شوركم وهدايه الله...ياليت اهل الخبره والقناعه لا يبخلون [الأرشيف]

مشاهدة النسخة كاملة : شوركم وهدايه الله...ياليت اهل الخبره والقناعه لا يبخلون

هاوي قصيده

14/04/2006, 05:38 PM

السلام عليكم ورحمه الله وبركاته

مساكم الله بالخيرات

عساكم مرتاحين؟؟

يا الغاليين...ابي شوركم في مسأله حاصلتن معي

انا معي جيب جي اكس خليجي (هدد) 2005

ماشي 36,000

جاب لي سعر حلوو..وقلت ابيعه

ولقيت لي موترين..

جيوب شاص..كلهم 2005...وارد ابو جميل

بيج..واحد ديزل وواحد بنزين..

وكلهم ممشاهم ماتعدى الـ 20 الف

وش شورون علي... الديزل او البنزين....ناس شاروني بالديزل علشان الصرفيه..طيب هل صرفيه الشاص البنزين مثل صرفيه الهدد ولا يفرق..واعتقد المكينه وحده

وانا منيب راعي مطاعس ولا شي...يعني مكشات وطلعات للنفود بعض الاحيان..

ولكم خالص الشكر مقدمااا

شبح الصحراء

15/04/2006, 01:25 AM

المكينة تختلف من الشاص عن اللاند وانصحك بالبنزين لأن مشاكل الديزل معروفة وانت في غنى عنها ومحرك الشاص اقل صرفية من اللاند .

خالدي نجد

15/04/2006, 12:50 PM

توكل على الله و خذ البنزين

هاوي قصيده

15/04/2006, 01:39 PM

شبح الصحراء

يعطيك الف عافيه واشكرك جزيل الشكر عالنصيحه

وتقبل مني احترامي وتقديري يا بعدهم

هاوي قصيده

15/04/2006, 01:41 PM

خالدي نجد

الله يلعن اللي مايحبك يا شيخ..

يعطيك الف عافيه عالنصيحه

وان شاء الله اليوم رايح للمعرض..والله يكتب مافيه الخيــر

احتراماتي لك..

هاوي الله

15/04/2006, 10:42 PM

ياهلا ومرحباً تراحيب المطر !!!

لعنبو دارك تخلي الهدد والمطب الزين وتروح للشاص والمطب الشين !!!!!!!!؟؟

شف لك محل تأجير واستأجر شاص وجرب لمدة شهر هههههههههههه = بتجفل وتنحاش منه بتحمد ربك على الهدد ( وانت بكيفك )

بالتوفيق ,,,

salehhd

16/04/2006, 12:24 PM

مدالنظر

16/04/2006, 01:18 PM

انا مع شبح الصحراء

الشاص الديزل (نكبة) بكل ماتحمله الكلمه من (نكبه)!!!!========>>> أسأل مجرب ولا تسأل طبيب(وللمعلوميه انا متأكد أنك تبي تنصدم لو أخذت الديزل ,,,وماراح تصدق الاّ أذ جربت شاص ديزل بنفود ) لكن بالخط ((((الديزل خويــّك بالمحطه فقط!!!!))))

واذا أنت مصمم على أبو شنب

توكل على الله و خذ البنزين

ولا راح تحسف على مشراه أبد ,,والله يوفقك لما يحبه ويرضاه

ــــــــــــــــــــــــــــــــــــــــــــــــــ ـــــــــــــــــ

*ودي أخوي لو تقول لي اسعار الهدد 2005_2006 المستعمل,,,وهل يفرق اللون البيج عن الأبيض واجد ولا لآ_ولك جزيل الشكر*
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
أخوك : مـــــــــــــّــد الــّنـظـر

هاوي قصيده

17/04/2006, 12:18 AM

يا هلا ومسهلا فيك اخوي فتى البران ..

ههههههههههههه

ياخوي انا شاري الهدد لي 7 شهور ..وصراحه مشى معي تمام ولا شفت منه ولا شي..وماشي الحين 37 الف ...وشفت ان السوق اتجه للاند كروزر بالطلب وخاصه 2005 بخلاف 2006

وبيني وبينك جاب لي 120 الف ولله الحمد فهو فرصه للبيع..

