سؤالين للصقارة

[غاوي تعب]

عندي سؤالين ارجو الاجابة عليها مشكوراً
1 - من وين يتم قياس حجم الصقر أنا أعرف انه يقاس بالانش بس من وين الى وين بالتحديد الدقيق
2 - نعرف ان الصقور يجيها وقت وتقرنس ( تطرح رشها ) يعني يتساقط بس هل فيه مرض معين يؤدي الى تساقط ريش الصقور يعني ريش الصقر يتساقط بسبب هالمرض اللي صابه ماهو بسبب القرنسه ولكم الشكر

[تواق]

اخوي بنسبه لقياس الطير هو يبداء من متون الطير الى اواخر ريش ذنيباه
وعرضه يجبون القياس في وسط الطير ويحالقونه كانهم يربطونه بذللك ياخذون قياسه
وتكون للحرار 18في18
واشاهين 16في16
اما السوءال الثاني ماعندي علم بوجود مرض يسبب تساقط ريش الطير
لكن الاخوان اصحاب الخبره اكيد عندهم علم
ارجوا العذره اخوي جاوبتك بقد معرفتي
والبركه في الشباب اكثر خبره مني
والسلام عليكم

[الخلوي]

السلام عليكم اخوي غاوي تعب

بخصوص قياس الطير اعتقد ما قصر اخوي تواق اما بخصوص طرح الريش بعد الربط او (القرنسه)
يكون عاده نقص فيتامينات او مرض شديد الله يبعدنا معاك والي يقرون عن الأمراض .

والسلام عليكم .

[ابوساسا]

قياس الطير مثل ماقالو الربع وماقصرو

تساقط الريش هذاء نوعين
واحد - اختلال من الطير نفسة يكون عنده اضطراب من قل الهدد وتطييرة ويسمى { اصـعـاد } مثلاً يقال اصعد طير فلان.....هذاء بسيط ان شاءالله يرمي الطير ريشة من جناح واحد اوريشة من كل جناح..

الثاني - مرض يصيب بعض الطيور مرض داخلي ويسمى{ سويرق} وهذاء خطير يرمي الطير اكثر ريشة بدون ترتيب..

[غاوي تعب]

يعطيكم العافيه جميعا ما قصرتوا
الاخ ابو ساسا مرض السويرق اللي تكلمت عنه ما تعرف له علاج لان الطير فعلا يطرح ريشه بدون ترتيب ( يعني الريش يتساقط على عماها )
وياليت اعرف منك او من الاخوان اذا كان من الممكن اني اعطي الطير فيتامينات او مضادات حيوية ما ادري هي تضرة والا لا والصحيح اني ابغى اعطية مضادات وفيتامينات اللي تستعمل للطيور مثل الدواجن الا اذا كانت الصقور تختلف عنها بالفيتامينات والمضادات الحيوية أرجو الافادة ولكم الشكر

[ابوساسا]

الأخ غاوي تعب

المضادات الحيوية تعطى الطير وقت الربطة { المقيض} افضل لأنة الطير بالوقت هذاء يكون في مكان واحد مايغيرة ويكون مكانة احياناً غير صحي..

واذا تبي النصيحة اعرض طيرك على الدكتور في مستشفى الطيور بالرياض افضل واريح للنفس. والدكتور يقرر وش يحتاج الطير من فيتامينات او غيرة والكشف على الطير عند الدكتور امر ضروري وهام عند طلعة الطير من العشة ..

والفيتامينات تعطى للطير الي يكون فية مرض بين مثل نقص الكلسيوم وهذاء امر شائع عند بعض الطيور والأفضل اذا كان الطير ماعلية مرض بين او فية شي الأفضل انة مايعطى شي لأن الكيمويات احياناً تضر اكثر مما تنفع .. والحرص على التغذية الجيدة تغني عن جميع الفيتامينات . يكون العلف خالي من الأمرض والأفضل ان العلف يكون{ بـري} لأنة هو الفيتامين..