في المعارض دايم وهذي اسعارها واذا تبي تتربح بيجيك ب٣٥ الف

[You Like Me]

مثل ما ذكروا الاخوان
خصوصاً مديلات 95,96,97
اذا نظيف يوصل هالسعر واكثر بكثير بعدد

الاسبوع الماضي في معارض الشفا
انا واقف على باترول ذهبي صالون 95 ماشي 100 الف
وصلوه 42 ولا باع

بالتوفيق لك يارب
واهم شي عليك بالإستخارة
والله يكتب لنا ولك اللي فيه الخير

[برق روق]

اذا البدي والمكينة والمحركات نظاف توكل على الله سعره مناسب بالحيل
واحد من الشباب قبل شهر اشترى باترول صالون 91 نظافته وسط بــ 32 وممشاه واجد
بالتوفيق ,,

[HAS5SAN]

ممشاه يخفف غلى سعره

[العنابي 616]

ممشاه شوي بس إنتبه الجيوب القديمة غالبا عداداته ملعوب فيها أو مفصوله
السعر غالي و لو بتدور بتلقى أرخص و نظافة ممتازة
إذا انت بستخدم و الموتر عاجبك و نظيف لا تخليه لأن النظيف نادر
و أغلبها ملعوب فيها و مستخدمها 100 واحد قبلك

[متولع بالقنص]

الله يعطيكم العافيه لاهنتو يالنشاما

شاكر ومقدر لكم ...

والله يجزاكم خير ..

ولكم احترامي ...

[ابونبيل]

الكربريتر بلا دور لك بخاخ اريح لك

وبعدين الممشا القليل ع السيارات القديمه سلبيه ماهي ميزه لان الوقفه تخرب السيارات او ان العداد ملعوب فيه

[abo naser 1]

تأكد من الممشا والبودي الا اذا كنت تعرف الرجال والموتر الي ماشي 70 يستاهل أكثر بس من نوادر النوادر خصوصاً انه غير حكومي لاتثق في أحد هالوقت

[الرجم النايف]

ياحبيبي والله والله اذا الموتر حسب وصفك له والله انه لقطه اخذه وانت مغمض

[فتاح الجواد]

ماشاء الله تبارك الله موتر يستاهل
والفحص مهم
الله يرزقنا واياكم وكل مسلم من واسع فضله

[التعـ King ـديل]

الله يطعمك من خيره ويكفيك شره

هالموديل وبهالممشى ماتحلم فيه .. اذا نظيف على قولتك وكل شي فيه شد بلد وممشاه حقيقي انت الكسبان

لان مثل هالموتر ماينزل عن ال 40 اذا شد بلد ونظيف ولا جاه صدوم ولا رش وممشاه فوق 100 واقل من 150

[كاشت وحداني]

70 الف ماهي ممشاً
فيه مواتر ٢٠١٠ و2011 عدت ال ٧٠ الف
ادا الممشى صحيح القطه والله يبارك اك

[RW7..ALBDAWA]

اخوي تآكد من ممشآه واذآ لك نيـه تربح فيـه انآ اربـــــــحك فيه لأن اخوي يبيله بآترول