اشكرك على النصيحه بس الشاص ما يحتاج تجربه انا جربته من قديم..وصراحه حنيت له..وانا عزوبي ومثل منت عارف الجيب شوي راهي

وانا مابقيت فيه مرتبه الا وشلتها خخخخخخخخ

قلت اخذ لي حوض ازين

وشكرا

هاوي قصيده

17/04/2006, 12:20 AM

salehhd (http://www.mekshat.com/vb/member.php?u=16463) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_405521", true); </SCRIPT>

ياخوي النيسان محدن يمدحه وصرفيه اكثر ومهناش عزم

والشاص منظر وشخصيه اكثر من النيسان ولا يهون من له شف بالنيسان

اشكرك على مرورك يا بعد حيي

دمت بود

هاوي قصيده

17/04/2006, 12:22 AM

هاوي قصيده

17/04/2006, 12:48 AM

http://www.5ymah.net/fm/uploaded/2776/xxxxxxxxxxxxxx.jpgهذي صور للموتر..

صلو على محمد..

مدالنظر

17/04/2006, 01:06 AM

لاهنت ياشـــــــــــــــــــــــــــــــوق البــــنــــت ....
ويعلم الله ان وّدي أفيدك بشي أفهم فيه .:( لكن أنت أبخص مني بالمواتر,,وانت اللي تفيدني حتى وان كنت أنت اللي تستفسر أو تبي شور ...
لكن!!!! يوم شفت عنوان الموضوع ((شوركم وهدايه الله...ياليت اهل الخبره والقناعه لا يبخلون)) قلت ندخل ونقرأ فـقـط قراءه كالــــــــــــــــــــعــــــــــــــــــــــــــ اده :cool:
لكن: كاتب الموضوع أولاً ثم التجربه السابقه خلتني أشارك بشي ودّي والله انه يفيدك لو بشي بسيط.....ولكن بكل الاحوال لـــك (كل الشكر) :good: :) وما قصرت .
**:j أخوي هاوي الله لا يهينك ..تعال تحت الخط ابيك بكلمةرآس :rolleyes:
================================================== =====
*برضه ماقلتلي ياجــــدّي هل فيه فرق بين البيج والابيض بالسعر ولا لآ...........
فمان الله....................................... :D :D :D

مدالنظر

17/04/2006, 01:37 AM

مـــــا شـــأ لله لآ اله الا الله
الله يبارك لك فبه
ويعطيك من خيره ويكفيك شره
وراعيه كفو و يستاهل الزين

تحياتي............

هاوي الله

17/04/2006, 02:51 AM

يا هلا فيك اخوي مد النظر

شرفتنا يا الغالي

وانا شورك وهدايه الله... انشاء الله البنزين...

وجواب على سؤالك... الحين وانا اخوك السوق يطلب لاند كروزر 2005 بكثره والناس تدور اكثر من الشكل الجديد..وما اعرف السبب صراحه

بس موتري جاب لي 120 الف وهذا صراحه سعر جميل

واليحيي هاليومين مسوي تخفيضات غير طبيعيه..وانا انذهلت يوم مريتهم

بس يوم رحت للمعارض لقيت ان القديم يفوق سعر الشكل الجديد...ولا اعرف ما السبب

تقبل خالص الود والتقديرر

واشكرك عالنصيحه ..ومرورك الكريم

السبب وانا اخوك إن الــ 2006 صار دفع رباعي ( غير مرغوب ) وفيه القليل منها نفس الــ 2005 دفع خلفي

يعني الدبل الصغير ( قير ) وليس زررر كهرب (والكلام على القير العادي وليس التماتيك) .

أنا عندي هدد 2006 فل 2 استبنه قير عادي الدبل الصغير قير وليس زرر كهرب .

أنا أتوقع إن هذا السبب .

إن كانك معزم على الشاص ( هياط ههههههههه ) فعليك بالبنزين وبس .

س/ أنوار الضباب الأمامية اللي في الصدام وشلون ركبتها وعند أي محل ؟ وزر تشغيل الأنوار هو زر لحاله أو مثل الفكسار الخليجي يعني في العصى حقت تشغيل الأنوار الأساسية ؟

مشكوووووووووووور ياراعي الشاص ( هياااط ) هههههههههههههههههه .

هاوي قصيده

17/04/2006, 06:12 PM

ياهلا بك يا خوي مد النظر

لي الشرف اني اخدمك يا الغالي وافيدك

اللاند البيج انقطع من موديل 2002..عقبه ما نزل بيج..وهذا المشكله

نزل لون جديد مهوب مرغووب ابددددددددددددددددددددددددد

قريب لذهبي او النحاسي

والا البيج كنت ادور عليه...بس تصدق اعرف شباب واجد يدورون موديل 2002 بيج..وبيني وبينك اغلب الموجود مرشوش يعني لونه اول ابيض او لون ثاني وجايه شي ومرشوش كامل

وتشكرات

هاوي قصيده

17/04/2006, 06:14 PM

فتى البران ..

ههههههه ياهلا بك

والله مالنا بالمهايط...مجرد فكره لموقع مسويه هههههه

اشكرك عالنصيحه..اما عالانوار فانا مركبهن بحايل...

وبالشرقيه اعتقد فيه الشراع يزينها..

ولك خالص الود يا الغالي

ومفتاح الانور مركب سويتش خاص دقمه تسحبها او تضغطها...مكان الازرار الاخاليه عاليسار

وتراها جيده حيل ولا تصرف كهرب ..يعني بالمكاشيت اخليها بالساعات دون دق سلف...
وتقبل شكري

مدالنظر

18/04/2006, 01:19 AM

شكراً ألف أخوي هاوي قصيد (هياااااااااط) :d :d :d
تحياتي.

هاوي قصيده

19/04/2006, 02:23 AM

يا هلا بك والله

وشرفتنا

الدبل الثقيل

19/04/2006, 02:54 AM

جرب الشاص تراه قاسي ومايصلح الا للبر ... لابد للديره سياره صغيره... بعد ذلك استخير ولاتشتري الا خليجي فل ونش وهزاز واللون بيج وجديد و11 سسته وفيه 8 سست بدون رفارف عند اليحيى .. ويقول الشاعر اذا ماغامرت في شرفن مرومن .. فلا تقنع بما دون النجومي..... شويصان عطي الله..

هاوي قصيده

19/04/2006, 10:25 AM

الدبل الثقيل..

قصدك ان الخليجي 11 سسته

والسعودي 8 والا كيف؟؟

اذا لك خبره والمام بالشاص عطنا مابجعبتك علشان نستفيد ولا نتوهق

لا هنت يا الغالي

الدبل الثقيل

19/04/2006, 10:33 PM

السعودي والخليجي يجي 11 ويجي 8 ... الفرق ان ال11 بعمود توازن من الخلف ومايجي فيه رفارف ولا جنوط عريضه... اما ال8 يجي برفارف وجنوط ولايوجد به عمود توازن.. والسعودي ابو8 تلقاه عند معرض سالم القحطاني وشركاه بجده او الرياض.. ومايجي فيه ونش ويمكن فيه هزاز هذا الى الان....وبعدين عندك معارض النسيم فرها زين مليانه... ونصيحتي خذ 11 سسته ونش وهزاز من اليحيى لأنه أرخص وأنا ان شاء الله ناوي لكن بوسط الصيف قبل ماينزل2007 عساها ترخص زود والله يبلغنا واياك خير الدنيا والاخره.... واي استفسار انا حاضر ولو تأخرت عليك..وجزاك الله خير..

هاوي قصيده

20/04/2006, 01:46 AM

الدبل الثقيل يشرفني مرورك..

اليوم اليوم كنت عندهم

ولقيت شاص دفلوك 11 ريشه من اليحيي ..بـ 92 الف بس بدون ونش

مع ونش بـ 96,500 الف

الونش ما احتاج لو صراحه ..

وواحد من الربع يقول احتمال اجيبو لك بـ 88 الف قلت خير وبركه..

واعرف لي كم شريطي يقول اغتنم فرصتك لان باخر الصيف ماراح تلقى...وبالشتا وقريب الشتا راح تصفق التسعين وفوق

يعني ذا وقتو والشاص موديل ما يضرو لا صار جديد

اشكرك عالافاده ..ودام التواصل

الدبل الثقيل

21/04/2006, 03:32 AM

اللي يقول بيجيبه لك ب88 فل ولى وش ... بعدين نصيحه خذ الفل ..اللي خلاك تدفع 88 الف مايضر تزيده 8 اللاف وتاخذ الونش والشفاط..

هاوي قصيده

22/04/2006, 01:00 AM

اللي بيجيبه لي بـ 88 الف

فل ..بس بدون ونش

يعني دف لووك..

ومعذره..وشو الشفاط؟؟

وشكرا

الدبل الثقيل

22/04/2006, 02:15 AM

الشفاط يجي مع الونش ... يكون راكب يمين الدركسون فوق الدفلك..... ويقولون انه تبع الونش .. بدل ماتدوس الابنص عند تشغيل الونش ... الشفاط يعطي بداله

هاوي قصيده

22/04/2006, 03:08 PM

يعطيك الف عافيه يا الدبل الثقيل

نخدمك بالافراح ان شاء الله
تسلم